築間幸福鍋物

睇黎我地都係中伏二人組黎架啦～～睇介紹係台灣好出名，我地就擔粗粗黎試下。揀左$239/90分鐘個餐（湯底另外加錢）,QR CODE 落單，每次可叫6款，7分鐘後至可以再落單～我估原意係唔想客人瘋狂咁叫，之後眼闊肚窄，浪費左食物。不過店員都好好，話如果想叫野食但app未得，可以向佢地order💪最緊要最後係食得晒既🤭但係大家都可以放心，因為食物種類唔多，想亂點亂叫都無從入手😆食物方面不過不失，無乜特别。甜品有3款～都係奶酪底再加調味，我就幾鐘意個奶酪底，質地同味道都岩岩好，黑糖白玉好好味👍飲品種類少亦不見台灣特色😔自助食物區，比起其他任食邊爐真係略嫌失色。可能係我期望太高，所以失望越大😑好彩～所有店員都好好禮貌，上菜快，亦無漏單，睇得出佢地對客人好用心，令今次用餐體驗加分👍呢度我覺得比較適合1至2人黎，太多人聚餐應該無時間食，亦無乜野食😆而呢個價位仲有好多選擇架～～～

今日落雨涼涼地，忽然好想打邊爐，就揀左呢間台灣一年銷售900萬鍋的火鍋品牌，係海外首店在香港台式半自助火鍋店 - 築間幸福鍋物，食晏晝火鍋任食放題。門口睇左menu之後，因為想食靚啲嘅肉，我地揀左極奢套餐，今日係星期六，所以每位$319加一。套餐附湯底＋主食＋任食33款蔬食自助吧100分鐘、飲料、甜點。湯底坐低之後就揀湯底，我地要左日式柴魚干貝清湯同老火淬濃雞湯。干貝清湯飲落好清甜，打邊爐落靚肉最啱，個湯裡面仲有好多小元貝粒。而個雞湯就有啲似中式老火湯，飲落好香濃好足料，個湯入面見到好多雞腿肉同蘑菇做配料。肉類牛肉方面，我地點左澳洲黑毛和牛霜降，冷藏手切溫體牛同美國熟成霜降牛，牛肉平均質素唔錯，食落都有牛味唔嚡口，我地推介係澳洲黑毛和牛霜降，佢表面油花好靚，每一塊切得厚薄剛剛好，淥幾秒就食得，我地都encore左1次。豬肉方面就試左伊比利黑豬梅花同嚴選梅花豬，兩款豬肉食落口感有嚼勁，脂肪適中，最緊要係食唔到豬騷味。仲有估唔到嘅驚喜係碟走地雞，成碟都係雞腿肉，食落冇雪藏味，同埋肉質好有彈性，淥耐左都唔嚡口。海鮮海鮮方面，我地點左三文魚片，鮮魷魚同龍躉石斑魚片。而我地最推介就係龍躉石斑魚片

又一個被宣傳攻勢呃左嚟食嘅餐廳 用台式火鍋名號作招徠 嚴重中伏！！以下就係我覺得呢間餐廳令人失望嘅方地：1. 人手嚴重不足雖然店員態度正正常常 無黑面 但由於店內只有3-4人於樓面工作 導致帶位、沖嘢飲、出餐、執枱、倒湯都極慢 老闆有夠慳皮 做到啲人踢晒腳2. 衞生情況欠佳於醬料區 裝蒜蓉容器內發現頭髮 裝醬料嘅碟油淋淋有毛 3. 食物質素一般選擇咗Level 3 豪華套餐 到點餐先發覺極少嘢食 貴少少嘅牛 無咩牛味 海鮮又少種類 份量少 自助蔬菜區亦極少選擇 湯底要額外加錢 但味道都一般 甜品簡直係Hea爆人均$338找數 性價比很低4. 多次強調食唔晒要罰錢本身apps要每7分鐘先可以落單 但店員多次強調「食唔晒要罰錢」令到成件事好掃興 浪費食物固然唔好 一係就張貼於門口、枱面、牆壁當眼處 都唔需要每點一次餐就提一次總結：不推介嘅劣食邊爐

