翡翠冰室

營業中

休息中

只收現金但又唔寫清楚，好彩朋友有帶現金。飯都好普通，牛腩飯很淡，最好可以寫明話只收現金。只收現金但又唔寫清楚，好彩朋友有帶現金。飯都好普通，牛腩飯很淡，最好可以寫明話只收現金。

求其入左間茶記醫肚 呢間望落似係屋邨屹立多年有返少少歷史嘅外貌 入面都幾闊落 茶記有樣野好 就係會有好多款俾你揀 每日精選 即炒粉面 碟頭飯 總有一樣你想食嘅野望左陣個餐牌決定食推介 魚香茄子魚塊飯 首先一黎到個飯係超大碗 又一次唔記得叫少飯 不過呢度啲飯係幾軟熟 食落都幾下飯 唔會有生米嘅口感 魚香茄子係幾唔錯 即炒 超辣口 唔會過油 食落都好惹味 仲包熱飲 如果跟埋餐湯就正

Weekend諗住Hea食lunch，經過呢間茶記見到個Menu話11:00-12:30嗌嘢食可以平$5，肚餓費事再搵就入去叫左個龍蝦汁煎蛋豬扒飯+熱奶茶，豬扒好細件但係火候都夠，唔會炸到好Dry，但係後面食下見隔離檯都有柯打同樣嘢但係件豬扒大好多，最反感龍蝦汁無味（已經多汁），飯都唔香，啲汁撈飯食落口都係覺得不如返屋企煮麵好過，成碟嘢得個煎蛋可以接受😓btw個碟邊都係好多油漬，仲要自己拎紙巾抹完，杯奶茶茶底麻麻地，但係對比起個汁&飯已經係恩物。雖然住呢頭，但應該唔會再黎

第一次幫襯，外賣下午茶，滷水雞髀沙律，有驚喜。滷水雞髀幾大隻，味道也可以。沙律不是那種厚實的薯仔沙律，有很多新鮮的蘋果、青瓜、紅腰豆、粟米和一些雜果，非常清新。有即磨咖啡的茶餐廳也不多。不過等的時間長了一點，希望可以快少少。🙏🏻

今日十二點到餐廳，同侍應阿姐講兩位，侍應阿姐係都要安排我去啲六人枱度坐，同人搭枱。我同阿姐講想要啲比較安靜啲嘅位，跟住佢就起曬鋼，話午市好忙，冇二人位安排畀你。跟住我就指住後面一排卡位，話嗰度是空位，我坐咪得囉。跟住佢係都要Chur住我，話呢話路，大聲又嘈。我心諗，我話曬都係客，你而家又唔係滿座冇位，空咗一排嘅卡位，點解唔畀我坐 。最令人討厭嘅係，食完飯啱啱放低筷子，嘢飲都未飲完，就已經走過來三四次催我埋單，真心，從來未試過去到一間餐廳咁黑人憎

一班同事中午未食晏係海濱中心做完野，做完都3点幾，又唔熟果边，見呢間就腳就落去食啦，点知賴哂野。5個人食，4個話差。1。滑蛋叉燒河 - 同事話淡而無味，簡直意外不到咁難食，河粉又碎，夾都夾唔起。2。雞肶茶餐 2份 - 雞肶老到無人有，反炸又反炸。薯角我睇都睇到炸到干哂。3。炸魚沙律 - 同事唯一話沙律OK4。咸魚雞粒炒飯 - 小弟就係食呢個，一上碟我突左，楊州炒飯啊？？！一的咸魚香都無，仲要又清又淡。雞肉係剪碎既雞胸味，一的味都無，咸魚食得出見得到就一片仔，仲要係無味既。咁既餐廳，竟然仲能生存到只可以話係附近真係無野食了PS：同事仲要話凍檸茶甜到

第一次食呢間餐廳😅估唔到會咁😅😅😅同朋收左工肚餓求其入咗一間餐廳食.然後入到去原本朋友坐岀面我坐裏面 但朋友瘋狂比人撞 我叫佢坐埋入黎啦都冇所謂。到晒野食,食食下一句都無講話郁張枱就郁😅講聲都可以嗎？因為隔離枱4人枱 但要坐5個 所以要移開我地食緊個張先可以坐到5個😀郁完之後又勁逼係咁撞！真係唔會再去食。食都食得唔舒服。成間鋪都差唔多坐滿晒 仲要瘋狂揾位比人入？做生意都唔係咁呀嘛😀🤦🏽‍♀️未試過食到咁燥咁唔舒服

22：40左右入餐廳，22:44分落單，食物22:52~22:55左右落檯，因為收咗工太肚餓，所以好快就食完咗。諗住坐一陣等食物消化咗先行。23：13分有個待應走嚟叫我交檯，佢要入兩位客。心諗對面嗰張早過我入嚟，我行入餐廳佢已經喺食完野，煲咁電話粥，你唔叫佢走先，叫我交檯喺咩玩法

觀塘區比較好食嘅茶餐廳，次次都係食常餐，今次滑牛麵，牛肉好味，個麵又吾會太淋，湯底都夠味，仲有炒蛋，普普通通，多士有好多牛油，我好鐘意，飲品都係正正常常，不過款色夠多，仲有豬潤米

