翠苑甜品專家 (望隆街)

營業中

休息中

中伏！話說係附近食完晚飯之後，可能太好味，愈食愈餓咁！於是走左去食糖水...點知中左伏！😫補腎合桃糊（$17）淡而無味！合桃味唔夠香濃！另外，食果陣見到一粒粒粉漿既物體，水準很低唷！燩奶（$20）好明燩既時候掌握得唔好，燉奶燉到老左！入口燉奶硬身並不軟滑！而且食完面頭果層之後，內裡水份頗多，very bad!

筲萁灣的翠苑是一間沒有華麗裝修，也沒有甚麼綽頭特色甜品的糖水鋪。他們走的，是較傳統的熱食糖水鋪路線，食客多數叫芝麻糊，腐竹糖水這類中式糖水。一個站立式餐牌已齊哂所有款式，約二三款。價錢是非常非常便宜。本來叫了芝麻糊燉鮮奶的，但賣哂，轉杏仁糊燉鮮奶，職員拿了出來卻說不夠熱，不能這樣賣給食客，所以唔肯賣。可以見到他們真的不會因為想做生意而將一些未準備好的出品草草賣給用家，值得一讚。最後我們叫了一個腐竹蓮子糖水，一個大良燉鮮蛋。顏色非常之白，腐竹已經完全煮溶，配上浮上面的一大隻雞蛋。底下是份量頗多的蓮子。這道糖水的味道非常之適中，不會覺得太甜，而腐竹的滑配合蓮子的咬口，令人回味無窮。大良燉鮮奶看似沒有太特別的賣相，但因為濃度夠，稠而不水，舀起來沒有拖泥帶水的感覺，甚至有一種回彈的力量。不論味道和質感都是浪子食過既燉鮮奶中數一數二的。埋單不過$42元兩碗糖水，豈不超值？

住左筲箕灣幾十年，只幫襯過呢間糖水鋪幾次，記得有次食燉奶芝麻糊，都ok冇問題可以安心食用。然後有次食楊枝甘露....西米重硬嘅，椂柚渣多到以為食緊蔗。之後有晚想食個凍紅白（紅豆沙+豆腐花），好有禮貌咁問佢有冇凍紅白，個亞姐好惡好鄙視咁答「冇冇冇！我地唔賣d咁嘅嘢！」（間嘢係有呢兩樣嘢食）我唔知紅白係咁下賤，比人用「呢d咁嘅嘢」黎形容，我唯有走！今晚想食個凍喳咋，亞姐又答好惡咁答「今日冇！」，我問佢有冇凍綠豆沙，亞姐又用更惡劣嘅態度答我「冇冇冇，冇咁嘅嘢」（間嘢有綠豆沙但我以為大熱天時會有埋凍嘅）...冇凍糖水都唔洗好似我乞佢咁嘅態度掛？

這夜約埋三五知己晚飯共聚後，再下一城找間甜品店繼續歡樂。我帶他們一行六人來了這間中式糖水店，店內雖已座無虛席，但為了要完滿我們的聚會，我們願意等⋯😊我向他們推介了我平時較多吃的品種；如腐竹白果薏米、桑寄生蓮子蛋茶、芝麻湖、蓮子紅豆沙、杏仁合桃露、薑汁燉奶、綠豆沙、薑汁蕃薯及咋喳等⋯⋯驟聽不過是普通的傳統糖水，但要讚的是能吃出真材實料又用心餚煮兼價錢合理！但其實以上每一款甜品都是我每天放工或隔日也會吃的，這裡的糖水都不會做得入口過甜，現正天時暑熱，吃過凍腐竹糖水夾著白果和薏米的香甜味，頓時覺得清潤透心涼，最吸引我是這裏的蓮子大粒又口感綿螎，好好味！芝麻湖香濃順滑，絕不是粉漿水溝出來的貨式，桑寄生茶的甘甜得來不會令你食到苦澀味道，杏仁合桃露和咋喳一樣有水準、吃到尾仍有果仁味存在，幼滑嘅燉奶中那濃烈薑汁味更是我最愛，而間中我又會吃碗紅綠兩溝，豆香清甜潤肺，潤腸香甜又有益嘅蕃薯更是我不二之選。唯獨對這裡有一點不滿的是，實在太細碗喇😫⋯⋯!姊妹們要懂得養顏之道，選擇吃中式的傳統糖水不失為一個由內至外既好方法。我們這次就在一個嘻嘻哈哈的笑聲中結束了聚會😍。

