華峰美食

營業中

休息中

叫左個「咖喱牛腩飯」$48 凍飲加$2呢間既咖喱真係算我係觀塘食過最好食既咖哩牛腩飯，有牛腩外仲有牛筋，牛筋有口感又夠淋，牛腩同薯仔都夠淋，白飯大大碟，夠哂食！但手腳真係好慢好慢，20分鐘都未上到一碟飯，30分鐘都上唔到杯凍檸茶，只好叫佢外賣拎走杯野飲啦！

朋友公司在樓上，光顧多次！傳統港式茶餐廳，座位比較窄！但地方乾淨企理!食物質素相對好!炒粉麵飯，即叫即製！餐廳兩年並沒有加價！午市碟頭飯都係$38-42仲包飲品或例湯（同區已近絕蹟）每日例湯雖然普通！但真材實料無味精。咁抵食自然多人！午市去食要有心理準備，單拖一定要迫圓枱共享空間！4人去就有卡位坐，但可能要等位！週二在官塘找朋友！之後當然在官塘一帶找尋下午茶好去處！兩點半入內剛好見有座位！室內燈光也光猛！餐廳牆壁以白色為裝修主調！牆上貼著很鮮明的餐牌！以及是日特餐！想吃什麼餐，也一目了然！一坐下，伙計便拿來水！然後提一提現在有下午茶餐提供！這裏下午茶只是二十多元！有餐有飲品，還有許多款式！算是選擇性多又價廉！點餐選了炸魚柳拼沙律配凍檸！等了十分鐘左右，炸魚柳茶餐上枱！魚柳炸得很香脆！炸得剛剛好不會有油淋淋的感覺！魚柳吃下還很滑！一點也不會乾和炸得太久，很欣賞！雖然是茶記貨色，但份量方面很大方減肥下的我足夠了午餐及下午茶份量，真是一讚！值得一提是這裏的伙計很有禮貌！埋單會至離開多謝前多謝後！

觀塘區有好多茶餐廳，今日同事叫我同佢食呢間華峰。坐位都四四正正唔太逼，但係人多都會要搭檯。我叫咗個粟米豬扒飯跟熱好立克。個飯係炒底嘅，唔肥膩。豬扒份量都算多，唔乾唔嚡，唯一係覺得佢可以 yip 得濃味啲，咁就野味好多喇～ 個白汁唔會一陣粉味，個廚應該都有認真處理過。個好立克幾好飲，夠濃！但係如果可以唔預先落糖就好啲。😂 我鍾意飲少糖嘛。同事叫咗個常餐，不過佢食得太快我影唔切相。個麵唔會太淋，個蛋份量就少咗啲，塊包就。。。好似好乾咁，可能擺咗一陣。。。

前幾日黎開官塘做野，無意中撞入左呢間茶記。叫左個西多，同埋凍0茶。食物黎講普通，正常茶記水平。杯茶就幾有水準，唔係格硬用糖水黎沖，真係幾有茶味既!最緊要係有個好後生既靚女侍應，醒神!

呢日到觀塘做野，一落天橋就見到呢間茶記，因為好想飲杯茶記奶茶所以就上左黎幫親。上到去阿姐招呼我坐近窗的位置，都幾好。之後我點左個炒蛋，想食番茄湯麵，只見有湯意粉，都幾得意就試下啦，點知，湯意粉好好，但個炒蛋，好油，好熟，中伏了。不過我下次仍會黎但只食番茄湯意粉啦！如果個炒蛋做好D就好了。

兩點同老友分手想食野。梗係黎個下午茶餐先啦。見到茶餐廳雖然一樓鋪。29蚊咁平即行左上去叫個星洲炒米下午茶餐啦點知碟野嚟到好細碟！洋葱及青葱都係好少色水很淡,勁失望！食落口，真係不知所謂總之，無論色香味全部失敗唯有讚係水吧咖啡。好夠味

i華鋒美食@#foodki觀塘咖哩鷄焗飯(7.5/10)又係茶記，foodki係牛頭角番工差唔多食曬咁多間茶記，呢個焗飯暫時最好味。一黎到個賣相好靚，焗得岩岩好，咖哩好食，配上超正鷄扒，皮脆肉滑，雞味超濃外圍既飯微脆，好正啊i華鋒美食

繼續茶餐廳之旅原來好多都收收埋埋係D 樓上鋪兼且細小又黑暗既大廈入口畸為不留神就會錯過今次有飯腳介紹二話不說地鑽入了一棟大廈走上數十級樓梯就到了今日午餐全都是飯餐，並不叫好小妹還是不想動腦根就要了客快餐快餐最好的，可自由配搭但亦係最唔抵因為食既野都係早餐既東東但就係比午餐既價錢嘩!! 咸得要命既火腿奄列究竟依家d 鹽係咪唔洗錢?!乾爭爭既蛋皮，肉眼清晰可見亦都係第一次食奄列既餡都係乾既!! 鮑片。。。是硬透的傢伙雖然食物質素有d 差但佢個奶茶都幾好茶底厚幾香bor

尼間茶餐廳外賣好快到, 我同D同事食過官塘工廠區好多食堂, 尼間D款式好多, 口水雞飯很野味, 小小辣, D雞夠凍. 以低於40蚊一個午餐, 水準不錯. 另外, 個焗飯很好食, 即落單即焗, 外賣焗飯到左都仲好熱. 尼間茶餐廳新開左冇耐我公司已經做左佢地個外賣常客

最近上班去了這間餐廳食個早餐!!我覺得呢度d野食唔錯,而且上菜時間都好快!!讚仲有,有時可以係到同朋友一齊下午荼 環境方面都算ok咖!!所以係觀塘黎講,我覺得無論早餐、下午茶都很讚

lunch break行過見到間新開的茶餐廳, 好多人排隊所以就上去試下,餐廳很乾淨. 我點左口水雞飯加凍奶茶,5分鐘左右就黎啦. 出乎意料之外的好味!!口水雞上面的辣油很野味. 不過對於只食得小辣的我, 食左2-3舊口水雞就要食好多水!!!!不過正!!奶茶水準不錯, 濃得黎夠冰凍))介紹大家去試下~~~~