芝士烘

營業中

休息中

第一次試呢間餅店，見佢有近期大hit嘅開心果蛋糕，即試啦！一試之下，非常有驚喜，濃濃開心果加幼滑芝士係絕配，同埋有幾粒開心果一齊食個口感真係不得了，一定會再幫配試埋其他口味👍

好少食Go Go Mall，估唔到有間咁高質既芝士蛋糕。近年巴斯克蛋糕好流行，周圍都食到，但就唔係間間做到 “軟心” 既效果。芝士烘既巴斯克喺呢方便就超出色。好細心睇就會見到蛋糕分三層，上下兩層稍為挺身，中間一層極軟，用匙羹慢壓落去，軟心嗰層會 “吱”，出黎，淨係個畫面都值回票價。食落好香滑，芝士味濃郁又唔會鹹，無可挑剔。先後試左雙重檸檬味同原味，各有優勢，個人比較喜歡後者，前者檸檬味會同芝士味爭鋒。另外招牌蒸芝士蛋糕都好出色。食唔出蒸同其他有咩分別，質感介乎巴斯克挺身同軟滑兩層之間，芝士味略不同，係另一種香濃。

今日係Gogomall 食完lunch, 牙痕想食甜品，就去咗呢度嘅人氣甜品店＜芝士烘＞買咗兩件佢哋嘅招牌芝士蛋糕-超滑法式蒸芝士餅＆開心果巴斯克芝士蛋糕超滑法式蒸芝士餅個造型好可愛、好吸睛，我囝問我如果老鼠見到件餅會唔會偷食個餅底硬硬地、甜甜地好特別，啲芝士好濃郁，芝士咸香味重，覺得佢係落足料呢期開心果大熱，我又湊下熱鬧叫咗開心果味嘅巴斯克芝士蛋糕。件蛋糕好creamy, 每啖都食到開心果味，加埋側邊啲脆口開心果，簡直就是唔怪之得見到好多人買開心果味一次過自隊兩件cheese cake 真係飽到上心口，但呢種感覺好療癒下次要再試下其他口味的蛋糕

我一向都係甜品控😋尤其係芝士蛋糕添‼️知道最近人氣嘅超滑法式「蒸」芝士餅+可愛芝士造型已經即刻好想去試😍😍店舖未開門已經有人龍🫣🧀超滑法式「蒸」芝士餅 有別於一般傳統以焗嘅方式去製造以全國獨家法式「蒸」嘅方式製造口感軟滑～能夠保持「超軟心」效果👍呢個更加係店舖大熱必食之選💢💢🧀人氣軟心巴斯克芝士蛋糕 好多時芝士蛋糕好難可以外賣帶走食因為一般返到屋企已經變成流心但我哋今次返到屋企仍保持半固體狀態質感creamy又軟又滑嘅😋👍加上濃濃嘅抹茶味道更好食吖‼️（不同口味每天限定）🧀樽仔奶茶 茶味香濃奶滑，口感十分不錯唔會有茶澀味，又唔會太甜太淡🧡...

我係芝士愛好者知道gogomall開左間cheese cake鋪梗係即刻衝去買黎試下喇😋😋😋鋪頭細細 但款式多多竟然仲有開心果味！！！原味蒸芝士蛋糕口感好滑 芝士味好香濃開心果芝士蛋糕啖啖都有開心果嘅味道Size對我嚟講就叫啱啱好可以每次買多款黎試味啱晒貪心嘅我😂

屯門新墟附近的一個 #foodcourt 鄰近戲院 估唔到有咁多種類嘅餐廳 大家好似好有默契咁樣唔會重複😆除了中西日韓泰馬越 另外仲有印度菜同甜品店🍰.@crazy__cheesecake #芝士烘 喺焙茶同開心果之間作出選擇 最後開心果勝出😂#開心果巴斯克芝士蛋糕 $50巴斯克入面質地好幼滑 有驚喜 唯獨是旁邊的開心果仁有濃味 少少影響了芝士味 另外仲有心太軟 Tiramisu 焦糖燉蛋等的選擇 下次都想試下其他.#屯門美食 #屯門小店 #lovetoeatattuenmun #gogomall

新開左一段時間，第一次黎係食佢既抹茶心太軟！佢話個爐唔夠熱，最後等左都接近成個鐘🫠🫠然後出黎既心太軟都係半熟⋯😭 超失望😢都真係食過最失敗既心太軟🙈(唔知佢地解決左個問題未🙈🙈)之後有次再經過決定比多次機會佢，試左法式蒸芝士餅！見個名有d新鮮，之後一試便愛上佢既質感好細滑，芝士味好濃好好食份量岩岩好，非常推薦之後都買過幾次🤣 都係食法式蒸芝士蛋糕！朋友都讚好食🫶 今次再試埋巴斯克，都一樣係超好食，佢做到巴斯克要有中間半固體既質感🥹好邪惡但好幸福🥰 冧酒提子味可以再加強d我暫時唔會推薦心太軟，但Cheese cake都好出色～推薦大家都試下🫶 見無人寫過食評就等我呢個(常客)，支持下小店！