同屋企人食完父親節飯，就直落去食糖水！本來想去食甜品老媽，不過可惜已結業，所以就食最近嘅翠苑食傳統糖水啦😀可能仲早，我哋8個人，唔洗等位就可以直接入去坐。環境有少少逼，但依種就係小店嘅傳統風味，好過冷冰冰嘅連鎖店呀!我就叫咗$18嘅薑汁燉奶，熱辣辣又抵又好食！依家要揾啲咁平嘅糖水真係越見越少啦~啲薑味同奶味配合得好好，唔會失衡，滑嫩嫩好正呀!希望大家可以多多支持啲小店嘅經營，唔好等佢哋一間間倒下先珍惜懷愐呀！😞

西式甜品店既款式日日新，轉個街角又有間新，有時款式真係多到數唔哂都唔知揀邊樣，雖然身為一個甜品控，但中式糖水既地位係我心目中係無可取替既今次黎到呢到，好多舊區舊街市舊商店，其中呢間舊式糖水就係必定要幫襯既！！！！蓮子百合紅豆沙$14：首先，淨係個價錢都已經無得輸，十四蚊，仲要係大碗（比平時飯碗大一半左右）,仲要畢到滿一滿驚唔滿瀉咁用匙羹一筆，嘩！啲蓮子多到數唔哂咁感動啊紅豆同樣有好多好多，就算自己煲都可能無咁足料啊完全無得輸呀！食落佢都算係食糖，可能有啲人會覺得太甜，而我呢個好甜怪當然唔覺得太甜啦雖然個人心目中覺得最好既紅豆沙係煲到起哂沙果種，但呢到渣咁多都係另一種滿足係咪先蕃薯糖水$14：拿...我認...我認我係大食...因為食完碗紅豆沙實在太滿足太想食多碗，於是咪叫多碗蕃薯糖水囉，人生係咁簡單架喇，想食咪食囉嘻嘻一黎到，一貫多渣既風格，勁多蕃薯！！！睇到幅圖都見到有幾澎湃呢點知食落更驚喜，佢係薑味勁濃！！大家唔洗擔心薑味太濃會好難頂，因為同時佢係好甜，係辣同甜既交融下，再一啖一啖咁食果啲煲到溶哂既蕃薯，簡直係天堂既美食我食到直頭連舊薑都想食埋落肚，如果唔係有朋友係到，我一定叫第3

晚上飯後想食碗傳統中式甜品，行15分鐘過筲簊灣，呢間中式甜品同西灣河明X不相百仲，人氣人龍同是長期高企。今晚9:30裡面2O個位坐滿，仲有4個人等位，外買成十幾人排隊，我地2個人外買都排左1O分鐘。人氣高企除了真材實料味道好，仲要超扺食街坊價，一般糖水都係$16，芝麻糊強勁芝麻香味，而且芝麻磨得香滑幼細，濃度拿捏得很好，不會稀爛得水汪汪，又不會起粒粒，甜味偏低，感覺健康養顏。😋. 杏仁糊同樣叫好，清甜杏仁味，濃度甜度同是拿捏得非常好，食完立即有養顏健康感覺。😋

老店 可以話係兩極係, 一係人情味重 店員好吹得; 一係態度惡劣 直情唔想做生意咁不幸地 我中左後者一入店舖, 坐下, 揀糖水 叫店員落野食, 畢糖水的姨姨語帶不耐煩表示叫出黎得架啦;樓面就忙緊界卡紙咁我地叫左香芋椰汁西米露、楊枝甘露各一咁我地食野啦, 有位老人家食完糖水借廁所, 老人同家人一齊來的2位阿姨好惡咁講 「記得沖廁阿」, 每人講左兩三次, 家人都提醒婆婆我明白沖廁係個人衛生, 或者婆婆可能之前有忘記既情況, 但都不用一而再 再而三好大聲咁講, 老人家都要被尊重, 何不行過去叫佢屋企人幫下眼好咁食完啦, 我地吹左陣水, 店舖都未滿座個樓面阿姨好惡咁講 「比返張枱我」 我地梗ok架佢又講「33阿」 我都真係嬲嬲地咁講 「分開比阿」出到去佢仲係好簡短快速地問「你幾多阿」...真係好令人難受既態度!講返食物, 楊枝甘露過甜, 幾厚身, 芒果西柚不多, 食得極慢, 努力先食得哂 食物係其次 態度最重要!!

