禾彩日本料理

營業中

休息中

屹立香港仔好多年，前身係叫福緣，認識或者幫襯過的話相信住喺香港仔最少都有20年；對於日式食品來說未算多元化，未算係什麼都有，但勝在街坊生意平靚正！好食唔好食見仁見智，但係食材非常新鮮！見到一班員工都好忙碌，除咗要招呼堂食客人，外賣都做唔切！我最鍾意食佢哋嘅燒物同埋刺身，雖然禾采多年來被行家惡意批評、攻擊但都客似雲來，但總是敵不過瘋狂加租！真係好可惜！所以我要喺禾采結業前食盡餐牌上的美食，希望老闆休息一下之後，再喺香港仔東山再起！

有一日心血來潮行過南區，諗唔到晏晝食咩求其入咗一間日本餐廳食😂點知原來都ok wor當日lunch menu 揀咗一個魚生飯，同埋鰻魚蛋飯，套餐有送麵豉湯同小食，揀咗特選刺身(有兩片帶子、兩片三文魚腩同甜蝦)魚生飯嘅三文魚同帶子都新鮮，但係蝦同貝類就麻麻哋，整體嚟講都OK嘅鰻魚蛋飯味道偏甜，有好多洋蔥正！鰻魚個肉質都OK唔似放咗好耐，感覺熟食好似比較好。如果下次再經過應該都會去食，但係特別去就應該唔會。

呢個係我最鍾意食嘅日本料理，三文魚壽司新鮮又大件，咬落去肉質滑嫩，帶子壽司同樣係一絕，口感滑滑，味道好得意。和風牛肉烏冬牛肉嫩滑，配上彈牙嘅烏冬，每一口都令人滿足。再加上年糕外脆內軟，食落非常舒服，真係好好味。軟殼蟹手卷和鰻魚壽司正常發揮，都好好食。總之，呢個日本料理真係無得輸，每次食都令我心滿意足！

如果住南區和香港仔，應該好多街坊朋友都試過，我記得堂食試過一次，通常以外賣為主，通常放工途中前用open rice 落左order（20mins 左右） , 返到香港仔都準時地有得囉⋯⋯點解會揀佢地，因為歷史悠久食慣有感情，同埋真心新鮮大件抵食好食… 次次都冇失手….通常手卷會推介軟殼蟹和香蔥三文魚….壽司其實隻隻都ok, 推介三文魚、帶子、花之戀、甜蝦….我兩個人都常外賣叫$250-$280左右已經好夠好飽吖.

今次lunch time 時間喺香港仔附近喺香港仔數一數二好食既日本料理一定有禾彩份～Lunch time 時段有飯/拉麵套餐跟餐可以簡多個小食我就簡左個細刺身壽司方面叫左三文魚，甜蝦，帶小三文魚好大好鮮甜，呢間既三文魚係我唯一一間食過覺得鮮甜又好食既三文魚！甜蝦好大隻，帶子都好大粒，食落全部都好新鮮！呢客海膽好似$158！又多又好食！食落去都食到鮮甜味！呢個價錢絕對無得輸！疫情期間已經停賣左幾年，聽到有賣番即刻未睇價錢照order！日式牛肉鍋，湯底好飲，牛肉好食，入邊啲配料有菜有豆腐有菇！都係咁好食蒲燒鰻魚蛋飯，原條鰻魚，滑蛋炒洋蔥，一樣一流！

街坊小店定時定候都會幫襯最愛佢嘅魚頭鍋同泡菜鍋街坊嘅價錢，人情味嘅服務，絕對足料泡菜三文魚頭鍋最欣賞佢嘅係除咗份量絕對夠，仲有炸到啱啱好嘅魚頭每次去除咗主食，另外都一定會再叫刺身或者壽司

大家街坊香港仔。你卻在我東。行路嫌遠。坐車太超。考慮交通。一直好表現。日菜最佳。曾經很紅火。以為不倒翁。平民皇宮。今晚有枱空。而且九折推廣冀成功。服務員。很努力。笑容卻不及初衷。仍然有團火。恐告終。三文魚。沒有油脂化在口舌中。帶子太薄切。不敵風。其他刺身都一般。比連鎖店心紅。吉列炸蠔好好味。有炸工。尺寸太細攝牙縫。鯖魚味無窮。稱英雄。挑骨頭。眼矇矇。炒雜菜和豚肉鍋。基調相同。豚肉沒味。廚師發夢。黃芽白。出人意表。不共融。本來無一物。死充。今晚胃口麻麻哋。幸好月玲瓏。

