米線陣 (長沙灣廣場)

營業中

休息中

參加完活動要來醫肚, 叫左個午市套餐, 見新出左芫茜皮蛋湯底, 配白魚蛋同手打鯪魚球, 要番米線, 另外加左黑醋骨配熱央, 等左一陣送來, 飲啖熱湯先, 唔係幾似芫茜皮蛋的味道, 不過飲落幾清甜🤩亦唔肥, d皮蛋食落無那陣化學的味道😜再食米線, 唔會煮到過淋, 份量亦好足夠🥰 白魚蛋正正常常係爽, 手打鯪魚球都係新出, 食落彈牙亦食到少少陳皮味😍唔錯, 黑醋骨煮得入味好好食, 感覺有d似豬腳薑的味道, 整體唔錯👍食左唔會感覺太口渴, 有下次

從前食米線都唔洗諗，一定係另一間，可惜真心覺得越來越差，米線粗鞋，魚片頭又差咗，對於我嚟講，佢已經唔係我心目中想食米線第一時間諗起嘅鋪頭，反而米線陣係俾到驚喜我，蕃茄湯底有幾塊大大地嘅蕃茄肉，米線係我心目中滑溜溜的那種，腩肉可以薄d，淋d,入味d會更好，總結都係滿足嘅一餐讚一下員工安排入坐，我見好多個都係一個人食，未坐滿佢都唔會迫人地都唔識嘅人對坐，咁我都好識做，舒舒服服食半個鐘就走了

🍜香濃擔擔湯：大汗豬扒米線每次黎米線陣都必食的擔擔米線，湯汁充滿芝麻、花生、酸菜等加入微微的辣味！豬扒炸得香脆，灑上多種香粉，香濃撲鼻，一口接一口，非常開胃！🥢蒜泥白肉（辣）+$28分量偏少，切得不夠薄身，未能好好入味，還是三哥好食啲！🌱熱青檸薏米水 +$13清新去濕氣，最適合食完酸辣食物飲！

長沙湾廣場揾食， 上面有大家樂，super sandwich，一粥麵，米線陣。 試左米線陣個早餐， 都算幾多選擇 通粉，公仔麵，炸魚柳。 揀咗個普通嘅 雪菜肉絲米粉 牛油多士烚蛋早餐。份早餐係正常好味 （冇要求，熟既，暖熱）個牛油多士只有少許牛油，就問吓服務好熱血既扮主管樓面肥阿姐， 阿姐冇戴口罩，沖埋早餐嗰度， 大大聲問：有乜嘢問題呀？ 爭你啲咩？ 冇搽牛油嗎？ （ 影唔到佢啲口水 多過浪花）之後隔離咗有兩張枱嘅人，都有問其他樓面 要牛油揸麵包，冇人再敢問果個扮主管肥阿姐總結： 食物質素份量係幾好㗎，係部分員工 衛生質素 態度惡劣

琴日食咗重慶酸辣湯底米線，覺得味道ok。其中嘅黑醋豬軟骨真係唔錯豬軟骨煮得好軟好入味，啖啖都有豬軟骨嘅香味，加埋黑醋嘅酸辣湯底，幾好食。食落去，辣辣酸酸嘅味道好過癮，幾開胃。至於牛肉片就一般啦，冇乜特別之處。牛肉片質感普通，味道都算鮮美，但相對於黑醋豬軟骨，就略顯平淡啲。不過整體黎講，酸辣湯底米線係一道令人滿足嘅美食。黑醋豬軟骨好讚，牛肉片一般，湯底酸辣開胃。下次再試其他口味嘅米線

我去咗米線陣食嘢，想同大家分享下。我揀咗擔擔湯底嘅米線，再加咗腩肉同豬大腸。整體黎講，味道唔錯，但有啲細節略微有啲出入。擔擔湯底嘅味道真係唔錯，有一種微辣微麻嘅風味，好開胃。湯底都有啲濃郁嘅香料味道，令米線更加有層次感豬大腸嘅味道亦都不錯，煮得恰到好處，有嚼勁同鮮甜嘅口感不過就係腩肉度有啲問題，有啲酸味，唔知係咩原因，可能係煮嘅時候出咗啲差錯。味道唔太合我嘅口味，有啲影響整體食物嘅風味。店舖環境方面都唔錯，係以Melody主題為主嘅，懷舊又可愛，為用餐環境增添咗啲趣味。服務方面都中規中矩，冇特別嘅亮點，但都冇出錯。