新時代來臨，各式其色的糖水店開得遍地開花但發現近來的糖水店都走fusion的路線，不斷創新口味、花款但味道並非每一間也能做到很好，而且價錢亦非平民於是，我們仍是留守著傳統的港式中式糖水，懷舊滋味還在堅持著，價格相宜。翠苑在港島區有數間分店，要數好吃之一就是位於筲箕灣的店屹立數十年風雨不改，味道堅持如一所以每每飯後時間都要排長龍，附近都泊滿來買糖水的車，好不熱鬧。＾多款傳統中式港式糖水可供選擇。 核桃露：濃郁香醇的核桃香味，口感綿密，入口稠杰。未知是否臨近收鋪時份，食材放置太久不新鮮，核桃有少許油溢味，扣了點分。 杏仁糊：杏仁香滿滿，杏仁糊細滑柔順，入口除了杏香還有清澈，傳統風味一步到位。

係北方餃子源食完晚餐之後唔夠飽，所以就想沿住東大街去搵甜品食～係筲箕灣好多好嘢食，今日特别想食邪惡的芝麻糊，呢啲中式甜品梗係要幫襯傳統糖水舖，所以糖品同甜品老媽都唔啱心水，諗諗下記起有一間食糖水好鬼平，又好出名，所以決定去食翠苑啦！！去之前睇睇openrice，個個都猛片呢間分店既阿姐態度差到一個點，着重服務態度既曉晴係有少少淆既，加上佢地話啲糖水真係麻麻，但為左芝麻糊，我不入地獄誰入地獄？所以都係去啦！店面算大，可以放廿幾人啦，店員清一色姐姐，牆上貼了餐牌，好多都無，只係晚上八點就乜都無，點做生意？甫坐下就已被bea，曉晴好緊張，都未諗定要芝麻糊定芝麻糊燉奶，因為兩樣都想食，但有飯友寫話後者係伏，芝麻糊份量甚少，三心兩意之下都係唔信邪，點了一客聲稱第二招牌菜：芝麻糊燉奶啲甜品應係一早整定，因為叫完唔夠兩分鐘就有得食，碗嘢一到就知係伏，你見到黑色既地方就係芝麻糊，份量就係睇到既咁多，其他都係燉奶，好灰。 更灰既係，碗嘢暖的，唔熱的奶味唔重，但算滑，真係無乜特别，食第一啖已經鬧自己點解唔聽飯友話；芝麻糊係幼身而稀薄，芝麻味弱，份量極少，得兩湯匙左右，好少好唔開心，早知就叫淨芝麻糊啦都係個

尋晚喺東大街食飽飯就想買碗糖水番屋企食啦, 咁就行去翠苑買一入到去, 已經有個男人等埋外賣, 個男人攞咗糖水離開我就行入去收銀個位置當時收銀阿姐又執緊樓面D碗,我就等阿姐埋番收銀度就落ORDER當落ORDER時收銀阿姐就大聲同"畢"糖水個阿姐講: 兩碗腐竹意米加白果 行街咁我就行去近門口果邊即"畢"糖水附近等啦, 等咗一陣都唔見"畢"糖水阿姐有動靜, 咁我就行入去再問吓***其實由我落ORDER果刻開始,"畢"糖水個阿姐已經同門口張枱個阿姐(應該都係員工)吹緊水***呢個時候收銀阿姐見到我行入嚟,佢就即刻再同"畢糖水阿姐講: 兩碗腐竹意米加白果 行街"畢"糖水阿姐今次聽到喇, 咁我直情望住佢"畢"啦, 啉住佢一畢完我就拎走一開始佢就"畢"咗兩隻雞蛋分別落兩個發泡膠碗度, 跟住就極速咁"畢"腐竹意米糖水落個碗, 咁我就出聲: 我唔係要加蛋, 係加白果***其實到呢一刻, "畢"糖水阿姐把口都未停過, 繼續吹緊水***我一講完係"加白果", "畢"糖水阿姐就用好不滿嘅眼神望住我, 跟住收銀阿姐就急急糾正話: 係加白果, 咁我見住佢將兩隻蛋"畢"番出嚟, 跟住又係極速咁蓋上碗蓋, 我就再問:

