祥興咖啡室

營業中

休息中

好多年無去。今次去懷舊一番，感覺很好。室內的佈置，也有留下一些舊有的裝置特色.如汽水冷櫃，牆上的鐘，明星的簽名，舊時的通告牌，地下磚仔等。。。我們點了一個豉油煎荷包蛋午餐肉飯,凍鴛鴦，港.式熱奶茶，當然一定要食的蛋撻。蛋撻新鮮出爐，熱辣辣,蛋漿鋪滿個蛋撻, 酥皮非常香一層層，非常好。我們又想食花生醬西多，但因是午飯時間，無供應，要等到下午兩點半才有。我們便等了四十分鐘才食到！也可以。不過一定要食的當然的蛋撻和菠蘿包.

今日跑馬地見客正好午飯，來到祥興咖啡室被門口的懷舊吸引了，我們便推門內進。迎面而來的男店長好有禮貌叫我先量體溫再招呼我們卡位雅座。男店長非常詳細介紹今日午餐然後比空間讓我們考慮。🥛凍鴛鴦這個凍飲杯是兒時用來裝紅豆冰的久沒見過了。☕️熱鴛鴦奶茶有錫蘭紅茶香，咖啡有咖啡香各執其位，兩者份量恰到好處，正所謂茶香奶滑好喝。🥢咖哩雞飯 $59咖哩香氣四溢，椰汁味不多汁底甜微辣惹味餸珍珠飯一流。🥢南洋叻沙湯米 $52配炒滑蛋牛油多士😋魚片爽口彈牙，叻沙湯底比較重咖哩粉味。👍滑滑有蛋香。🥳新鮮出爐熱辣辣蛋撻 $8不得了蛋香幼滑不太甜，千層酥皮鬆香可口，真心回味無窮。😍😍整體蛋撻同鴛鴦最出色。👍

好耐冇去過行山，今日消耗咗成五百幾卡路里，梗係要獎勵吓自己，朋友今日介紹咗我嚟呢一間茶餐廳，我上網睇啲人話佢嘅紅豆冰唔錯，可惜嚟到嘅時候已經賣晒，唯有試吓佢杯凍鴛鴦，朋友考試一百分所以請大家食蛋撻，非常之幸福，唔使錢嘅蛋撻特別好食嘅，今日出爐嘅菠蘿油都好好食，嗰個牛油簡直係超邪惡嘅美食大家如果有機會去跑馬地度行山不妨去依間度試吓，人多可以嘆番一杯食返個包過返個優哉嘅下午

人生第一次寫食評，食物質素OK但係啲服務人員工作態度好似全世界欠左佢哋咁，沒有禮貌呼呼喝喝，眼神串串貢⋯⋯而家疫情期間，叫你搭枱嘅時候中間亦冇膠板間住，只是裝修懷舊食物風味都係普通茶餐廳，唔覺得佢個菠蘿包特別出色

咁啱係跑馬地附近搵野食，見到佢地餐廳門面唔錯，懷舊風格而且應該有唔少名人幫襯過（牆身好多簽名），所以就入左去試下。先唔講佢地食物質素點樣，服務態度真係差到核爆。帶眼鏡果位侍應一直用不耐煩嘅語氣回答你問題＆幫你落單，餐牌有大部份野都唔知幾時有得叫（有d寫某段後供應但係叫果陣先知道無），坐到食完都唔會主動比杯水你，一來一回令你咩mood都無曬。當你比佢地見到你d食物就食完，佢地就會不停埋黎想收走你d野，十足十趕客咁，仲要講d客閑話（好心就等人走左或者細聲d講啦）。總結一下，價錢可接受但食物質素同屋企自己整差唔多，同較美觀嘅餐廳環境形成巨大落差。重點係服務態度令到用餐體驗極差。

以前都偶爾去幫襯，但今日同朋友去食嘢，絕對唔係繁忙時間所以當時冇乜人，但D伙記好似全世界欠左佢哋咁！坐低左連一杯水都唔俾，黑口黑面不特只仲要叫佢哋落單， (個位四眼高大哥哥仔) 扮睇你唔到，但又唔係有嘢做！好似行 catwalk 咁！十問九唔應。之後我哋見叫咗個菠蘿油好耐都未到，咪問吓另一位伙記，睇吓張單又係唔出聲又走咗去！呢D咁嘅茶餐廳如果唔鍾意做街坊生意，咁就唔好開係平民百姓生活嘅地方。去將軍澳電視城又或者去九龍灣展貿開鋪，淨係招呼娛樂圈D人攞簽名做牆紙囉！啲嘢依家又唔係十分之好好食，水準又降低，態度又極其差。其實佢一間餐廳除咗啲食物之外，啲員工嘅態度都好重要囉！之前有疫情嗰陣時候，啲態度都好啲嘅，而家生意好返啲就咁，真係好趕客囉！

電視&電影場景，懷舊味道濃厚，別忘記預留少少時間排隊等位，卡位ok同樣不算闊落，但仍可以一邊食一邊傾計，環境不算嘈吵，名物是西多士丶蛋撻丶菠蘿油，但由於蛋撻已售罄，只可以食西多士及菠蘿油😘

去開跑馬地，專程幫襯經常有明星嚟食嘢嘅祥興咖啡室。今日一入去，環顧四周，都見唔到明星。😆😆😆😆😆唯有乖乖入座食嘢算。佢啲早餐款式真係咁耐都冇轉變，好在我個人都比較詳情，照舊嗌左我最鍾意嘅叉燒湯意粉 + 菠蘿包及煎蛋🍳。佢嘅早餐有維他奶可以選擇，都叫幾特別。不過今日喉嚨唔係好舒服，叫咗熱檸水。叉燒湯意粉，上面啲叉燒個份量好足。可惜菠蘿包就好普通，一啲都唔脆。🥲煎蛋都係即煎嘅，熱辣辣。其實做得咖啡廳室，啲麵包真係靈魂嚟㗎，希望佢會有所改進啦！

