章魚燒大師 (已搬遷) 新店位置

自己本身鍾意食章魚小丸子，於是乎揾到呢間隱世小丸子店。店主係即叫即整，我揀左蟹子章魚小丸子，$28有6粒。等一陣就好快有得食，個面鋪滿哂蟹子，同啲小丸子幾夾，有機會要試埋其他味。

有朋友住景峰呢邊⋯⋯佢話樓下果間章魚燒好好味！今日經過呢邊～專登買黎試一試！有5種口味，我揀左最基本既原味！比完錢佢就即整，等左大約5～6分鐘左右大大粒咁😍😍😍😍😍😍個賣相唔錯！好吸引！佢岩岩整好章魚丸勁熱😂完全唔可以成粒放入口！！！咬左啖，個面有少少脆入面好軟滑❤️好好味！平時係街度食既，都係實的的既麵粉！！而呢間既章魚燒就外脆內軟！好正😋😋😋😋下次黎要食果款大滿足先得！呢款大滿足唔包青蔥口味，不過已經好吸引了！

滿心期待嚟呢間屯門好出名嘅章魚燒(唔係成日開架) 因為有聽講過話好好食 結果🤦‍♀️🤦‍♂️我哋試咗個原味章魚燒 $26有六粒 其實唔貴既💁‍♀️但真係好難食囉 章魚燒嘅粉好厚🤷‍♀️🤷‍♀️ 成粒章魚燒得一兩粒小小嘅章魚🤷‍♀️ 有啲仲要好un既🙅‍♂️🙅‍♀️ 根本咬唔開吞唔到🙅‍♀️🙅‍♂️ 麵粉又好淋 好似未整熟咁🙅‍♀️係啲沙律醬好食少少🤦‍♀️🤷‍♀️ 永遠唔會再嚟食了🤦‍♀️🤦‍♂️

自己好鍾意明太子，但香港要食到，就要比好貴既價錢。朋友就介紹我黎屯門試下，呢個明太子章魚燒。真係估唔到，香港都有有得食，咁就唔洗去到日本都食到！論賣相黎講，比食開嘅小丸子細少少(適合一啖一粒)，但粒粒都鋪滿咗明太子，簡直就心心眼啦。呢間既章魚燒咬落較淋身，好似日本食到果種既口感，加上有超多燒汁、沙律醬、木魚，食落好香。自己就唔多like 蔥既，但見到有人叫店員加多蔥，而店員都樂於加蔥既。不過可能好多人都知呢間野，所以都排左陣先買到。至於價錢黎講，$28/6粒算係中價啦！

上一手的章魚燒店結業後，已轉手成了章魚燒大師，不過今天第一次才來試，比較一下它能否承接上手章魚燒的美味。章魚燒大師比從前多了一款wasabi款，但暫時還是吃些基本口味合味兒，才能一比高下。我買了一盒明太子四郎，以前都愛吃明太子章魚燒。熱騰騰的章魚燒最能引起食慾，明太子擠得不少，微微鹹香但不夠辣度。章魚燒內餡綿密，頗滑口的，若滑溜些會更討好。儘管八爪魚粒不是超大顆，不過挺有嚼勁的。章魚燒大師的確比上手遜色，但只要用心做的話，我想它可以愈做愈好，達至昔日我所愛的味道呢。

原味章魚燒👍$26是日經過屯門紅橋個頭😎最記得呢間章魚燒店，即刻叫左個原味章魚燒，當然即叫即燒😏味道同口感都好正，粒粒都外脆內軟，而且配料亦都不吝嗇，CP值好高💪

同以前原位果間既小丸子形式，味道，價錢都大致相同好：款式多樣化左，可選4粒雙拼味道，岩哂我呢d 中意食又食得少既人吾好：同之前原始店既相比，外皮冇咁脆，較軟諗諗，如果燒得再耐少少就perfect 啦👍👍總括黎講，都係幾好味既，爆多料，大大粒魷魚

景峰是小店聚集地，有很多自家小店又不貴但味道好～所以本人很喜歡，並不時在這邊覓食。這間是位於頗有名的拉麵店後邊，6粒章魚燒由26至38左右不等，就看你挑什麼味道。個人喜歡明太子，所以就選了明太子章魚燒$38。外賣是用紙盒禮著，挺不錯，上邊可以提著拿，所以就另拿膠袋。章魚燒挺大粒，上邊放的明太子絕對不少，沙律醬也不少，熱騰騰的配上木魚乾～也不少。皮也不會太厚，裡頭章魚不少，大大粒，章魚又彈牙，吃完一盒已飽肚～絕對平靚正！

