越．男

營業中

休息中

晏晝食完石鍋飯同荷葉飯夜晚同朋友係公司附近食越南野🥖一睇餐牌就比慢煮燒牛肉法包 $78 吸引住竹炭法包好少食，慢相幾靚仔比個側面大家睇好多料除左牛肉仲有札肉、九層塔、紫洋蔥、紅蘿蔔絲、青瓜、生菜，口感層次十分豐富～大推👍👑至尊牛寶湯河 $85🐮生牛肉兩片~濃郁既牛味，帶有牛脂香~食落好似牛小排既口感🐮燒牛肉兩片~薄燒牛肉~口感緊實好大塊🐮牛丸兩粒~十分彈牙咬開有肉汁～牛味濃郁好juicy 牛魔王真係啱晒🤩小食：鮮蝦札肉米紙卷 $50老闆娘建議蘸魚露食米紙卷煙韌清爽蘸埋魚露夠晒開胃香蒜牛油雞翼 $40呢款雞翼去親越南餐廳必叫外脆內軟仲要好香蒜蓉同牛油味夠邪惡😈飲品：我叫左凍椰青水～清爽解膩朋友試凍越式煉奶咖啡～有d似凍啡走，都唔錯7點幾已經滿座，仲時不時好多外賣～自取又有外送又有好多人幫襯～店員同老闆娘都好熱情～平日都可以同同事一齊叫外賣食😆多一個選擇✴️另外凡於星期一至五（公眾假期除外）任何時段，單一消費滿$200，英文名是Keith即享半價優惠。✴️🌟客人需提供身份證明文件或卡片並顯示有"Keith"字眼🌟

以前喺PP3做嘢成日都嚟呢度食lunch，覺得呢度啲嘢食都幾正宗越南風味。今日嚟呢度食，係因為見佢有個叫做阿Keith 就有半價嘅優惠🤣佢呢度有個dinner set，叫個主菜加嘢飲都只係$85。我好鍾意食呢度嘅法包，法包好軟熟唔乾身，而且佢會烘返熱佢，令到個皮脆卜卜。今次就嗌咗個脆燒腩法包（套餐價加$10），燒腩肉個皮估唔到咁脆，而且舊腩肉唔嚡，加上佢加嘅醬汁份量啱啱好，唔會加太多整濕成個包，差啲想叫多個encore🤤🥖另外仲有個海南雞鴨絲撈檬，檬粉好爽口，而且冇黐埋一嚿嚿，加埋魚露、檸檬汁、炸蒜片同辣椒，食落好fresh啱晒夏天食😋小食方面，有越式春卷（$40）、越式焗蒜蓉牛油虎蝦（$50）同埋青口（$50）。春卷入面嘅餡料好豐富，唔會剩係得蔬菜，而且炸到好脆口，配埋泰式辣醬超夾～ 另外虎蝦同青口，一上枱就聞到好香蒜蓉牛油味，配埋佢嘅海鮮辣汁一齊食，好有越南味道🥰飲品方面，就揀咗青檸梳打同椰青水～以灣仔區嚟講，呢度嘅食物價錢都算幾低，所以就算冇半價都好值得嚟食越南嘅味道👍🏻

“至尊牛寶湯河套餐”($105)“越式肉球法包套餐”($91)“鮮蝦扎肉米紙卷”(+$33)“香蒜牛油雞翼”(+$23)灣仔有間大受歡迎嘅越南菜餐廳餐廳雖然細細間但充滿越南風情☺️晚市時段嚟到仲有套餐提供包咗主菜同飲品另外可以用優惠價加配小食😋我地先點咗至尊牛寶湯河🐂牛河湯底清澈鮮甜入面有生牛肉,燒牛肉,牛丸,白蘿蔔牛肉片粉粉嫩嫩,口感腍滑😚成碗河食落好舒服,正🥰除咗湯河,仲點咗越式肉球法包聽聞呢個法包係全港首創🤩用上竹炭法包,外脆內軟豬肉球大大一粒,口感似食緊獅子頭😆配上秘製醬汁,蘿蔔絲,青瓜等好惹味🤤小食方面就加配咗鮮蝦札肉米紙卷🦐米紙卷十分足料夠哂fresh香蒜牛油雞翼超級香口,好邪惡😛飲品就點咗檸檬特飲🍋,青檸梳打(+$10)2杯都酸酸地咁好開胃好清新😙宜家餐廳做緊個好特別嘅九週年優惠因為餐廳老闆叫Keith所以星期一至五(除公眾假期)只要身分證/卡片上面有Keith呢個名單一消費滿$200即可享有半價優惠快啲叫埋身邊叫Keith嘅朋友一齊開餐啦🤣

