盈暉海鮮酒家

營業中

休息中

這差不多是海怡唯一的酒樓，可能唔優做啦。早上平時酒樓樓面已經極少人。等了十分鐘都未有人開茶。當我們揚手叫瘦削身型的男部長開茶，他竟然對顧客給面色兼大聲疾呼說等等啦！！他已經不是第一次對客人不禮貌。我們不想受氣，只有立刻離開。食物方面質素是可以，尤其是叉燒腸，皮薄喊靚，但是點心選擇比其他酒樓少。價錢比COVID前大幅增加了不少，兩人四五碟點心一般要180-200元。當然如果食品質素OK，服務好，就無乜所謂，現在服務太差，我們應該不會再幫襯。

今日同屋企人到此飲茶，佢哋內部溝通不足，明明已經開茶位已經叫茶，點知另一個丫姐又拿茶來，就大鬧我地仲叫茶，我地已經吾再出聲，仲系度碟碟不止甘鬧我地，我地見未開茶位就叫佢開張單點野食，呢個丫姐就掉一張單比我地點，點知點完野食，落單后，發現原來系有‘精點心三寶’選，令我地叫貴餐，只是對熟客才服務周到，乜先乜太前/后甘，其他吾熟客叫，視如不見，吾想做甘。各位如果黎食，就要忍受到比丫姐鬧和比貴錢食貴野就黎食啦

今日同屋企人到此飲茶，佢哋內部溝通不足，明明已經開茶位已經叫茶，點知另一個丫姐又拿茶來，就大鬧我地仲叫茶，我地已經吾再出聲，仲系度碟碟不止甘鬧我地，我地見未開茶位就叫佢開張單點野食，呢個丫姐就掉一張單比我地點，點知點完野食，落單后，發現原來系有‘精點心三寶’選，令我地叫貴餐，各位如果黎食，就要忍受到比丫姐鬧和比貴錢食貴野就黎食啦

今日同老爺奶奶，阿爸阿媽飲茶，叫到成枱都係食物，大家都食到好飽，點心上菜好快，不過樓面冇乜侍應，叫左好多次都冇人斟水，最後唯有自己去斟！兒家飲茶越黎越貴，小朋友4歲，都計一位！！！

話說去friend海怡屋企玩前想飲下茶，個friend話呢間係喺南區之友出晒名差嘅酒樓，百般阻撓叫我哋唔好食。但係抱住嗌少少嘢食先，唔正路先在走嘅心態，照試！服務唔覺差，正正常常咁。食物都唔差，椒鹽鮮魷、椒鹽豆腐、XO醬炒腸粉都幾好食。人均$100頭/星期六日lunch，差唔多啦。我就唔會特登入去食，不過去開海怡想飲茶，其實都冇乜選擇Overall，正路嘅，唔係outstanding 但唔差囉😂😂

一圍8人，$3880加一龍蝦霉，擦子膠魚，西蘭花好fresh未熟，個翅水，沖水紅豆沙，乳豬同炸子雞洗腎，隔夜味雞柳，炸蟹鉗外面不脆最正常係壽包可以話南區，甚至於全港最難食嘅一間酒樓！

尋日五個人去飲茶見識到佢地嘅服務態度首先我啲問佢攞口罩袋個經理聽到即刻話「我啲冇口罩俾你喔」我啲再重複話係口罩袋 佢先慢吞吞去拎之後上點心嘅時候成疊點心放係檯邊轉身就走……..再叫經理攞辣椒油佢聽完轉身去攞仲要講句「我啲得豆瓣醬，唔叫辣椒油」……點咗個白灼牛百葉魷魚魷魚勁大塊叫個經理剪下佢話「我啲把剪刀污糟㗎喔」咁我啲問佢「咁冇乾淨剪刀乜」佢就話得廚房有得剪叫佢攞去廚房剪佢先攞去….可能啲服務員、經理都係等退休吧，但係上得黎食飯，唔該都俾返少少服務啦

