路邊煱 (已結業)

近來忽冷忽暖的天氣真的很不爽, 幸好今晚天氣轉涼, 都幾適合吃火煱。美景街不及北帝街那麼多食肆, 人流亦不多, 不過要搵好野食一點都不困難。而路邊煱正位處於較靜的美景街。 看看點菜紙, 有很多選擇, 由於胃口有限, 只點了肥牛, 廣島蠔, 紫菜脆響鈴, 皇帝菜和牛胸爽. 手切肥牛 - 幾乎是每間火煱必有和必食的菜式. 新鮮, 重要是有雪花及不能太瘦。這裏的肥牛完全符合。廣島蠔 - 冰格裏拿出來的廣島蠔, 上枱時仍未解凍的, 夾起時硬得像石頭,又不是生吃,都沒所謂了. 至於鮮味當然不及美國蠔, 但價錢是較相宜的。紫菜脆響鈴 - 首創的菜式, 簡單又好味, 只要在湯裏灼一灼就食得, 響鈴和紫菜完全吸收了湯的鮮甜, 正!牛胸爽 - 較特別, 切忌灼得太耐, 否則原本爽脆的口感會變得超硬皇帝菜 - 在家比較少吃, 原來用來火煱菜都幾夾, 下次點菜又多一個選擇.雖沒有很花巧的菜式, 但總括來說用料不錯, 質素平均。 

環境不錯, 好衛生, 好闊落, 坐得幾舒服我最喜歡的莫過於蕃茄湯底，那喝起來清清爽爽，又帶點酸酸甜甜的味道相當令人享受, 好清甜, 很開胃，直接喝也好味有埋花甲同埋粟米, 粟米好爽脆, 魚皮吾浸湯食好脆, 浸湯食又有另一番風味生蝦好大隻, 仲生鈎鈎識郁添生蝦肉Q彈有勁，一口咬下，鮮甜味瞬間在口中化開，那濃郁的滋味真讓人欲罷不能手打丸物內層肉質鮮嫩有彈性，食起來熱度非常, 令鮮味提升，非常有嚼勁，讓人一試難忘紫菜響鈴放進煲上浸一陣巳可以食，吸收火鍋的湯，溶溶地就最好味，紫菜響鈴內裡香脆多汁，打邊爐必定要食。

今晚同朋友山長水遠走過海打邊爐！聽朋友介紹土瓜灣新開左間隱世邊爐！聽我朋友講到好吸引！所以要去潮拜一番到達落山道轉左後，行多幾個鋪位就會見到路邊鍋，環境好光猛！地方闊落，地上亦乾淨整齊！我地當然試最人氣既什菌花甲鍋，當鍋黎到時，店員非常有禮貌地講解，個湯底可以再滾多陣之後就可試個湯，有大量花甲，什菌菇，蕃薯，粟米！好有"家"既感覺！！飲落好窩心，湯底好濃郁我諗有成20,30隻花甲都有！所以非常鮮甜,之後叫左碟呢間鋪首創既紫菜脆響鈴，真係第一次食！！內層有紫菜，外層即炸響鈴！2樣香脆既食物放係一齊！真係10個脆響鈴上面有d"懷"鹽，更加惹味之後個廣島蠔亦係不得之了！雖然熟後縮水，但係蠔既甘香依然留住！非常好味！！另外碟蝦上店時仲係札札跳，d蝦腳郁郁下，熟後食落非常新鮮！堅係爽口最後要推介係個牛頸脊！牛味香濃，入口後6-7秒！油脂既甘香係口腔內遊走！閉起雙眼慢慢感受油脂既帶比口腔既快感！無得彈侍應既態度亦都非常好，總括黎講係間好有水準既火鍋店

同朋友7點幾放工，想搵個地方食晚飯，見今晚咁凍最好緊係都係打邊爐喇, 跟住我地就係openrice揾土瓜灣邊度有好食的邊爐打。之後我地就揾到呢間「路邊煱」，放好啲野我地就即刻諗住叫野，原來呢間野都幾特別，可以用成隻蟹黎做湯底。我地之後就叫左個招牌雜菌花甲蟹鍋，同埋配菜。墨釀油炸鬼個外皮炸得十分脆，但係內裡嘅墨魚滑依然十分嫩滑，非常特別鍋底就上黎喇，果然係成隻蟹係個鍋入面，份量十分足料，蟹肉非常鮮甜而且蟹蓋入面有超多膏。竹笙，將佢放入湯滾幾分鐘就食得，質地爽而脆身，而且湯味好濃，黎到呢度打邊爐絕對係必須要叫。手切新鮮本地肥牛本身係比較普通，放入鍋滾一滾熱就得，意想不到地好味，好香牛肉味，份量也不少，仲好鮮嫩。

