豪宴海鮮酒家

營業中

休息中

香港的住宅區小型商場內一般配備中式酒樓，近日這類酒樓推出很多特惠。便宜的以孖寶為主。早上則全是社區內的老人。就這情況，特色的點心不會很多，服務對象以老人為主，那麼食物也是大眾化、平民些。最好的點子是點心可以要2件，蝦餃燒賣都是一樣，那麼客人可以選擇多幾款。另外有我最愛的X O醬蘿蔔糕，X O醬香辣美味，蘿蔔糕切成一小粒，這好吃的東西，令你一口一口，吃到停不下來。生菜生鮮鮮味，不會是隨便應付。反正早餐吃的豐富，中午少吃一些！

預早半個鍾叫外賣都未有 聽電話個個又晦氣 唔知返到甘點解仲要返工隔半個鐘先去拎又話無甘快 9個字都未出到外賣 員工們服務態度奇差叫個蒸點心 要蒸超過9個字 真係唔明真係谷氣 ！

我們初二約了六點半的用餐時間，但到了快八點時，我們的菜還未上桌。是的，你沒有聽錯，我們等了近乎兩個小時！我們本以為在新年期間，餐廳會更加注重效率和服務品質，但結果卻是令人失望至極。而這一切一直沒有服務員來解釋延誤時，我們主動詢問亦遭無視，他們竟然在新年期間的繁忙時刻，沒有確保廚房的順利運作？這種不負責任的態度讓我感到非常憤怒和失望。這家毫不在乎客人的感受，讓我們在餓肚子的折磨下等待著。這種對客人的不尊重和不關心，絕對讓我對這家餐廳感到極度憤怒！當我們終於獲得我們點的菜時，更多的問題浮現出來。我們點了一道灼大蝦，但卻被端上桌的卻是一盤冷凍蝦麵。是的，他們竟然將新鮮的灼大蝦變成了冷凍蝦麵！這種明顯的欺騙行為讓我氣得幾乎要爆炸！冷凍蝦麵的味道遠遠無法與新鮮的灼大蝦相提並論，而且它的質地也相當糟糕。另外一道令人發指的菜品是西蘭花，上菜的時間變成一碟生菜。至於其他的? 不好意思，仲沒有上菜…我們仲等緊…

下午買燒肉飯，等咗半個鐘問待應，佢話等多陣啦，再過半個鐘我火起，去收銀處叫回水，佢話要揾經理，於是我去揾個著西装經理，佢叫我等一陣，二分鐘后佢先攞盒飯比我！真比佢玩死！

🫖🫖🫖味道一般小眾酒樓▫️侍應服務態度幾好▫️茶錢$11/位☑️原籠龍躉斑片蒸飯 -$128呢個性價比幾高的，蒸飯好大籠，飯應該是炒底的有蛋，但再蒸所以濕返，龍躉片都好多，好滑但有骨的食嘅時候要小心，上面鋪咗大量蔥及蒜蓉，令飯同魚都惹味。🆗上湯鮮竹卷（大) -$34.8鮮竹卷有3條，都幾好味，口感吾錯，係個湯淡左d，冇左上湯感覺。☑️鮮蝦炸雲吞（中) -$29.8有3件，雲吞皮好脆口，蝦都大粒，但個酸甜汁唔好食，吾酸的，似甜醬加水。☑️春風得意腸 （頂）-$43.8呢個有6件，都幾厚實，腸粉皮包住脆口嘅野，入面仲有蝦膠，口感豐富又飽肚。🆗黄金豆腐粒（小食）-62份量都幾多，炸粉夠薄，但略嫌唔夠脆，但豆腐是幾滑的，調味差d，唔夠多椒鹽，所以比較淡。🆗脆皮燒腩仔（小食)-$72有2條切開10幾件，但個皮吾夠脆，黃芥末醬好似溝咗水咁，好稀。

等個外賣30分鐘先有，我買叉雞飯，又唔係咩野。我好客氣咁問，仲要等幾耐。他媽媽個bb, 個門口知客掛住同自己親戚細佬挽同我講，係要等架啦，有會放係呢張枱，自己睇，有就有無就無。。內心反左好多次白眼🙄️$40 無野飲比個人激到成肚火，食龍肉都無味啦！我發現原來都好多評語係話佢哋態度差，其他好簡單，公司做多d培訓啦譚仔呀姐都好過呢班人，起碼唔會咁大聲講嘢魔術語又會多翻d。。 救命，係咪因為獨市所以仲有人去

晚餐menu是唔會見到這個$188的駌鴦炒飯，要問侍應然後再問師傅先有得嗌，水準不錯，料很足，價錢合理。晚飯時間，一個炒飯加兩個小菜都夠，不錯。btw佢有個片皮鴨二食，第二食既涼瓜炒鴨件好食過片皮鴨，如果隱藏menu可以只嗌第二食就好了

