茶啡檔

營業中

休息中

今日來粉嶺睇完戲，然後搵野食，原本想試一間泰國菜，因為聽講吾錯，點知4點幾去到落左場，唯有去搵其它餐廳填肚。門口幾靚啲字，但入面係好普通港式西餐咁。下午茶時段我叫左滷汁雞翼撈丁：滷水汁吾算太咸，可以講偏淡味，但雞翼滷得好入味，啲麵煮得岩岩好，好爽口，雞翼有5隻豬扒包配薯角：有蕃茄，西生菜，酸青瓜，豬扒中等厚度，偏乾，調味吾差，但亦吾係好好味檸檬茶小甜總括而言，我見客人不停有入尼，證明有一班長期顧客，有吾少熟客，我覺得普普通通啦～

平日lunch有唔少選擇，以今日為例，中餐有五款（44蚊），西餐（51蚊）都有三款，包湯同餐飲。menu都仲有其他野食，但係價錢會貴啲同埋通常要等好耐先有，趕時間唔好叫。平日食飯一時間都幾多人，大部分時候都唔洗點等位，不過要併枱，會有啲迫。今日食香煎豬扒茄茸長通，豬扒好大塊，啖啖肉。醬汁唔咸唔淡味道剛好，仲有新鮮番茄係入面。長通份煮得剛好，唔會太軟。可能今日天氣比較凍，上面黎果時唔夠熱，涼涼地，依度有啲失分。可惜今日湯冇曬，平時老火湯都幾好飲又冇味精。

先講焗豬扒飯先一睇就知係香煎豬扒飯換左飯碟就收多我20蚊但都唔緊要重點係一黎凍既同埋難食到完全不能入口再講個肉醬千層麵基本上味道接受到既但份量令我想起幼稚園的午餐少到一黎我都o左咀我問佢呢個下午茶黎嫁？佢又唔答總結焗豬扒飯我覺得1蚊都唔值但千層麵收40幾我都覺得合理但60就⋯

T Cafe 係粉嶺聯和墟都好有歷史，我搬入黎就開始幫襯，呢二年都少來了，今日興致勃勃專程坐車來回味一下。食材尚算可以，座位舒服，服務就你要無要求個只囉！煙燻蜜糖豬肉腸鮮奶炒蛋 $36豬肉腸皮脆肉質甜甜地，鮮奶炒蛋幾香滑，$36 呢個份量幾抵食，咖啡水準一般喇！脆豬扒配薯角 $36明明餐牌寫薯角上檯竟然係薯條，咁都得😓，不過好彩件豬扒都幾入味算可口喇！凍飲不另收費！西式下午茶選擇👍中式下午茶有客家農家米線同咸雞米線選擇👍

今日下午我們約咗個好朋友去粉嶺聯和墟嘅「T Cafe」飲下午茶！我們叫咗鷄翼撈丁嘅丁麵就煮得腍身咗啲，唔係好彈牙，而且啲醬汁多到好似係湯撈丁咁，至於鷄翼就雖然相當入味，但就好似中咗「化骨綿掌毒」咁，祇要輕輕力一夾起，就會睇到咩叫做「粉身碎骨」，認真嚇人呀！所以肉質就當然會極之「粗嚡」啦！炸魚雜果沙律炸得都幾金黃香脆，炸粉唔算好厚身，魚肉嘅肉質都幾結質彈牙，至於雜果就相當新鮮，唔會好似擺放咗好耐咁！迷你公司三文治個名叫迷你，但出到嚟嘅實物就一啲都唔迷你，因餡料嘅份量相當足料豐富，而且亦都好新鮮熱辣，當中我們最欣賞嘅係鷄蛋，因非常厚身！

外表貌似cafe，咁就諗住入去試下啦，嘩伏黎嘅，原來係茶記🙄算啦，入到去坐低睇個餐牌，樣樣都50蚊以上，咁我以為啲野又真係值呢個價，我就是但叫個海南雞飯食下啦不過一坐低，個呀姐就拎左碗例湯過黎，飲左啖，冇味嘅，又多油，我以為自己飲緊一碗有油嘅水囉🤭最後我同我爸都叫返個呀姐收走碗湯，呀姐仲要好似好質疑咁🙄講返碗飯，真係世紀上最難食！啲雞成陣雪味，又少肉得啲骨，完全係唔值50幾蚊囉。總括黎講，野食唔得、呀姐會比面色你睇，完全係唔值得比50幾蚊囉，50幾蚊我唔好去比貴啲食返幾件壽司？永久blacklist，完。少黎北區嘅唔好食，住北區嘅更應該唔好去食。

