譚仔雲南米線 (安年大廈)

營業中

休息中

譚仔雲南米線，香港人簡稱譚仔，是香港一間米線連鎖食店，有很多分店，生意好的很。曾獲食家蔡瀾和導演谷德昭等推介。今日與朋友去尖沙咀分店，門口大大個招牌以綠色為主色「譚仔雲南米線」，而餐碗就是黃色。地方非常之大簡單乾淨。湯底和食村有好幾種，可依自己喜好選擇。我和朋友叫了過橋嘅米線套餐，米線份量非常之多，再加三隻土匪雞翼，兩個女生食剛剛好。過橋米線套餐挺大碗的，選擇蕃茄湯底，麵餸包括有墨魚丸、魚蛋、豬潤、牛丸、牛肉、雞肉、豬肉、火腿、芽菜、韮菜、腐皮和豆卜12款足料食材，蕃茄湯清甜好開胃。土匪雞翼，是我必點雞翅超好吃的，口感軟嫩多汁。土匪雞翼的味道主要是用一種香料孜然粉來調味，提升雞翼的香氣和吸引。

There are many Yunnan style rice noodle restaurants in Hong Kong. This chain is one of the popular ones and offers this favorite dish in many different combinations (you can pick type of noodles, ingredients--meats, veggies into the noodle soup, degree of spiciness, portion size etc).There are also many different side dishes that you can order and prices are inexpensive. When I have a hankering for spicy noodles I head to one of their locations.Service is usually efficient. Part of the reason wh

返工成日諗唔到食咩 就會揀譚仔譚仔真係會令人上癮的！呵呵呵呵都係食例牌啦！「雞肉 片頭 豆卜，中辣」$44 尖沙咀來講食午餐 算平的我覺得譚仔轉左公司之後啲麵質好食咗 冇以前咁硬、感覺咁膠！份量都幾多 正常女仔會夠飽～魚片頭（四塊）好好食 好彈牙！但好奇怪我樓下間譚仔個魚片頭唔一樣 唔知係咪唔同鋪頭唔同來貨？豆卜（四件）索晒啲辣汁 好正！雞肉正常 唔係好硬個D!(btw今日啲雞肉好似大塊咗）食慣咗中辣 覺得好似唔辣...下次挑戰食大辣先!

個個都话好吃 所以去試下 價錢中等 吾算貴 個菜單幾多選擇 叫左個湖南酸辣牛丸米線 個湯底吾錯 真係酸酸辣辣 牛丸吾好吃 主角米線太硬 要咬好耐果只 可能大部分人鐘意它有咬口 最驚喜係辣椒油 夠辣 阿姐服務吾錯起碼埋單有講多謝 可能以後會再去試下其他小食

朋友帶我黎先知道原來譚仔雲南米線都有豬潤麵食，雖然都預左冇維記咁好食，不過解下渴都可以既餐廳話採用出前一丁，仲有麻油比你落，感覺良好，唯一問題係個呀姐服務太差，呢樣野真係比唔上三哥

如果你話食米線我每次一定會選擇譚仔，最鍾意食麻辣二小，同麻辣豬耳😪土匪雞翼，平得黎又好食👍同埋啲姐姐好親切🥰個湯底真係無得輸🤤凍奶茶多奶小冰都一定要飲🤩

今晚嚟到附近上堂，返學前吃過簡單晚餐，樓上上課，樓下有間譚仔，好方便。 這食店地方大，好多枱，因為未算最多人，有一邊的位置還未開放呢。平時食開麻辣四、五小辣的我，今日挑戰三小辣，餸揀選墨丸和炸醬，今日唔係太肚餓，少米線，可以減一元，叫咗杯少甜少冰凍檸茶。上菜速度都好快，感覺依然好大碗，一般配了一些韮菜、芽菜及鮮腐竹，墨丸有四粒，及一碗仔炸醬。今天的墨丸好大粒，勁爽勁彈牙，有驚喜。譚仔嘅炸醬真係好好食，唔會太辣，送米線一流。凍檸茶正常發揮，有三片檸檬，都夠酸，茶夠香。

去完尖沙咀行街，突然掛住譚仔。近近地去譚仔雲南米線食。哩間最近賣衫度，好就腳，坐得都算舒服。價錢一向都係平民大眾化。2個人，叫左2個米線，1個小食。四川麻辣豬肚絲, 鮮冬菇米線同 春卷米線。麻辣味都幾出，豬肚絲好爽口，冬菇夠哂淋同入味，春卷細細條，啱哂嘴仔細既人。幾啖食完一條。睇下幾鬼多粒冬菇同春卷. 3樣嘢夾埋都係$100 左右. 真係好抵食。最啱shopping完，又大出血完既人黎食。簡簡單單又一餐… 好食!

