粥盛

營業中

休息中

晚餐-艇仔粥鐘意呢間既腸粉即蒸，油炸鬼即炸（早餐時段）所以炸兩係無得輸。好多街坊會自帶盒去買。炒粉炒麵都非常好味又大份！蘿蔔糕都好抵食！今晚因唔舒服只叫了艇仔粥。短短一碗粥既時間-親見老闆對「搞事」街坊既耐性同埋對清潔姐姐既慷慨。👍🏻👍🏻👍🏻值得俾個5星

而家要搵有傳統粥譜，一啲都唔容易，呢間應該係兩兄弟打理。生滾粥唔錯，生滾豬潤粥係我嘅最愛，豬潤非常之軟滑，唔會好柴。佢唔收電子貨幣，但係可以喺app度直接嗌自取，一樣可以。

正如題目所講，我吾想用嚴格的眼光批評这粥店，因為買少見少。這是我笫1次光顧，因不是住這區，相信以前土瓜湾的粥店會很多，以前粥品是基層的食品。我叫了牛肉豬腰粥及蘿蔔糕，不過粥就要再追才有，因阿姐不用纸，只用口落單，煮粥的好耳就聽到。要讚的是共有4片豬腰，而且刚熟，口感極好，肉碎就未完全熟，要自己整碎一些才快熟。這個午餐幾好味，盛為$56。雖然地方是簡陋一些，但勝在你見到她如果煮，其實大酒樓的廚房可能很汚漕，只是你見不到而已。

無咩必要都唔會去粥店食粥，水蟹粥例外.而今次幫襯粥店就唔係我病，係女友小熊病!佢話返工時中午已經開始唔舒服，於是晚上食清淡D，去食粥.土瓜灣優質粥店唔多，總係偷工減料，幫襯過幾間粥店之後，粥盛叫做最好，料最足之餘價錢大眾化，最後原因.... 小熊病咗，為佢著想唔想行太遠.小熊點皮蛋瘦，我點咗艇粥，油炸鬼，牛肉腸同咸肉糭.好耐無幫襯粥盛，慶幸仍然保持質素無偷工減料，兩碗粥同樣足料，粥底掛碗夠綿.我地放工先去幫襯，油炸鬼唔熱係正常吧，但仍然香脆無油益味.最大問題係...... 環境污污糟糟仍未改善.

頭先係粥盛買外賣整野食個女人個口罩係下巴,係下巴都算我全份外賣佢都一路整一路同個老d女人係咁傾計勁想話唔要囉個男人call完張單個女人又掛住傾計整得兩樣野,我共買4樣野整完哂兩樣個男人同個女人講仲差咩,個女人先再整,整完第三樣野又係個男人話仲差咩先整等左好耐,個男人仲要唔好意思都無句外賣係枱打完個結望都無望我我自己係枱拎仲要老d個女人放工,咩住個袋同環保袋係咁係廚房同樓面出出入入左一陣先走又唔衛生,又無禮貌

又病呀！腸胃炎呀！都係果句，除咗食水蟹粥之外，基本上我食粥都係病咗！今次近近地，行去最近嘅粥店買個粥食算嚕！粥盛前身係一間好鬼污糟嘅粥店，黑黑沉沉又唔係特別好食，不過病嘅時間唔理得噤多，轉手后改善咗好多，但都重係有種污污糟糟嘅感覺，所以買外賣番屋企，唔想係店入面食。粥盛重有個問題，係堂食食粥感覺好唔舒服，店又唔太大，店鋪放圓枱又唔係卡位總係覺得唔知點坐，凳又坐得唔舒服！點咗個牛肉腸，炒麵，艇仔粥多蔥，粥有掛碗感覺但味道淡咗少少，想點炒米粉但賣哂，局要炒麵，炒麵唔夠熱，慶幸未至於收乾哂水硬班班。由於企係店鋪等外賣，可以睇住佢即制腸粉，人地腸粉俾成底，點解粥盛俾得半底？結果得番兩條牛肉腸？味道係唔錯，但份量就少囉！唉.....下次行遠D去強記吧......連我最中意嘅蔥都唔新鮮.....連ok都俾唔落手囉.......

今日想食得「清淡」所以就食粥了！ 點左個豬膶粥，個粥底好綿！ 豬膶又夠厚！ 很有口感！ 不知有冇人好似我咁，鐘意食豬膶，但又好怕唔熟！ 呢間會煮到好熟，所以怕豬膶粉紅的，就不怕了！ 另外仲有個炸両，不過不失，炸両是即整的，但油炸鬼不夠脆！ 但價錢好抵，$11蚊！ 埋單$34！ 十分抵食！

叫左個皮蛋瘦肉粥，粥底太稀，又多味精，每食一啖就覺得個口極乾，食左1/3碗已經頂唔順，平時我對味精都冇咁大感覺呢碗粥我食第一啖就feel到，你幻想下有幾多師傅喺入面丫？？專門做粥嘅都可以咁差，我真係唔知其他人點樣食得哂一碗

我只想要食品是熱的，可是炒麵和蝦米腸都是凍的。還要說了3次也不知道，客人要什麼。究竟你是否在發夢，我好喜歡吃這裡的油條，好脆好好味。唯一可以令我覺得安慰的事，油條仍然不錯。當時客人已經不多，中午12點30分鐘來光顧，也這樣。 街坊生意，也不這樣嗎？