家姐推介我食，話之前係排長龍，好誇張！見到得小小人排隊，我地都買返盒！餐牌上面有五款口味揀，就算揀原味都係比一般小丸子貴，所以應該無乜人揀原味~我地最後叫左明太子味，因為即叫即整，所以要等15分鐘先食得！一黎到見到滿滿的醬，上面大大舊明太子，超級足料！味道不錯👍，明太子新鮮，超級推薦！而且入面粒章魚都好大粒，完全值依個價！不枉我等左十五分鐘，因為香港真係好少依d章魚燒，唔怪之得排長龍！不過佢唔係外脆內軟，係偏向林。如果佢係脆就真係100分！店鋪隔離有一張台可以比人係度食完先走！d卡通好qq

去得井財街，個肚仲有位咁就當然要食多份小食啦。呢間章魚燒小店，其實都有好多人同雜誌介紹過。我都係第二次黎幫襯呢到夜晚好多年青人黎幫襯，等候時間都要一陣今日下午去就無乜人等，不過有誠意當然係即叫即整，所以都要等15分鐘左右佢有幾款口味，我就推薦明太子啦木魚好多，如果有需要可以叫店主俾多d沙律醬你熱辣辣香噴噴，真係流晒口水啊用個盒仔裝住，整潔又方便拎走建議等一陣先食，因為剛整完都真係幾熱下希望呢間小店能繼續下去

早一排於網上瘋狂報導的章魚燒-章魚燒大師，終於有機會一試。如果趕時間的，千萬不要來，因為排隊需時比想像中還要耐。當然要一試明太子章魚燒，章魚燒熱辣辣，鋪滿了明太子及紫菜，口感非常豐富。值得一試及支持的小店！！

小店位置比較偏僻，但跟住google map 去就實無死。可以follow OpenRice 個location行過去～難得去一次屯門就想食好出名既章魚燒，知道之前果間執左好失望，好彩搵搵下又搵得番！！🤤🤤🤤材料好慷慨，柴魚同明太小都好多～～～～～味道唔錯，粒章魚都好有咬口呀！！雖然熱食真係淋左少少，但有耐性忍到唔食可以抖抖先，得佢凍少少硬番啲先食，不過我就忍唔住啦哈哈🙈🙈希望多啲人去支持下啦！

嘩嘩嘩 超級驚喜 今次來到屯門虹橋食左呢個明太子章魚燒超大大大太八爪魚 一咬落去彈牙有咬口醬吾太多即叫即整熱滕滕明太子又勁多 $38/6粒因為即叫即整所以外面脆脆地有d時間去仲要排隊wor

今日入屯門搵食，無意俾我發現一間章魚小丸子店，叫左飛魚子章魚燒，即叫即燒。飛魚子份量有好多，味道也不錯，丸子口感較軟，咬一口就散開，可能即燒好要再多放一陣才食會較為好

呢間章魚小丸子應該好多屯門人都會知，因為可以係個咗偏僻既位都有咁多人排隊食，真係好癲，但之前見到佢地話要執我超唔開心，咁難得屯門有間咁高質既小丸子…點知有日行過見到佢竟然開返，即刻同朋友買左盒黎食，而且我地都有問老闆點解話執但又開返，佢解釋話係拆左夥，之後會繼續開。聽到會繼續開我就無再追問落去。至於重開之後味道有無改變呢？我覺得分別唔大，但無一開始咁好食。不過無咁好食都唔係重開之後既事，而係變大粒之後。因為第一次食嗰時粒小丸子係外脆內軟，無論味道定口感都一流，而且配料方面落得超大方，性價比好高！我覺得重好食過去大阪食，因為正宗大阪嗰種係成粒都比較淋，無外脆內軟既效果，老闆可能為左就香港人口味所以改左呢樣野，我覺得好正！但唔記得幾時開始有得變大革命，每粒小丸子大粒左，但價錢亦貴左。貴左都唔緊要，重要既係大粒左之後個皮無之前咁脆，雖然係似左正宗大阪嗰種，但我覺得以前細粒重高質。而依家重開之後其實係同變大粒之後差唔多味，所以係無變差架，只不過我私心希望整返細粒啲脆啲，咁就完美啦。