🍲之前行Donki，知道呢間餐廳開咗差不多一年，喺台灣好出名，一年銷售成900萬鍋嘅火鍋品牌；而香港就係第一間海外分店。🍲晏晝同咗朋友又嚟旺角行街同行Donki，就順便喺度食埋午餐，睇睇餐牌，都幾多套餐。套餐包湯底、主食、同任食幾十款蔬菜自助吧、野飲同甜品，但限時100分鐘。🍲近排同朋友都遇着唔少開心事，我哋就揀咗極奢套餐。湯底朋友揀咗特濃蕃茄湯，我就揀咗爆炒龍蝦湯，蝦味同蒜油味濃郁🦐。🍲牛肉都唔少選擇，有牛五花、牛板腱、美國霜降牛、手切溫體牛、澳洲和牛、澳洲黑毛和牛霜降。點咗幾款牛試，每片都切得好薄，油脂分布好平均，淥幾下就食得，食落又唔會有筋，整體嚟講牛嘅質素好好👍🏼🍲豬肉都唔普通，有雪花豬腩、梅花豬、松阪豬肉同黑豬梅花。試咗黑豬梅花又幾有驚喜，似豬頸肉咁爽，但更有咬口。🍲其次仲有雞同羊，而海鮮都有10零款，最鍾意虎蝦大大隻夠鮮甜；龍躉石斑魚片肉質彈牙夠脆；沙白肉夠大粒。🍲主食方面其實都好想試埋豬油飯同說蟹膏鮭魚卵拌飯，不過真係有啲飽驚食唔落就冇叫到。🍲尾聲我哋叫咗一個焦糖布蕾🍮同芒果奶酪，焦糖布蕾值得一讚👍🏼表面焦糖脆脆的，入面布丁就順滑，入口即溶。🍲嘢飲就鳳梨冰茶幾特別，入面有

係台灣食過好出名既無老鍋，我自己覺得馬馬，但係今日有Fd出糧請食飯，佢竟然話Lunch想打邊爐就帶左我黎食築間，佢話係台灣年銷售過萬既靚字號，我既食後感係真係唔錯wo，舖頭係正朗豪坊對面，E出口一上轉右就到，一啲都唔難搵，同台灣一樣，佢係方形枱兼一人一鍋，比起港式邊爐Chill同享受性高好多，佢有四個唔同價錢，我地食Lunch又想食和牛就嗌左$279既餐！*佢呢度係人頭收費，一個價錢就包左湯底(十幾種選擇)+任食既主食同蔬菜吧100mins＋仲有飲品同甜品，包滿足！太多好多食，我就略略揀最鍾意同少少分類去講啦澳洲黑毛和牛霜降 — 刀功非常好，切薄到紙咁，簡單落湯一浸就已經可以拎上黎食冷藏手切溫體牛 — 牛味好重，細細一塊但比其他厚身牛板腱 — 將原本厚厚既牛板腱薄切到可以烚下烚下，一樣咁好味，口感一流美國熟成霜降牛 — 我個人覺得佢係牛味最 濃厚，口感鞋身得黎有咬口伊比利黑豬梅花 — 油脂比較分佈平均，有豬味澳洲嫩羊肩— 膻味淡淡，就算怕膻既人都唔需要擔心，入口實淨好味鱸魚 — 兩個魚我都鍾意，如果你鍾意食蟹既我建議鱸魚，因為佢既肉一疏一疏，口質好似蟹肉石班片 — 石班片就實淨彈牙，骨

見到網上評價唔錯，係台灣一年銷售900萬鍋嘅國民火鍋品牌，第一間海外分店就揀咗黎香港開，緊係要黎食下~套餐包湯底＋主食＋任食自助吧＋飲料＋甜品，限時100分鐘，都係$165起，平日午市主餐最低$88起添，又豐富又抵食。環境非常整潔寬闊，一啲都唔逼，坐得好舒服。今次要咗極奢套餐。湯底有石頭湯同龍蝦湯，石頭湯有唔少乾魷魚作配料，而龍蝦湯非常香濃。肉類選擇非常多，而且好鮮甜，個人最中意霜降牛同豬梅花，肉味非常濃。海鮮方面，估唔到居然有海虎蝦，大大隻，蚵仔好肥美，三文魚同魚片冇骨又嫩滑。自助吧有唔少蔬菜同丸類，任君選擇~最後仲有飲品同甜品，甜品有焦糖布丁同埋唔同味嘅奶凍。