屋企人懶得煮飯，平時都會叫豪宴外賣做晚餐，通常食炒粉麵飯。今日阿媽話想試吓佢嘅油雞，比我想像中好食。$68有半隻都幾多，起碼唔係白切雞，都有啲豉油味。會再幫襯。

入單19:17買了12碟小菜到20:27仍然等未齊！不禁想像炒好的在盒內等了一個鐘還食得！處理唔到唔好接單吖嘛！錢就收咗九百幾，但係質素冇人理！真係冇下次幫襯！奉勸買多碟的考慮清楚！😡

亂咁嚟，態度差，唔好食，唔係附近冇得揀都唔會揀依間，打算訂幾個餸年三十拎，打電話去問，叫我親身去落單俾訂，好喇我去到，個經理同我對完單，又話唔駛落訂住，只需先點菜，當日拎時再俾錢就得，我個刻都驚佢漏單，點知真係，到年三十當日，我去到話冇落到，完全好似我冇去過咁，叫我再落單，再排隊，又要等30分鐘，因為應承左屋企人訂菜，所以迫住要幫襯佢地。訂菜時佢冇俾單我，我冇單係手，冇得追究，好離譜，已經係放工特登去訂，浪費時間！可能我冇訂酒樓餸菜經驗，訂時唔識問佢拎證明，信任左佢，依件事係個別例子，但係發生係任何人身上都會好嬲，我唔會再幫襯依間野。

對上果次飲茶應該係上年，一向唔太愛飲茶。見咁耐無飲過茶加上未試過去呢到飲，一於試試佢得2個人唔叫得太多野食，只叫了以下食物：特價點心如下：鮮竹牛肉球$9.8，竹牛肉球2個，墊底腐竹好多，牛肉有鮮味同夠彈彈下，最弊個喼汁唔知仲乜水溜溜，無喼汁味係咪溝水太多呢鮮蝦炸雲吞$8.8：雲吞2隻，黎到已經凍冰冰，蝦算大隻。汁洗敗筆，稀加太酸鮮竹卷$19.8：一碟有3條，剪開左有6條，鮮竹卷脆口的，夠熱，只係剪唔開要自己用筷采叉開佢豪宴蝦餃皇$16.8：一籠2隻，皮厚唔算煙韌，蝦大隻但麻油味勁重燒腩仔粉：$21.6，燒腩仔塊皮唔夠脆，米粉份量算多。只係個湯底用蝦籽有d怪茶錢$7服務好的，無問題。總結：叫了4碟點心加一碗燒腩米粉，共100元。話貴唔貴，平又唔算。始終有d點心一籠得2隻。食物質素平平，未心會再去了。。

原本以為父親節當日 ，應該爆滿人， 我們大概11點半到酒樓，完全不用等位。 這間酒樓已經不知轉了幾多手，希望能繼續做， 因為麗港城可以飲茶的地方只有它。我們點了炒腸粉，煎薄餅，炸腐皮卷，京式叉燒包，山竹牛肉。京式叉燒包不是開口那種，這種包法咬起來較滑，但個人較喜歡傳統那種。最愛啖啖芋頭的芋頭酥， 外層煎得脆卜卜。還有微微滲辣的尖椒釀魚肉。總括來說味道一般，冷氣太凍，但我家兩老喜愛這裏地點方便，希望它能繼續做下去 😀

假日家庭聚會，長者們打吓麻雀，晚餐去屋苑附近的豪宴晚飯，我哋叫了套餐，我們揀了套餐好抵、四百柒拾蚊未計加一， 有燉湯，燒味併盆，白焯🦐（10両）。兩個小菜仲有四件桂花糕 大大碟4-6 大人也夠食、不過無飯要自己加白飯 。叉燒好味！我加多一碟醬爆京葱黑豚肉 。 白飯好大碗架，兩個也夠我們食

早上同細妹去完超市買東西！突然之間好想飲茶。又咁岩搵到呢一間酒樓見到價錢唔算貴選擇對我們來講都算多一於入去試試！用餐環境很不錯，不會擁擠，也不用大排長籠候位。首先看看點心紙有多款選擇叉燒腸先到, 明顯腸粉皮不是薄透那種腸粉皮夠滑溜也有米香, 叉燒錎也不少只雖配合豉油食已很足夠 醒晨孖寶要柴魚花生粥同鹹肉粽。鹹肉粽普通，得糯米同黃豆。鹹蛋黃得半隻.入面都無五花肉.好在黃豆夠綿夠多,蛋黃流心.柴魚花生粥好多花生，又滿一滿。 d粥都算綿，無咩咪精（因為食完都唔口渴）。蝦餃燒賣各兩粒比預期好食。蝦蝦餃內的饀料不是偷工減料。都幾大粒、彈牙燒賣豬肉爽口不油膩。不像有些是放味精提味真的很好吃。埋單九十有找都好合理啊⋯⋯這裡環境頗新， 優雅！位在啇埸內！逛累真的是個好休息食點心的地方

坐成半個鐘冇人理，冇人開茶俾你，侍應淨係搵啲孰客傾解，招呼佢哋。坐成半個鐘之後先問你要乜茶! 態度好差下次千萬冇嚟，當你透明，見你唔到。但是見到另外送餐的侍應態度反而非常好。一般酒樓分成兩派人(侍應)，即系落單同送餐。