影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
極品金脆 $198一向都鍾意食金莎朱古力，見到美心西餅呢款新產品就試試。官方資料：極品金脆以經典Ferrero Rocher金莎朱古力為靈感，外層朱古力杏仁碎脆皮，配搭內層黑朱古力慕絲、魔鬼忌廉及軟滑朱古力榛子醬，蛋糕造型獨特，還原品嚐朱古力真實口感。外層朱古力杏仁碎脆皮包住朱古力海綿蛋糕，主體有黑朱古力慕絲，原味海綿蛋糕，朱古力海綿蛋糕，中間有朱古力脆脆粒。食落朱古力慕絲特別滑又濃朱古力味，我都鍾意個朱古力杏仁碎脆皮，海綿蛋糕就麻麻地，不過可以平衡朱古力既油膩感，如果榛子味濃d就更加似金莎朱古力。呢個蛋糕四個人分啱啱好，賣相都唔錯，呢個價錢算係咁。隨蛋糕會附送一條金莎朱古力(3粒裝)，唯一可惜係咁快就送嗮金莎朱古力一包三粒裝。
繼續閱讀
每逢農曆新年，即代表各類賀年糕點出埸的時候了。今年除了翠園之外，也有試到美心西餅的蘿蔔糕，同樣討好。店方標榜的是瑤柱蘿蔔糕，臘腸、瑤柱及蝦米自是必不可少的食材，配合清甜新鮮的蘿蔔而製成。縱使是非酒樓出品，甫切開也見到到一條條蘿蔔條，糕身軟糯，入口鹹香惹味， 味道比較豐富且複雜，香煎清蒸一樣香口甘甜。小人更喜歡在吃蘿蔔糕的時候加入XO辣椒醬，比一般蘿蔔糕多了一重鮮味；加上辣椒醬的刺激，為每年都食的蘿蔔糕加多一重新鮮感。蘿蔔糕愛好者不能錯過！
繼續閱讀
🏖️話咁快就踏入夏天啦！圓圓媽媽有個新目標😋，就係希望可以食得再健康啲。平日湊小朋友咁忙👶🏻，食嘢方面就梗係愈簡單愈好，如果能夠隨時隨地都可以食得健康啲，同時亦不失所需營養就最好不過啦🤩🍞美心西餅推出全新美心健康「新」之選系列，特別選用多穀麵團，再混合8️⃣種健康穀物製作嘅麵包就啱晒我啦😋😋 🌿今次美心西餅再次聯乘 OMNI @omnifoods.hk OmniPork 以純素，並且無添加激素及抗生素嘅新肉絲製作出 #南瓜芝士新肉絲多穀包 及 #黑椒蘑菇新肉絲多穀包 😋而我最鍾意食 #小紅莓多穀早晨吐司 ，因為啖啖麵包入面都會咬到穀物，口感好特別，配埋甜甜酸酸嘅紅莓，好開胃🤣不單只有豐富嘅膳食纖維，仲係低升糖指數，為追求健康嘅你增添多一份選擇🥰你睇下圓圓食得幾開心🤣🤣我平時太忙嗰陣都會買比圓圓食㗎，健康最緊要吖嘛🥰大家都快啲去美心西餅選購啦❤️💪🏻另外圓圓媽媽仲有三個「新」目標，希望可以令自己更健康，有健康嘅身體先可以有能力照顧好小朋友吖嘛👶🏻！你地又有無訂立夏日新目標呀？快啲話比我知啦😘😘@maximscakeshk #美心西餅 #美心健康新之選 #健康新目標 #healthylifestyle #南瓜芝士新肉絲多穀包 #黑椒蘑菇新肉絲多穀包 #小紅莓多穀早晨吐司 #OmniFoods
繼續閱讀
同事搞慶生唔知邊個發板去買左個美心蛋糕🥱🥱雖然有時美心啲蛋糕賣相唔錯但都係少食為妙大大個水果蛋糕平心而論 賣相係唔差多生果 少cream 脆脆底萬無一失啦點知⋯全部生果都勁酸無一幸免 個個食到都話酸蛋糕個底係ok 但水果蛋糕至少都要生果好食先叫好食啦好日都唔會幫襯佢啲蛋糕呀真係
繼續閱讀
哈哈，有嚟到一年一度嘅生日啦，今年如常咁樣繼續返工，食飯做嘢。本身都諗住今個生日係好平凡簡單㗎啦，點知突然間我個同事就喺下邊美心買咗一個生日蛋糕俾我，今次佢買俾我嘅呢就係一個藍莓味嘅芝士蛋糕。呢個芝士蛋糕好得意，上邊係一層口口嘅啫喱，啫喱入邊仲有啲藍莓仔，好好食。咁再下面一層呢就開始去到芝士蛋糕啦，因為我自己係好鍾意食芝士蛋糕嘅，而同事都知道我好鍾意食芝士蛋糕，所以佢就買啱咗我鍾意食㗎啦，不過今次有驚喜嘅係，佢最抵果層餅碎好口好好味，因為多數喺出邊食嘅芝士蛋糕下邊嗰層別墅都係好博嘅啫，但係今次美心做到好厚。所以令到個芝士蛋糕都好有口感同埋好香口。希望下次繼續推出一啲新嘅藍莓味蛋糕啦哈哈。
繼續閱讀