最近去咗旺角嘅築間幸福鍋物，呢間台灣一年銷售900萬鍋的火鍋品牌，終於登陸香港🤩👏平日午市主餐＋自助吧任食 ，最平都係$88 起，用餐時間100分鐘。我同朋友揀咗$279極奢放題，由湯底到肉類、海鮮都高質好食，真係物超所值😋😋👍❣️❣️餐廳環境寬敞舒適，服務都不錯～一人一鍋可以揀唔同湯底🥰湯底足料又好味！❇️老火淬濃雞湯，雞味好香濃，味道突出，飲落好暖胃❇️爆炒龍蝦湯既龍蝦味濃郁，夠晒鮮味👍👍套餐包咗多款肉類、海鮮、主食:❇️美國牛板腱、熟成霜降牛🐮🐮🥩🥩🥩兩款牛都高質！油花分布均勻，輕輕一灼就已經好嫩滑，入口即化，牛味濃郁🤤💓💓❇️伊比利黑豬梅花、松阪豬都肉質鮮嫩吃得出的優質食材🐷❇️草原嫩羔羊都好好味，肉質軟嫩，唔會太韌😋❇️海虎蝦、龍躉石斑魚片、極甜鮮魷魚、沙白、鮮鱸魚🐟🐟🦑🦑🦐海鮮全部都好新鮮‼️海虎蝦非常大隻！蝦肉質彈牙，鮮味十足～沙白漲卜卜夠大隻，鮮魷魚爽口鮮甜。特別必點石斑魚片，魚肉細嫩好食🤩👍👍❇️自助蔬菜配料區既款式唔少，蝦滑和墨魚滑都不錯❇️阿里山冷泡烏龍茶、鳳梨冰茶🍍🍍台式飲品清新解膩，唔會太甜好好飲～❇️甜品揀咗芒果奶酪，口感細滑，芒果味濃郁🥭完美為呢餐畫上句號🥰💓💓📍 築間幸福鍋物

早前食過銅鑼灣築間酸菜魚同旺角燒肉Smile都好滿意該台灣品牌上年開始進軍香港首個海外市場今次就帶鐘意打邊爐既本月之星黎食築間第3部曲之幸福鍋物一人一鍋放題任食100分鐘環境舒適Step 1 揀套餐4選1帶本月之星黎食豪D – 極奢套餐Step 2 揀湯底14選1鎮店招牌石頭湯👍🏼餐牌寫住台灣年銷售超過500萬鍋果然係好鮮味！松露燦金雞湯松露怪見到有松露湯底 即揀散發住微微松露湯底含嫰滑雞腿肉Step 3 自調醬料及配料自助吧醬料整體味道偏淡特別在有蘿蔔蓉配料必食築間酸菜魚店都有既蛋餃 同埋芋泥肉丸Step 4 主食用QR code落單 清晰方便快捷出餐速度快 冇漏單情況系統點餐時間需要每隔7分鐘所有肉類上枱都冇標示 較難分辨各款肉類大部分肉類屬於薄切追求口感 可以打孖一齊食牛當日只有5款其中熟成牛五花再encore羊紐澳嫩羊肩 冇騷味豬4款都不錯海鮮海潮鮮鱸魚 肉質嫰滑龍躉石斑魚片 近魚皮位有滿滿骨膠原極甜鮮魷魚 爽口彈牙澱粉蒜片豬油飯脆蒜配鹹香豬油飯 當日雪蟹膏拌飯已售罄 小失望雖然只有一款粉麵 – 粉絲但粉絲同鎮店招牌石頭湯底好夾飲品冬瓜檸檬阿里山冷泡烏龍茶甜品 有驚喜芒果奶酪

星期四晚上，目測入坐約50%，我地2條友同另外2個唔識既坐埋一張4人檯，都好體貼咁有塊板隔下既......限時100分鐘，ok 明白，第一次黎(應該都係最後一次)求其點幾碟野食先，跟住朋友想點，吓，要等7分鐘先可以落一次單?乜x野黃金比例呀，每張單限點6碟? 每碟有5件咁多呀，食材都做合格啦，湯底普通質素，唔記得夠鐘前30分鐘無得點，想飲多杯野都無，同朋友傾計食野，唔覺唔覺10幾分鐘先點一次，唔通要較鬧鐘點野食? 自取區唔駛問都係平價野，丸丸菜菜咁，每人3百幾放題唔駛好高要求，但求坐得唔好衰過茶餐廳，食物份量唔好咁小家，得d 平價野我去普通酒樓食好過啦。

