素一素

營業中

休息中

10月1日是國際素食日🥒就來一餐素食餐～香工批發市場food court （位於地庫）就有一間素食嘅餐廳，午市做三餸飯，晚市即做小菜。我們選了紅炆獅子頭煲 配紅米營養飯及素一素雜菇炒飯，二款都配精美素湯。特別一讚素湯，很清很甜嘅湯水，每碗裝有好多湯料，有芽菜、瓜類等，健康滿滿。而紅紋獅子頭則是用油豆腐配各種素料混合而成嘅獅子頭、並配以菜心雲耳冬菇，香濃入味，拎回家翻熱後味道仍舊好味😋素一素有一個corner 是放了不同的書籍，並會定期供齋派飯給長者和關愛人士，歡迎各位有心人士隨喜結緣，積功德！

同朋友仔去咗荔枝角，香港工業中心行街買衫，原來地庫有個foodcourt ，入面好多唔同種類嘅小店，自助間素食餐廳素一素，個名都幾盞鬼🤣玩食字平時都好鍾意食咕嚕肉，佢哋嘅咕嚕肉同真嘅一模一樣🤣佢哋用咗牛蒡取代豬肉，感覺好得意！除此之外，佢哋仲配咗紅米飯，成個感覺又再健康好多，下次可以試埋其他。朋友仔食咗紅燒獅子頭，超香口外脆內軟，而且份量十足share咗俾我食，最衰唔記得咗影相🙂‍↔️整體感覺都唔錯，價錢相當抵食！

店如其名，係一間好健康嘅素食餐廳！行經荔枝角香工買靚衫，落到地库位置原來有個咁大嘅food court，如果唔系行街睇衫无意望到条扶手电梯都未必察觉到這裡有个小型美食广场！扶手电梯一落就见到呢间素一素，日式木系裝修，隨便任坐，相當放鬆，好舒服，啲網絡姊妹话炒饭好食，打算試一試啦，點知睇吓餐牌嘅時候又比第二樣嘢吸引咗🤣，有個餸叫做咕噜菠萝牛莠，即刻想试吓！睇吓佢同菠萝咕噜肉有乜分别，估唔到有出奇地好味😋牛莠有丰富嘅纤维，食物好健康，仲有红米饭加碗汤好有住家feel👍

今日同屋企人帶小朋友嚟呢邊上堂，等佢落堂期間我就嚟咗food court行下，揀咗呢間素食嘅試下，買外賣返去。食落味道唔錯又健康，值得推介。叫咗包羅萬有，涼瓜味菜，甜酸麵筋，四季豆外婆菜，三絲娃娃菜。揀呢間餐廳主要都係因為我好鍾意食甜酸麵筋，麵筋吸晒個酸甜口味，確實非常滿足到我。包羅萬有就好似炒雜菜咁，蓮藕，蜜糖豆，西蘭花，椰菜花，紅蘿白等等，口感同味道都好豐富，好食又有營養。味菜涼瓜，唔會太苦到食唔到，但又有涼瓜味道，好另外其他四季豆同味菜好食又唔會太淡味道，反而成日食濃味外賣食到怕，呢到嘅食物食落感覺好健康，味菜輕輕吊味，飯係紅米飯，加埋三絲娃娃菜，嫩嫩香甜，健康嘅選擇真係唔錯！食物好食，性價比高，推介！

今日甘岩經過荔枝角香港工業中心，見到呢間素食店都幾吸引，有好多款唔同既素食我揀咗3餸：咕嚕素肉，大豆芽榨菜素肉，炒時蔬，配紅米飯同例湯咕嚕素肉：個樣真係好似平時既咕嚕肉😆，食落好有口感，好好味👍大豆芽榨菜素肉大豆芽脆嫩爽口，味道鮮美，而且大豆芽高纖高蛋白質，又低熱量，營養價值高😊配埋榨菜同素肉，味道好夾👍炒時蔬今日既時蔬係菜心，好新鮮清甜，清炒都已經好入味👍除咗3餸，仲配埋紅米飯，同埋節瓜紅蘿蔔素湯，红米高膳食纖維，素湯好清甜，而且整體飯餸份量都多，呢餐飯食得飽肚得黎又好健康👍😆呢間餐廳除咗素食既款式多樣化之外，環境座位都坐得好舒服，店員態度很友善，整體都好滿意呢間餐廳，下次會再幫襯😆👍