突然想食中式糖水, 就諗起呢間古老糖水舖, 之前都有食過, 都冇試過service好似今次咁差。先講食物, 桑寄生蓮子紅棗旦茶 - 個底唔會好淡, 紅棗同蓮子都煲得好冧, 特別係蓮子浸左糖水好甜好好食, 蓮子份量亦好多, 旦都有旦香。芝麻糊燉奶 - 燉奶好滑, 芝麻糊亦香, 加埋一齊食好夾。食物水準keep 到, 冇咩可以挑剔la但服務勁差, 我地去到舖頭都唔算好爆, 入面都仲有位坐, 但就有點人龍買外賣ge....全間舖只有一個糖水部姐姐同一個樓面。我地想order 時, 樓面姐姐執我地張枱之前個客食完的野時我地已經叫左佢, 但佢冇理我地, 繼續去執其他枱, 到執我地前面張枱時我地又叫佢, 佢又係冇理我地行左去, 其實我地唔算細聲,佢都有回望我地, 只係冇應就走左, 之后佢就走左去serve 埋單的人同買外賣的人龍, 前前后后我地叫左几次都冇人理我地lo... 中間都等左佢几個字, 本來都打算起身走人, 到最后我地再"好大"聲叫出去, 佢先叫我地等等, 之后就keep 住serve 外賣的人, 到外賣的人走得七七八八先來問我地要咩, 仲要問的態度都係唔好, 黑住面咁....我心諗應該

屋企人想食糖水，就去最近既翠苑買外賣桑寄生紅棗茶足料，味道已經食到濃濃既桑寄生同紅棗味，跟糖水既紅棗重要大大粒(手指公指甲咁大)，正！屋企人食燉奶奶味濃，味道好又唔會太甜，係比較硬身，佢鐘意食lum小小就覺得差少少，個人口味好難講傳統甜品鋪真係愈來愈小，能夠有水準既真係要支持下！一定會keep住食

鍾意呢度D糖水,非常真材實料, 每次吃過都回味!特別系蓮子桑寄生茶, 有紅棗味道,非常濃郁,加上成碗都系蓮子,唔使加蛋都好豐富! 正!!!如果呢度阿姐的態度改善下應該非常好生意!

等一次嚟消費，就遇到極差態度阿姐！😡行過見到甜品店，突然想食芝麻糊，就行去買外買！諗住叫一個楊之金露，一個芝麻糊！行到入去有個阿姐企正門口張枱，又唔行開，又唔坐，以為係客，點知佢又一直望住你又唔講野！其他人又做緊野，佢望咗差不多成分鐘，先問話「要咩呀？」好啦叫咗兩個外買，家人一直喺外面等，點知見到阿仔踩到佢家門口香口膠，家人正幫小朋友淸理中！頭先眼望望嘅阿姐，即刻態度好差話「你唔好叫佢入嚟呀！」😠，吓，真係火都嚟，我話「佢無講要入嚟，你唔洗驚喎！」佢仲要話「我唔係驚呀」咁唔係你又叫人唔好入嚟！😡😡😡返到屋企，打開甜品，見到唔係芝麻糊，佢俾錯咗個啡色嘅其他糖水，即刻攞落去換啦，之前落單嘅阿姐唔喺度，門口只有開放式廚房嘅阿姐，同佢講啱啱買個糖水佢哋俾錯咗，攞返嚟換，點知個廚房阿姐又係態度好差咁大大話「呢個係合桃糊嚟」我話「但我係叫芝麻糊喎！」佢仍然好不滿咁重覆講多一次呢個係合桃糊，我話「我知，但而家係你哋俾錯吖嘛！我係要芝麻糊」，我先生都忍唔住開聲「而家係你哋俾錯，咁唔通呃你小小野，特登返嚟咩」嗰個廚房阿姐先好不情願換！之後返到屋企聽返家人話，原來之前佢哋都係去過食野，D阿姐又係態度不可一