自家製韓國刀削麵 (好順景大廈)

營業中

休息中

我全家都係韓國菜鐵粉！知道呢間人氣韓國刀削麵店終於開到元朗，仲唔第一時間去朝聖？果然保持到水準，正宗韓味爆燈！✨ 🌟五花肉泡菜煎餅零售價：$68 煎餅外脆內軟，五花肉同泡菜份量十足，辣中帶香，點埋特製醬汁真係無得輸！ 🌟豆汁冷麵零售價：$78 湯底用傳統豆漿製作，冰涼清爽，麵條勁道Q彈，加上青瓜，夏天食簡直透心涼～ 🌟辣拌刀削麵零售價：$78 辣醬拌勻每條刀削麵，香辣過癮又唔會太鹹，麵質煙韌有嚼勁，正宗韓國風味！ 📍餐廳：自家製韓國刀削麵 (元朗分店) 🗺️地址：元朗鳳攸南街3號好順景大廈地下6號舖 （元朗站行5分鐘就到，方便易搵！）

元朗嘅呢間「自家製韓國刀削麵」，係李家集團旗下嘅韓式餐廳，主打手工自製嘅韓國刀削麵。舖頭地方唔算好大，不過坐位安排幾舒服，仲有卡位。裝潢有韓國傳統小店feel。食物份量大，價位親民。坐低員工送上辣泡菜一小碟本身想食招牌刀削麵，最後決定食水冷麵，因為夏天嘛🌞🚩水冷麵冰涼清爽，湯底有微酸甜味，配蘿蔔絲、青瓜同鵪鶉蛋，炎熱天氣食最啱！開胃消暑。牛𦟌唔韌易咬開，好大塊～我同朋友都幾鍾意呢個麵嘅質地，彈牙有嚼勁，唔會黐埋一齊好難分開嗰隻。落埋醋同芥辣醬後更好食😋🚩烤牛肉拌飯牛肉烤得昋，唔靱，配菜清新，食落層次豐富，好有韓式家常味，有菜有肉啱晒懶人一碗搞掂！鍾意食辣嘅人可以加辣醬食。🚩牛肉蔥煎餅外層煎得微焦夠脆，上枱襯熱食好香口，入口有牛肉餡加蔥香好惹味，唔會太油膩。

#鼠尾草食飲玩 #sagefoodiehk正宗🥰 × 韓式🫶🏻 × 湯麵😋想食有特色嘅韓國菜，其實除咗韓燒、飯卷、湯品之外，仲有韓國刀削麵選擇🫶🏻！鼠尾草🌱今次搵到呢韓國菜集團旗下嘅品牌，主打香港第一間韓國正宗刀削麵😋。餐廳行小餐館形式，而且佢係李家集團旗下，食物質素有保證🥰。牛骨湯刀削麵有大大篇牛肉，而且湯底清香，好似將韓國嘅雪濃湯整成湯麵咁樣✨。江陵辣大醬湯刀削麵啱晒想食韓式風味嘅朋友，大醬湯夠晒開胃，仲夠辣香🤤。五花肉泡菜煎餅煎得香脆又邪惡，每塊煎餅都有完整嘅五花肉，食落油脂感滿滿🤩。💰牛骨湯刀削麵$78💰江陵辣大醬湯刀削麵$68 💰五花肉泡菜煎餅$68

呢排好似開多咗韓國自家製刀削麵店舖見到雞地都有，就試下店內裝修同韓國當地小店好似舊式地道韓風🩵花蛤刀削麵湯頭鮮甜，帶有淡淡的花甲味花蛤份量足而且無沙，肉質飽滿刀削麵厚實有口感，而且份量好大兜仲可以加上佢既泡菜，自製泡菜風味添🩵烤牛肉拌飯洋蔥牛肉炒得唔錯，搭配多種蔬菜自己加入韓式辣醬拌勻後好開胃面頭仲有半熟蛋溝埋蛋汁更加好食🩵三拼餃子份量十足！饀料都係好多又豐富入面有蔥，豬肉，韓式炒絲等饀料最鐘意泡菜味，惹味d

原來元朗都可以食到正宗韓國刀削麵！位於元朗鳳攸南街嘅「부자칼국수自家製韓國刀削麵」係街上排隊店之一，店家亦係香港第一間韓國刀削麵，以正宗味道同濃郁湯底打響名堂🥰店內餐牌除咗麵食之外亦有餃子、煎餅等選擇，其中刀削麵足料量多性價比超高，難怪堂食外賣都咁多人捧場😌🔸牛骨湯刀削麵以刀削麵為主打，麵條質素當然完全加分！手工製成既麵切成粗條，口感彈牙帶嚼勁；牛骨湯底呈奶白色，入口鹹香味濃，配料牛𦟌肉質軟稔，加埋蛋絲及紫菜口感層次豐富。每一張枱都擺咗韓式辣醬，加少少落去牛骨湯底就會變成充滿辣勁既辣牛骨湯，一碗麵食到兩種唔同口味🥳🔸花蛤刀削麵同樣份量驚人，不過主角就換成花蛤😍花蛤份量多而新鮮，口感彈牙而且清潔乾淨冇沙冇腥味；湯底對比牛骨湯較為清爽，更能提升海鮮鮮味。除咗大量花蛤之外，配料仲有蛋絲、紫菜、冬菇及翠玉瓜，整體味道配搭平衡😌🔸五花肉泡菜煎餅煎餅加入泡菜酸甜惹味，再加上一片片五花肉係表面，燒過後油份逼出，令整個煎餅變得更加香脆🤤可以點少少醬油醋一齊食，減低膩感更香口！

