影片
港鐵寶琳站 A2 出口, 步行約4分鐘
繼續閱讀
電話號碼
23284433
開飯介紹
主打山西風味美食，以烤肉拌飯和其他經典山西菜式吸引食客。餐廳以親民的價格和實在的分量，讓你輕鬆感受山西美食的獨特魅力。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
放工去食呢間位於將軍澳新都城二期新開無幾耐嘅烤肉店，皆因店內做緊套餐優惠價，西塔熱銷二人餐都只係$368(原價$568），但已經有5款烤肉食材，再加1菇1湯1甜品，肉類質素非常好，絕對性價比極高。開爐前先奉上小食前菜，有沙律菜、泡菜、醃蘿蔔及薯仔蓉等，夠晒開胃。再來碗熱騰騰的海帶湯，湯底清甜不油膩，昆布極多。將他們芝麻味極香濃的秘製醬料攪拌好，就可以開始烤肉啦。老太太特色肥牛油脂極豐腴，放喺爐上火光熊熊，入口軟腍兼夾多汁。香瓮鳳梨牛排肉色亮麗，燒起黎肉香四溢，呢兩種牛肉配搭生菜及蒜片、辣椒醬包住食，真係勁味。而果汁豐富的鳳梨片經過烤製更甜香，但要注意火喉及時間以免燒濃。同樣需睇實的還有烤杏鮑菇，燒到略為收縮變軟即可，健康又美味。厚切三筋肉都切得幾大條，它是因連住三條筋腱而得名，肉質軟中帶爽脆。秘制豬頸肉燒完姒後爽口彈牙，邊位部分燒到少許焦脆就尤其好食。秘制雞爽肉肉質嫩滑細緻，經醬汁醃過後食起來甜甜地，香味濃郁。最後食埋好Cute的甜品喜柿多多，賣相打卡一流極有賀年feel。
繼續閱讀
西塔老太太係屋企附近開咗分店🤩梗係約埋朋友仔去食烤肉啦😝位置係將軍澳新都城寶琳站上蓋十分方便，餐廳環境舒適設有多張卡位，抽風系統好一點油煙味都冇👍🏻另外要讚一讚店員服務好👍🏻他們推薦我們食二人餐 | $358 套餐豐富價錢親民，性價比高仲附送醬料、前菜沙律和薯蓉等，上菜速度非常快👍🏻👍🏻👍🏻海帶湯海帶份量超多，清新暖胃😋烤口蘑肉質飽滿多汁，食到蘑菇嘅原汁原味😋😋秘製豬頸肉烤至微微焦香口感Q彈，加埋辣醬一齊食超正😋😋烤墨魚腸中間白色大塊係墨魚肉，食到滿口都係海鮮味，鮮嫩Q彈😋😋老太太特色肥牛肥牛油脂豐富，燒起來火氣十足，點埋自家秘製嘅麻醬一齊食唔會好油膩😋😋😋香瓮鳳梨牛排新鮮兩件大牛排夾住香瓮鳳梨，賣相非常吸引。牛排厚切烤至表面微焦，肉質鮮嫩肥美，香而不膩更帶有鳳梨嘅甜味😋😋😋冰糖草莓每粒士多啤梨都被冰糖包住，超大一碗，食完烤肉再食冰糖草莓超滿足😋😋😋
繼續閱讀
好耐冇食韓式BBQ，見到新都城有間好大個招牌嘅韓式BBQ店，後尾聽聞原來呢間嘢喺深圳好出名，見到有二人餐，份量都唔錯，所以就試試佢一開始有啲免費小食提供，沙律、薯蓉、酸菜、酸蘿蔔絲，我自己最鍾意就係個酸蘿蔔絲同埋沙律，個沙律醬好清新，唔係嗰啲好油膩嘅美乃滋。叫左個二人餐，包括好多款肉類同配菜，基本上order咗5分鐘後啲菜就上晒，2人民幣餐有：1. 老太太特色肥牛：牛肉肉質鮮嫩，脂肪分佈均勻，燒完一食落去入口即化，配埋佢哋嘅特製醬汁，佢哋嘅牛肉有個特別醬汁，大大Pat芝麻醬配蔥加芝麻落醬汁度，我試過牛肉配燒肉汁，但係都係配呢個特別醬汁比較襯，味道混合得好d2. 