影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
當日中午12:30同屋企人飲茶。食物方面真的很一般，不過都係意料之內。其間落漏咗一份灌湯包，之後詢問的時候，戴眼鏡穿西裝男經理，由於雲遊在外，答非所問。最後灌湯包經過一段長時間的等候，亦都上台。上述的通通都是小事。最令人氣憤的事，結帳離開酒樓之後。遺留了雨傘在酒樓，打電話回到酒樓。女員工：「喂，盈暉」用近乎尖叫的聲量聽電話我：「你好，請問是不是海怡半島盈輝？」女員工：「係呀，盈輝啊」我：「我剛剛在你舖頭飲茶，坐351號枱，漏咗把遮係你舖頭度，可唔可以幫我望一望？」女員工在沒有回覆我的情況下，我依稀聽到佢叫同事去望。女員工：「冇呀，冇你把遮啊」用極其不耐煩呼喝的聲量回應我。當我正想問佢會唔會有其他同事收起咗，不在餐桌旁邊。這位女員工已經cut我線之後我再打電話去酒樓我：「你好，我是剛才在你酒樓遺留了把遮的人，我剛才還未講完你已經cut咗我線」女員工：「都話冇囉」我：「其實你真係唔需要咁冇禮貌同我講嘢」女員工：「乜嘢冇禮貌啊？都話冇你把遮」我：「冇把遮，好閑，但係你真係唔需要咁冇禮貌。小姐，請問你叫咩名？」之後我重複問咗佢三次叫咩名女員工：「我叫XX」我：「請問舖頭是否得你一個叫做XX？」女員工：「係呀」之後佢又再cut我線。見到呢位女員工XX嘅處理手法真係不敢恭維。成件事佢只要扮吓嘢斯文禮貌少少抄低我個名同電話問吓我把遮係乜嘢顏色？講多句，「如果我哋搵到你把遮我再聯絡你啦」基本上成件事已經完結咗無奈呢位女員工選擇咗用最差嘅處理方法配合極度惡劣嘅態度，令到我及我認識的人都會永久Blacklist這酒樓。香港飲食業已經非常之難做，酒樓更加是一個夕陽行業。如果這酒樓的管理層見到都這訊息，你們真心要好好考慮是否容許一個這樣子的員工倒自己米。
繼續閱讀
海鮮九大簋宴 每席＄5988 推薦醬燒乳豬件全體上湯焗波士頓龍蝦（伊麵底）翠塘帶子蒸蛋白/椒鹽金蒜大連鮑魚八寶海皇燴魚翅羹/姬松茸螺頭燉老雞（五席或以上不設燉湯)龍躉兩味: 翡翠炒龍躉球 & 蒸龍躉頭骨腩醬皇年糕炒大肉蟹 2隻濃湯蝦干浸營養蔬盈暉當紅炸子雞瑤柱福建炒飯蛋黃千歲蟠桃12隻/原籠大馬拉糕滋潤甜品- - - - - - - - - - - - - - - - - - - - - - - - - - - - - 食評：🐖乳豬燒都好脆又唔肥👍🏻🦞龍蝦伊麵味道好好👍🏻但用波士頓龍蝦肉就少啲 細舊啲🍲燉湯清甜足料👍🏻🐟龍躉兩味魚肉實淨 魚皮彈牙👍🏻🤎鮑魚用椒鹽整就偏乾啲 揀蒸蛋白可能會好啲🐔好出色嘅炸子雞👍🏻👍🏻👍🏻👍🏻皮好脆但唔肥 雞味好濃 好新鮮👍🏻👍🏻👍🏻🥬菜正常發揮 好足料 好多菇菌👍🏻🍳🍚炒飯夠鑊氣 好香👍🏻🤎馬拉糕鬆軟綿密👍🏻👍🏻超香 好好食！🫘滋潤甜品 陳皮紅豆沙 夠沙 有陳皮香 又唔算太甜👍🏻
繼續閱讀
這差不多是海怡唯一的酒樓，可能唔優做啦。早上平時酒樓樓面已經極少人。等了十分鐘都未有人開茶。當我們揚手叫瘦削身型的男部長開茶，他竟然對顧客給面色兼大聲疾呼說等等啦！！他已經不是第一次對客人不禮貌。我們不想受氣，只有立刻離開。食物方面質素是可以，尤其是叉燒腸，皮薄喊靚，但是點心選擇比其他酒樓少。價錢比COVID前大幅增加了不少，兩人四五碟點心一般要180-200元。當然如果食品質素OK，服務好，就無乜所謂，現在服務太差，我們應該不會再幫襯。
繼續閱讀
今日同屋企人到此飲茶，佢哋內部溝通不足，明明已經開茶位已經叫茶，點知另一個丫姐又拿茶來，就大鬧我地仲叫茶，我地已經吾再出聲，仲系度碟碟不止甘鬧我地，我地見未開茶位就叫佢開張單點野食，呢個丫姐就掉一張單比我地點，點知點完野食，落單后，發現原來系有‘精點心三寶’選，令我地叫貴餐，只是對熟客才服務周到，乜先乜太前/后甘，其他吾熟客叫，視如不見，吾想做甘。各位如果黎食，就要忍受到比丫姐鬧和比貴錢食貴野就黎食啦
繼續閱讀
今日同老爺奶奶，阿爸阿媽飲茶，叫到成枱都係食物，大家都食到好飽，點心上菜好快，不過樓面冇乜侍應，叫左好多次都冇人斟水，最後唯有自己去斟！兒家飲茶越黎越貴，小朋友4歲，都計一位！！！
繼續閱讀
您可能會有興趣的...