台灣一年銷售900萬鍋火鍋品牌香港喺海外首間分店地理位置勁方便嘅文華商場，係正朗豪坊對面，樓上仲有donki添﹗約埋朋友食飽去行街消化一流套餐包括湯底、主食、33款任食蔬菜自助吧、飲品、甜品，最抵食嘅套餐平日$165就食到如果午市主食+自助吧任食仲抵至$88就有先揀湯底第一次食當然要試鎮店招牌石頭湯，另一款就係少見嘅爆炒龍蝦湯今次揀咗最多嘢食嘅極奢套餐 $319牛肉豚肉款式最多，每款都有幾種可以選雞同羊肉都有重點係有超多款海鮮無論魚定蝦都有唔止一款可以選擇無論中意海鮮定食肉獸都要試﹗自助吧有33款菜蔬望落都好新鮮好靚墨魚滑用雪糕勺，好得意好靚嘅海鮮拼盤魚、蝦每款都有點，仲有沙白同原隻魷魚啲冰夠凍，就算慢慢食都唔會融得好快海鮮都好新鮮當然要試多啲極奢套餐先有嘅配料虎蝦大隻得嚟又夠彈牙龍躉石斑夠爽口鮮甜海鮮同爆炒龍蝦湯超夾湯底好足配料，仲有幾隻蝦附上平時打邊爐湯底會越嚟越淡，依度係越食越濃味唔止因為湯底配料一直煲緊味，仲因為加湯嘅時候會加返原湯而唔係普通雞湯/水超開心超讚鎮店招牌石頭湯配料仲豐富有魷魚有蝦米同大量洋蔥加埋肉類好清甜肉類切片好靚每款都好好食，可以自由揀部位MVP係美國熟成霜降

Recently, I had the pleasure of dining at this restaurant , and it was an experience to remember. From the moment we stepped in, the warm ambiance set the stage for an enjoyable evening.The highlight of the meal was undoubtedly the rich tomato soup base. It was a delightful blend of flavors, perfectly seasoned, and provided a comforting warmth that complemented all the ingredients we cooked in it. The depth of the tomato flavor was impressive, making each bite a burst of deliciousness.The select

今日我同朋友去食咗一間食火鍋嘅餐廳餐廳嘅菜式真係令人流晒口水，特別係餐廳嘅湯底同牛肉系列，簡直係無得輸。餐廳套餐附湯底＋主食＋任食33款蔬食，自助任食100分鐘＋飲料＋甜點都係$165起，真係好抵食，仲有最抵嘅平日午市主餐，自助任食100分鐘都係$88起，真係超級抵食。入到去餐廳，服務員就熱情招呼，環境都好舒服，燈光柔和，令人有種放鬆嘅感覺。餐廳嘅湯底有14款咁多，我哋一定要試下招牌湯底，我朋友就叫咗鮮菇奶番湯，餐牌寫明這個湯底台灣年售200萬鍋，這款湯底用新鮮嘅菇類煮成，奶香味濃郁，口感滑順，飲落去有種溫暖嘅感覺，真係唔錯，真係一碗令人心情愉快嘅湯。我就叫咗鎮店招牌石頭湯，這個湯底仲犀利，台灣年售500鍋，湯底用石頭煮出嚟，味道非常獨特，湯底清澈，味道鮮美，帶有淡淡嘅海鮮味，配合新鮮食材，真係一絕，我個人非常鍾意用呢個湯底煮肉，因為可以將肉嘅鮮味充分發揮出嚟。熟成牛五花經過煮熟後，肉質更加柔軟且風味濃郁。澳洲黑毛和牛霜降來自澳洲的黑毛和牛，霜降紋理細緻，肉質更鮮嫩多汁。美國版腱牛是美國進口的牛腱肉，適合喜歡有嚼勁的食客。冷藏手切溫體牛是新鮮的溫體牛肉，經過冷藏處理後手切，保持肉質的鮮