跑馬地食野 其實都無咩平同抵食既地方不過個人黎講 佢係我心目中既第一位環境方面：懷舊 港式 有人情味 地道價錢方面：跑馬地黎講算係好抵食 lunch都係$5x-$6x雖然係一D好普通既碟頭飯 不過我就覺得幾有誠意 米都用左珍珠米 份量又夠多奶茶雖然未到講驚人同優秀 不過絕對好過好多茶餐廳最後一定要提既係佢既蛋撻我本身唔鐘意食蘇皮既蛋撻見佢幾靚仔 就叫個黎試試8蚊雞 大大仔 熱辣辣蘇皮唔會太油 蛋醬有味 唔會好甜我覺得係必食我講好多其他食評講到間野好差咁我真係要幫佢平一平反大佬 跑馬地 50-60蚊食個lunch你想要咩質數呀🤔

作為喜愛飲奶茶的人，星期日走到跑馬地，就是為了品嘗這間小店的奶茶。這間的奶茶，無論凍或熱都同樣出色！！！當然，個人覺得凍奶茶比較好味！！！ 配上菠蘿油或咖映厚多士就更住佳！！！個人十分推介這裡的菠蘿油！菠蘿油上枱時，外皮仍然保持香脆，使我想太子金華的菠蘿油。另外，這兒也合適外區人入去，因附近有大量的泊車錶位， 基本上星期日入去就一定會有位 。不過要提一提，這間小店很早就會關門，若要品嘗，就不能太晚去了。

今日去開跑馬地，喺附近搵間餐廳，見呢度好懷舊feel, 就選左呢度，攞左飛後等了若10分鐘，就有得入坐，剛過了早餐時間，就點了個常餐。常餐 — 火腿炒蛋牛油多士隻蛋好靚半生熟咁，見到都流口水，火腿厚切，感覺很好，唔係薄薄一塊的叉燒通粉，可轉米粉、公仔麵，湯底似普通清湯咁，無乜特別，份量比較小，叉燒還不錯既，整體普普通通不過不失咁啦。再配一杯熱檸檬水環境： 被安排坐到角落位，好熱，一路食一路標汗服務態度：無服務都算，態度真係比較差，由攞飛到入座都係呼呼喝喝，食完去比錢，收錢位阿姐粒聲唔出。。。

傳統茶餐廳食物質素就有少少名不副實🤔去親茶餐廳都想試茶走，呢杯太甜同無乜茶味菠蘿包ok，算幾靚，芝士蛋就無加到分，可能要就咁包/菠蘿油好啲豬扒蕃茄湯面蕃茄湯底有驚喜😋真材實料有薯仔紅蘿蔔etc 係真正蕃茄熬出黎嘅甜😋公仔麵煮得太淋，豬扒都係無特別蛋撻、雞批最大問題係已經唔熱😕否則個撻皮/批皮算酥化蛋漿無乜蛋香☹️

一般出品，超貴價錢，九流服務態度想去試吓這間老牌茶記，叫咗懷舊西多熱咖啡和鴛鴦+豬扒波羅包，咖啡鴛鴦屬正常水準，甜度多咗D，可能煉奶放太多，西多士有點薄，唔夠香，麵包內的醬唔夠多、收得咁貴應該對客人大方D，豬扒包就不知所為。波羅包不熱，皮唔夠脆，豬扒又薄又有騷味，係咪可以做好D呢，價錢就收都加零壹，服務態度真係同一般出咗名的老牌港式餐廳一樣，冇禮貌，冇招呼，唔在乎客人回不回頭再幫襯，感覺生意已經夠，多你一個唔多，少你一個唔少的心態

呢個唉其實唔係比呢間餐廳嘅，而係比我嘅😩自己又唔做功課，人哋公眾假期休息呀。又唔想去附近求其揀間，想搵另一間大排檔又揾唔到 ，唯有搵間懷舊冰室啦！其實佢翻新左唔算太懷舊。已經下定決心要食佢嘅招牌蛋撻、菠蘿包同埋奶茶 ，只係猶疑飲凍定熱嘅奶茶，因為已經行左好多路出晒汗，suppose係應該飲凍奶茶嘅⋯因為我堅持唔可以飲凍野，除非嗰度冇冷氣🤪總結係菠蘿包冇乜特別，同我出面食$3.5一個冇乜分別，呢度要$8酥皮蛋撻都算好味嘅，係遺憾我嗌早咗，應該等杯茶嚟咗先嗌，啱啱見佢有一盆熱辣辣攞出黎，雖然我食嗰件都有少少少暖嘅。價錢偏貴嘅一間冰室，因為坐落跑馬地，同埋因為好多明星幫襯過囉！

話說10年都唔嚟一次跑馬地今次黎得就特登喺OpenRice search下有啲乜嘢好嘢食，見到呢間冰室都算幾多人推介，就嚟碰吓運氣晏晝時間唔算多人等位，好快就可以入座<超級餐蛋麵$60>超級餐蛋麵有沙嗲牛、餐肉同埋雞蛋，老實講$60 個公仔麵就真係有啲貴啦不過呢質素都算唔錯嘅，出前一丁唔會煮得太淋，餐肉都係有質素嘅豬仔牌嘅餐肉，煎蛋就正正常常咁啦<肥豬餐肉煎雙蛋公仔麵$45>呢個公仔麵同埋超級餐蛋麵就係差左個沙嗲牛肉本人唔食牛肉，所以都冇咩所謂，不過公仔麵唔係有出前一丁味道就差咁啲Overall來講食物質素中上，不過價錢有少少貴