見到小店有位，而且店入面啲壁畫好靚，就被吸引咗入去。雖然坐bar枱，但冇想像中咁逼。會安生牛肉湯河Lunch set（$65）Lunch加多$20變套餐就有小食同嘢飲嚟到食越南菜，招牌嘅通常都喺生牛肉湯河，於是諗都冇諗就叫咗。湯頭清甜，雖然主角生牛肉個牛味都ok，但係生牛肉竟然熟過窿，韌咗唔好食。脆燒腩湯河 （$75）Lunch 套餐就+$10腩仔個皮燒得好脆，真喺冇改錯名！再加埋夠肥，食落脆得嚟帶有油香味😋叫咗2個套餐，跟咗2款小食鮮蝦扎肉米紙卷 （套餐+$10）隻蝦好大隻都彈牙，食落有fresh嘅感覺，帶少少酸微微嘅汁，好開胃！香蒜牛油雞翼 （套餐包咗）香氣十足，食落蒜味比牛油味出，有少少膩越式煉奶咖啡 （套餐包咗）好少見套餐加越式咖啡喺唔洗加錢嘅，即刻唔洗諗叫咗。咖啡落咗煉奶通常都會好甜，所以叫咗少甜，味道啱啱好，帶有少少咖啡嘅酸味見隔離叫嘅法包好似幾好食，下次可以試吓！

🇭🇰 Wan Chai 灣仔｜Cóm Bánh MìJust came back from Vietnam 🇻🇳 and already crave for more Vietnamese food! 😆 Be it a good Phở or Bánh Mì, you can find authentic Vietnamese food here in Cóm Bánh Mì! 🥹 I tried:☄️ Meatball Bánh Mì 🥖This is Hong Kong's first meatball Bánh Mì! ✨ The meatballs and sauce are made by themselves and I love it a lot! 🥰 The meatballs are soft and flavorful while the sauce is better than many of the pasta sauces I have ever tried! 😆 Definitely worth trying this famous Vietnamese d

餐廳位於大王東街，就近灣仔地鐵站D出口，主打越南河粉和越式法包等，價錢以港島區黎講算貼地，依家做緊9周年三重賞，逢星期六頭30名到店食客，可享優惠價 $1 享用 越式豬肉球法包。至尊牛寶湯河主要配料各有兩塊生牛肉、燒牛肉和兩粒牛丸，湯河有燒牛肉認真少有，一個價錢三種牛肉體驗，燒牛肉肉質鮮嫩，口感容易咬開得黎同時有韌勁。越式肉球法包店內”全港首創"，老闆娘介紹豬肉球係人手自家製，肉球大大粒，份量相當有誠意，法包口感鬆軟，同時有青瓜、扎肉作底，味道有層次感。越式春卷春卷炸得香脆可口，有濃郁既芋頭和肉汁味，一定要趁熱食！鮮蝦扎肉米紙卷米紙卷米香味十足，皮薄但煙韌，酸甜汁充分融入，食落好有滿足感。越式煉奶咖啡 / 熱香茅青檸水

