翠河餐廳 (朗屏邨)

營業中

休息中

上年呢度開咗間翠河，閑時都會黎光顧食下碟頭飯，呢一間比其他地方好因為好多時候都不用排隊地方寬闊，環境舒適！我自己就好鍾意喺茶餐廳叫煲仔，尤其係粉絲肥牛煲同魚香茄子煲熱辣辣香噴噴， 睇吓我嘅笑容就知道哂好唔好味簡簡單單兩個煲仔兩碗飯，又一個美好嘅晚上

屋企樓下新開咗間翠河餐廳 梗係要試下啦 早餐時間唔係太多人 而且位座位亦都幾闊落 亦都有卡位好多夠曬私穩 啱曬一個人食嘢 唔使畀人眼超超 我叫咗個餃子米線配 火腿炒蛋 另外仲有半件多士 佢唔使加錢已經幫你烘底咗 亦都有好多牛油 一啲都唔吝嗇 餃子餡係菜肉 不過略嫌餃子皮比較厚身 口感一般 但係肉味幾香濃 味道調教得幾好 米線分量夠多 亦都幾有咬口 朋友叫咗個蕃茄薯仔通粉配雞蛋漢堡扒 漢堡扒唔係度度都有 不過比較細塊啲 但係勝在夠曬惹味 而且番茄同薯仔份量都幾多 夠曬飽肚幾足料了

琴晚阿媽無煮飯落左樓下翠河食晚飯，係咁易叫左芝士大蝦伊麵、豆腐雙腩、腐乳通菜炒牛肉，d蝦夠就夠大隻喇，但你太霉，芝士有d稀，不過就唔會太膩，碟牛肉第一次上，未溶雪又唔熟，叫佢整過，再黎細碟左，最後個豆腐雙腩，豆腐同魚塊都ok既，但係d燒腩肥到hihi, d小唐菜就苦既，真係唔會再去食，badlist ! 服務又唔係真係好，叫極都無人serve, 望到你眼神都會飄走又唔過黎，再唔係就推d 新人過黎處通, 間餐廳又唔係多客，差！

有一次下晝落去買飯食，叫咗個咖喱飯叼之前已經叫佢多汁，但我拎到返屋企小汁到根本食唔到，唔明點解叫左多汁都可以咁少（唔記得左影相）之後拎番落去叫佢比多少少佢好似好吾願意咁，我吾會再食。完