紅螞蟻

營業中

休息中

紅螞蟻記得以前有好多分店，食物質素都唔差，但依家好似好多地方都無左啦，以前返工都成為我既飯堂😁。今日經過見到，又好想食下，坐位都好舒服，慢慢坐下休息下先😂。今日想食豬扒麵，印象中呢度D豬扒都好入味，鬆化既，見到下午茶餐有香茅豬扒椰香湯麵 $45 ，即刻order試下先😋😋。估唔到又幾大碗喎，果然仲keep到水準，豬扒個味調較得唔錯，淡淡既香茅味道😃。同豬扒真係好夾。不過個湯底就麻麻地，無咩味道，有少少清湯既感覺。但總括都係一種回憶既味道，唔知幾時又會消失😶。一

紅螞蟻係Vwalk 都開咗好一段時間成日都好似好多人咁 今日終於第一次去食weekend lunch 時間去都仲有位 唔使等兩個人叫咗一個lunch set雞扒米線配熱檸茶 $48 個米線同雞扒冇咩特別 中規中距 份量正常 另外叫咗個羅馬焗豬扒飯 $68 + $33 轉set可選salad / 湯 我地揀咗salad 有3塊小鴨胸，都幾大碗的！個焗飯大約等咗10mins 就到 都算快豬扒已切， 但份量偏少！玩料有三色椒 賣相還好味道方面係幾野味的！ 只是豬扒量較大快活果d 少同薄。另外見到佢有個會員制度 覺得幾抵 都即時join 了 !即時送$400 coupon +1盒cookies 每年消費滿$500 自動續會 如果住附近嘅join 咗應該幾抵 , 仲有9折 !

晚餐叫左144既豬手套餐, 來到一咬勁硬, 調味過鹹. 係德國遊學期間食既平豬手都好過佢同平過佢. 係香港其他地方同價可以食到高質好多既, 完全唔值144呢個價. 阿妹叫左個咖喱蛋包飯，結果來到個蛋煮得勁老難睇, 食係來唔熱, 味道不如出面50蚊咖喱. 塊扒仲差, 似係菜市場買翻來既廉價混合凍扒. （冇影相, 賣相太差）其次服務員服務態度都一般, 係面前舉手半日都唔見, 但當時餐廳人好少冇咩做, 都要大聲叫先肯慢慢過來. 但大佬你有收加一服務費既喔.總體來講, 以呢個價錢完全唔抵食, 去街邊食50蚊既飯都好過係到食超過158既一個餐(有加一).

因為去完迪士尼，近近地就去南昌食個dinner，實在太肚餓嘅關係，所以都冇乜影相，因為原本冇諗過咁好食。呢張係食到一半嘅時候就影嘅，超好食，如果你係鍾意食羊肉嘅話一定要試吓。我哋兩個人嗌左個二人dinner set，嘢食超級豐富，埋單每人都係百零蚊，有一個湯再加個餐包，仲有一碟前菜，前菜係有薯條韓式炸雞等等，成個小食拼盤咁，然後再有一大碟意粉，再加一塊牛扒。扒來講呢，質素就一般嘅，舊肉有啲韌，好難咬，啲薯蓉就幾唔錯，另外個小食拼盤，韓式炸雞凍咗囉，但整體來講都還好嘅。個忌廉湯超好味，再配埋個麵包，簡直一流，個麵包係熱辣辣好鬆軟，但實在太飽，忍痛放低半個包，繼續食個意粉。意粉係我最鍾意嘅天使麵，再加羊肉，佢唔係嗰種淨係放塊羊架喺面上邊，佢係有啲羊肉片撈埋個面再加啲忌廉呀芝士類似嘅物體再炒出來，如果鍾意creamy加芝士再加羊so味嘅你，一定要試。呢一碟係真係食到停唔到口，但都真係食到好飽，佢意粉真係好出色。

服務差 冷氣又超凍 近窗邊就熱 近正門就好凍 坐低咗問一個紅色恤衫嘅侍應生 我問佢用唔用到apple pay 佢話唔知 跟住佢上菜嗰陣時我問多次 因為我唔認得係佢 佢話叫我問第二個 食完之後埋單畀 錢 黑色衫嘅眼鏡女收銀全程黑口黑面 又咁啱佢哋忽然之間裝修 發出噪音 應該以後都未必會再嚟

本身放假諗住去對面間餐廳燒肉開心吓，點知好多人排隊都算，入面有個大叔係咁打乞嗤，所以即刻轉場。因為已經好肚餓，見到紅螞蟻嘅餐牌，食物選擇都幾多，咁一於坐低快快脆脆食啲嘢先。叫咗個二百幾蚊嘅二人套餐，有一個蘿蔔糕加魷魚鬚加春卷，配半隻海南雞，兩碗香飯，兩碗湯，兩杯嘢飲，仲有一大碟菜。感覺性價比幾高，而且海南雞已經去骨，食到舔舔脷，啲雞皮唔算太肥，好滑，好正！😋碗飯都好好食，軟硬適中，又唔會太油。炒菠菜都非常大碟，有誠意👍🏼👍🏼係個蘿蔔糕怪怪地，唔係平時飲茶嗰啲蘿蔔糕，似係傳統蘿蔔糕冇攞去蒸，係咁以煎香左😅😅飲品方面，凍咖啡真係甜到七彩😆😆