位於旺角的台式火鍋放題店。對於稍微留意台灣行情的人來說，「築間」這個名字絕對不陌生。作為一家擁有百多家分店的著名火鍋品牌，築間在2023年榮獲台北十大人氣鍋物品牌的殊榮，為台灣火鍋界的知名連鎖品牌之一。而得知築間火鍋也在香港插旗了，正好冬天仍未完結，加上突然的火鍋癮，便決定一試究竟了。⋆_____極奢套餐 $319 (100分鐘用餐時間)______⋆ ღ 湯底主打一人一鍋的用餐方式，火鍋湯底的選擇非常豐富，最終我和朋友分別選擇了「老火淬濃雞湯」和「爆炒龍蝦湯」。兩款湯底都極具特色，雞湯的藥材香氣濃郁，帶有滋補養生的風味；而龍蝦湯則鮮甜鹹香，層次分明。無論是哪一款湯底，用來涮煮食材都非常入味呢。ღ 肉類及其他火鍋配料大部分的食材都是使用QR code下單。牛肉方面，選擇尤其豐富，包括有熟成牛五花、美國板腱牛、美國熟成霜降牛、冷藏手切溫體牛等。牛肉的肉質嫩滑，入口時油香四溢，令人滿足。而豬肉方面也有多款選擇，如伊比利黑豬梅花、雪花豬腩、手切松阪豬肉等，大部分豬肉的肉味濃郁，甚至有些品項比牛肉更為出色呢。當然，也有提供雞肉和羊肉，食肉獸應會超級滿足呢！海鮮的選擇同樣豐富，其中最為出色的是龍

台灣過江龍築間幸福鍋物，係台灣一年銷售超過900萬鍋既人氣品牌，首間分店登陸香港，位於港鐵旺角E出口，行3分鐘就到，非常方便。店內環境寬敞，設有醬料吧和野菜區，燈光柔和，坐得舒服。平日午市主餐+自助吧任食90分鐘，低至$159。我哋揀左極奢放題，套餐包括湯底+主食+任食33款蔬菜自助吧+飲料+甜點，食足100分鐘，包括美國板腱牛、美國熟成霜降牛、冷藏手切溫體牛、手切澳洲和牛、澳洲黑毛和牛霜降、冷藏手切松板豬肉、比利黑豬梅花、草原嫩羔羊等等，可以食到咁多靚肉，真心抵食。湯底有達十幾款選擇，一人一鍋，我哋分別揀左韓式辣牛骨湯和鎮店招牌石頭湯，湯底香而濃郁，食材不需要額外點醬汁，都已經好好食。最後甜品我哋食左黑糖白玉奶酪、草莓奶酪、芒果奶酪和焦糖布蕾，為這餐劃上完美句號。

自從去年去過台灣基隆食過築間幸福鍋物就一直念念不忘，個人非常喜歡佢哋嘅湯底。由知道佢哋係香港開分店就想過來食我最愛的打邊爐。餐廳位於旺角MPM文華商場一樓，港鐵站步行一分鐘左右就到，非常方便。餐廳環境闊落，用餐時間係平日晚上八點，餐廳大約九成滿。眼見客人源源不絕，如果想食早點訂位比較好。火鍋套餐有四款，價錢及用餐時間都有所不同，由最抵$159至最奢的$319都有，豐儉由人！而湯底亦有十四款可供選擇。極奢套餐（午市²⁷⁹晚市³¹⁹）極奢套餐包含的食物超過七十種，大概分肉類、海鮮、主食、炸物及甜品等等。貴為牛魔王的我當然要試盡六款高級牛肉！個人大推冷藏手切溫體牛及澳洲黑毛和牛霜降。冷藏手切溫體牛味道細緻油花適中，口感爽嫩軟滑！而澳洲黑毛和牛霜降油花分佈均勻，牛味十足，口感爽嫩彈牙，非常美味！另外豚肉方面，最喜愛的是伊比利黑豬梅花，皆因油脂分佈平均，肥瘦相間，層次分明，肉質柔軟，味道濃郁！而海鮮方面重點推介龍躉石斑魚片，魚片相當肥美，口感嫩滑厚實，極之鮮味！鮮菇奶香湯底²⁵鮮菇奶香湯底味道濃郁，質地順滑，奶香氣極重！同我之前基隆食的時候水準保持得一樣高，讚！台式麻辣湯底³⁸台式麻辣湯底味道辛