蒸廬

營業中

休息中

叫兩個點心燒賣同煎腸粉等左20分鐘都未有兩個阿姐同廚房掛住整外賣單外賣單不斷出爐一袋二袋係咁包係咁包唔做堂食單呢間野唔做堂食單架我就冇緣食呢間野既點心喇真係幾好食都冇用垃圾

拼盤：燒賣一如以往，大粒又好食其他點心都ok~~牛栢葉：退步左，無左浸薑絲味，以前好好食鳳爪：真係唔得，overcook 左，好淋😔希望好好改善～～鍾意早上黎，坐得舒服，又可以慢慢歎～

去石門影完櫻花，喺附近搵嘢食，石門站隔離嘅京瑞廣場有好多選擇，見呢間差不多有二百人like即管試吓。叫咗晶瑩蝦餃皇、飽菇蟲草棉花雞、XO秘醬蒸鳳爪，除咗個蝦餃叫做食得吓，棉花雞嘅魚好肚根本未發夠，鳳爪蒸唔透、仲係硬嘅；啖茶無味。加埋茶錢，一個人$92蚊，簡直嘥quota。

食過9萬幾次，決定都俾個好評佢。好少呢類點心舖，一個人去飲茶扮孤獨的美食家都唔尷尬。最尷尬係，食餐飯，店員有機會叫你轉兩三次位，地方有限，就係咁啦。食物方便，所有點心即叫即蒸，時間都係要俾佢，因為新鮮整同一早整定，係食得出嘅。不過我試過蘿蔔糕入邊仲係冰嘅，不過店員都好幫手即刻處理。店員大部份都係譚仔阿姐，好似唔太明後生仔想講乜咁。叫做食物搭救啦，性價比非常高，簡單講，抵食大件，亦都算好食嘅。會再幫襯，抵佢開多兩間分店。另外，佢啲燉湯足料，唔貴，個雪梨糖水都非常好食，兩個人分享都足夠，呢個價錢，呢種材料，你阿媽唔係仲話要自己煲呀吓？

已Blacklist好失望，唔會再幫襯食物冇之前咁好食，員工嘅服務態度好差，食飯個陣聽到店員好大聲鬧啲客，又對啲客發脾氣。大家唔好再去幫襯，除非你想俾一路食一路俾人鬧。

樣樣都好：味道好，价钱好，服务好。地方小了一些，每次都要排队，因性价比甚高。雖然位置不在地下，要到三楼再要𨍭角才能找到，但一定吸引到懂得找好吃的人。祗是每次燉湯拿到面前，看那崩口蛊就倒胃口了。不是崩一两个小点，是整圈都是一塊塊的黑班！可否换掉呀！你是得𡘾食店，生意又夠，就應該有些水準啦！碗具也是一個表現出規格水準的門面和清潔的標準，是嗎？而且崩口碗好易藏污納垢，更會界親口唇呀。不要得過且過，要建立一個水準呀！

放假帶公公婆婆飲茶, 佢地鍾意食一盅兩件，所以就去石門京瑞廣場嘅蒸廬啦。嗌個燉湯有花膠、蟲草花、雞、栗子、桂圓等，用料十足，燉湯完全無添加味精，味道清澈帶甜，所以飲完都唔會口乾，夠晒營養，冬天最啱就係滋陰養肺，真係好有住家嘅味道。荷葉蒸飯用一大塊荷葉蒸起，所以上枱已經有荷葉香氣。兩個蒸飯都配上菜粒，好清新。而其中蝦子榨菜肉餅飯嘅蝦子配上榨菜夠晒惹味爽口，肉餅唔會散，肉味香濃；而香辣銀魚排骨飯嘅亮點係啲銀魚仔鹹香突出，加上甜豉油更加香口惹味。蒸美點用大大個蒸籠，入面有9樣嘢食：2件晶瑩蝦餃皇、2件蟹籽燒賣皇、2件鮮蝦豆苗餃、2件叉燒包同馬蹄糕。叉燒包麵包軟綿，叉燒足料，記住趁熱食。馬蹄糕唔會死甜，而且有唔少馬蹄，食落香口唔膩。不過，我哋3個人唔太夠分，所以3大皇牌要另外encore！蝦餃皮薄餡靚，有兩大隻蝦，好彈牙新鮮。大大粒嘅燒賣，蝦肉彈牙，仲有香菇味，但重點係肥肉瘦肉比例啱啱好，面頭舖滿蟹籽，好吸引。鮮蝦豆苗餃賣相好靚，豆苗鮮甜，蝦肉彈牙，但略嫌皮較厚。排骨好入味，配埋芋頭做底，索晒排骨同老抽豆豉味，正。腐竹包住滑雞、魚肚、冬菇同芋頭，但就無我最鍾意嘅火腿，好彩滑雞都大大舊，所以賣相

儘管餐廳內只有一枱客，侍應帶位到收銀機旁坐位。但都不太差，更差是侍應未留意到客人仍在洗餐具便一話不說收起洗盆；當要求新洗盆作倒洗碗水時，侍應原本兩手拿起旁桌客人吃完的蒸籠，再沒換手套便空出其中一手拿起我們的碗，衛生常識甚為低下。｜整頓飯侍應不停大聲聊天，影響進餐氣氛。下至杏仁有沒有毒，上至老闆當天去了荃灣分店及員工請假事宜，都聽得一清二楚。莫非是老闆不在，侍應可以工作間更專注自己事宜。｜只能說，在此氣氛下，即使食飯味道如何，也跟其他點心店比下去。極為失望。最後一次到訪進餐。