琴晚兩口子，簡簡單單去飯堂醫肚，平時我地多數叫US prime steak🐮🐮 $128食😍，今次我地高想試下食羊架🐑🐑！因為上次見到人地食賣相都唔錯👍🏻💪🏼，加上只係$98, 咁抵要試下！🤤🤤😜😜羊架一上抬，賣相果然好吸引！😋😋有成三條骨咁大件，皮脆肉嫩，我地叫咗七成熟，上抬時剛好！平時我怕食羊，因為我怕羊羶味🙊🙊🙊，但呢個唔太羶，本人覺得唔錯！以呢個價錢食到有d 質素嘅羊架，真係唔錯也！

男朋友仔接放工😽😽，兩個🐮魔王又想去据扒🐮🐮🐮😋😋😋⋯⋯又唔想食咁豪💸💸💸💸！我地就會嚟呢間T cafe ！因為只是$128就可以食到有質素嘅美國prime 牛扒🤗😋👍🏻，呢個價錢已經包湯同飲品🍵☕️🍷🍹，仲要係冷熱飲同價！無加一！😽👍🏻💃🏻簡直係抵到爛，呢度係我地兩口子既廉價飯堂呢！😋😋講返塊牛扒，好牛味，火喉剛好，唔會好似出面茶記咁掩到d 肉無晒味，正所謂有圖有真相 ！👍🏻😋

琴日清明節唔使拜山，所以就嚟到聯和墟食個下午茶，猜不到全餐廳滿座😅😅，還要等位等了10分鐘左右有位入座，下午茶餐一律$31至到＄42，冷熱凍飲同價，但分量十足全部都大大份好heavy, 好邪惡！🙊🙈🤣我哋叫咗個炸豬扒包併薯角，薯角炸得不夠香脆，豬扒一向都不錯，但我還是覺得不夠雞扒好！我最愛就係牛油果炸雞扒包，特製嘅沙律醬加牛油果，再加香脆雞扒，麵包係熱同脆的，呢個包簡直係天衣無縫嘅配搭😋😋👍🏻👏🏻今次試咗下午茶餐加＄3試一下華田脆爆，不過不失啦😅😅

20170225--星期六，接近5:30PM，想不到茶啡檔的下午茶至5:45PM，二人入內有位。點了:瑞士雞翼撈丁($34)--麵有點淋淋的，撈麵能爽口一點會更口，雞翼有五隻，味道一般。豬扒意大利粉($34)--意粉是家人點的，上桌時眼見豬扒賣相好像比撈丁吸引，家人說跟我交換，我還是吃回丁麵，但也試了豬扒，肉質淋身，煎炸得有點香口，有肉汁，意粉有意度，而且有用醬汁拌勻，味道不錯。咖啡和奶茶--相片中左邊是咖啡，味道香濃，不錯，奶茶香濃細滑，兩杯餐飲也適合慢慢品嚐。埋單:$68--每份茶餐也是$34，合理價錢，味道不過不失。平日經過，在門外看見很多食客，但見價位不算低，一值未有光顧晩市，嚐過下午茶後，也有信心試試晩餐的中式小菜和西餐。餐廳環境頗大，食店算是一間提供中、西食物的茶餐廳，門口招牌T-Cafe也許會引來食客誤解，製造了對食店期望的誤差，可能會對食店帶來不夠中肯的評語吧。

今日路經粉嶺食午飯行行下見到有間cafe ，咁就入去試下啦不過話就話係cafe，入面其實係茶記黎不過既然佢改左個名叫cafe，咁我諗服務同食物質素應該會比一般茶記好，只少我入去之前咁認爲入面睇落都算唔錯，環境同服務不過不失！咁點左西餐2号煙鴨胸茄茸長通咁先黎左個例湯，無論食中同西餐都要配中式例湯感覺超怪⋯咁都算啦，但係個例湯好似開左1比99 ，超淡諗住醉翁之意不在酒，比個機會佢，主菜先最重要主菜煙鴨胸長通粉一黎到見到個貌相，我個人認為唔太吸引，食慾同印象分大減，紅色一大片，其實可以花少少心思加d其他顏色配菜咁先試個鴨胸，味道偏鹹，而且愈食愈鹹，食到第三片開始要不停飲野。而長通粉就好乾、加上完全唔夠蕃茄蓉，搞到成個長通粉得個咸字。而同行朋友食其他餐都好壞各半。埋單50 有d貴