水汪汪的一張相，同餐牌天大之別，衰過車仔麵，同譚仔過橋同一個價錢呢個簡直係垃圾，未見過牛丸細粒過陳皮魚旦，都唔知邊度入貨返嚟。佢烹調方法一定係先餸後湯或先湯後餸，一定冇一齊煮過，因為啲餸係凍㗎，車仔麵都唔會咁整發啦，可以單嘢係衰過車仔麵，都唔知點解會咁多人食。冇辦法，因為我前兩日先至分別食完三哥同譚仔過橋。米線陣簡直係地獄。送餐嗰啲次次都送錯位，英文字母都唔識睇，口頭點餐嗰啲次次都錯單，我已經好醒唔信裏面嗰啲人，點知今次係最難食嗰次。

話說上回因為米線陣沒有六人枱而被迫轉往同層另一食肆，今次兩個人終於可以食了！米線是香港其中一項大熱食品，但吃來吃去，不是清湯就是麻辣，吃多了難免想求變。這回在米線陣吃了的麵條加大汗豬扒，相對喜出望外，有所驚喜。冷麵撈撈除冷麵外，尚有雞絲、萵荀絲、蟹柳、溏心蛋、花生、蒜蓉等等配料，陣容強勁。冷麵汁是麻辣汁，混入麵條後即時令整碗撈麵醒神起來！而跟餐的大汗豬扒可說是鎮店小食，豬扒厚切，外皮炸得酥脆，以蒜香椒香的風沙底襯托，香辣惹味。大汗豬扒最好再大汗些！「辛鮮」麻酸辣湯魚片烏冬可是另一驚喜，湯底顏色溫和，但辣度不低，酸香和辣香層次豐富，湯底厚而不會過重，味道叫人欲罷不能，很難想像烏冬和酸辣湯可以如此的匹配！魚片約有五六塊，亦算嫩滑，反正沒雪味沒腥味已經過關。配料就包括大量酸菜、辣椒、芽菜以及微量芫茜，竟然令致整碗烏冬越食越開胃！米線陣已被列入必定翻吃之選！

平時唔會點寫食評，但真係要俾讚，我20:30左右入去食，食到佢地last order埋單，全程態度都好好，唔係淨係一個員工，係見到個4個都好。食物就普通，但我會因為服務再黎食。

今日同朋友來米線陣醫肚，見新出既豆腐串鹽酥雞擔擔米線超吸引，決定一試！擔擔湯底十分香濃，豬骨濃湯加入花生醬、肉燥、香辛料、榨菜和花生碎，濃郁惹味！風琴豆腐串好有口感，吸收了擔擔湯底的精華，一咬開便會在嘴中爆湯，很有層次！鹽酥雞外皮香脆，雞肉鮮嫩！加$25仲可以配埋香蒜茄子同雙檸可口可樂! 特別欣賞另加既茄子小食，茄子配上蒜蓉和特調醬料，微辣惹味！朋友崇尚低碳飯食，所以另外加左幾個小食share!口水汁豆干，個口水汁一流，超香口，不會太辣但又好入味！大汗豬扒，大大件，啖啖肉！肉質爽嫩，炸得香口！很新鮮的嫩綠唐生菜，加配$20一大碟，健康人士必點！日式溏心蛋，流心甘甜，很濕潤！

呢兩日又凍又落雨，食碗熱辣辣嘅米線就啱晒啦! 每次想食 #米線，我都會諗起米線陣！最近佢地仲新捱出左風琴豆腐串X風味鹽酥雞 香濃擔擔湯米線，當然要去食啦!🍜風琴豆腐串X風味鹽酥雞.香濃擔擔湯米線 $58呢碗米線份量十足，香濃擔擔湯底用上豬骨熬製濃湯，再加入花生醬、惹味肉燥、秘方香辛料、榨菜和花生碎，令每一啖湯都濃郁惹味。米線彈牙掛湯，食晒成碗大滿足😍🐓配料有季節限定推出的鹽酥雞，好貼心分開碟上，鹽酥雞炸至外皮酥脆，鷄肉鮮嫩juicy，口感豐富！🥢除左鹽酥雞仲有風琴豆腐串，吸晒香濃擔擔湯底的精華，一咬開在嘴中爆湯，超級惹味！🍆小食 ～ 香蒜茄子 微微酥炸的茄子，配上蒜蓉和醬料，蒜香味濃，少少辣，愈食愈開胃！🥤雙檸可口可樂食辣野點少得一杯可口可樂，加入檸檬及青檸，雙重清爽感，解辣解膩一流。可口可樂仲可以揀無糖版架😉

如相啲醬多到睇唔到令人難以接受呢份係擔擔面，一撈咩都搵唔到收銀姐姐話：係呀，得幾粒肉碎既醬呢個唔知係呢間店特色定咩講咁多都未夠字數，唔知講咩好，大家睇相啦，可能我要求高，已經唔影隔離白色米線