去嗰陣搵唔到路，兜兜轉轉行咗好耐，行到身水身汗🤣但一去到店員就俾咗壺凍水我哋，而且冷氣好充足👍🏻5點幾嘅時候鋪頭啱啱開，所以都唔算好多人，包場咁制😍雞髀刀削麵上網睇見到有人話雞髀刀削麵味道有少少淡，但自己食落又覺得唔錯😋幾有鮮味，平時食譚仔都未必會飲哂成碗湯，但呢個我都飲咗好多🤣韓式刀削麵同平時食開嗰啲好唔同，好有咬口，幾值得一試👍🏻 雞髀亦都好嫩滑辣拌刀削麵顏色豐富有食慾，平時食開譚仔四少，今次嗌左少辣，食到後面都有少少辣～但可以接受五花肉泡菜煎餅五花肉煎得好焦香，泡菜味濃郁成碗麵好大份量😍食完之後超飽🤣

呢間韓國刀削麵，最吸引亦係最特別嘅就係佢個水冷麵，我平時食飯嘅喜好習慣同其他人有啲唔同，就係中意正餐同水果一齊食，佢碗水冷麵完全滿足到我，首先我中意酸酸尾尾嘅味，最堅嘅係佢碗麵有埋冰粒，啲冰粒都算好大粒，食落好有質感，而且佢碗麵有埋鮮蘋果，勁愛上，啲麵係蒟蒻蕎麥麵，食落毫無壓力。之後要講嘅就係佢個牛骨湯刀削面，首先佢個湯好有骨味，超濃味，啲手工麵好彈牙，口入面都感覺到啲線條，同埋佢啲蒜係勁唔慳咁落，所以成碗都好入味。至於佢個薄餅，脆得黎係適度痴牙gel口，好有層次，基本上如果平常午餐可以就咁當一餐果種，而且好有家常便飯嘅熱度，新鮮滾熱辣出黎，而2杯野飲味道似小朋友中意飲果種水果飲料嘅味。好味到清哂全部一件不漏

琴晚同個friend去元朗試呢間主打自家手削韓國麵嘅小店 好有驚喜🥳🥳花甲刀削麵($78)湯底用鰹魚同蜆熬到奶白色，好鮮甜，完全冇腥味。重點係啲花甲好足，粒粒飽滿冇沙，啖啖肉浸滿湯汁，刀削麵好煙韌同個湯好夾三拼餃子 ($68)一次過試到泡菜豬肉，排骨，豬肉餃泡菜餃，辣辣哋仲會爆肉汁，好足料豬肉餃幾鮮甜，皮好有咬口排骨餃係出面食唔到既口味，建議大家試吓韓式水冷麵($88)麵條幼身冰涼，湯底梨汁+冰醋，酸酸甜甜超開胃，仲有青瓜絲、蘋果片，牛展，夏天食最啱總結:性價比高，味道份量好足，會再encore

最近喺元朗發掘咗一間韓式地道餐廳🇰🇷性價比亦都幾高，抵食！一坐低職員好好已經遞上清水同泡菜～呢度嘅刀削麵系自家製，麵質好有口感，十分彈牙👍🏻最受歡迎一定係花蛤刀削麵😍湯底10分清澈，充滿蒜香味同蜆嘅鮮甜味，而蜆肉嘅數量都不少，亦都清潔得很徹底，食落無沙，呢點好重要！炸醬麵🤎系韓劇老是常出現嘅菜式，呢度嘅炸醬麵都好正宗，味道好足夠！醬汁與麵條攪拌後，每條麵條都非常掛汁，yummy!海鮮韮菜煎餅💚 配埋自家製嘅豉油醋，味道好夾！

地道既韓國餐廳，牆上貼有韓國食肆夜景，侍應都親切有禮。店舖有提供一壺凍水及可無限添加泡菜，泡菜味道香辣，佈滿了黑白芝麻，食落特別香口。豆汁冷麵這個冷麵既特別之處在於其豆汁附冷麵食用，食用時可加點鹽調味，令其豆香味更加特出。豆汁新鮮打磨，味道清爽又香甜。麵上有幾條黃瓜絲點綴，在夏天食異常涼快。牛骨湯刀削麵牛展肉質鮮嫩，牛味濃厚，而牛骨髓味道甘香醇厚，湯底係牛肉濃湯，表面鋪滿了葱花、蛋花和紫菜。與冷麵相比，麵質口感較軟綿，同時亦相當掛湯，重口味人士可加店家特製辣醬，味道更加香辣惹味。牛肉蔥煎餅葱煎餅口感香脆煙韌，表面有少許焦香和燶邊，食落特別香口，內充滿原條葱及牛肉碎，其香蔥有效將牛肉既鮮甜味帶出。

