籠太子點心專門店

營業中

休息中

記得這間店都開了好幾年，偶然會幫襯！尤其是冬天都會幫襯買他們的羊腩煲外賣！今日天氣轉冷，打算叫一份細嘅羊腩煲加餸！一向都知道他們服務態度很差，尤其前台收銀！已有心理準備！為避免職員向我黑面，我已經選擇人流較少的時段大約3:30左右去買一個羊腩煲，一如既往啦！態度唔會好得去邊！但係我只想買個羊腩煲快快回家，他們的態度我也不想再敘述啦！總言之就好似客人欠他的！感覺自己有一點犯賤！當他送上羊腩煲的時候（外賣），份量變小也不要緊，今晚只是加餸，但什麼生菜腐乳完全欠奉？我問他從前我買外賣都會包括買腐乳和生菜，收銀表示今天沒有腐乳和生菜只有羊腩煲！你要生菜的話，你等我有空我去菜市場幫你買呀！我當堂呆咗，我問他是否今天收爐啦，他們支吾以對！只好走啦，不想再和他糾纏！一天的好心情多多少少給他們搞垮，真的在沒有理由再幫襯！

適合兩三個朋友相聚的點心舖，地點易搵，好長嘅開放時間，滿足到想瘋狂傾偈嘅我哋👍🏻.點心選擇數量還好，除咗基本點心都有自家特色嘢.作為點心舖必備點心，燒賣合格好食，非常足料，咬口豐富😋但另一熱門點心蝦餃，就較為令人失望。唔知係咪得蒸得太耐，個皮一夾就爛，蝦餃亦較為細粒🥹蒜蓉蝦春卷煎炸嘢油膩感較重，脆口感有待改進海王千絲芝士卷較為特色點心，唔係一般點心舖食到但都有點失望，又係炸嘅油益味好重不是炸兩幾好食😛口感都係有啲似炸兩，但內容唔係油炸鬼，較為鬆脆豐富排骨正常，墊底有啲類似粉條，蒸得太淋，唔夠彈牙腐皮卷都係炸得太耐，唔夠脆口.總結三人行，大概10個點心，每人$101，又唔算好平，上菜好慢，又麻麻哋好食，所以應該冇下次

而家好多點心店既點心都貴左好多～呢到價錢相對黎講都尚算實惠～.點心唔算好熱好熱～雪山叉燒包反而係最快上..以前係脹卜卜啲～同內餡多啲～唔知點解而家成個型扁左😂😂但味道都仲係👌🏽👌🏽唔錯～.鮮蝦菜苗餃菜比較多 蝦肉大概半粒左右🤔🤔比平時食開既少啲～如果鍾意食菜同清淡嘅朋友就啱喇～.翡翠帶子腸粉腸粉都幾滑～帶子係細細粒嗰隻～加埋啲菜食起嚟都幾鮮味👌🏽.鮑魚燒賣在燒賣上面加咗粒小鮑魚😂😂可以叫兩粒/四粒～人少就方便啲.籠仔蒸飯 要左魚個款～呢個個人就一般～反而之前食嘅普通蒸飯比較好食😂😂

一直想黎試下，今晚黎開呢區買野，終於有機會了！🍽️ $24 多汁小籠包名副其實，真係多汁@@好正呀呢個價錢有四粒已經賺咗，仲要皮薄餡靚🙏🏻湯亦都夠熱🫶🏻🍽️ $23 雪山叉燒包即係外層係好似菠蘿包咁既皮烘到好酥脆❣️❣️❣️好食🍽️ $23 名醬蒸鳳爪每次飲茶必點👍🏻正常水準～不過第一次見波鞋底嘅係烏冬😂幾搞笑其實飲茶唔一定要去酒樓嘅，呢類點心店都好唔錯，又冇茶樓等得咁耐，仲要抵食過茶樓！

呢間店我幫襯過起碼三十四次，貪佢開得夜同食物唔錯，xo醬美味尋晚再來，食物差左好多，可能經濟環境問題，樓面，收銀得番一個，態度差野食大大退步，認同其他食評所講嘅毛巾臭味，唔會再黎了突別係蝦餃，千其唔好叫燒賣完全係一舊粉，冇味最誇張係xo醬食完再加落個碗度，行過嘅四眼阿姐竟然話：唔洗錢都唔洗加咁多下嘛！嫌人加得多不如你收埋唔好比人食啦！講呢句說話嘅用意係咩？想我倒番啲xo醬落去？完全不明所以唔好比其他舊食評呃到，完全唔值得去

