花斑茶社 (利東街)

營業中

休息中

今日好想飲杯凍飲品，便想起利東街有間「花斑茶社」，好鐘意他們的logo，襯藍色的杯還有種貴氣，我點了杯黑糖珍珠烏龍奶茶 (少糖正常冰) $29，少糖當然唔太甜，反而覺得珍珠甜，不過夾起來剛剛好。他們還有期間限定飲品，9月份 巨峰奶酪沙沙🤞🏻

尋日去灣仔搵個friend，口淡淡想飲杯野，見到有花斑茶社，見咁hit 我又未飲過，於是就試下當時大概lunch time 時間，舖頭得幾個客人唔算多人。我叫左杯蘋果冰茶，少糖少冰，等左唔係好耐就有得飲。一飲落去，我覺得同我expectation 有一段距離。佢太甜，同埋飲落感覺唔似真蘋果，有少少似係溝出黎（個人感覺only），不過佢起碼加左果肉。價錢28蚊其實還可以，不過呢杯野我應該唔會再叫，可能下次試下佢d 奶茶穩陣d

暑熱警告之下 行街街來杯手搖飲品就透心涼今次我們就選擇了【花斑茶社】🖤黑糖珍珠烏龍奶茶濃郁的烏龍茶底配上Q彈的黑糖珍珠再加上香滑的鮮奶 整個口感層次豐富💚宇治抹茶紅豆鮮奶濃郁的抹茶香氣與甜滑的紅豆完美融合再加上鮮奶的滑順口感 整個飲品清新醇厚炎炎夏日 要選擇用料講究的茶品店【花斑茶社】都是不錯的選擇他們每一款飲品都是精心調製 用料講究讓人回味無窮 作為一個茶飲愛好者大家來這裡品嚐一番為夏天帶來舒心的茶飲體驗😋

去灣仔附近食完飯想飲手搖飲品，見到利東街有花斑茶社，即刻買翻杯先✅宇治抹茶鮮奶平時去開Cafe一定係飲抹茶latte，好耐冇食Cafe少咗飲見到呢度有宇治抹茶即刻😍😍😍估唔到呢度嘅抹茶味道都幾濃郁，用嘅抹茶粉夠香🍵都幾啱我心水✅完熟蘋果冰茶咁啱落雨天感覺悶熱☔️咁鬱悶嘅天氣飲杯酸甜開胃嘅蘋果茶就啱啱好，完熟蘋果香甜好味🍎💛好味指數:4.7/5 💜回頭指數:4.7/5📍 花斑茶社 (利東街) (灣仔)灣仔皇后大道東200號利東街B1樓B14號舖

--走開灣仔～專登走過黎利東街既花斑茶社買台灣飲品！花斑茶社既茶底完全keep到台灣既一樣❤️而且仲要以好水好奶好茶為原材料time～最近佢地出左『春果好茶』即刻就買黎試-🍇清爽青葡萄烏龍 $28每一啖都有酸酸甜甜既果肉，勁清涼！夾埋花斑茶底味道超match，係啲甘熱既天氣緊係飲番杯～成個人都即刻cool down 👍🧋黑糖珍珠烏龍奶茶 $29烏龍奶茶好清新，吾會好膩，飲一啖會係甘追飲😂黑糖珍珠有咬口！吾會太甜👍花斑茶社 (利東街) (灣仔)📍灣仔皇后大道東200號利東街B1樓B14號舖#花斑茶社 #台灣飲料 #葡萄烏龍 #珍珠奶茶 #黑糖珍珠 #灣仔美食 #灣仔好去處

點咗杯黑糖珍珠厚鮮奶，一杯最普通最平凡嘅珍珠奶茶，都竟然可以能夠咁難飲🤮🤮🤮冇茶味之餘，又甜又難飲！！！！！其他花斑分店都好，但係呢間就….難怪其他評語話係越做越頹……

2022年下半年經常幫襯呢間花斑茶社，不過覺得佢地飲品越黎越差，又賣得越黎越貴，之後就好少飲。今次唔係有人請我飲，我都唔會知真係變得咁難飲！我是但叫咗熱桂花烏龍，但一如往常，佢地熱飲唔係熱，只係暖。最衰我又唔記得叫少甜，所以呢杯真係甜到傻，甜到好似中糖尿咁！我諗好適合血糖嘅人飲。睇埋個tag，嘩，乜原來要30蚊一杯，當時心諗不要落去超級市場買茶包沖仲好！另外，呢度加珍珠要加6蚊，但份量好少，又冇得叫多珍珠。如果朋友叫我推介，佢又咁啱喺灣仔嘅話，我一定會叫佢飲COXX！服務果一粒星我就係根據以往嘅經驗比，佢地凍飲紙杯未必比透明杯，試過返到公司先發現原來冇比珍珠，要求佢地咁款先話下次買「送」返比你。

返工好枯燥想飲下D甜野肥野等自己開心下揀左公司附近既呢間花斑茶社外賣左杯 名間四季春+芝士奶藍 (走甜)茶味都幾濃 可能因為我走左甜加左奶蓋就可以增加返一D咸咸甜甜既味道個奶蓋既奶味都好香好滑兩樣夾埋既配搭好夾值得一試

