盛記粥麵

營業中

休息中

.佐敦絕對是中外旅客🧳 美食探店必經之地｜中西東南西甜品茶餐廳 。集中地.清清地 食粥🥣食麵🍜 也不錯好 🕺🏻盛記粥麵🕺🏻✴️ 優選套餐 ✴️.🟥 粥/ 麵/ 飯/ 腸粉 配🟨 油菜/ 腸粉/ 小食/ 雲吞/ 水餃 配🟩 招牌薏米水/ 冷熱飲品.廢話不多 馬上落單 🙋🏻‍♂️.1️⃣ 柱侯牛筋腩 撈麵 ｜stewed beef tendon & brisket with dry noodle▫️ 蠔油芥蘭▫️ 凍 招牌薏米水 🥤.2️⃣ 招牌狀元及第粥｜signature pig giblet congee ▫️ 蔥花蝦米炸兩▫️ 凍 檸茶🍋#piggibletcongee #cantonesecongee.🗣️ 1️⃣ 半肉半筋牛腩🉐｜蘿蔔一啖一口炆得夠淋 芥蘭新鮮夠爽口｜唔甜去濕薏米水👍🏻🗣️ 2️⃣ 狀元及第粥 夠足料 每一湯匙都係料🥄 肉丸🍡 手打有油脂夠彈牙🦷 蔥花蝦米夠香口｜外軟內脆 讚👍🏻.一般有20-30年 粥麵舖都又舊又暗 地面都會髒兮兮但盛記 ✳️ 長方形內向 一排型座位 ✳️

今日去到佐敦既盛記粥麵，去到要等位，餐廳非常爆滿👍🏻我地叫左個2個優選套餐，首先選擇粥/麵/飯/腸粉一款，另外可以配油菜/腸粉/小食等等，仲有飲品，好抵食我被佢個黃沙豬膶吸引左，一於叫黎試！🥢盛記招牌雲吞麵雲吞大小適中，蝦多肉少，亦唔會好重麻油味，麵質爽口，唔會好重鹼水味，之後我加埋辣油，勁香👍🏻🥢黃沙豬膶腸粉真係要用出色去形容，豬膶可以做到外脆內軟，咬落去一啲都唔柴，一條腸粉入面有5-6塊豬膶😍🥢炸両腸粉炸両好脆而且咬落厚實，唔係空心，加埋麻醬，甜豉油，無得輸個餐我仲配左凍豆漿，食完野飲杯凍野，爽哂😆

狀元及底粥雖然要價$55 ，但係份量超級大！而且裏面嘅料都好多，粉腸，豬腰，豬潤，豬腸，豬肉丸全部各有兩大件。而且仲好爽好彈牙好新鮮，粥底都好出色，超級綿，仲有薑絲好鬼正，如果細食啲嘅人可以叫一碗粥再配吓小食咁樣蔥花蝦米炸两呢個等得比較耐，因為廚房要即刻整，腸粉皮超級滑配埋香蝦米同蔥花，比起普通嘅炸兩提升好多，而入面嘅油炸鬼都超級脆，最後油炸鬼都仍然保持脆嘅質感，而且一啲都唔會有有益味，佢哋旁邊配嘅呢一個豉油係佢哋製食落去甜甜地有啲似煲仔飯嘅豉油店舖招牌薏米水呢個真係有驚喜，果然係對得起招牌呢兩隻字，一般嘅薏米水同佢哋做法完全唔同，佢哋嘅薏米水係會加入薑，所以飲落味道好豐富，而且少甜，入面真係有大量嘅生熟薏米超級好飲！

到佐敦接太座，想快快用餐回家，天氣轉涼粥麵絕對是comfort food，於是再訪盛記。士别不久已成人氣名店，點了兩個套餐分享。蔥花蝦米炸両油條香脆，腸粉皮薄惹味，加上混醬味道豐富。細蓉麵條煙韌彈牙，雲吞皮薄饀靚，加上鹹香大地魚湯，質素不輸給麥字頭名店。蝦球艇仔粥底軟綿，蝦球結實雞絲鹹香十足，還有豬皮魷魚等，粥底綿滑。腩汁菜心爽脆清甜，火候剛好。檸檬薏米水微甜足料，十分解渴。還有甜品桑寄山蛋茶，滋潤一下，大滿足。