禾彩係我同屋企人經常幫襯的日本料理餐廳，最喜歡佢嘅刺身好新鮮。今日叫咗外賣回家慢慢嘆，海膽壽司嘅海膽份量好足料，花之戀和三文魚壽司嘅三文魚超肥美又大件，基本上晚餐食完呢幾件就好夠飽

間中經過香港仔都會黎呢間禾彩到食，每次都係都係食佢個雜錦刺身飯。雖然近排加咗價，但仍然有好高嘅性價比。個雜錦刺身飯，有三文魚，墨魚，甜蝦，赤貝同墨魚，而每樣都有三片。因為佢人流多，去貨快，所以啲刺身係幾新鮮。

首先是高CP值的配菜刺身。日本料理作為一種國際知名的美食，有著獨特的風味和口感，在配菜和刺身方面也有著獨特之處。如果餐廳的日本料理能夠提供高CP值的配菜刺身，那麼就需要餐廳在食材的選擇和烹調技巧上下功夫，讓客人享受到美味的菜品。環境一般的問題。環境是一個非常重要的因素，可以影響客人的用餐體驗和就餐感受。如果餐廳的環境一般，那麼就需要餐廳改進裝修和清潔，提高用餐環境的舒適度和整潔度。總體來說，平價日本餐廳配菜刺身CP值高，但環境一般。如果餐廳能夠改進環境和服務質量，就可以提高整體的用餐體驗。如果你對環境要求比較高，那麼可以選擇其他更加舒適的餐廳，但是如果你只是想要享受美味的日本料理，那麼這家餐廳仍然是一個很好的選擇。

相信住喺香港仔嘅人都有食過呢間小店🍴算得上係香港仔嘅平民日式餐廳吧，嘢食好食得嚟，又唔貴，食材又夠新鮮，簡直係物超所值💚平時食開都要等位，齊人先入得！今次可能落雨☔️唔洗等，直接入座😲推介☝🏾🍲三文魚泡飯🍣三文魚壽司

呢間餐廳一向都好受歡迎，如果遲過12:30pm到達就要排隊等位了。是日我同同事係12:30pm前到達，於是就避過左排隊等位呢一個環節。以食日本菜黎講，餐廳既lunch menu價錢都相宜，個人覺得仲係性價比高。我叫了鯖魚定食，同事就叫左個刺身定食（不太記得餐名）。我們都選了刺身作前菜，隨餐送一碗麵豉湯。前菜刺身共有6片，有三文魚、帶子及甜蝦，食落真係超級新鮮，有自然刺身的鮮甜感。至於鯖魚餐，鯖魚算肥厚，加點檸檬汁，沾上隨碟的醬汁真係好開胃！同事的刺身飯餐，相信刺身都不會差，隨餐仲有一碗小烏冬，感覺好滿足。整體我們都食得好開心

💥超新鮮魚生💗📍禾彩｜香港仔📍人均消費 $ 1 X X#CL香港仔 #CL四圍食 #CL日本野⚪️⚪️⚪️⚪️⚪️⚪️⚪️⚪️⚪️⚪️係香港仔超出名既日本野‼️平時夜晚成日都要排隊，梗係要試吓啦🫶🏻💟 雜錦魚生飯 $ 9 8食哂啲飯都未食哂啲刺身呀😂勁多分別有三文魚x3、魷魚x3、甜蝦x2、帶子x2、北寄貝x2，全部都好新鮮☺️另外仲有個細烏冬同麵豉湯，基本上男仔都一定飽😝💟 碎三文魚腩飯 $ 8 8本身都有心理準備平時啲碎粒都係啲頭頭尾尾，但係呢度唔係啊😍食得出係真係三文魚腩切碎，真材實料👍🏻仲有幾塊紫菜自製壽司添🍣🤟🏻不負責任點評好味道🌕🌕🌕🌕🌕🌕🌕🌗🌑🌑性價比🌕🌕🌕🌕🌕🌕🌕🌑🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

黎港島玩，上網睇話呢間壽司店唔錯就試下。整體黎講性價比好高👍🏻呢個價錢第二度食一定過百 $98包一碗刺生飯、湯、細烏冬，食到勁飽🤰🏻食物質素都幾高，呢個價錢絕對冇hea到我，食得出係好新鮮（甜蝦同三文魚好食！）不枉此行，咁遠過黎試。

行經門口只有一個人等位，立馬攞籌，因為平常都很多人.lunch set 好抵食，有湯，茶，刺身，刺身有帶子，甜蝦，北寄貝，原設是三文魚，可改，（套餐小食可以4㨂1，如果食刺身就㨂刺身最抵食）再加主食.刺身新鮮好味，蠔沒想過有4隻，我記得以前好像只有3隻但不確定，炸漿不太厚，蠔大隻，再配上咖喱，正😆😆