其實之前來過，印象唔錯。以為交左食評，点知是唔記得寫。街坊格局，裝修okay啦！亞姐都好面口，我唔受得冷氣直吹，未開茶前亞姐幫我轉二三枱。上次食左籠仔蒸飯，味道幾好架，就生粉多左少少，今次無叫。只吃点心。鳳爪比較細，但幾入味，不過上次都覺得奇怪，幾條烏冬墊底。燒賣正常味，菜苗餃內菜真係多，棉花雞都okay架，义燒腸好味，好多义燒架。不過唔記得拍照。價錢同深圳酒樓點心差唔多，平過一般香港酒樓，不過街坊情誼就無得計。

夜晚十一點幾十二點，要搵野食都唔係容易既事，香港由以前的不夜城變晒乖寶寶，冇晒夜生活。 太子呢間點心開到零晨2點。是日中湯係蟲草花湯，大大碗$20 抵另外叫幾個點心，炸両幾出色，普通腸粉都唔錯，但佢話係皮蛋牛肉腸就唔係好覺有皮蛋。燒賣正常發揮合格肉餅飯有驚喜，肉餅有口感，彈彈下，唔係實的的。仲幾厚下添。最最最深刻係佢個辣椒油，唔算好辣但好香，仲要食落脆脆地，原來佢加左好多櫻花蝦。少少辣，有油香，再加上脆脆地既口感，令食物既層次提升。

從來未食過蝦餃餡料有臭布味 好似好耐無洗的毛巾味又有少少腊肉味 🤢總之好奇怪 鳳爪好硬 未食過咁實的蒸鳳爪點心 😵‍💫另外短髮樓面auntie 唔會問你食完未 仲有一件點心都突然收走你快速跑走叫都叫佢唔住 好似想你快啲埋單走咁（未坐滿客的而我只坐了不到30分鐘）有個洗碗膠兜洗完已放通道旁枱邊方便比佢哋收走 估佢唔到佢隔一張枱的另一邊攝個身埋黎佢格肋底忽然貼向我個鼻前面又係粒聲唔出收走個兜 你叫聲借借我塊面可以向後比個位你的 點解要咁粗魯呢（唔滿客當時得4/5枱唔係好趕忙的）永無下次幫襯 我好想支持小店先選去呢度飲茶 但呢間我支持唔住 bye bye

喂喂，今日有個悶燶嘅好去處報你知！我喺間茶樓爽食咗一頓有料到爆嘅點心😋。首推，個燒賣啊，真係要讚下，個皮薄到見得到裡面啲肉，一咬落去「噗嚓」，肉汁四溢，啲豬肉餡好夠哂彈性嫩滑，正👍！跟住我再嘗咗芒果布甸，呢個真係夏天必食之選！芒果香得嚟，又唔會過甜，啱晒啲鍾意清新唔膩口嘅朋友。轉個角度嚟講下嗰個創意滿分嘅南瓜煎堆仔，啖啖甜美嘅南瓜餡，外皮炸到香脆，真係勁正！令人回味無窮架～ 講真嘅，每款點心都維持實相，份量同賣相兼備，食嘅時候真係滿足到。最後，講下隻石班荷葉蒸飯，呢個就要等少少時間，不過候得值！蓋開嚟，米飯吸晒魚肉同荷葉嘅香，撈兩撈，更加係嘩～味道出奇地匯合得好，魚肉保持咗啲嫩滑，每一啖都是新鮮嘅享受。真心推介，喺度食下點心，舒服得滯呀😌！總括嚟講，食完呢頓點心，心情都好咗好多，下次仲要再嚟！真係「食到笑咗」嘅境界啊！