甘就上OPENRICE 搵間CAFE 舒舒服服上網啦, 見依間野有不少好評. 入到去嚇左一跳, 茶記黎既! 明明個名係"CAFE", 甘都入左去, 咪試下LOR. 我儘管試下問阿姐(CAFE 通常都係後生WAITRESS, 依個阿姐叫法, 你明我講咩啦) 有無WIFI, 當然無啦, 我事後都好佩服我勇氣, 甘都問都出. 即係去麥記問有無牛仔河甘解.OK, 叫左個招牌瑞士汁雞翼撈丁, 賣相已經跟個餐牌離天萬丈遠, 喂, 唔好甘過份WOR, 我依一刻重抱住可能好好味呢依一絲希望. 食左一啖後便有後悔聲音, 能傷我最深的人, 係你"撈丁". 個麵已經唔係出前一丁, 成個麵無味, 滾水煮過就算, 麵質偏硬. 瑞士汁雞翼, 你唔玩啦, 人地係甜甜地, 你係咸既? 係咪當我未食過瑞士汁先? 最多叫豉油汁雞翼, 雞翼又唔夠熱. 對唔住, 唔可以話唔好食, 係好撚難食. 我想問下OPENRICE d 好評點得黎? 果D人條舌頭用咩做?10分, 最少我之後都無肚痛.

是日週末，屋企人大家各自有活動，全屋得返我一個，早上睡到自然醒，盡一個做師奶的責任後，打掃完屋企，見差不多下午茶時間，唔想開爐煮食所以，落街食個TEA~~~這間T CAFE 之前來過一次，又係食下午茶，選擇很多，牛油果雞扒飽 其實上次都想點，可是上次有人堅持要試窩夫，結果冇試到這次再點，怎料店員說沒有牛油果，只能配酸瓜，嗯....酸瓜跟雞扒好像不太夾那揀返  脆豬扒飽配薯角($32, 連餐飲)吧~~下午茶餐牌還有這份下單後，不用一會便上菜了~~~脆豬扒飽配薯角整個豬扒飽的厚度十足，切開可以看到還有蕃茄、酸瓜等配菜豬扒夠厚，煎得外面帶微微焦香，又夠JUICY，提醒各位，絕對需要拎定紙巾不過麵包就不是脆身而薯角今天好像不是剛炸好的，有點冧身了，不過不失再配埋杯熱華田雖然只是在茶餐廳食個TEA，不是甚麼貴婦High Tea,但能悠悠閒閒的，不用煩惱家頭細務，樂得自在，一樂也!PS: 晚餐餐牌有咖喱類，竟然有得配印度飽，下次要試下先

晚餐時間經過Tcafe看到人頭湧湧，我也來凑個熱鬧試試。店名TCafe, 但没有cafe的半分雅致悠閒,倒像是茶餐廳。現場所見,大部份客人都是叫中式晚餐,看上去的確是價簾物美,而我不想吃中式,所以唱反調要了個黑椒汁羊架晚餐配意粉,羊架餐即煮要等二十分鐘，上枱時賣相十足,七成熟的羊架,羊味濃郁,肉汁豐富,肉質尚算幼嫩,與黑椒汁互相輝映,十分美味。另外,我們還要了海鮮炒烏冬,但調味很淡,海鮮只一般,所以如果下次再來,如果不叫扒類,相信叫中式晚餐才是明智。

講開粉嶺其實好多好野食架！我老友住粉嶺，所以我周不時入哩探佢順便食下野！基本上全個聯和墟都食個曬了！講開下午茶邊間好食？其實有幾間都不錯！但我首推「T Cafe茶啡檔」因款式勁多！係海聯附近，行2分鐘度，好方便！佢＂特色小食＂和＂下午茶＂menu 款式比一般多！「瑞士雞翼撈丁」+飲品$34！真係好好味架！每次想食其他，腦海不期然出現＂撈丁＂＂撈丁＂＂撈丁＂！ (￣∇￣) ！佢既雞翼好正！炆得好入味！不會太咸！個麵濕隰地（底下有汁的）！好味！（睇見都想食呀！）另外，好友叫佢「迷你公司三文治」+飲品$30！抵到暈！我食左一件！好味！好食又大大件！另外，佢既「牛油果雞扒飽」！都好好味架！