夜晚喺荔枝角上堂，諗住上堂之前就快快手食個便飯，平日食嘅嘢都比較多鹽多油，今日就健康一波食吓素食。🥦地理位置都容易搵，一落電梯就見到，而且佢款式比我想像中多。煮出嚟都係色香味俱全。 套餐會跟紅米飯同埋湯水。餸菜份量都好多。 紅燒獅子頭足足有五粒，而且口感都幾似；菜心都有成大煲，講真我真係食得好開心。😆😆唔好諗住素食唔好味，健康得來其實好好味，而且店面非常多位，其實放咗工想食個快飯，呢度都係唔錯嘅選擇。

近排因為一啲原因多咗選擇素食，然後先至發現香港嘅素食選擇真係好少，一係就好貴，一係就係好傳統嘅中式素食，再唔係就係沙律嗰啲。今次嚟到工業區荔枝角，估唔到都有素食可以選擇，香港工業中心本來係批發為主，但原來地庫係有一個小型嘅美食廣場，雖然格局好似有啲奇怪，喺個小小嘅路口行落去，但係落到去發現都幾企理，素食嘅空間好乾淨整齊。因為我係晚餐時間嚟，可以選擇食套餐，先有一個中式湯水，冇諗過唔用肉都可以煲得好鮮甜，然後選擇叉燒黑松露炒蛋，仲有一個係咕嚕肉，配襯紅米飯，成個餐份量啱啱好。千祈唔好覺得素食就一定好清淡，我好鍾意個蜜汁叉燒，佢係用咗柚子蜜，我覺得同豬肉叉燒去比較嘅話，其實呢個仲好食，起碼唔使擔心啲叉燒太肥有肥膏。松露炒蛋都做得好，另外咕嚕肉我覺得真係唔講唔知佢係素，酸酸甜甜好開胃。幾十蚊一個晚餐，性價比都算唔錯，我見到午餐嘅兩餸飯仲吸引仲平，喺附近做嘢嘅人有機會過嚟試吓！

星期五放工同男友去荔枝角睇戲，見到附近有地下food court就落去試下~下面燈光都光猛，唔算多人，適合靜靜地食飯，我哋揀左呢間食素的，想健康啲！除左有住家飯套餐，亦可以揀食burger薯條，選擇幾多樣！跟餐有湯飲，仲可以添碗！呢款係蓮藕紅蘿蔔花生綠豆湯，煲得好入味，完全冇味精，飲落幾清甜，鍾意飲湯的男友都添左碗！彩虹杏飽菇露荀木耳 配紅米糙米飯 跟湯 $88露荀、杏飽菇、木耳、青椒同紅椒，咁多隻色，除左好睇都好食！啲露荀幾新鮮爽口，杏飽菇都好滋味，配紅米糙飯就夠晒健康！素福建炒飯 跟湯 $88男友話福建炒飯幾可亂真，同真的福建炒飯一樣，但感覺輕盈健康啲！碗飯好豐富足料，都幾唔錯！男友食到lam lam脷！

【深水埗區】【素一素】呢幾日大家都見我經常喺香港工業中心食嘢，因為過咗嚟做嘢。之前都係同真正哥食，今次就同春哥食，帶咗佢落 food court 食，佢都話有幾多選擇。而我哋今次就玩吓新嘗試，試吓食素。呢度有個 area 劃開咗係食素嘅，仲寫明係唔可以喺度進行葷食。我覺得呢個安排都幾好，因為之前都試過幾次呢啲網上嘅「世界大戰」，就係講葷食同素食嘅用餐位置嘅問題，而呢度就可以免卻咗呢啲爭拗，所以我話幾好。咁呢個 area 就有一間素食餐廳叫「素一素」，都好受歡迎，座無虛席，個個都係食佢哋個套餐。我哋都試 $52 嘅「自選素齋套餐」，呢個價錢係三餸嘅價錢，春哥揀咗「麻婆豆腐」、「咕嚕素肉」同「炒時蔬」，我都有食啲，味道都幾好。個麻婆豆腐有少少辣，咕嚕素肉個味都唔錯，炒時蔬係炒菜心，啲菜都幾靚。籠統啲講，呢幾個餸都幾好食喎。我就揀咗「包羅萬有」、「金菇雪耳蒸水蛋」同「蒸素餃子」，包羅萬有即係羅漢齋，炒得幾好，蒸水蛋都好出色，而蒸餃子係穩陣地好食嘅。跟餐仲有「營養飯」同「蓮藕湯」，都係健康之選。喺成日出街食嘅生活之中，呢個價錢可以食到呢餐飯都唔錯嘅。。。（地址：荔枝角青山道479-491號香港