今晚又係雞地搵食，發現一間主打手工韓國刀削麵既小店，驚喜度爆燈！✨牛骨湯刀削麵乳白色湯頭一上桌就聞到濃郁牛骨香，沒有韓式牛骨湯常見既油膩感，反而帶點清爽。刀削麵咬落去外滑內韌，掛湯力一流，配上牛𦟌、蛋絲和蔥絲，非常惹味！🌶️辣拌刀削麵韓式辣醬控必試！秘製辣醬混合豆瓣醬與芝麻香，辣度係少辣，麵條裹滿醬汁仍保持彈牙。特別喜歡青瓜絲同紫菜絲，爽脆口感完美中和濃味。🥟三拼餃子每粒都非常足料！大豬肉餃子爆汁驚人，皮薄餡多；泡菜餃子微辣開胃，最驚喜係白菜餃子，菜肉比例3:7，清爽不膩。

老best係大忙人，好耐先約一次食飯，今次帶佢食下韓式野，轉下口味。自家製韓國刀削麵主打韓式刀削麵以及韓式蒸餃，裝修簡樸，晚市段都幾多棒場客牛骨湯刀削麵 $78份量十足，湯底由牛肉及牛骨長時間熬製，牛味突出，刀削麵口感彈牙，搭配牛肉食落大滿足炸醬麵 $78咸甜炸醬配埋自家製刀削麵，友人表示唔錯，份量適合二人分享雙拼餃子 $58泡菜及豬肉餃子即叫即蒸，有別於平時見到既餃子，特別巨型飽滿，皮薄餡多頗足料，有泡菜、豬肉、粉絲等餡料，酸辣開胃；豬肉餃子食落啖啖肉，夠晒飽肚

元朗國出名多野食，但唔算多韓國菜，好幾間韓國野都係正鳳攸南街，今次就試左呢間新野！標榜為香港第一間韓國刀削麵，真係要過黎試下佢咩料！餐牌主打都係唔同類型刀削麵，少量小食。另外一定要提佢地個泡菜，自家醃，味道好清爽偏甜口，餸餃子、水冷麵都好正，好食到添左2次！🍜牛骨湯刀削麵 $78💫 8.5/10份量十足，超大碗。刀削麵有驚喜，望落闊少少厚身，食落真係超有口感，好食！湯底濃白，飲落都好濃牛香，有D厚度，但唔會膩！大約有4-5塊牛展，分佈有筋有肉，口感超Q彈有咬口，一路咬一路有牛肉香！🍜水冷麵 $88💫 9/10天氣咁熱又焗，最啱食番個清涼水冷麵，入面湯底都仲有D湯製成冰塊，一路食到尾都仲係咁冰涼！撈埋醋、芥末，配埋青瓜絲、醃蘿蔔絲蛋絲，更加之清爽！🥟三拼餃子 $68 💫 8/10一大份有3款餃子，細個隻就係偏甜口D，外皮QQ地。大大隻個兩款一個係香辣粉絲、另一款就係菜+粉絲。餡料足，撈勻哂肉餡，單食都夠味道。

有一排香港流行食韓式刀削麵，一次過開左幾間分店，難得經過元朗呢間店，就入去食當晚餐。入到去好有韓國餐廳feel，深啡色木枱，白色橋身，又有凍水同泡菜提供。個人系韓國都有食過類似既湯麵，味道同香港呢間差唔多，都系比較似胡椒湯底，但麵質有啲吾同。牛骨湯刀削麵 $78以胡椒味為主既湯底，有5-6片牛𦟌，刀削麵幾煙韌，吾會好粉個種，而且麵量幾多下。有蛋絲、紫菜、葱等配菜。雞髀刀削麵 $78原隻雞髀放上碗內，雞肉好易撕開。湯底同之前個碗有少少吾同，呢碗除左有胡椒湯味，仲有肉味，另外有幾粒薯仔粒。海鮮韮菜煎餅 $68海鮮以魷魚為主，比想像中都多魷魚，邊位都有少少脆口。

🍜韓國刀削麵，係一種手工製作麵條，麵團經過揉捏後，用刀切成條狀，形狀似烏冬，有別於中國嘅刀削麵形狀不一。麵條顏色偏黃，而口感方面，較為Q彈有咬口。揀咗兩款唔同嘅湯底韓國牛骨湯刀削麵 $78牛骨湯底經過長時間熬煮，味道濃郁，配上三片牛腱。店員話隱藏食法，加入桌面韓式辣醬，即可成為美味的辣牛骨湯。花甲湯刀削麵$78湯底充滿海鮮嘅鮮味，花甲鮮甜冇沙。兩個湯底比較，我自己鍾意花甲湯底多D😋海鮮煎餅$68最後是海鮮煎餅，煎得金黃，外皮略為焦脆，裡面有韮菜同海鮮粒，蘸醬油醋一起吃，增添韓式風味。第一次食韓國刀削麵，非常滿意，大大碗有湯有麵，comfort food。