食物質數好但態度一次比一次差每次入座安排亂員工每次都講係你聽唔到（企係門口等）香港飲食業就係服務態度令人卻步應該唔會再有下次機會令我懷疑自己係咪應該支持香港飲食業

🍴🧸蒸廬🧸鰹魚絲金粟肉餅飯 $50花膠蟲草花粟子燉土雞湯 $60咖喱土魷蒸豆卜（頂） $35鮮蝦菜苗餃（特） $31👼🏻推薦指數：❤️❤️❤️環境指數：❤️❤️❤️整間店舖面積比較細，大家坐得會比較親密🤣但衛生都唔錯既，小店黎講算乾淨！食物質素：❤️❤️❤️❤️食物質素ok! 首先講個肉餅飯，個肉餅好特別唔會有我最唔鍾意食嘅馬蹄，變咗做粟米，但係個飯就少咗啲TT～個湯感覺上可以再多啲雞肉味，因為成個湯偏甜，冇乜肉味，土魷唔錯，菜苗餃啲蝦都好新鮮！服務質素：❤️❤️❤️係自助落單掃QR code，唔小心叫咗三個湯，店員都有好心提醒我哋幫我哋改返做兩個🥳～出面大把餐廳會嚟直接收你三個湯嘅錢🫠性價比：❤️❤️❤️❤️（滿分為五個❤️）

今日五個人去食午餐，3個大人兩個9，13歲小朋友，職員要求只可坐4個位坐得好辛苦，話食飯時間，計算5個茶位都算諗住食完走無下次，落左單15至20分鐘都未有食物到聽到個職員話係攞咁耐，咪問佢係咪未整未整就走唔食，職員話咪同你追左攞，客人問下態度咁差，仲要係後面兩個職員你一言我一語話：蒸都要時間家，都要等家，職員咁樣服務非常了得，想舒服食唔受氣就要諗清楚。等左咁耐腸粉未蒸熟，冷氣唔夠，地方窄，坐路口成日被職員整到，最差既服務一定有佢份。

同兩位同事Lunch黎幫襯。點心係ok既，杯茶就充滿住油。員工們不過三番四次要我地三個人郁左三次枱，去就佢入客。由兩人枱坐三個人，變四人枱食左無耐，要我地變六人枱。搬到第三次拒絕了，就俾說話我地聽。不停收我地野，不停企係我同事背後大大聲單單打打。坐低未食夠半個鐘就不停催人走。收銀見到就問我地發生咩事，不過講完之後佢沉默左。根本員工態度惡劣係常發生。以後唔會再黎，Blacklist!!!！除非你想黎俾人鬧，否則唔建議黎食。

呢排病咗，胃口麻麻地一個人食，諗諗吓想食啲暖同望落健康啲嘅飯😂於是走咗去蒸廬已經係回頭客好多次呢間舖頭係似小型點心店有中式點心 甜品 蒸飯 湯印象深刻嘅係佢嘅蒸飯份量好夠食另外價錢親民如果幾個人食 叫幾籠點心 蒸飯比起酒樓食平一半左右入座少不免要搭枱坐低後職員好快手俾咗杯茶用qr code自行落單今次我叫咗以下呢個飯味道係唔錯 就係蒸點加點心嘅味道😆明明我冇乜胃口但係慢慢一啖一啖食 可以食哂整個飯會再返嚟食👏

上年食過 蝦餃等點心好好食，但係而家點心既水準已經下降很多。 而家啲侍應態度極為惡劣 ，在沒有限時的情況下，食咗一個鐘都無就不斷以不同方式催促我地交枱，而且對我們也惡言相向，希望店家可以正視問題

今天中午大約4:30半我去了這間蒸氣爐。本想喝個湯，吃個好一點的午餐。他們沒有下午茶，價格都要100多元，包括湯和飯。價格算是貴的。進去的時候，什麼都沒有說明，還給了茶，之後給了二維碼。掃描二維碼進去後，發現全部都沒有了，只剩下幾個選擇。我在想你們還在營業，為什麼什麼都沒選擇？茶錢也要收。你早點告訴我什麼都沒有，我就不選擇坐下來。後來見他已經收了茶錢，只好硬著頭皮點了兩個不喜歡吃的菜。過了不久，大約10分鐘後，第二位客人進來後也是坐下，掃描二維碼後也有同樣的反應。特別的事情發生了，有一位侍應和這位客人說：「我特別開通其他選擇給你。」當時我心想，我也是顧客，為何我沒有選擇呢？原來你們有意不開放選擇給客人，讓你們賣不出去的菜先迫使客人先購買。只有當有客人投訴後才開放選擇給其他客人。真的讓人不解。這樣的餐廳，你們自己考慮要不要去吧。即使要去記得下次進去之前先問一下有什麼是有的，不要給這些不誠實的商家局限式銷售。