豪隍點心工房

營業中

休息中

嚟咗好多次都唔會令我失望既點心鋪，首先如果飲晏就茶當然唔少得早啲去拎位！放飯時間多人到癲，點心上枱熱辣辣係其中一個原因，店員服務態度好係其二，最重要係啲嘢食好好食就不在話下…例牌要叫既我會推薦蝦餃、燒賣、墨西哥叉燒包！隻蝦餃同燒賣唔好睇佢得2隻咁少，每隻都大大粒仲要皮薄餡靚！唯獨是菜苗餃失色啲，因為太多蒜粒la 同啲菜唔太夾如果下次再嚟我諗會叫2籠蝦餃會再正啲。另外叫隔離枱有叫到炸饅頭同銀絲腸，2款都好想試呀，下次一定要再叫，捧住個肚走！

第一次來豪隍點心工房食點心，未食過所以先叫兩個點心。一籠蝦餃 另一龍叉燒包 一籠蝦餃有兩粒上枱時 有一粒蝦餃，黐住個點心籠。絕對唔係唔夠位，放點心係負責出品嘅求求其其 、不過香港飲食業已經見怪不怪。好多食店都係無心機做。今日11點幾來食店舖並不多人。上一籠蝦餃都搞成咁覺得黐住點心籠嘅蝦餃一返番正 有一啲啡色物體應該係因為黐住點心籠引起。感覺好唔衛生。所以沒有再叫另外的點心。下次絕對唔會幫襯。而且冷氣極度不足。

好幾食 似是手工整 比好多酒樓的預製點心好太多 我食了奶皇包 叉燒包 蝦餃 粉果 炸雲吞 樣樣都平均以上 價錢 茶介8 食品價錢不貴地點 好近官塘mtr 不用等位環境 似茶記 無什麼服務 但亦無收服務費 叫幾公道 當日冷氣維修 勁多風扇，有點熱 但不難受

‼️觀塘大大舊點心‼️ ️·①［ 蝦仁燒賣皇 // 豪隍蝦餃皇 // 香茜牛肉腸 // 鳳爪排骨飯 // 潮州粉粿 // 紅棗糕 ］｜「 紅棗糕 」 + 「 豪隍蝦餃皇 」 都非常推介(///∀θ）╯⸝⸝⸝♡「 紅棗糕 」 好大舊，而且勁煙韌( ˊ࿁ˋ ) ᐝᡣ𐭩「 豪隍蝦餃皇 」 又係個餡超大粒 （ 看尾圖）呢度仲有米線食，不過就冇試啦～整體點心質素也很不錯 ! ｜𓋪8/10•豪隍點心工房 (觀塘)觀塘鴻圖道83號東瀛遊廣場地下B號舖

飲茶都係想坐耐啲，一路傾偈一路食吓嘢，叫到成枱嘢食，未食哂已經趕你走，就咁行埋黎話你哋夠鐘冇得加單同我取消晒啲嘢食佢，態度差到爆，仲衰過食快餐，以後都唔會再去。垃圾。

同好多觀塘街坊一樣，以前一直幫襯開舊鋪，依家冇左舊鋪，又想食番熟悉嘅味道，唯有黎新鋪回味一開始係openrice見到大家嘅食評係有少少擔心😂但都即管一試11點左右黎到都有啲人流，未到排隊但已經剩番一兩張枱，不過鋪面係比舊鋪細一截嘅。最多人講嘅識員態度問題，算不過不失，未係賓至如歸，但有基本禮貌用QR code落單，上菜熱辣辣，點心外貌覺得係企理過舊鋪嘅，都放心少少皮唔厚剛剛好！入面都好脆，食落相當唔錯！山竹牛肉同菜苗餃係以前必嗌嘅，呢到一食保持到水準！大粒抵食爆餡😋🌈😋紅棗糕就唔知係咪俾倒汗水up住個底，底個層浸淋左咁😂味OK，口感就差左少少點心拼盤幾抵食～有招牌蝦餃，蝦餃係唯一覺得差左嘅，蝦肉細粒、量少…叉燒包唔錯！正常水準最後呢個勁正！以前冇嗌過。上菜個陣有驚喜咁大塊😂煎得有啲脆口，肉同蓮藕比例啱啱好～一定要趁熱食😋食落成餐都開心！睇黎可以黎番食啦～

2019年撐你豪隍到今，之後不會再幫襯！因服務安排令人10分不滿！這樣管理不知所謂！有水準出品，冇水準營運！香港現在環境，創業難守業更難，不改善服務態度及方式，我相信好快會比舊客戶唾棄！

作為街坊已幫襯此店好耐。見喺隔離街開咗分店就當然繼續幫襯。好可惜嘅係，碗肥牛金菇米線食到一半，見到隻昆蟲，咁我就叫店員換過碗俾我啦。我叫佢換返半碗魚蛋米線俾我。原因就係唔想佢扮換但俾返同一碗我，所以我係要求另一款同價錢嘅餸（魚蛋），而且我都食咗一半，我叫店員換另一款半碗俾我就可以。店員望一望，見到有昆蟲，就好爽快咁話換過碗無問題。過咗一陣，店員放低咗碗米線。我一望就知係同一碗。因為碗米線我食淨嘅金菇仲喺度，只係多咗幾粒魚蛋。我用匙羹lau 兩吓，仲見到啲牛肉碎。今次我無再叫店員換過喇，再換都應該係同一碗/加料。純粹想講，食店做到咁，長期食客都唔會回頭了。希望老闆見到會有所改善啦，始終你地生意咁好咁多食客。