一間價錢親民、快靚正嘅餐廳～今次就試咗番茄湯腩肉米線、蒜泥白肉同埋麻辣豬肚絲。個人比較唔食得辣，想食辣嘅朋友可選擇1-10辣度，我最鍾意蕃茄湯底係因為佢真係好多塊番茄放喺面！味道方面，個人認為腩肉、炸漿同埋雞肉味道都唔錯，推介大家試吓～一開始其實唔鍾意食蒜泥白肉，因為覺得食落去係涷嘅同埋蒜蓉味太濃烈😂😂後來試多幾次之後發現將腩肉包住蒜蓉食先係呢味菜嘅精粹，之後每次食譚仔必叫！麻辣豬肚絲並無想像中咁辣，反而覺得口味真係有啲重，食完會口渴，不過同米線一齊食沖淡左口味之後都可以接受～

今天陪朋友來尖沙咀科學館逛逛，順道來個快閃下午茶。兩位一齊叫個過橋米線酸小辣，大大碗份量十足！加買杯鹹檸七味覺享受一流！譚仔米線自從比日本公司收購後越來越有規模，譚仔阿姐服務亦相當有水準，落單快靚正態度良好而着亦有改善！期待着在日本食到譚仔的一天。

米線彈牙同爽，湯底味精有點濃，蕃茄新鮮同肉片略嫌無味。酸辣湯底同三哥不同，辣味較重，食到流鼻水，魚腐味道彈牙同濃烈，有香味，唔怕辣可以再食辣級高d。個人喜歡三哥的酸辣多d, 因酸味較濃🙂

先講位置，非常方便，餐廳位於漆咸道 。譚仔米線 好多款式 供選擇， 這個時間非常多人 要等位。所以決定外賣。 個人認為 湯底係酸辣 最好食， 今次oder了豆卜,墨魚丸米線， 他的豆卜同出面的餐廳有所不同， 味道一流。 值得試下。

今日遲左少少收工,都唔知食咩好,諗下諗下,不如食下譚仔,好似好耐無食喇,今日食lunch時先同同事講開話大家都唔知道譚仔有得儲分,不過真係要發燒友先可以食到囉,今日心血來潮想食番茄湯底,次次都比酸辣同麻辣吸引左！番茄湯底配炸醬,再加多個尖椒皮蛋,好正😋全部都係濃味既野食,每一啖都有唔同味,番茄湯應該落左少少茄茸,甜甜地,好開胃,炸醬從不馬虎比好多料！而皮蛋呢,我最鍾意佢可以一舊舊成大舊食,唔係一夾就散,辣辣地,岩晒食辣既我同埋唔食辣既fd

自從譚仔畀日本丸龜製麵母企收購後，我都仲未有機會再食譚仔，今晚口淡淡，一於食譚仔啦！食譚仔因為價錢平，不過原來今日有$10 9件麥樂雞，早知食麥當勞啦，不過算啦都坐低囉唯有食譚仔囉。叫咗一碗韭菜豬膶清湯米線。成碗面鋪滿韭菜，真係好開心呀！因為我超級鍾意食韭菜。又叫咗一碗炸醬。炸醬嘅味道啱啱好，個精粹就係喺醬度，肉碎反而無味。將所有炸醬倒係麵度，都好好食。一個朋友仔叫咗一碗榨菜清湯米線，譚榨菜酸酸地，夠開胃。我今晚食咗米線，唔知下次幾時再食譚仔呢？

今日同男友去左香港科學館同歷史博物館行下，行到6點幾就諗住揾個地方食我地既晚餐啦！見佢好似想上fb揾放題食，但又唔想佢駛咁多錢，又諗起佢中午時想食米線，就提議食平民之選-譚仔雲南米線啦😋6點幾呢個時間都幾多位，不過冷氣頗大，係對住個頭吹，吹都個人好凍。原本想話2個人食確過橋米線就夠，但碗過橋米其實係料多米線非常少，我地叫左加底都唔夠食，又叫左碗普通米線，隻大食豬一個人食晒成碗過穚米都話唔夠飽，仲要叫左土匪雞翼同皮蛋tim😂所以建議男士可以自己食一碗。我比較中意清湯湯底5小辣，感覺有味又唔會話太辣。碟土匪雞翼感覺冇之前咁濃味，冇咁吸引。碟皮蛋都冇之前咁香，所以係有少少失望😞但平民價想慳錢都係可選之選。