肥妹油渣麵

營業中

休息中

經典豬油渣麵的特點在於其豬油渣的獨特口感，這些脆脆的渣滓與嫩滑的麵條相互融合，營造出一種滿足的食物體驗。這道菜的味道濃郁，通常是豬肉愛好者的最愛，但也是一道相當營養的一餐。豬油渣：豬油渣是豬肉皮脂的一部分，通常在烹飪中變得酥脆。這些渣滓經過炸製，變得金黃酥脆，具有濃郁的豬油香味。它們被切成小塊，然後灑在煮熟的麵條上。好味的串燒店通常提供多種肉類、海鮮或蔬菜選擇，以滿足不同口味的需求。這種多樣性可以讓我們最喜歡的食材。

《高CP值油渣麵串燒街坊小店😝》🍽️油渣麵套餐 ($58)包招牌油渣麵及2款小食及飲品1. 招牌油渣麵 豬油渣得夠香，有啲肥豬肉同埋冬菇，麵條軟硬度適中，湯底好鮮甜完全冇味精，最尾成碗湯飲晒！🤣🌟 評分: 7/102. 沙嗲牛肉串牛肉肉質唔錯，但偏細粒，沙嗲醬汁好香同唔辣嘅，同埋性價比高！🌟 評分: 5/103. 沙嗲豬肉串豬肉肉質一般，沙嗲醬汁好香，同埋好抵食！🌟 評分: 5/104. 沙嗲雞肉串 ($11)雞肉串就比較普通，不過$11貨仔算係咁！🌟 評分: 5/105. 黑豚豬腩肉串 ($30)呢個超好食！油脂溢滿，豬腩肉好肥，而且唔會好硬，推介！🌟 評分: 8/106.蒜茸原條茄子 ($36)茄子都係即叫即燒，配料除咗蒜，仲有蔥同孜然粉調味，所以成個茄子味道好多層次，而且茄子燒得好淋。🌟 評分: 8/107. 鹽燒鯖魚 ($42)鯖魚好肥美，食落好爽口，燒焦味好香，而且搽咗燒汁好野味，推介！🌟 評分: 8/108. 燒日本芝士年糕 ($30)芝士內餡偏少，不過都好食。🌟 評分: 6/10店員服務態度好有禮貌，見到我哋係門口睇緊嘅時候，已經主動出黎比張餐單我哋睇下先，同埋所有員工都好

係屯門已經搵到唔知食咩好，見到呢間有油渣麵又有串燒，今晚唔係好肚餓，就落去試一試。油渣麵係幾好味既，無食開唔知佢係有套餐，油渣麵配兩串串燒加炸餃加野飲。串燒，施華力腸燒得有啲燶，有啲都要咬走佢，另外有串豚肉係唔熟既，同侍應反映左，佢都有道歉話同廚房講返😅😅不過都見有好多熟客幫襯，宵夜都算係一個好地方，佢可以開張枱係鋪後面，成班朋友吹下水，啲員工又好有禮貌😼下次我應該淨係會叫油渣麵🤣🤣🤣

肥妹油渣麵｜ 屯門何福堂平時過左夜晚11 點會食既宵夜肥妹油渣麵 見佢專係賣串燒重點系可以坐戶外 同朋友吹水不過今晚 晚餐突然想食肥妹招牌油渣麵所以就專登去買 今次仲買左蒜蓉燒茄子肥妹招牌油渣麵🐷🐷🐷食物指數：🌟🌟🌟🌟🌟佢油渣麵 D豬油渣唔系全部浸哂系個麵入面會另外裝一包 炸起既比你記住拎出黎浸一浸 即刻食 會超好食😋😋油渣麵個麵同辣度岩岩好極力推介蒜蓉燒茄子🍆🍆🍆今次依個燒茄子麻麻地 唔算太好食不過油渣麵搭救😋😋

2022.09.17同朋友喺天水圍食完半自助晚餐,再帶表妹去屯門試吓肥妹豬油渣麵…..😬😬😬表妹都話好味,好味過英記豬油渣麵…..🤫🤫🤫串燒叫咗少少,因為太飽…..😮‍💨😮‍💨😮‍💨最愛老闆娘嘅燒馬友魚,可惜改咗餐牌,仲未有返…..😞😞😞

