影片
港鐵黃埔站 D2 出口, 步行約3分鐘
繼續閱讀
電話號碼
23602193
付款方式
以上資料只供參考, 請與餐廳確認詳情
工人姐姐放假，「無飯食」，試吓呢間，睇吓晚飯小炒得唔得。 揀咗～頭抽乾炒牛河，薑蔥枝竹魚雲煲，馬拉盞炒時蔬（通菜），凍檸茶同啡。無諗住寫呢度，所以呢張相嘅份量係「筆」咗二碗仔之後嘅份量，鑊氣係夠，牛肉都淋有咬口，但雖然係頭抽，但味道偏啖口。$56算ok.真係好耐無叫過呢道菜～薑蔥枝竹魚雲煲，因為好多係炸定先，一係就唔新鮮，呢個一放完睇得出，食材係新鮮整出嚟，包括腐竹，魚雲炸得剛好，脆口但唔油膩，如果味道再『重』小小，就完美.$148馬拉盞炒通菜～放低「啫啫」嚮，有啫啫通菜feel, 因為佢嘅「身價」之高，所以我特別認真去食，第一啖有鹹香味，菜梗食落「脆」口，唔硬，係幾好食，我同女友咁講，佢擰晒頭話，係咪因為個「價錢」，你要咁樣『安慰』自己，筆竟承惠$128，佢話街市買十幾廿蚊食到你⋯⋯🤣諗住慳慳地一餐，承惠$343非一般茶記係指⋯⋯回頭度：6/10
繼續閱讀
一開始叫咗個西多，等咗20分鐘都未有， 追單嗰陣佢話冇油冇得炸西多，要轉 order 😅 咁之後就轉咗叫豉油王炒麵， 佢又上咗個乾炒牛河😅 前前後後搞咗差唔多40分鐘。。。 平時其實都會間唔中嚟食因為都ok， 不過經過今次之後唔會再過嚟🙏
繼續閱讀
知道有間新嘢 走去試下下午茶 茶餐 蔥油豬扒撈丁+ 火腿奄列+ 丹麥牛油烘多士 一上枱見到個豬扒好似好乾 諗住應該唔好食 點知咬落去個豬扒係脆邊 中間完全唔乾 同埋個豬扒唔似出面餐廳成張紙咁幾厚， 出乎意料好食 食得出 醃得好夠味。 佢跟過丹麥牛油多士 好過出面食白麵包嗰D 幾好食， 奄列就一般般啦 個蛋比較熟咗少少 算係有心機嘅餐廳， 杯檸檬茶大杯我鍾意！另外叫咗 厚餐肉蛋治 正正常常 冇乜特別重點見到隔離 有兩三台叫咗乾炒牛河 望到啲河粉幾靚 河粉唔係好粗好厚身嗰種 炒得好似幾有鑊氣 下次會試下.啲阿姐服務態度幾好 環境算企理ok
繼續閱讀