難得喺觀塘出差嘅梗係食個早餐先返工啊，觀塘都好多嘢食，要簡一間都有啲花多眼亂，最後都係食返翡翠冰室。𝐎𝐫𝐝𝐞𝐫:-⧐ 吉列豬扒松露炒蛋配熱奶茶◎吉列豬扒感覺可以，但係松露炒蛋就感覺一半，不過30幾蚊早餐都冇咩特別要求。—————————————📝評分味道 ³ / ⁵環境 ³ / ⁵服務 ³ / ⁵衛生³ / ⁵抵食 ³ / ⁵—————————————📍店舖：翡翠冰室 (牛頭角)牛頭角牛頭角道305-325A號官塘立成大廈地下C舖

間中會去官塘行，順便睇下見慣見熟嘅景物，因為唔知幾時會拆晒。週圍行下，唔經唔覺已經下晝兩點。見呢間餐廳下午茶有好多選擇，就入嚟試下。睇餐牌後發現其實好多食物係全日/早上十一點後供應，而且午餐亦供應至三點。叫咗香茅豬扒麻辣米線(中辣)配凍檸茶少甜，$34。湯底唔係麻辣，只係喺碗米綠上有大概一茶匙麻辣醬。豬扒係炸嘅，切件上，有3件，大概係平時食嘅半塊左右大細。其中一片好乾，好難先咬得開。另外嗰兩件可能係浸住喺湯度、較遲先食，所以又唔覺得好乾，味道ok。米線又係下午茶嘅份量，如果當正餐食可能就唔多夠。凍檸茶就茶味偏淡，但餐廳真係做倒少甜，難得。當日有另一食客反映豬扒包烘得太耐，乾到咬唔倒，要求更換。食客話自己經常幫襯，之前質素好穩定，今日就。。。所以我相信我嗰件炸豬扒應該都係一時失準啫，$34有飲品，而且餐廳喺大街上，係絕對收貨嘅。

係，我又食茶記早餐啦，今次呢間外表平凡，冇人龍，但係一睇個餐牌，竟然唔係淨得平時嘅腿通沙嗲牛麵！早餐有薑汁肥牛麵？麻辣豬扒米線？黑松露炒蛋？塊多士仲可以揀唔同款嘅醬料，有我最鍾意嘅邪惡奶醬多！問下先知原來麵底仲有得揀薯粉！叉燒薯粉配奶醬多（$32)餐廳都幾豪氣。成塊多士入塊搽滿晒煉奶同花生醬，大大份炒蛋都新鮮炒起。叉燒不過不失啦，配薯粉係另有一番風味。個咖啡冇咩特別。雖然overall 唔會係最出色嘅味道，不過勝在咁多選擇，亦對得住價錢，絕對值得回頭試其他早餐！

翡翠冰室越開越多分店，最耐以前就係呢一間，舖頭入面坐位唔算太多所以都預咗要等一陣間，06:00至11:30有早餐供應，大概$32-$36，有好多款選擇，除左自選粉面餐，仲有13款常餐任君選擇。我今次揀咗酸辣雪菜湯薯粉、煎蛋同奶醬多($32)。翡翠嘅酸辣雪菜夠辣好惹味，鍾意辣嘅朋友一定要試，同煙韌嘅薯粉係絕配，如果唔鍾意食薯粉，總共有10款面底可以揀。蛋亦都可以轉其他肉例如腸、火腿、餐肉、煙肉，跟餐多士可以揀油多、奶油多、奶醬多，我今次叫既奶醬多外面烘得好脆，入面好多醬，食得好滿足！另外，呢度可以滿足到客人好多特別要求，鍾意食乾身嘅可以叫走湯，鐘意蔥蒜嘅朋友可以要求額外要，想要煮得淋啲硬啲都可以，值得一讚！

呢頭都冇乜好食嘅早餐,我又鍾情厚多士同埋奶油豬,呢度嘅早餐就可以滿足到我呢樣嘢佢嘅厚多士仲可以轉奶醬多士唔洗加錢,真係好開心㗎今日就食下奶油豬先,超脆又唔太多奶,五香肉丁米粉個米粉就硬D,黑松露粉蛋就鞋D,但有脆脆豬已經可以令我滿足啦,因為我點都食唔曬一份咁大嘅早餐,其實35蚊真心超值

咁岩早上要去觀塘工作，所以經過牛頭角時隨便揀左一間餐廳食早餐，但估唔到依間餐廳嘅早餐都幾高質!依間餐廳就係翡翠冰室 !雖然時間係早上，但店面都多人入座，小編食野都係堅持一個原則，如果間餐廳正常時間無人食，即係九成幾機會都唔好食，見佢都幾滿座，所以我就決定食依間。因為我一個人嘅關係，唔洗等位有就得食。一望個早餐牌，個人嚟講 早餐比較鐘意西式嘅既早餐，所以就揀左H5早餐，炸豬扒配黑松露炒蛋焗豆多士。首先份量黎講真係好足，再加上炸豬扒大塊又好脆，而且配有沙律醬，所以我覺得好抵食，唯一失色個地方就係個炒蛋比較乾身，做唔到炒滑蛋嘅效果。