晏左起身，早餐時間過左！落樓下搵食，最後兩條友仔入左去酒樓飲茶醫肚可能唔係假期所以人唔多，去到就有位，真係好開心😁😁家鄉煎薄罉薄罉個粉漿開得唔錯，食落唔會軟爬爬同黏口，餡料都算多，鹹香焦脆，香口惹味山竹牛肉球牛肉球咬落去夠鬆軟嫩滑加上有馬蹄同芫荽嘅香味，好食！加埋㴔汁就真係沒得輸金牌流沙包流沙包，熱辣辣嘅包咬落去即刻流曬d餡出黎，沙沙的餡軟綿香甜，食完唇齒留香👍👍實在太流沙食到我手忙腳亂蝦米煎腸粉煎腸粉就普普通通，表面煎得唔夠焦脆

服務態度差到爆的一間酒樓，舉左手成幾分鐘都無人收紙，見離遠侍應行過黎執另一台，誰不知佢執完然後轉身就走，最後唯有自己行去收銀入紙，仲要俾收銀姐姐不屑左一下。食物正常，不會期望太高。

昨天飲下午茶，叫咗一碟肉絲炒麵一個燒賣，埋單多咗十幾蚊，已不是第一次計錯數，收銀员仲好串態度又差，只吃兩樣嘢都可以計錯數，分明就是有意的啊！不知道多少人唔查單就走。希望收銀員的態度改善一下，畢竟酒樓的食物水準是可以的。

媽媽生日，因為肺炎疫情，很多小孩被迫避席，便到附近的盈暉吃頓便飯。由於不是第一次來，對服務餐膳水平也心中有數。服務員的態度很好，大家有說有笑。雖然疫情緩和，政府解除了限聚令，大家都仍戴著口罩。今晚全場爆滿，大概因為是父親節前夕吧！省事省錢，預訂了個12人餐《乳豬全體》未見過這麽大隻的乳豬。乳豬本身ok，可惜乳豬醬太咸。《芹菜百合花枝彩鳳球》很大份量，味道不錯。雞柳很滑，花枝也可以。《琥珀黃金球》合桃很香口，可是太'碎濕濕'。蝦球炸得恰到好處，蝦肉彈牙，肉質結實。《節瓜瑤柱脯》瑤柱很硬，有股怪味。《金湯翅》南瓜做湯底，很甜，有新意。《螺片鵝掌》鵝掌顏色帶灰白，新奇！但味道正常，螺片很軟腍。《清蒸大石斑》肉質嫰滑，吃得出鮮味。《炸子雞》沒有雞味，幸好雞皮脆。《飯/麵》飯炒得乾身，材料豐富。《壽包》蛋黃很硬，味如嚼蠟，蓮蓉反而香滑。《糖水》紅豆沙太稀也太凍。《生果》西瓜切得很好，有少少甜。)

黎到海怡飲餐茶，商場頂樓就是這家盈暉。點心不過不失，叫了個點心拼盤試試，諗住會抵食d，但計返條數原來同散叫差唔多，每樣有d就適合少人食。另外平時都竟然有粽食，都幾特別呀，鐘意飲茶食粽的可以來一趟！睇落呢度街坊生意為主，好卂夕侍應都同客人認識，是人情味呢！

今晚母親節，食食下有穿西裝的經理同收銀並一個女待應因工作鎖事吵架，事後經理同收銀申訴重大大聲講粗口，當時附近有很多兒童，家長都側目，今時今日，佢俾人抄嘅話都係自己攞嚟衰。😡

👎👎👎員工服務態度極差，似70年代既大排擋d服務，上至經理下至傳菜也無視客人存在，選擇性失明失聰一樣😡😡😡。賣單未攞單嚟已經轉埋枱布😑，超趕客的一間酒家。最後張單仲要出錯得離譜，一行5人用膳張單出左我地成55個白飯錢..........膳食也只可以説一般。不推薦

餐具上不齊，茶淡如水，請阿姐加茶葉還假裝聽不清，說來加茶葉就此消失，等了20分鐘還要我們再另外找阿姐，迷你叉燒飯分明是「迷你叉燒」「飯」！ 環境ok ， 侍應態度極差差差差差差。