特登🚶🏽‍♂️半個鐘路程，再等2️⃣0️⃣分鐘攞餐. . . . . .滿懷期待反屋企開餐，不外如是😑😑湯非常淡，豬油渣無調過味. . . . . .撈落湯食無話令個麵特別好味. . . . . .因為平時食既豬油渣麵都係✂️短既. . .呢個食落好唔方便😅唔知網上話佢係呢區最好食既豬油渣麵係指邊方面🤷🏽完全唔識欣賞😓唯一欣賞係豬油渣炸得好好 係酥脆👍🏽仲有冬菇鮮甜總括而言，第1️⃣次食 好失望. . .唔建議再戰. . .

肥妹油渣麵，我每個月都會食一次今日有朋友一齊去可以叫多啲款好難得嘅係老闆娘話今日乜都齊款佢哋嘅燒海鮮好食呀可惜唔係成日有今次難得點齊款！佢哋除咗燒蜆外，仲有燒聖子同鮑魚仔呢兩個好少有架！亦都好講師傅功夫，佢哋師傅燒得剛剛好，唔會過熟。好怕啲舖頭燒聖子燒過頭，會好似橡筋咁超韌。目前為止，我食過4、5次，佢哋師傅都未有失手過除咗海鮮，好想講一下嘅係尖椒，尖椒辣個個都知。但係我發現佢呢間店嘅尖椒除咗好大隻之外仲有唔係好辣，而係。。。勁辣好入味加勁辣我本身都算係食得辣下都覺得超辣不過真係尖椒好好食

噚晚去咗食肥妹油渣麵。唔好意思，我影漏咗碗麵呢間舖係我喺屯門必選食店之一，除咗油渣麵係點食物之外，有興趣嘅朋友仔可以試佢哋嘅串燒。串燒都好好食推介蜜糖腸仔。腸仔雖然係一樣好普通嘅食材。但係佢哋舖比其他舖優勝嘅地方就係蜜糖味超夠落足蜜糖去燒另外串燒雞皮、牛仔骨、雞泡魚干都係我每次必點嘅食物。仲有蒜蓉燒蜆不過燒蜆就唔係次次有。除咗呢幾樣，仲有好多款串燒都好食有興趣試嘅要留意，佢哋開夜晚架咋！同埋紅日休息。

已忘記了第幾次叫外賣了，只記得第一次叫了豬油渣麵後就愛上了。每一次無論在包裝還是味道都令我非常滿意的。還有她的串燒炸物都是必叫的。最難忘的兩次經驗是，第一次豬油渣麵的冬菇賣晒，她會很細心的親手寫了張紙仔道歉。以第二次是忘記了給我豬油渣，她又寫了紙仔道歉還在補回給我。這番心意令我非支持她不可味道和物量都不成正比的，所以每次都要求少麵如你好大食的話，那這個份量必定令你滿意串燒有辣度選擇，不是只得死咸一種味重要的還有非常適合收夜班的人值得推介推介推介

雖然舖頭係好細吾太好坐，但啲野食真係好好食，店員啊姨好親切，又有禮貌，我最愛既一定係蒜蓉牛油燒花甲，真心必食啊！牛油味勁香，花甲冇沙好鮮甜，同埋燒茄子又有一定要食既，勁正

移民左黎屯門幾個月，都好少出去食，今晚唔係太餓，搵搵下見到呢間肥妹串燒，所以試下。。麻辣雞腎 - 唔係好入味，就算墊底青瓜都係無味。。同埋雞腎係近邊位，好碎，唔係一片片。。油渣麵餐 - 兩款串燒加一碗麵，仲有野飲，$55好抵。。 油渣麵比深水埗果間好食好多，菜譜就麻麻地，不過油渣炸得好脆，就算林左都唔會un，又唔覺得肥膩，同埋都好大碗。。另外，跟兩款小食，我叫左沙嗲牛肉串燒，同埋燒多春魚。。沙嗲唔多，淨係掛到係牛肉度，又無花生，都唔錯。。一份多春魚，職員話大有3條，細既有4條。。我地黎左4條，但係其實都唔算細條，都ok，燒得岩岩好，正辣牛肉串燒，羊肉串燒 - 我無食，不過男朋友話好味。。汁燒白鱔 - 呢樣係等得最耐先到，不過真係唔錯，爽滑，同埋d汁唔多，唔會遮左魚既味道，燒既火喉都岩岩好，魚皮係有少少脆。。蒜頭牛油什菌 - 呢個係麻麻，我地無寫辣度，但係黎到佢係辣。。 無咩牛油味，得蒜味。。燒尖椒 - 一條好辣，一條唔辣(男朋友話係咁，通常一條辣一條唔辣) 椒又真係無話整得好唔好，唔太特別。。燒雞皮 - 頭幾塊雞皮好脆，好好食。。但係去到尾，近拎竹籤果個位就唔脆，同埋明顯唔係燒得太好，