呢間餐廳位於荔枝角香港工業中心地下既餐廳,入面有好多餐廳既FOOD COURT今次黎左食素菜,素菜午餐好抵食,仲有好多選擇好似食三送飯咁,呢度都係自選食物,飯係指定左既紅米飯,飯既份量係好大碗既,仲有包埋餐湯,我地轉左一碗盅既燉湯入面有栗子同埋下火D,另外一個餐就跟返正常既紅蘿蔔粟米湯,湯好清甜足料自家制,送我叫左菠蘿咕嚕肉其實係酸齋既麵筋酸酸甜甜咁好入味都幾多食,仲叫左個豆腐比較清同嫩滑既,同埋菜,呢個餐份量好夠,仲叫左一碟素餃子入面包左粉絲涵料。

今時今日飲食非常豐富，經常多肉少菜，但食得太多肉會增加身體嘅負擔，所以都想試下食素食素的好處很多，可以減輕腸胃負擔，降低體內毒素，避免尿酸過高，降低中風率及心血管疾病叫左兩個套餐，各款套餐加＄20可配時菜一份每個套餐都配紅米營養飯＋精美素湯紅燒獅子頭$98獅子頭整得好出色入味，雖然係素菜，但肉味像真度很高，食落好有安全感🤣🤣🤣真係食得健康又放心😋🤭彩虹杏鮑菇炒露筍$88因為好鍾意食菇菌類，而且蘆筍新鮮嫩滑冇渣，送飯一流

工業中心新開左個food court,選擇幾多，估唔到仲有素食，lunchtime時間好受附近番工既人歡迎近排都想食得清淡啲，買兩個做外賣先！午市有8個餸簡，有陳醋素鴨腎、包羅萬有、咸蛋豆卜炆節、滷水雞脾菇、炒時蔬、欖角蒸南瓜、麻辣蓮藕雲耳、鮮菇扒娃娃菜勇士好受歡迎，有啲餸都冇晒就係，我簡左兩個三餸飯，一個有陳醋素鴨腎、咸蛋豆卜炆節、滷水雞脾菇，另一個有包羅萬有、鮮菇扒娃娃菜同滷水雞脾菇如果鍾意食素，呢度啲嘢食都幾啱口味，因為煮法清淡，都係清炒，食落唔覺落左味精，加上仲配紅米飯同自家製老火湯，真係好有屋企自家餸嘅感覺

我今日去左荔枝角辦事，順道約同好友去位於荔枝角青山道489-491號香港工業中心C座地庫C2號舖的素一素食素菜午餐，環境闊落開揚 ，裝修是食街型式。買票取食物，自己找空位就座。我點左二個四餸飯餐，每個餐是$62。今日的素菜有：椰菜粉絲炒木耳、沙茶枝竹羅蔔、甜酸麵筋、炒時蔬（油默菜）、鮮菇扒鮮腐竹、陳醋薑蓉蒸茄子、菜脯素义燒炒蛋及包羅萬有，剛好有8款菜，正好二個餐就有齊8款菜，每個餐都有一碗素菜湯和一碗飯，我加左一條素春卷$10。素食材新鮮，款款都好味，我最喜愛甜酸麵筋，薑蓉蒸茄子。

近排努力做運動，做完運動之後當然唔想食太多嘢，見呢個商場地庫有超多嘢食，仲有素食飯添！呢度仲會有素食三餸飯，好多選擇，而且價錢一啲都唔貴✅欖菜素叉燒配松露炒蛋配藜麥營養飯+精美素湯（$88）欖菜素叉燒的口感十分逼真，入口有嚼勁，味道同真叉燒有幾分相似，松露炒蛋夠香，唔會太鹹或者鞋，配藜麥營養飯幾開胃👍🏻素湯其實主要係蘿蔔煲出嚟，清甜而且冇味精，似屋企會煲嘅湯✅茄子枝竹煲配藜麥營養飯+精美素湯（$88）茄子煮得軟糯入味，香香辣辣好惹味，搭配上香氣撲鼻的枝竹，味道豐富。茄子和枝竹的香味充分融合，好味又有營養

今日係年十五，係一個機會比腸胃抖抖既一天，同朋友去荔枝角食飯，搵到呢間好有家既感覺素菜餐廳🍴✨柚子蜜素叉燒配松露炒蛋 $88色香味俱全既炒蛋，好濃郁既松露，柚子蜜素叉燒食到笑微既柚子味，素叉燒口感都有一下覺得似緊食肉，味道同口感都太似了😂配紅米飯 重點係米飯同湯都係任裝的，當然係要食得曬既情況下先好😆✨營養素湯 - 加左羅漢果，味道酸酸甜甜，好開胃，且溫度熱辣辣，岩曬依家乍寒還暖既天氣✨雲耳杏鮑菇鮮霧筍 $88炒至翠綠既鮮霧筍，好爽口鮮甜，岩曬想清清地又健康既人士👍🏻