蛋卷皇后

營業中

休息中

最近成為蛋卷迷，唔同牌子的蛋卷都會買嚟食！今次試蛋卷皇后，有幾款口味，鮮雞蛋，鮮牛油雞蛋，椰汁及黑松露。除了黑松露唔敢試之外，其餘三款都各買一盒。一磅罐裝的有24條。銅鑼灣店不用排隊就買到，店員態度誠懇，可試食，但只限蛋卷，不包括黑松露味。基本上三款蛋卷都好鬆化，不容置疑！味道方面，個人較喜歡鮮牛油雞蛋卷，牛油雞蛋味特出，感覺比鮮雞蛋味更濃，這是意料之外的。椰汁蛋卷都唔錯，值得一試！密封式的鐵罐裝，如未開封可存5個月呢！

竟然好食過北角間徳成號仲要唔洗排隊？！新年食唔到好味既蛋卷，新年後俾我行街發現到呢間蛋卷皇后，估唔到係咁好食！【鮮椰汁雞蛋卷🥚(一磅) $123】蛋卷用咗新鮮椰子製成既椰汁，食落有好濃既椰子味！蛋味香濃，食落好鬆化好鬆脆！重點係佢冇徳成號咁甜同咁油，真心好食過徳成號，又唔洗倒塔咁早去同d霸位黨爭位，好開心可以搵到咁高質既蛋卷呀！

蛋卷食左好多間都係得北角一間食得滿意。過年，家人係呢間小店買左盒鮮牛油雞蛋卷，蛋卷層次清楚，拿上手結實及卷起既厚度適中，口感鬆脆，口感上有北角長期無貨果間水準。不過，蛋香唔係好夠，反而入口有少少油既感覺，得甜味同油既感覺，就真係可惜左少少。

J 的媽媽是蛋卷迷，正餐又唔見佢食嘢，但每次食完飯，返到屋企都會捧住盒蛋卷狂食。見媽媽食得咁滋味，貪得意攞條嚟食，點知一食就上癮，現已成為了我的宵夜伴侶。Eggroll Queen的蛋卷是全人手製造，不含添加劑，是sell傳统口味的蛋卷。包裝用了傳统的密封式鐵罐，存氣功能無得頂，我試過開了一罐新的蛋卷，唔記得食2個月，都keep到脆身，勁呀！皇后蛋卷的外表很普通，長度及顏色都跟一般蛋卷一樣，不會像Fine Foods般將蛋卷縮短又用法式薄脆的方法去焗製....皇后的蛋卷質地鬆脆，卻不會邊吃邊散，蛋香突出，牛油味偏輕，不會搶走蛋味。甜度適中，食多幾條都不覺油膩。一大罐才$75元，好抵食。

除咗收到老婆個Luna Cake作為生日禮物之外，有個相熟食友都贈小弟一盒「蛋卷皇后」嘅家鄉鮮雞蛋卷，讓小弟又認識多一個專賣蛋卷嘅品牌小店。從店家單張嘅簡介所見，原來店主陳氏夫婦上世紀70年代已經開始先晌屋企，繼而自設工場胼手胝足咁烘焙蛋卷，數十年嚟都以傳統手藝製作，以一級新鮮原材料，無添加，堅持香港製造。雖然，依家兩位都退下火線，正所謂守候多時，由第二代接手，重新包裝，並改名為「蛋卷皇后」（據知前身稱為「立洲食品」），更開設自家門市。產品方面，除主打家鄉鮮雞蛋卷，仲有鮮牛油雞蛋卷、鮮椰汁雞蛋卷、椰子鳳凰卷及紫菜肉鬆鳳凰卷，有1磅裝及2磅裝可供選擇，單色鋁罐包裝，用色洗脫老字號味道，感覺較年輕。打開包裝，長長嘅蛋卷上下兩層排列，排得密密，每條長短不一，足見人手所做。每條蛋卷呈蜂巢狀，入口非常鬆化脆口，蛋香味亦不俗，不過，牛油香味欠奉，味道較清。再細看成份，原來用上起酥油，所以不單做出蜂巢狀，口感更喺好酥脆，亦因此唔會食到咩牛油香味。如果，想食得既有蛋香，又有牛油味，相信要試試另一款口味「鮮牛油雞蛋卷」至知嘞。作為一間本地小店，喺值得繼續支持一下，況且，晌依家鋪租高、人工高、材料成本高，

相約好朋友到銅鑼灣晚飯，正在尋找餐廳位置時，看到一個粉紅色招牌寫著「蛋卷皇后」的字樣，有勇氣冠上「皇后」二字，相信質素一定不會太差吧！不過當時門前位置正在搭棚，令小店更不顯眼，而且做成門前位置非當擠迫呢. . .再看看門前的玻璃位置，貼上了一張又一張的雜誌介紹，原來來頭不少呢！就快快入內看一下有甚麼過人之處店內裝修優雅，天花掛上一盞水晶吊燈，牆身掛著色調溫和的招牌寫著「蛋卷皇后」店內充斥著一陣蛋卷香，原來蛋卷即時製作，隨了有罐裝外，還可以$12/3條，當作小食，即買即食～購買前還可先試食，共有3款：原味、牛油，還有一種忘記了. . .店員先給我試了原味然後是牛油味，感覺味道差別不算大，而且牛油蛋卷應該也比較肥吧，所以選擇原味的就算了～原味蛋卷 （$12/3條）帶微暖的蛋卷以紙袋所盛載著，香氣誘人，蛋卷入口鬆脆，散發著淡淡牛油香，即製即吃，味道一定比罐裝的好，但有點可惜的是，餘下兩條包好後打算回家再吃，怎料回家後再吃時，感到蛋卷已經淋了，不知回潮了還是蛋卷於紙袋內的餘溫所導致，有點失望呢. . .所以建議若不是購買罐裝的，還是買完即時把3條吃完比較好