薩莉亞意式餐廳 (莊士倫敦廣場)

營業中

休息中

因為下晝有野做所以去到佐敦快速搵間餐廳黎個快午餐點知越急越等等不過唔緊要，唯有食快2啖🔆忌廉粟米湯啲個湯勁水，唔好飲，好淡，無咩味我下次自己實唔會再叫🙃🙃🔆沙律菜既正常都不錯，簡單叶唔道手🔆海鮮白汁意思，有魷魚、蝦仁味道唔錯，加埋啲蟹籽好似唔錯，好有新鮮感令人食到停唔到口最後係 🔆蛋布甸味道甜到爆炸真係太甜、入唔到口不過以唔浪費食物及是完則下我都應該係要食左去既！ 不過我就一路食飲水，咁先可以食得🙈🙈🙈🙈🙈

個人習慣，年尾總要行維園，唔知點解，聖誕總要行尖東!今年聖誕，想食完飯先行吓尖沙咀，走去食大排檔食譚仔又好似唔夾聖誕，雖然食唔到聖誕大餐，食個西餐先夾聖誕吧，於是想起薩莉亞!想食薩莉亞最主要原因係...... 整親隻豬手敷緊中藥! 牛唔食得海鮮唔食得炸嘢唔食得辣唔食得酒唔飲得囡唔溝得，唯有去薩莉亞，因為佢嘅 Menu 大部份都食得.一去到門口，已經排滿人，正常的話我已經轉身走，但我相信叫我留底嘅第六感，結果唔洗十分鐘已經可以埋位.大時大節全院滿座，好正常出餐又慢又亂吧，都打定心理準備.點咗周打海鮮湯，粟米湯，風乾火腿，蒜香法包，野菌忌廉粗管麵，原味雞翼，燒羊架，薯仔煙肉 pizza，芝士薯蓉.日本餐廳服務果然高質，以為有排等，以為會亂單亂上餐，結果所有菜式十分鐘內上哂枱，一單都無交錯，先俾個大 like 先.人多質素好大機會會下降啦，又無發生喎! 味道同以前食開嘅質感同味道不變! 只係芝士薯蓉焗耐咗D，面層燶咗少少但可以接受.燒羊架味道一向偏淡，以前就話落芝士粉補救，但依家已經唔係免費提供，於是落咗包沖咖啡嘅糖漿，即刻淡口變惹味，易入口得多.薩莉亞嘅風乾火腿第一次食，鹹香味足，放上蒜香

實在太失望啦而家冇得免費任加芝士粉~好彩叫咗個煙三文魚意粉都夠味..水牛芝士pizza唔錯,有拉絲效果~肉醬多莉亞蕃茄味好濃而且焗得好靚👍🏻最後食多個布甸焦糖味超香

因為今晚要去上堂上堂前行過佐敦食左野先，差唔多6點鐘，呢餐係晚餐睇左餐牌一陣決定食新出既番茄八爪魚意粉碟意粉好足料，有好多八爪魚和西蘭花，不過味道較酸，我就鐘意呢種口味，而且份量夠夠飽既價錢十分便宜，當晚餐既話真係好底，無加飲品，$35而家有手機下單，不過而家就無左免費芝士粉，見到芝士粉要加5蚊可使用八達通付款

去莊士敦道廣場playhouse 度玩,無論pizza定係芝士菠菜都係好受小朋友歡迎，明太子意大利粉，好creamy 呢個價錢性價比極高，位置又好，枱之間好闊落，亦都好多卡位，我同一位台灣朋友去，佢話台灣都好受歡迎。可能中午時間去嘅關係，唔需要等位。下次都會再幫襯。

朋友出咗嚟佐敦睇眼,順便同我食晏,一諗邊度可以坐得耐又可以慢慢食同傾下計,就諗到去薩莉亞！環境夠大都坐得舒服,我哋揀咗每人一個意粉、鐵板燒魷魚同四集雞翼！每次嚟都會叫雞翼,肉質又嫩又香口,仲好惹味😋🍝菠菜煙肉香蒜辣汁意大利粉:菠菜同煙肉好夾,份量都算多,意粉有少少辣,食起上嚟好惹味!西蘭花雞肉意粉：味道比較淡,清清地好唔錯,意粉口感幾啱我,煮得啱啱好😋🍴鐵板原隻魷魚都好出色,魷魚唔會好韌,肉質軟腍彈牙,值得一讚!隨鐵板附送的醬,味道都唔錯 👍🥤☕$13 Drink bar有咖啡、茶(4款)、可樂、雪碧、芬達、檸檬茶,無限添加！薩莉亞出名係平民價錢嘅日式西餐廳,真係價錢親民又抵🥰

今天來到這公司返工的最後一天，心情很靚，心情靚當然要慶祝一番。這間薩莉亞就在放工回家坐巴士的巴士站上面，每晚收工都見到，見到都有衝動上去食。但諗到一個人食，太奢華，不捨得，但今天豁出去了。點了三個很想食的食物：薄餅，雞翼，意大利雲吞。$86。三款食物都是預期的好味，食的時候每啖都加我超鍾意芝士粉。最後芝士粉給我吃了1/3礶。很滿足。這裡可以看到外邊街上的途人，剛放工時間街道上是人頭湧湧，我可坐在這裡無拘無束都算是另一種奢侈。