越男(灣仔)灣仔有一間全港首創越式豬肉球法包的始祖越男,餐廳位於港島灣仔大王東街28號地下,室內裝修以綠色為主調,牆上有好多越式設計和擺設,好像置身於越南當地餐廳感覺,餐廳主打越南菜,廚師和服務員都係越南人,招呼態度熱誠有禮。慢煮燒牛肉法包餐廳用咗特製竹炭法包,內有九層塔,洋蔥絲,芫茜,香蔥,紅蘿蔔絲,青瓜和扎肉等,燒牛肉食落香口嫩滑,竹炭法包外皮脆卜卜,包身好軟熟,小食鮮蝦扎肉米紙卷,餐飲凍越式煉奶咖啡。至尊牛寶湯河牛寶湯河配有生牛肉,燒牛肉,牛丸,蘿蔔,芫茜和香蔥,湯底鮮甜帶有肉香味,據服務員講解牛骨湯底煮咗兩日兩夜,牛肉食落嫩滑,牛丸有牛味,每條河粉都沾滿牛肉汁,非常美味,小食木瓜絲沙律,餐飲凍檸檬特飲。

灣仔其中一間推介嘅🇻🇳越菜！星期六日諗唔到食乜，有時會選擇黎食套餐，有小食、主菜同飲品，$85起～🐮會安生牛肉湯河湯頭清甜，個人喜歡加入青檸同酸汁，會更加清爽，河粉好滑身，牛肉大約三至四大片，重點在於湯底同熱辣辣上真係好加分！🐮慢煮牛肉法包用上黑色竹碳包，其實同普通法包差不多味道🤣不過甜甜地又夠香脆；慢煮牛肉嫩滑，配上洋蔥、蘿蔔絲等，口感豐富！🧈香蒜牛油雞翼雞翼炸得香脆，配上滿滿的牛油，邪惡又滋味！🫔越式春卷春卷建議沾上酸汁再包生菜一齊食，係最滿足嘅組合！🧊越式煉奶咖啡-凍味道偏酸，反而鍾意佢唔會太甜！🍋熱香茅青檸水必點！味道清新又富有特色嘅飲品～

之前經過灣仔已經有留意過呢間餐廳，因為覺得餐廳名夠玩味重，上網research下先知原來係全港首創越式豬肉球法包嘅始祖，相當厲害。不過今日收工經過立刻入來嘅原因其實都係因為依家做緊一個好特別嘅promo，就係凡於non public holiday嘅星期一至五消費滿$200，英文名是Keith嘅客人就可以有半價優惠。我朋友叫keith，所以就啱晒，後來老闆都同我哋講，原來帶卡片都可以！一坐低就要左我最鍾意嘅越南小食，包括越式春卷同埋鮮蝦扎肉米子卷。春卷炸得酥脆，完全冇由琳琳嘅感覺，如果米字卷亦都相當清新，不過鮮蝦配生菜再加埋米子卷真係無敵，加埋魚柳醬真係人生一大極品。飲品就要咗椰青水同檸檬特飲，兩杯都好refreshing。 ⁠⁠慢煮燒牛肉法包用上竹炭包，好特別，牛肉因為慢煮所以好嫩滑，加埋d配菜，味道相當出眾。至尊牛寶湯河多餸，牛同牛丸都好正，不過最好食都係個湯底，同越南食嘅簡直同一個味道，冇味精，我差不多飲左成碗。

一直都好鍾意食越南菜，呢越南餐廳已經想試好耐，今日終於搵到個志同道合嘅朋友去試。餐廳內嘅佈置都好有越南嘅感覺，牆上亦有壁畫加埋啲燈籠，好特別，睇得出店主用咗好多心機去佈置佢嘅餐廳，令食客彷彿置身於越南當地。•⁠ ⁠越式豬肉球法包，原來係全港首創㗎。法包係用上特製嘅竹炭包，外脆內軟。豬肉球好飽滿又鬆軟，用料十足。•⁠ ⁠⁠至尊牛寶湯河有生牛肉 燒牛肉各兩片 牛肉好鮮味 牛味十足牛丸爽口又彈牙 蘿蔔清甜又冇渣湯底清甜 店員話係煮左兩日既湯底難怪咁鮮味又入味香蒜牛油雞翼 - 熱辣辣炸得好香脆，蒜蓉和牛油味香濃鮮蝦扎肉米紙卷- 米紙卷健康又清新 鮮蝦爽甜 配上扎肉口感不一 幾特別 配埋餐廳特製嘅醋就更加好味檸檬特飲檸檬特飲幾清甜，酸酸地好開胃。聽到隔籬枱嘅食客個名有Keith 字，食滿$200就有半價優惠，好得意。