近日流感肆虐，我都感冒了😷…今日唔煮飯，叫家人放工返買粥比我食。家人喺九龍返工，所以嚟到盛家買外賣。揀左2個優惠套餐，叫主食就可以用優惠價加購小食、飲品。我覺得佢哋嘅食物幾有驚喜🩷🩵我哋揀咗：黃沙豬膶粥、口水雞飯，配蒜香南乳炸雞雞翼、炸鯪魚、黃沙豬膶腸粉，仲有熱奶茶2杯。好驚喜嘅係豬膶拎到返屋企都唔會變鞋！又厚又好食😋，粥底又綿又滑，調味剛剛好，食完都唔會口渴🩷腸粉即叫即整，好滑、好多餡。口水雞做得出色，估唔到佢估雞好滑！個醬汁辣得嚟好惹味！值得再食👍🏻👍🏻炸物小食都好得！尤其係鯪魚球，炸到好香、好陣牙，唔會好粉❇️炸雞翼就香脆入味。連杯奶茶都沖得夠濃，岩哂我！

傳統嘅雲吞麵食，對 #小秘書 嚟講可以話係一個情意結😉所以每次過嚟 #佐敦，我都會搵個藉口過嚟「盛記粥麵」，享受一吓 #香港原味道😉我哋由 #尖沙咀 #柏麗大道 沿着佐敦方向行，好快就到達目的地！冇諗過未到七點，「盛記」門口已經出現小人龍😅 好彩冇幾耐店員就安排到座位俾我哋。嚟得幫襯梗係要叫返碗 #淨雲吞 先啦。清香撲鼻嘅 #大地魚湯，配以傳統手法包製嘅魚尾鮮蝦雲吞，清甜嘅湯汁，同餡料豐富嘅雲吞一啖入口，風味十足🤤  之後我哋再叫咗個「粥餐」同 #蠔油炆冬菇 兩份食😉 熱辣辣嘅 #生滾及第粥 夠足料，漏晒油嘅 #黃沙豬潤 口感爽滑，自製嘅肉丸味道鮮甜又彈牙，再配埋啲 #粉腸、#豬心… 混埋綿滑嘅 #生滾粥 一齊食，口味夠晒豐富🤤 配套餐嘅小食我就揀咗 #炸鯪魚球，師傅將鯪魚肉打得好有膠質，即叫即炸嘅鯪魚球，外皮酥香，新鮮嘅魚球跟醃製過嘅蜆蚧味道亦相當匹配，難怪我每次嚟幫襯都必定嗌佢🤤 到最後再配埋一杯凍豆漿，入口冰涼，呢餐真係好爽呀🤤🤤 📍 盛記粥麵 (佐敦) 白加士街11號地舖

今日在佐敦行街，想簡單食個晚餐再回家，走入了盛記，食客好多，好熱鬧，證明這間店舖的人氣。水餃雲吞雙拼撈麵$54水餃同雲吞皮薄，豬肉、蝦既比例剛好，多蝦，爽彈，餡料豐富，落湯底充滿大地魚的香氣。麵質入口爽彈，沒有強烈的鹼水味。牛肉腸+$30腸粉皮夠薄，內裏牛肉透視出嚟好靚，入口腸粉非常滑，加上足夠熱度。艇仔粥$42一望碗粥認真足料，魚片、魷魚、魚肚、肉絲份量都好多，粥底夠熱又綿，加埋胡椒粉，碗粥香噴噴。炸鯪魚球+$34外相吸引，入口惹味彈牙，炸得好香口，鯪魚肉鮮甜，帶果皮蝦米香氣。+$6 熱豆漿豆漿香濃，真材實料。+$14 桑寄生蓮子蛋茶隻蛋好香又入味，桑寄生茶甘甜滋補。

