盛宴

營業中

休息中

第一次到訪這間酒樓，由荔枝角地鐵站C出口一出直行，過了馬路右手边就見到荔枝角懲教署，由懲教署門囗直入到盡頭就到，都好易搵，返而跟 open rice 寫B1出口出就行得較遠。入到酒樓，侍應姐姐好有禮貌招呼我哋，第一個感覺已經很好，之後我哋點了三個小菜，味道也有驚喜！一边食侍應小姐仲同我哋傾左好耐，介紹左酒樓特色的之處。今晚試左小菜味道唔錯，下次會試嘛點心。

一直都聽聞荔枝角懲教署收押房的職員宿舍有間幾好食嘅酒樓，不過一直聽說係職員專用，所以一路都冇試過。但最近聽朋友講原來人人都入得，終於鼓起勇氣，進去一試，亦終於証實真係人人都入得 。從收押所旁邊的小路一直入，右手邊上樓梯就見到。人唔算多，幾清靜。餐牌算幾多嘢揀，見到片皮鴨兩食都係百幾蚊，原本想叫嚟試下，可惜冇晒。所以隨便叫了幾個小菜～其中我覺得幾好食嘅係黃金豆腐磚和椒鹽墨魚花，特別係豆腐磚，估唔到可以炸到咁脆，而且入味，非常香口。其他小菜都唔差，而且價錢算幾平。聽聞這裡可以和酒樓傾，預先訂餐牌上冇的菜式，有啲私房菜feel，有機會要試下～

疫後再慶祝周年紀念，難得相聚，可惜有點人面全非。為了保障私隱，訂了房間，方便大家隨時走動，小組合照和開懷暢談。餐廳有多款套餐，而今晚的菜單則是跟據要求由店家提供。鮑魚及蟶子皇肥美、有鮮味，清酒味道清純，浸泡海鮮別有風味。同是冰鎮的麻醬秋葵也很清爽，可以清清味蕾。很鮮味的燉湯，湯水充滿黑蒜獨有的風味。湯料中的雞腳也很美味。雙拼大蝦不但蝦肉彈牙還各有特色，疍黃咸香，豉油王則咸鮮惹味。扇貝調味適中，蒸煮的火候也算準成，只是扇貝的腸線清理得稍嫌不夠徹底。一字骨炸得酥脆，醬汁亦香甜帶微微橙酸，是不錯的肉類菜式，可惜豆腐的外殼過厚兼炸得有點過火。沙巴龍躉雖然魚味一般但勝在肉厚。竹笙很爽脆，白菜和草菇也很鮮嫩，最喜歡的是芡汁十分薄身和調味適中。吊燒雞的雞皮炸得薄脆，蒜香味不錯，以冰鮮食材而言，烹調算是不過不失。飯與麪上枱之時，大夥已近乎耗盡戰鬥能力。兩款主食均試了一口，飯炒得不錯，飯粒分明有薑粒香氣，伊麵的調味略嫌重了一點。甜品中最清甜美味的是桂花糕，桂圓、桂花及杞子是百搭組合。紅豆沙和小壽桃包則屬正常發揮。

小人從來都未有想過懲教署都有會所，由朋友引路，到訪其中菜廳共晉午膳。點心還未上，就先來兩碟菜。蒜蓉炒菜心的蒜蓉夠香，菜心也是爽甜的，炒得不俗。胡麻醬秋葵的胡麻醬很香麻味，稠杰度也足，不會水汪汪；秋葵軟硬適中，不會食到一口的潺，水準頗佳。輪到點心炸物，炸雲吞是對辦的，然而皮略為厚身。腐皮卷做得脆而不油。蘸點的酸甜汁甜多過酸，但用來沾炸點亦屬合襯。蒸點鳳爪都見到粒粒豆豉，豉汁滑溜，豉味夠濃，鳳爪軟腍入味。燒賣幾大粒，蝦肉爽、豬肉鮮，調味恰到好處。蛋白炒飯一點都不油膩，飯粒顆顆分明，但絕不會過硬。裡面有一些菜心粒、一些菜甫之類的物體，鹹鹹香香，都幾惹味。大家都甚為滿意。