Weekday Dinner 座位不多的越南餐廳小店，有充滿越南風情的油畫及壁畫，雅緻有特色。晚市套餐$85包括主菜及飲品。越式豬肉球法包第一次看到越式豬肉球法包，職員表示是全港首創。麵包鬆軟，中間有淋上惹味醬汁的越式豬肉球、芫荽及蘿蔔絲，味道及口感不錯。至尊牛寶湯河湯底清澈，味道鮮甜，配料有兩片粉嫩的生牛肉、兩大片燒牛肉、兩粒牛味十足的牛丸及兩片蘿蔔，再灑上九層塔等香料，牛肉熟度剛好。如果想吃濃一點，可根據個人喜好加入桌上的調味料，有魚露、炸蒜、青檸和辣椒等等。鮮蝦豬肉米紙卷 （套餐+$33）米紙卷中間包著鮮蝦及扎肉，配上少少醋更開胃清爽。香蒜牛油炸雞翼 （套餐+$23）雞翼香脆，雞肉嫩滑多汁，外脆內軟，很香口。飲品選擇了椰青水及清新的檸檬特飲。

呢一間都係同事另一間大推嘅餐廳，佢哋話呢一間餐廳有套餐，所以我哋就決定去試吓！餐廳全日都有套餐，可以揀一款小食，一個主食同埋一杯飲品！我今日就揀咗越南牛油雞翼，香茅豬頸肉飯，同埋西柚汁，total就係$85! 牛油雞翼有兩隻🙈🙈 不過味道真係超級香🙈🙈 嚟到嘅時候已經充滿牛油嘅香味，而且呢雞翼都幾大隻，小食嚟講份量都幾多！ 豬頸肉飯亦都幾香，再加埋佢嘅豉油汁，豬頸肉唔會太肥，送飯就一流！！🙈 啱晒鍾意食豬頸肉嘅我🙈🙈 最後西柚汁酸酸甜甜都幾開胃🙈

Had the chance to visit this Vietnamese resto which I had bookmarked for a while for the welcome lunch. .I got Hol An Sliced Beef Noodle Soup. The beef was tender and well-marinated, and the clear broth had a sweet taste which complemented the flavour of the beef nicely. One of my colleagues ordered Lemongrass Pork Chop Banh Ml. She found the bread to be soft and chewy. The sandwich was packed with various of ingredients, including pork chop, shredded carrots and radishes, cucumbers, etc. Anothe

我非常喜歡吃法包 人稱 法包控 食了多間， 走遍香港九龍 ，油尖旺，灣仔，大角咀 ，九龍城 這間最滿意 ，包身脆脆 ，餡料多 ，而好味， 豬扒細心地切件， 醬肉亦美味 ，價錢亦合理 combo set 85蚊， 包一個法包 越南春捲 及飲品 ， 飲品我揀了椰青水 ，十分推薦 這間， 因為性價比高， 會再試其他食品。

突然好想食越南嘢，然後上網睇吓附近有咩越南嘢食 。見到好多人介紹呢一間諗住OK啦，首先去到嘅時候店員都幾冇禮貌下。講嘢冇尾音都算，其實都幾粗魯，你當係去咗大排檔咁就會冇乜嘢 。諗住一心嚟食好嘢就唔緊要啦，點知叫咗幾款唔同嘅嘢食，首先係湯河，個湯河係完全冇乜味嘅湯。非常之失望。然後再試埋撈檬，今次叫咗豬頸肉，同埋香茅豬扒，兩個肉都係鹹到懷疑人生，另外撈檬嘅汁都係超鹹，真係第一次成個撈檬係食唔晒 。至於法包叫做咁多個之中算係叫做最好，唯一好嘅原因就係佢係冇乜特別唔會話唔好食，但係當然都唔係特別好食。總括嚟講，今次真係叫做非常之失望 。