要吃香港傳統式的廣東雲吞麵和粥麵店和即叫即製的炸兩，盛記粥麵乃不二之選。午飯時門外往往有人排隊，旅客亦絡繹不絕。其雲吞麵永遠是我家老人家的至愛，往往把麵和雲吞掃光。麵爽雲吞內的蝦新鮮， 惟我略嫌盛記的湯鮮味不夠濃。相信湯若更濃更鮮甜就滿分了。與盛記相比，老人家則批評家附近的麵店麵硬，最終連半碗也吞不下😅。盛記的紅油鮮蝦水餃和炸兩永遠是我的至愛。紅油的辣度合我口味👍👍👍👍👍，每次吃後都大滿足。包炸兩的粉皮不厚剛好，油炸鬼脆而不硬，正😋😋😋😋😋。盛記的炸兩可能是香港數一數二好食的炸兩，即叫即製，後來才得悉原來包炸兩的油炸鬼仲可揀不太脆的😅。豬手更一讚，非常稔，蘿蔔從來沒有根，惟只得4件。喜歡吃蘿蔔的的我，若加多兩件，就 perfect了。坦白說，若葵廣的孖寶車仔麵的蘿蔔值100分的話，盛記的值85分，尚欠少少稔度😅!唯一略嫌盛記的薏米水味道較稀和淡，與在星加坡和馬來西亞飲的比下去了!  其豬潤腸粉很多時很快售罄，下次必試! 要特別讚賞的是工作人員特地幫我老人家剪碎長長的麵條，讓她更容易吃👍👍👍👍👍!得知盛記最近於旺角開了分店，更光猛更企理，有機會必定支持! 

食了豬軟骨飯，雲吞水餃河，意米水等等……豬軟骨唔錯，很腍，幾好；雲吞水餃都好正，好食，不過不知是否出名的是麵，而不是河粉，粉質勁勁勁嚡熠熠，而且碎濕濕，無條長，是食過最差的河粉；意米水香濃有薑味，正；職員表面態度ok，實質要杯“水”是可用“吝嗇”來形容，男職員同女職員應完你，都係唔會俾，一次又一次問都一樣，係唔會俾你，其實唔俾或無水供應可直接講，我唔再問，也不會給差評語，但不要騙我，表面說“好”，實質彩你都儍，所以很失望。原本一食雲吞水餃就想寫好好的食評……

推介《自選套餐》, 叫一碗粥/麵/飯/腸粉就可以優惠價追加小食同飲品, 價錢親民又抵食！今次見多人就買咗外賣返屋企食～𓌈⸝⸝ 蘿蔔柱侯牛筋腩 牛腩炆至軟腍, 口感滑得嚟又帶點韌性, 好入味, 膠質滿滿的！白蘿蔔清甜又冇渣, 同充滿腩汁嘅牛筋一齊食, 好滋味！𓌈⸝⸝ 盛記招牌雲吞麵幼麵份量多, 麵質爽彈, 冇鹼水味！一共有4粒蝦肉雲吞, 粒粒飽滿, 皮薄餡多, 蝦肉爽彈, 同豬肉嘅比例啱啱好！𓌈⸝⸝ 蒜香南乳炸雞翼拼炸鯪魚球各有兩件, 炸得幾香口～🥤招牌薏米水推介👍🏻 加入蜜棗、薑🫚、薏米一齊煲, 每一啖都食到薏米, 又唔會好甜, 仲有好香嘅薑味！

在佐敦附近做完健身，想買點輕巧外賣醫肚，於是幫襯「盛記粥麵」。它們的粥/飯/麵優選套餐，菜式多樣，十分豐富吸引。我叫了雲吞撈麵及蒜香南乳炸雞翼拼炸鯪魚球，味道的確不俗！雲吞撈麵的靈魂在於雲吞的餡料和麵條的質地。盛記的雲吞餡料由新鮮蝦仁和豬肉製成，配以香蔥和調味料，口感鮮嫩，味道濃郁。而它們的麵條煮至剛好彈牙，每一口都能品嘗到香醇醬汁的味道，與雲吞的口感形成絕妙對比，令人回味。而蒜香南乳炸雞翼，雞翼外皮金黃酥脆，雞肉吸收濃郁南乳豆香，賦予肉質更嫩滑的口感，咬下去的瞬間，香氣四溢。炸鯪魚球則用新鮮的鯪魚肉製作而成，外皮酥脆，內餡鮮嫩，咬下去感受到魚肉的鮮甜，令人印象深刻。至於飲品我要了熱薏米水，清爽可口，能夠中和炸物的油膩感。薏米水的香氣淡雅，口感滑順，喝下去讓人感到舒爽。盛記粥麵 (佐敦)地址：佐敦白加士街11號地舖