雖然只是四月，但天氣越來越熱，感覺夏天已經來了一樣，最適合喝一些味道清新的飲料。花斑茶社最近推出兩款新鮮的冰凍果茶，分別有🍎完熟蘋果冰茶及🌹荔枝玫瑰烏龍。🍎完熟蘋果冰茶$28茶底可選紅茶或四季春，我選了香甜醇厚、氣味清香的四季春，裡面有很多蘋果肉，酸酸甜甜非常解渴。這個價錢算合理，下次要試試荔枝玫瑰烏龍。🥤花斑茶社📍灣仔皇后大道東200號利東街B14號舖✿ 味道 ♥ ♥ ♥ ♥ ♥ ♥ ♥ ♥ ♡ ♡✿ 服務 ♥ ♥ ♥ ♥ ♥ ♥ ♥ ♥ ♡ ♡✿ 環境 ♥ ♥ ♥ ♥ ♥ ♥ ♥ ♥ ♡ ♡✿ 價錢 ♥ ♥ ♥ ♥ ♥ ♥ ♥ ♥ ♡ ♡✿ 回頭率 ♥ ♥ ♥ ♥ ♥ ♥ ♥ ♥ ♡ ♡

灣仔點都有間手搖在左近，公司難得第一次請飲下午茶，我第一次揀咗平時唔會飲嘅葡萄柚冰茶，仲揀咗四季春做茶底，佢嘅茶味好出，配埋酸酸甜甜嘅葡萄柚，清甜得嚟好清新XD

平時係觀塘分店飲開黑糖系列或者芋頭鮮奶都好正 所以對呢間brand印象幾好去到其他地方如果有都會買 琴日夜晚係灣仔附近行街 突然間想飲手搖 開OpenRice見到附近有幾間 所以都冇諗就去呢間買 點知就出事了🫠一杯即叫即飲嘅黑糖珍奶 啲珍珠可以係硬到食唔到 咬到咬唔到！真係勁過分！😡之前明明係觀塘鋪飲都好地地 珍珠都係軟軟地好好咬 如果你話我擺得太耐所以影響到珍珠嘅口感我都明白同接受但我落單即叫即整 有得拎個下已經即刻飲 珍珠都可以硬到咁 絕對係你哋製作/質素問題！咁就浪費咗我$34買杯垃圾 我唔會再幫襯呢間分店！😡

連接住地鐵站出口，以前囍帖街嗰個商場，地點非常方面。經常都有新款式推出，試過唔同嘢飲，基本上都沒有中伏，已經買過好多次，會回頭再買。午飯和放學時間有機會要排隊，其他時間都唔算好多人

眼見平時都幾多人買，咁就諗住買一杯一路做嘢一路飲啦，揀咗珍珠烏龍奶茶🧋。我就覺得少甜都係比較😰 都由佢啦點知完全冇茶味🙁只有顏色似奶茶奶亦冇奶味😓 佢個杯上面啲英文字寫得啱嘅, 真係chewy pearl, 唯獨是珍珠係比較出色少少，都叫有口感，粒粒分明。咬開入邊唔會有粉，亦都冇啲煮到好實淨嘅感覺。但係咁樣嘅珍珠配呢個質素嘅茶同奶絕對係一個浪費。 如果唔係真係冇食過飯，我都唔會成杯飲晒佢😒 好彩啲珍珠都係幾飽肚姐 🙁

葡萄柚四季春，完全無葡萄柚，茶非常非常苦。茶放超級耐先可以咁苦。非常難飲，苦到入唔貣，非常失望。加了寒天先飲到小小。實在太苦，丁點葡萄柚都冇，普通茶都冇咁嬲，難飲。

利東街地庫的出口前開了一間連鎖的台式飲品店。經過朋友的熱情推介後，我們便點了兩杯「肥仔水」作為我們晚飯後的甜品🍮😋🧋黑糖珍珠烏龍奶茶店舖選用明治4.3鮮奶 口感香醇絲滑🥛烏龍茶底濃郁✨ 黑糖珍珠煙韌有咬口 但稍為黏牙🤏🏻值得欣賞的是黑糖系列飲品都可以自行調較甜度 我們點了微甜 甜度剛好✨可惜的是黑糖味道經過搞拌後 不太明顯👉🏻👈🏻但是害怕甜度過高的朋友值得一試🌟🆁🅰🆃🅸🅽🅶: 6.8/10🫖名間四季春配芝士奶蓋入口溫順 茶湯清透🍵茶底散發著清新的花香味🌼整體苦澀味道較低 後韻甘甜十分推薦🌟🌟奶蓋口感細滑 鹹香味道較重🧀但質感稍為不夠濃厚挺身🆁🅰🆃🅸🅽🅶: 7.2/10由於到了晚上時分，朋友極力推薦的芋圓沽清了😫 身為芋圓控的我，下次必須早點來試試芋圓及網上評分很高的白桃烏龍🙈𝙾𝚟𝚎𝚛𝚊𝚕𝚕 𝚁𝚊𝚝𝚒𝚗𝚐: 𝟽/𝟷𝟶𝙵𝚘𝚘𝚍: 𝟽/𝟷𝟶𝙴𝚗𝚟𝚒𝚛𝚘𝚗𝚖𝚎𝚗𝚝: 𝟽/𝟷𝟶𝚂𝚎𝚛𝚟𝚒𝚌𝚎: 𝚃𝚊𝚔𝚎𝚊𝚠𝚊𝚢 𝚘𝚗𝚕𝚢𝚁𝚎𝚟𝚒𝚜𝚒𝚝: 𝚈𝚎𝚜