港人的習慣，一般飲早茶多於飲夜茶，然而因為不少點心工房的出現，甚麼時候一盅兩件都不成問題了。這晚跟絲打的約定，到了這家點心工房小聚，兩個人簡簡單單叫了兩個點心加一個飯。潮州粉果的皮勁厚，中間的肉餡超級濕碎，蔥亦發揮不出香氣，唯一最突顯的是花生，比起街邊檔的好不了多少。兼且聽聞潮州粉果的最佳拍檔辣油要另外加錢，我們唯有蘸點腸粉的豉油，卻已風味全無。羅漢齋腸粉稍為好些，至少腸粉滑溜，羅漢齋餡亦算豐富，沒有違和感。有別於傳統的窩蛋牛肉飯，這裡改為溫泉蛋。牛肉絞得夠爛，中間混合了些蔥及芫荽，蒸過之後更添香氣。戳穿蛋黃，蛋液流下飯裏，加少少豉油亦頗滋味。可惜飯較為腍，如果軟硬控制更好便會更佳。食完我倆都很飽足。

我係為咗呢個雪山叉燒包嚟呢度食佢個皮真係超級鬆化咬落去嘅時候係會有啲汁流出嚟，同埋有煙噴出黎，叉燒唔會太肥或者太瘦真係超級好味呢個排骨米線係有啲驚喜排骨非常之有水準非常之脆口可惜佢放咗喺啲湯上邊浸腍咗少少如果佢一開始係排骨另上既話咁樣會更加好味個米線都煮得啱啱好唔會太腍或者太硬如果要改善嘅話，呢一味餸加多條菜咁樣色水就會靚好多Ps之前聽到佢有另外一間嘅分店，原來係無牌經營，俾食環署捉咗所以我幫襯之前都專登打去問呢一間分店有冇開

由舊店，已幫襯，攞飛時三人，入座時朋友又突然話唔嚟，未坐低已表明係兩人，職員表示冇問題照坐，食到一半，職員竟然走嚟話你哋得2人，要搬位，唔係就要收多1人茶錢，真係第一次見這種熊度，下次唔會再幫襯

朋友介紹 試吓新嘢點知 收錢的一個後生女 說話態度差我只是問一問可以加多一個位嗎佢話隔籬枱人哋啱啱食點加俾你啊我不是叫佢即刻加入，只是問一問可唔可以，完全冇禮貌又話唔得 又話乜乜搞到我冇心情食以後都唔食！入面姐姐就好 哥哥也好唯獨她一個係收錢果個 嬲到一個點

這間店舖第二次去飲茶，因另一間分店工廠大廈1/F冇開才行過去，我們三個人午餐12:45pm到達餐廳，員工態度十分之差、冇禮貌、語氣差、黑臉及趕客走，我們只能用膳70分鐘明白，當我們用膳60分鐘後想再加單，服務員說冇得加单，用膳只能70分鐘，你們只可以埋單出去再重新排隊入來食過，所以我們對某侍應生態度及語氣極到不滿，不會考慮再光顧，大家請注意員工截單的態度，一定令你難忘（極失望），完全一點顧客服務質素都冇。

好多人話呢間點心真係made in HK仲要即叫即蒸，所以都有啲期望嘅。但係真係好少响香港食到咁差嘅點心，但係佢中午真係長期排長龍嘅。燒賣同蝦餃唔係大粒就叫好食，上枱已經爆曬皮，燒賣塊片一忽忽嘅，兩樣都唔好食。腸粉又厚又鞋口，又係蒸到爛開咗🥹叫咗十幾個點心，竟然無一樣點心好食，有啲叫唔難食，有啲直頭難食。千祈唔好叫炸物，有陣味嘅。啲侍應態度奇差，叫一籠燒賣佢上兩籠，問佢又話唔知，上漏點心又話唔知。坐又坐得唔舒服，入面又焗又迫。

觀塘人一定會認識的「豪隍點心工房」！自從兩年前開了新分店後，我都會選擇到新分店，除了是因為裝修感覺更清新簡潔外，坐位亦比較寬敞舒適。多次到訪這間豪隍點心，水準依然維持，本人最愛的燒賣依舊大大粒，雞扎依然足料。🥢蝦仁燒賣王 ($28/2粒）$28得兩粒，雖然性價比唔算好高，大大粒嘅燒賣食落啖啖肉，中間蝦仁好爽！🥢蜜汁叉燒腸 （$32) 皮薄餡靚 淡淡都有叉燒🥢四寶雞扎($34) 入邊嘅魚肚晶瑩剔透 多汁好食🥢鮮蝦菜苗餃 ($28) 內餡豐富！☕️茶芥 （$8/位） 不設加一服務費 📍豪隍點心工房 (觀塘)觀塘鴻圖道83號東瀛遊廣場地下B號舖營業時間：0830-2100（敬業街工廈分店已於2024年九月結業，大家記得唔好摸門釘喇）#港式點心 #豪隍點心工房 #觀塘 #觀塘美食 #燒賣