佐敦真係好多好嘢食，港式粥粉麵都有唔少，除咗人氣網紅店之外，都仲有啲比較本地店食！但我嗰日都見到外國人嚟試！今次第一次試及低粥，係佢哋嘅招牌之選，我就唔食粉腸嘅，就走粉腸。我覺得佢哋嘅粥底好夠味，而且超大碗，一個女仔完全食唔晒！鍾意佢哋嘅蝦球同埋豬潤，幾好食！ ！小食叫咗炸兩，佢哋嘅炸兩比出邊細條，所以份量都好細，油炸鬼都算脆，腸粉皮還可以，都幾滑嘅！飲品嗌咗桑寄生蛋茶，第一次飲，未試過幾特別，雞蛋就普通！

姐姐是雲吞麵控，最近在關注組看到很多人大推盛記粥麵，所以決定來她試試。店內的食客非常多，基本上就是滿座。優選套餐挺抵食，凡點選正價粥/麵/飯/腸粉 (任何一款)，就可以以優惠價另配指定油菜、腸粉、小食及飲品。盛記招牌雲吞麵雲吞皮非常滑口，皮薄餡足，感覺結實，鮮蝦爽彈，麵質彈牙，湯底不會過鹹，推介。芥蘭特別要求加了腩汁，即時鮮味十足，芥蘭爽口無渣，讚。柱候牛筋腩麵牛腩及牛筋份量多，牛腩非常軟淋，一點都不柴，牛肉味突出，牛筋滑溜，有黏黏的膠原感。美味黃沙豬潤粥粥底綿密香滑，入口有米香，豬潤份量極多，口感又粉又嫩，非常爽脆，巨好吃。招牌薏米水及凍鴛鴦薏米水超讚，入口有淡淡薑味，甜度適中；凍鴛鴦正常發揮。

位於佐敦❣︎盛記粥麵❣︎主打食粥，粉，麵飯。一進店已經聞到好香嘅雲吞麵味🤤佢係我近呢幾年食過最好食嘅雲吞麵👍🏻食客不停人來人往，店員招呼周到，充滿人情味嘅小店，超推薦比大家🫶🏻❣︎優選套餐❣︎主食+小食+飲品♥︎盛記招牌雲吞麵♥︎$41🌟必食推介😋湯底用上大地魚湯🐟👍🏻湯底清鮮，麵質爽彈無鹼水味，雲吞皮薄餡料足，蝦肉爽彈，肥肉甘香，超有水準。♥︎蠔油菜心♥︎$21菜心脆綠鮮甜，份量多。♥︎養顏桑寄生蛋茶♥︎$14有呢款糖水加配好有驚喜😋👍🏻唔太甜膩，又可滋補潤肺，好過飲汽水👍🏻👍🏻♥︎香茅豬扒飯♥︎$52豬扒香嫩多汁，有淡淡香茅味，超好送飯。

一直愛食雲吞麵和生滾粥，可是有質素的不常遇到，今天就來到佐敦試到一間人氣街坊排隊粥麵店，感覺真是有驚喜，難怪它客似雲來，店員都做到無停手。優選叫個優選套餐，粥粉麵飯腸粉可以優惠價加配小食及飲品，數十元就可以有個令人滿足的晚餐，而且無收加一。豬潤粥$47 +$13手打肉丸生滾粥粥底綿密香甜，手打肉丸夠鮮嫩，不會太實又不會太空虛，豬潤大大件爽嫩無渣，有補血作用，這個粥無論粥底或材料都份量十足。牛肉腸$30(加)外皮薄薄的，質感柔軟滑溜有米香，內裡的牛肉口感實在，像牛肉餅，牛肉鮮香而脂肪較少。蒜香南乳炸雞翼$34(加)新鮮熱辣炸起，忍不住立即咬一口，外皮酥脆，內裡雞肉柔嫩，咬下去時肉汁四溢，蒜香濃郁，加南乳更惹味，鹹香適中。凍薏米水($3)非常足料的薏米水，而且落了很多薑煲，有驅寒作用，薏米粒粒好多，薏米水質感濃稠。雲吞拼水餃麵$44傳統雲吞麵的樣子，雲吞和水餃放在麵底下，試一口麵，好爽的口感，超讚，湯底有大地魚及麻油香，雲吞及水餃皮薄餡靚，雲吞蝦隻鮮爽，水餃比雲吞大隻有水耳和筍絲作料，做出了傳統的味道。