鳳梨牛肋條：呢道菜好有創意，令我諗起泰式菠蘿炒飯，牛肋條肉質結實，都幾厚，口感都幾韌，燒短時間啲會易咬啲，配埋燒鳳梨片，感覺上幾清新3. 厚切三筋肉：我最鍾意呢款，肉質厚切，口感非常有嚼勁，配埋佢哋比嘅特製醬汁，真係ichiban4. 秘製雞爽肉：有少少太幼，不過肉質鮮嫩，燒完我鍾意撈燒肉汁食小😄5. 烤杏鮑菇：都系第一次燒杏鮑菇，估唔到口感又幾唔錯，幾彈牙，我都係照樣撈燒肉汁食，我覺得佢哋嘅燒肉汁係好好味的6. 秘製豬頸肉：佢哋嘅豬頸肉好似生菜包飯咁，會比額外嘅生菜你，仲有個特別嘅醬汁，同埋青椒、蒜，將燒好嘅豬頸肉加汁放落生菜上，包埋一齊食，我覺得味道好清新唔會好油膩，同埋咁樣撈埋嚟食好似好味過就咁食肉7. 海帶湯：作為餐前嘅小湯，我個人覺得個湯有少少多油，同埋好多蒜蓉，我主要食海帶多8. 起沛多多：特別一讚呢個甜品，佢好得意，一開始諗究竟入邊係咩嚟，原來係糯米糍雪糕，入邊係雲呢拿雪糕配埋個沛皮一齊食，又得意又好味呢度包埋茶水，有免費茶飲，不過韓燒其實都好熱，最好自己嗌啲凍嘢飲，坐喺度對住個火一個鐘，成塊面都紅卜卜，好彩舖頭冷氣都大，同埋有個甜品最後幫我降火😇 環境舒適，燒烤嘅時候，肉類嘅香氣都彌漫整個餐廳。overall我都好滿意今次嘅用餐。
繼續閱讀
四人餐 $638今晚同屋企人去街食想食好耐嘅西塔太太啦😍估唔到平日都多人咼，我哋安排坐卡位，都幾闊落坐得舒服！揀好餐就好快送野黎，首先係好多前菜，有醃蘿蔔，酸瓜，薯蓉！薯蓉好好食好creamy😆有粟米同羅白係入面添！泡菜豆腐湯係用石窩上！熱辣辣，豆腐超滑呀！！湯唔算好辣咼又😆老太太特色肥牛老太太特色瘦牛好搞笑！！肥牛果然係好食啲，勁搶火，睇見其實有啲危險🤣但係好juicy 好味！原條烤魷魚好香，唔會好硬好難咬👍🏻重磅羽下肉其實就係雞扒😂燒完之後入面仲係好Juicy！厚切五花肉里個超鐘意呀！！份量十足，係2條勁厚切！！燒完外面脆卜卜㗎😌牛柳粒石鍋飯個汁好香😌仲有好多牛柳粒同洋蔥，份量頗多，每人食到2碗都仲有剩😂慕絲奶兔賣相好可愛❤️唔算好甜咼！入面仲有柚子蜜又幾得意！
繼續閱讀
今日同朋友去呢間西塔老太太食烤肉，其實之前都食過深圳的西塔老太太烤肉，已經覺得好好味😋我哋今次我哋叫咗二人餐有特色肥牛， 望落去以為好肥，但係燒完 之後，一啲都唔覺得肥，點少少醬油已經好好食， 或者點佢哋嘅秘制醬汁都好好味😋， 仲有好多開胃伴菜可能我哋掛住燒肉， 侍應提我哋個海帶湯要趁熱飲，仲好細心講 幫我哋裝🙏🤗波蘿牛肋條， 唔知啲牛肋條係咪有浸到啲菠蘿汁，牛肋條燒完食起來甜甜地同埋有波蘿味🍍 好好食😋， 燒埋三片菠蘿 個菠蘿係好甜好正，太少了🥺， 我哋有啲衝動想 刮埋個菠蘿裏面啲肉😁，厚切三筋肉， 雖然係厚 但佢肉質係好柔軟好香牛肉味，燒杏鮑菇， 好香嘅菇味仲有個燒埋豬頸肉 同埋 雞爽肉， 個豬頸肉燒到有少少燶邊 係好香好好味一啲都唔會tough , 個雞肉真係名副其實係爽，正👍之後食埋個甜品 個名好得意叫🍊 喜沛多多🍊 好滿足的晚餐
繼續閱讀