辛丑牛年，年初九是個星期六，大晴天！我姊說南昌公園的黃花風鈴木開花了，建議到公園溜達溜達，然後吃午餐，Go！盛放中的黃花風鈴木只有2、3棵，人比花還多！很快就逛完，到 V Walk找吃的。紅螞蟻不用等位，直接入座，４個人點了４個午餐：#去骨海南雞飯，點了２份，雞肉挺嫩滑，去骨吃着方便！油飯甘香，是本餐最好味的！#青衣魚粒忌廉汁小茴蔥煮天使麵，名字超級長，味道太淡，可能忘了放調味料！#薑汁豬柳併香辣雞小腿伴薯菜，豬柳和雞小腿都不錯，原個薯仔沒煮熟，吃不了！#熱奶茶，點了２杯熱咖啡，落單20分鐘後被告知咖啡機壞了，沒有熱咖啡，改凍咖啡好嗎？不想喝凍飲，就改了２杯熱奶茶，茶底又苦又澀，難喝！#熱檸檬茶，一樣的紅茶底，又苦又澀，難喝！

紅螞蟻讀書果陣就有，唔肯定係米同一間呢。今日係南昌停完車，想食啲野，見到呢間係V walk 裝修幾好既茶餐廳有下午茶食。佢款式都好多，有中有西，叫左個酸辣湯雞中翼米粉，$44。雞翼有四隻，都係剛剛炸起身，個米粉真係好普通，都冇乜好評價，不過週末係商場食個下午茶，又唔洗等位，係幾好既選擇。

唔該，海南雞飯走油🙄🙄🙄🙄未試過外賣油飯d飯系俾油浸住上一開始以為自己睇錯另一個飯打開時都系油浸飯以為撈下就ok點知都冇用冇眼睇，想留意見，open rice都最少要寫夠80字🥲

叫咗兩個外賣，一個係牛柳跟薯菜，一個係雪魚焗飯。雪魚焗飯朋友話好味，我就覺得我冇諗過焗飯會有飯焦。 。 。飯乾，仲煙韌。。。。餐廳有問我哋牛柳要幾成熟，我哋話七成。首先冇諗過屋村商場入面百幾蚊嘅牛柳只有1cm厚。。仲要居然其中一塊切開係可以好似完全生嘅牛排咁樣，除咗面頭煎咗一煎變咗熟，入面99.9%生....好彩佢一共3塊，只有一塊係咁，另外兩塊都有3-5成熟（雖然我哋叫7成）....兩個單叫自取外賣，埋單一共$213.

今次去咗位於V·Walk嘅紅螞蟻餐廳，環境是簡潔舒適。還唔需要特別等位，好快就有得食。見到個餐牌最吸引嘅就係蜜糖芥末豬手啦，所以即刻叫咗一份嚟食。跟住仲叫咗京式烤鴨肉蔥油薄餅。「蜜糖芥末豬手」原隻豬手配以香滑薯蓉，豬手皮脆，而肉質鬆軟入味，口感十足。豬手配搭蜜糖芥末更惹味。可借蜜糖芥末醬份量相對小，如果加返多啲會更好。此外，香滑薯蓉重牛油味，香味撲鼻。「京式烤鴨肉蔥油薄餅」京式醬烤鴨是中式菜式，味道本身好夾。現在以意大利薄餅，重新演繹京式醬烤鴨，更有另一番風味。菜式減少咗京蔥嘅比例，增加咗意大利薄餅重要嘅元素 -溶化嘅芝士。溶化嘅香濃芝士令薄餅更加滋味。可惜烤鴨肉分佈不均，不是每一小片薄餅都有鴨肉。整體來講好食。

以前香港好多紅螞蟻，現在執下執下好似唔多再見有。今日lunch嗌咗個豬軟骨椰香辣湯米線，其實唔係第一次食，以前起megabox的紅螞蟻已經鍾意食呢個湯底。不過真心失望，個湯底淡左好多，味道都無以前咁香，只係覺得好多油。豬軟骨我覺得都ok的，煮得幾淋，份量又多，其實呢個價錢算抵食，又大碗，但個湯底真係有點扣分，而且米線又煮得過淋，整體質素好一般，所以我唸我唔會再試呢個湯麵餐。另外因為疫情會有塊Partition, 塊板勁多汁，應該係之前的客人彈倒的汁，希望職員會多加留意，要清潔下。

閒日set lunch 唔貴有主菜有野飲                                                                          環境又唔多人 唔逼基本上滿足以上要求  就要比好評偶爾翻工食好少少都唔過份夠熱夠味 就無可挑剔                                                                                                                                                     有set lunch的話真係可以翻兜                                     

買外賣番去食，睇到佢個餐牌見到啲食物名好似幾吸引甘，甘諗住算啦，雖然價錢有少少貴，但係買番去試下。俾錢個陣，因為我比較大食，飯通常都唔夠我食，所以禮貌地問左個個收銀，可唔可以多飯，點知佢一面不屑又帶啲鄙視，好串甘話：我［幫］你打多飯。感覺到佢態度差，帶輕視感。食物方面，賣相都唔好架啦，但係都算，但係條魚竟然未熟就俾人食，唔係呀麻😑一督落去，硬到.....督唔入...啲肉好似刺身甘既色...未見過啲餐廳魚都蒸唔熟。啲黑豚肉賣到成80幾蚊，但係份量少到一個點....同埋啲蜜糖咸豬手，又唔脆，肉又un😑唔會再食...一次收檔

1/5這一家真的算得上難吃了，魚塊飯，魚有微腥，雪味很重。煎蘿蔔餅，非常咸，餡料濕漉漉，一套嘔吐物的質咸。炸雞又油，粉漿也不脆。(Google translate) This one is really unpalatable, the fish fillet rice, the fish is slightly fishy, ​​and the smell of snow is heavy. The fried turnip cake is very salty, the filling is soggy, and the vomit is salty. The fried chicken is oily and the paste is not crispy.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly