影片
港鐵奧運站 B1出口, 步行約3分鐘
繼續閱讀
電話號碼
35651778
開飯介紹
裝修以水泥牆及啡色為設計主軸，是一家帶文青感覺的火鍋店。招牌養生湯底分別以松茸、人參等滋補食材製作，鮮甜潤喉。
繼續閱讀
附加資料
午市全新推出籠仔蒸飯燉湯套餐。
營業時間
今日營業
14:00 - 00:00
星期一至五
12:00 - 00:00
星期六至日
14:00 - 00:00
以上資料只供參考, 請與餐廳確認詳情
有關獎賞計劃
今日星期日，想打個邊爐，第一次黎呢間，9點入座，呢晚只有兩枱客，店員一開始友善介紹菜單，然後放低一碟類似酸蘿蔔前菜，我都猶豫左一陣咩事，隨即問店員是否免費，店員話係要收費既（典型香港餐廳技倆。。。），我隨即退回，並話唔可以咁樣強屈收費。。。然後繼續進食，食物質素不錯，店員服務亦到位，最後埋單，2人收費$944（沒有折扣），及後離開時，發現門外寫宵夜時段9點後入座8折（星期五、六及假期前夕例外），我今日星期日9點入座，理應有折，隨即回店理論，店員開頭都支吾以對，感覺上佢係應該知道的，雖然最後都打返8折，但就話海鮮冇折。。。最後埋單$809今次光顧體驗十分一般，野食雖好，但經過不老實經歷x2，已經對呢間餐廳失去信心，以後都唔會再黎，呢間網上評價好高，究竟係無心之失定故意為之，真係無從稽考了！附上收據，原收據$944佢收返冇影到，得返卡單$944 ＆ Void 單-$944，同埋最後收據$809
繼續閱讀
今日我喺朋友介紹之下，去咗一間大角嘴嘅隱世火鍋店，鋪頭唔算易搵，但係去完之後，覺得遠啲都係值嘅。朋友介紹一定要試嘅係招牌菜——花甲蟹鍋湯底。花甲蟹鍋湯底係火鍋嘅靈魂。花甲同蟹都好新鮮，加上細心熬煮嘅湯汁，濃郁得嚟帶有海洋嘅鮮美同清甜。湯底係淡淡嘅黃金色，散發出誘人嘅香氣。象拔蚌唔係間間都好食，呢間嘅象拔蚌口感鮮嫩，紋理分明。喺花甲蟹鍋湯底裏面煮完之後，將湯底嘅鮮味提升到另一個層次，貴少少都應該要食。牛肉係我最重視嘅火鍋材料，我哋叫咗一個牛肉拼盤，唔同部位同油份嘅牛肉都有，啱唔同口味嘅朋友，牛肉肉質鮮紅有彈性，碌十秒好喇，牛肉鮮嫩，同湯底嘅濃郁完美融合，每一啖都能令人滿足。餃子同手打丸都係必食，三款唔同嘅餃都係皮薄餡多，餡料嘅調味恰到好處。煮熟之後，餃子吸收咗湯底嘅精華，如果唔係太飽，仲想再order多一碟。
繼續閱讀
今日嚟咗呢一間出名湯底嘅火鍋店打邊爐，梗係唔可以少得叫佢哋出名嘅湯底，但係最令我哋驚喜嘅呢一餐，係侍應哥哥介紹嘅加拿大象拔蚌，非常新鮮加拿大象拔蚌，而且顏色同埋色水都非常靚仔，睇得出呢一間餐廳嘅象拔蚌非常新鮮，而且完全冇腥味，我同朋友都非常鍾意，其他配料就不過不失，最出色就係呢一個加拿大象拔蚌！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟
繼續閱讀
上次介紹過「賦湯稻火」之後，香港突然又跌到得12度，新界再低2-3度，係呢啲忽冷忽熱嘅天氣第一時間就諗起佢嘅湯，真係食過返尋味，今日一於再接再勵🤭🤭🤭今次再encore 📌花膠魚翅螺頭燉雞湯飯 $88花膠同魚翅都比雞件大，啖啖滿足。今次將原隻雞腿同一大塊雞胸去熬製，原汁原味，精華撈飯真係ichiban👍🏻。水準依然，一定再有下次。📌蒜蓉蝦拼土魷肉餅籠仔蒸飯 $88+$10雙併+$20人蔘燉湯陣陣荷葉飯攪拌上土魷肉餅同蝦嘅鮮味，真係好好送飯，一大口一大口甘唔覺意就食曬lu。人蔘燉湯啖啖人蔘味香而冇苦澀味。配上一碟油麥菜，十分完美。🙇🏻♀️呢度即叫即煮，大概要等40分鐘，大家記住預留充足時間等美食。等緊期間不防係店內每個角落打下卡。今次好驚喜店舖竟然提供一壺茶🍵比我哋，仲會關心我哋會唔會太凍🧊，非常窩心。鐘意到小店就係因為食物用心製作同人都極之有人情味，令人懷念。💸埋單都係$206#賦湯稻火#一個為你甘去蹈火海的人
繼續閱讀
大角咀呢間火鍋店出名賣靚湯，今日經過就試吓啦！叫咗 : 花膠魚翅螺頭燉雞湯飯我喺屋企少有煲湯，餐廳煲嘅果然唔同，骨膠原十足，而且內有雞件。成碗湯撈飯都好正。下次再嚟試吓唔同嘅湯。
繼續閱讀