大家一聽到薩莉亞呢個名都知道係一間平價嘅日式意大利餐廳，相信好多人都食過，佢有幾平都唔需要特別再提，但係要再提嘅就係雖然收得咁平，但係從來唔會Hea煮，食物質素有返咁上下，仲要係新鮮即整，所以呢個價錢非抵，性價比超高。當日中午時段過去，叫一個午餐，頭盤係湯同沙律，之後係意粉，再另加一個蝸牛。湯係正常嘅，煮得幾好飲，沙律菜都好新鮮，以飲品吧可以無限添飲，意粉正正常常但唔係煮得好有咬口，蝸牛出嚟嗰陣時仲係新鮮熱辣，呢個值得推介！

今日同男朋友都早收，去尖沙咀附近拎戲飛，跟住想去食薩利亞，點知要去到佐敦先有。去到七點左右已經開始排隊，次次去我地最鍾意叫蜆肉，魷魚筒，同埋焗薯蓉。蜆肉同魷魚都好鮮味，次次都係熱辣辣上台，而且唔貴，真係物超所值😋😋

我唔太中意幫襯薩利亞，份量太少!普通一個餐都好似兒童餐，同好耐無見嘅師妹明示暗示過，佢都仍然話要落薩利亞，咁無辦法啦! 鬼叫我順德人咩! 結果去倫敦廣場食住等.早兩日去完意粉屋，今次幫襯薩利亞，感覺好似來回天堂與地獄，周旋於魔鬼同天使之間!地獄魔鬼係因為除咗份量少之外，質素亦唔理想.三個人點咗甜蝦沙律，8隻原味雞翼，蘑菇忌廉湯，芝士薯蓉，蒜香法包，蒜汁燒魷魚，八爪魚鬚，西蘭花，野菌忌廉粗管麵，白汁煙肉薯仔 pizza.甜蝦沙律簡直慘不忍睹，D蝦細隻到食唔出甜味，蝦乾都仲大隻過佢，捉到D咁細隻嘅蝦仔好心就放咗佢咪攞嚟食啦!野菌忌廉粗管麵忌廉汁不足而唔夠熱，而白汁煙肉薯仔 pizza 餅底有D煙韌，唔係我中意嘅脆口感，再加上唔夠熱，芝士味都變得無味.天使之手又從地獄慢慢拉翻我上天堂，蘑菇忌廉湯夠濃郁，蒜汁燒魷魚彈牙之餘一D都唔韌，蒜汁味道帶甜惹味，唔辣嘅原味雞翼偏甜又入味，水準之作.再睇埋張單，無加一之餘三個人都只係食咗二百幾蚊，價錢係意粉屋一半都唔只! 一比之下，意粉屋即刻變成無間地獄!另外，薩利亞有個優點，份量唔多，可以點多幾款食物!滿分俾唔落手，俾個 okay 吧!

最中意食薩利亞，因為價錢/份量都好，就算叫左個pizza，都唔會驚太多，因為佢size唔大，然後可以又叫沙律，又叫意粉，最後仲可以要個甜品，簡直大滿足！其他肉醬多利亞無得頂，熱辣辣！又好食！

難得去到薩利亞,今次試足唔同嘅野食。首先order左一個雞肉多利亞,當然無令我失望,雞肉夠味,醬非常濃。然後就order左一個青醬意粉。意外地,今次青醬嘅味好濃,而且d海鮮配料好夾,成碟意粉好好味。小食方面,我就order左8隻雞翼,周打蜆湯同埋薯角。雞翼係我最愛,辣度係可接受,所以非常推介。至於湯嘅用料都好足, cream味啱啱好,成個湯好balance。薯角嘅份量唔少, 新鮮出爐, 口感一流。整體黎講, 成餐野食水準屬於中上, 而且價錢唔貴, CP值極高,好合適大家去try try。

佐敦呢間新分店好新淨企理，weekend去食lunch全場爆滿，都幾嘈下😂😂Order左個意大利菜湯，味精偏咸，但夠哂足料，勁多菜同菇🙌🏻雞翼咬落去仲有肉汁，好嫩😍個Pizza就麻麻地，餅底太硬🥲

成日經過，今次第一次食呢間。6點已經要等位，估唔到都幾多人排。好快有位，但就安排係一家有幾個細路的隔離，睇手機video 開好大聲，又走黎走去。本身想轉枱，但費時俾人話歧視，所以最後就快快食完就走。次次都冇試到佢個甜品，因為飽到食唔落😆下次再去一定要叫，多謝款待❤

餐廳食物種類很多,例如有沙律,前菜,意粉,薄餅,扒類及甜品類 ,每樣食物平均價錢大約30元所以可以很開心地order多種食物, 今次我哋order咗周打海鮮湯 , 菠蘿什錦蔬菜沙律,黑椒蜆肉鐵板煮,香草牛油焗田螺,農舍薄餅 ,煙肉蕃茄意, 香蒜辣汁野菌西蘭花等 , 仲有飲品吧任飲 ,熱飲有咖啡茶類另外凍飲有橙汁汽水,餐廳出菜速度很快而且食物新鮮熱辣 , 雖然價錢平但味道就相當唔錯 ,見到成枱食物相當滿足 ,食飽後個肚更加滿足!😝