地點比較隱蔽，喺路口一路直行，過了入閘停車場，右手邊有樓梯上，上咗轉左就係餐廳。裝修唔會好豪華，似城大入邊酒樓嘅裝修。仲然係星期六，但因會所只招待職員，所以晏晝食飯都唔會好多人。呢度特色，唔知係咪因為識人，所以可以食到新鮮嘅食材。雞腳好爽口冰鎮蟶子北寄貝蟶子北寄貝好鮮甜，好爽脆，賣相相當靚烏龍茶煙燻嘉美雞一定要說的是那隻雞是用新鮮雞（另外收費），而那煙燻味好出，好味金沙蛋黃焗海蝦🦐新鮮，脆漿好薄，金沙蛋黃好均勻黃金豆腐磚火侯掌握的好，炸得均勻豉汁蒸蟠龍鱔新鮮菠蘿子薑咕嚕肉是用新鮮🐷肉，好味可叫歺牌以外的食物。整體食物質數好味，新鮮，份量足，必定再來encore!

唔好以為要懲教署職員先黎得呢個會所餐廳，其實人人都可以黎食，所以我成日同屋企人黎食，因為CP值真係好高餐廳唔收茶位，每碟小菜份量都唔少，但價錢平過出面啲酒樓同大排檔，而味道同鑊氣一啲都唔輸蝕比出面啲餐廳片皮鴨二食只係百幾蚊，勁抵食，鴨皮燒得又夠脆，只係唔會有個師傅喺你面前切菠蘿咕嚕肉係我次次黎都必點嘅小菜，份量雖然唔算多，菠蘿係用新鮮果啲，每舊肉都係冇骨冇肥肉，真材實料用啲又淋又瘦嘅部位，屋企人都好鍾意食呢度仲有提供碟頭飯、兩餸飯呢啲快餐，而食小菜晚飯仲有糖水送

盛宴@荔枝角嚴嚴夏日，朋友邀請去食冬瓜盅，梗係正！鮮蓮八寶冬瓜盅$168: 一上枱店員分左四小碗，雖然見到好足料，但完全冇左成個冬瓜盅上枱既氣勢，而且冬瓜去左綠色皮，用白色大瓷碗盛裝，完全唔可以叫做冬瓜盅，係冬瓜湯黎材料幾足，有蝦、帶子、蓮子等，湯都好清生，清暑好物酥炸墨魚花$88:冇椒鹽九肚魚，錯有錯著上左墨魚花，墨魚新鮮彈牙，炸漿夠薄，香脆可口🥰蜜餞薯仔牛柳粒$88: 一上枱聞到超香，薯仔外脆內粉，牛柳夠嫩，yummy 😋

回顧過往去食呢間餐廳既時光 真心係唔錯 真係好想再試多次佢d 荷葉蒸飯~除咗佢唔收茶芥加一之外，佢啲小菜都係即叫即整，少量嘅要求佢都可以滿足到你嘅，而且部長有非常之好人，好快都會聽到你嘅叫聲，滿足到你基本嘅所有要求~，呢啲餐廳希望可以第日會開反，而且越多越好囉

有朋友介紹懲教署入面有間酒樓啲野食唔錯，而且幾平，所以今晚一行九人去試晚飯。叫左隻片皮鴨兩食，隻鴨漲卜卜好大隻。起左好多塊皮出黎，粉皮未到我地已經清左半碟。薑蔥桶蠔，好惹味既薑蔥，加上桶蠔本身就大隻，完全入哂味。龍蝦伊麵，味道唔錯，龍蝦都幾厚肉。清蒸魚(唔多記得蒸咩)，魚岩岩熟唔嚡口。吊燒雞，塊皮好香仲要脆脆地，啲肉上哂味同好嫩滑。豉椒涼瓜炒鴨肉，好重豉椒味所以比較咸，但肉都算幾多。咕嚕雞球，個皮唔厚而且都幾脆，唔係太酸。

沒有來一段時間之後，原來已經轉了手，唔怪得人不多，我們點了些點心，想叫飯但只有套餐，仕應說西餐那邊有些飯可以叫，叫我們自己去看，原來這裏分開中餐同西餐的，西餐那邊有炒粉麵同兩餸飯套餐，價錢較平，中菜就較貴。點心普通，不是好好，普通吧，那個咖哩魷魚實在太多醬，异到好結身，一pat pat十分肉酸。紫菜紫米卷，紫菜好淋，紫米好淋，甜甜的，仲有菜苖餃，煎腸粉，芋頭糕，奶黃包，就是沒有很突出的呀！！仕應態度是唔掂的，放下點心好大力又唔出聲的，兇巴巴，另一個就見到客人不是飲茶就馬上拿走枱布。十分不專業！！