經過好多次，好想試佢既油渣面，食完勁辣辣椒粉後，就去試✌🏻食後報告，可能兒時回憶問題，湯底同菜甫都ok，係個湯唔夠熱，但點都食唔返兒時味道。但一晚有人同我任性左兩次，已經足夠。招牌油渣面佢既油渣有脆渣同淋渣，但我比較鐘意食淋渣，因為可以吸晒所有湯汁，佢仲有冬菇，加埋佢既辣菜浦同埋蔥，真係都幾香，但最可惜係個湯底唔夠熱，只係暖，呢度扣咗唔少分串燒牛肉&豬肉佢既串燒都幾出色，唔會乾晒，仲可以保留肉汁燒雞全翼好香，好嫩，好有肉汁

款多又抵食，之前試左幾款燒烤，覺得師傅整得幾有心機，今日encore再試其他，都唔錯喎😋- 手拍青瓜、胡麻秋葵：夠凍、啲汁調得幾好好惹味- 汁燒白鱔：鱔夠肥、皮夠脆夠香- 蒜蓉萵笋：個人好鐘意食萵笋，平時打邊爐必食，用錫紙焗又好得喎- 蒜蓉牛油花甲：好新鮮喎，又夠厚肉，呢個價錢好抵食- 燒腸仔、雞中翼：新鮮燒起香噴噴- 上湯大蜆：見到隔離枱食，把持不住加單試下整體而言，幾有風味嘅一間小店，連隔離枱啲食客都幾啱傾😜P.S. 自家製涼茶好夠味，今日試左個紫貝天葵

同朋友叫左兩個套餐，一碗油渣麵要小辣，一碗就中辣走蔥，個姐姐先係比左一碗油渣麵我地話係唔辣走蔥，我地問係咪比錯因為我地無叫唔辣，個姐姐話入去問問，之後出返黎話碗野係小辣先岩，我個fd食左2啖發現碗野好辣同之前食既小辣有明顯差別，而我碗中辣又一直唔黎。同個姐姐講左，佢又話要入去問問，之後有個類似係老闆娘既女士出黎，問我地究竟分別叫左d咩，態度惡劣並十分唔耐煩，好似我地玩野咁，但明明係白紙黑字畫左係兩張單到，個fd講完係一碗小辣一碗中辣之後，佢話碗小辣要等耐d因為跟餃子。我地咪話頭先個姐姐話依家呢碗係小辣喎...跟住佢就好唔耐煩咁講「唔緊要，咁我再比碗小辣你。」佢收走原本碗野之後，隊返一碗小辣同中辣比我地，碗中辣既油渣麵如圖，令人愕然。飲完個野飲就嗱嗱臨比錢走人。係呢到食野，真係要求神拜佛佢唔比錯⋯ The staff's attitude was extremely bad, not recommend.

雖然成日嚟食肥妹仔，但係都冇諗過寫食評，因為覺得串燒呢樣野做法好簡單，好易整得好食，但係近排去其他地方食串燒，發覺比較下肥妹仔其實真係又平又好食，唔寫篇食評讚讚佢都唔得。肥妹仔雖然唔同出面嗰啲連鎖店，裏面得四張細枱，完全係小店經營，但係啲嘢食真係又平又好食，串燒即叫即燒，燒得啱啱好，唔會太燶，又唔會太鹹太乾，選擇亦算多。尤其是個油渣麵，絕對唔會比大角咀出名嗰間油渣麵差。同埋老闆娘十分友善，每次去食完都好滿足，住屯門嘅朋友宵夜諗唔到食乜嘢，肥妹仔係一個好好嘅選擇。