仲記得上次食完飲茶好滿足，今日就再嚟試下其他款！先講講呢個金蒜蒸排骨，啖啖肉，金黃色嘅蒜米鋪上面，郁下碟香味四溢👃，咬一口，肉質鬆軟得黎保持咗啖啖肉嘅口感，真係好過癮！🤤再講吓個原隻鮮蝦腸粉，真係出乎意料咁好食！腸粉嘅米皮滑到不得了，一滾就入口，個蝦嘅鮮甜同米皮完美結合，我準備再點多一啲。😋北菇滑雞飯，攞起嚟揭開荷葉，飄出嘅香氣幾乎攞命😍，飯粒喺北菇同滑雞嘅滋味中吸滿咗精華，咖哩賣相一流，每一啖都食得出主廚嘅心思。👍唔少得傳統口味，煎蘿蔔糕，外邊脆脆地，內裡蘿蔔味實在，佢啲蘿蔔絲嘅甜味同煎嘅脆香，襯埋甜醬，即刻食晒兩件！講完之後，我真係等唔切要再食過一次啦！💕總結，呢間飲茶地方，菜品質素高，服務一流，啱哂想食好嘢又唔想太嘜嘅朋友！等我趕緊先埋單，走先啦！🏃‍♂️👋

開到好夜越夜越精彩嘅一間太子點心小店茶位三蚊一位我就嗌咗一籠北菇蒸雞飯都係29蚊幾抵食北菇蒸雞飯是一道美味的中式傳統菜餚，食材主要包括雞肉、香菇和大米。雞肉的鮮嫩搭配香菇的香醇，加上米飯的軟糯，口感豐富，味道鮮美。這道菜餚營養豐富，含有豐富的蛋白質、維生素和礦物質，可以滿足人體對各種營養成分的需求。烹飪北菇蒸雞飯的過程需要花一些時間，但是製作方法相對簡單，不需要太多烹飪技巧。這道菜餚適合一家人共同分享，是一道很好的家常菜。同時，北菇蒸雞飯也是一道比較健康的食品，適合追求健康飲食的人群食用。總的來說，北菇蒸雞飯是一道美味、營養豐富、適合家庭食用的食物，不妨在家裡嘗試製作一下。

剛一進來員工就一臉黑臉往我們桌子上摔筷子，我們以為欠她一百萬！！放置東西在桌子直接砸過來，差點就以為是個沒血沒肉的怪物！轉眼間就和另外一個女員工在門口談笑風聲一邊吸著香港禁止的電子煙，噢差點就以為是一個冷血的呢！付款的時候一直催促，大吼大叫，不知道的以為催債啦。更過分是還沒吃完就開始收拾我們的碗筷，趕我們走！兩個抽電子煙的女員工，態度極其惡劣，如果妳不會說粵語，那十分建議你不要來受氣！吃過太子周圍所有的飲食，這家獨居一單！如果老闆可以看到，考慮開除這兩個無素質敗壞香港風氣的女員工！

去得籠太子食嘢都係貪佢抵食🥢雪山叉燒包💰$23🥢鳳爪排骨飯💰$29🥢不是炸兩💰$28🥢煎蝦膠釀茄子💰$22☕️🫖茶錢每位$3講真價錢真係好平兩個人去食都係百幾蚊已經好飽帶食物嘅質素就一般感覺以前好食啲特別係不是炸兩以前你食好脆、個腸粉皮好滑今次食就覺得差咗其他嘢食味道就正常冇乜特別環境上就覺得餐廳殘咗好多其實都唔係開咗好耐保養方面就真係差啲另外職員嘅數目都好少樓面都係得一兩個人所以有時你想拎餐具或者落單你都要自己起身去拎或者行去收銀搵人幫你好似啲舊式茶樓咁🤣

今日9月8號 ,在黑雨下停工停課諗住近近哋去竉太子飲茶，十一點左右打去已開門，問阿姐附近有冇水浸，佢答我佢點知！。講多句因為我係深水埗過嚟睇睇附近會唔會塞車，佢同我講佢喺附近住點知啫！我再講你喺太子最基本都知道太子交通情況啦，佢就好晦氣咁同我講，佢住附近㗎，點答到我😕😕 大佬呀， 你住附近都知自己條街會唔會水浸啦，答一句真係咁難咩， 你同我講你條街冇水浸，起碼我停到車入嚟食飯先啦打電話問咗幾間決定去邊度食，係得你答得咁晦氣，唔想返工咪同老闆請一日假囉。。。。。

好好食嘅點心!叫咗個鮑魚燒賣,一籠兩件,不過一件都幾大粒,鮑魚口感不錯而且好入味,同燒賣一齊食好夾😻燒賣蝦肉爽口彈牙,真心推介👍🏻另外推介佢嘅瑤柱灌湯餃,灌湯餃好大隻皮薄餡靚,瑤柱味好香,湯底比我飲晒😹👍🏻好好味