2016.02.20 【2.20 用路邊煱進補 ~滋味行TASTY ROAD】有說九龍城多泰國菜同潮州菜食，但朋友MI就帶我果邊去路邊進補，因為佢記得我以前係最溫暖的同學，但今日佢洗完手，手比我仲暖，全因為佢鍾意食雞煲，所以佢要我今晚6點同佢食，早嚟就係好，座多，坐得舒服。佢知我受唔到辣，所以叫花彫酒煮雞煲，我話花彫酒喎，佢話煮雞後，酒精會揮發哂，有香味，但又唔會醉，反正，我跟得妳嚟，我就信妳，放膽一試。用花彫酒、蒜子同紅蔥炆煮滑雞，不斷滾時，雞依然保持嫩滑，蒜子同紅蔥吸汁，一口雞一蒜子一紅蔥，酒味全冇，惹味全收。洗哂啲雞，意猶未盡，加啲湯再叫2款牛嚟打邊爐， 別有一番滋味，牛肉彈牙。又雞又牛，怕會燥燥哋，飲返支竹蔗茅根同柑桔檸蜜，然後做RUNNING MAN返屋企睇RUNNING MAN。為健康，為家庭，為事業，為愛情，為心想事成，飲杯。

朋友說土瓜灣美景街有家好味的打邊爐店子很少去土瓜灣食飯，今次就跟她去試試吧OT放工後去，9點幾燈光火猛，裝修舒服店員態度親切，感覺還是很不錯花彫酒煮雞煲味覺行先，先勝一仗——超鮮甜的雞肉花彫酒提升了雞的鮮味，入口香甜，紅蔥尤為好吃雞煲可以2食：食完雞再加湯打邊爐，盡吸精華肥牛是邊爐必點之作，此盤有2款，皆肉香彈牙牛味香濃而不韌，上佳豪大大，大大隻蠔，入口大啖肉，就是海鮮與雞煲的香氣結合4款手打丸，最中意蝦丸，其他都彈牙好味，不似一般的味精丸，是真材實料之作川辣牛展：香口惹味，少少辣，多多香，唔食辣的朋友都愛上椒鹽鮮魷：出色的炸功，脆身唔油，香口之作，有料！紫菜響鈴：脆卜卜，是愛脆朋友必點！好明顯今次點左好多香口脆野，絕對要飲涼茶店家有好多選擇，我自然又係呢家涼茶的FANS啦，爽！I will be BACK ！

工作再繁忙都要抽空和朋友見面，選了大家都最愛的打邊爐地點交給朋友發板，她選了這間最近很多好評的路邊煱，反正只想和朋友聚聚舊，去那裡我都沒有所謂睇菜單都算幾多野食。朋友愛吃魚，就叫了一個招牌烤魚鍋店員幾貼心，會事先問辣度，我不太愛食辣，就叫了小辣。魚身炸過，很香口，汁微辣而且有很多配菜，不錯。食完魚梗係要叫一碟靚牛，手切肥牛拼牛頸脊，看樣子都知道很新鮮，而且肥瘦均勻。牛肉切得薄，好快就熟，牛味重，食得好滿足。另外叫左牛骨髓、紫菜響鈴同水餃。牛骨髓雖然好唔健康，但係充滿油香又滑，真係好好味。而紫菜響鈴同水餃都係自家製，所以夠新鮮，特別是水餃好大粒好足料。朋友好奇甚麼是鹹蛋黃墨魚丸，所以點了一碟。墨魚丸內真的有粒粒鹹蛋黃，好邪惡但是好驚喜，值得一試。事前有醬料，但其實魚鍋本來問題比較重，其實不用醬都夠味。食得好開心，因為食物好食，而且店員很有禮貌和主動。不過最開心還是可以見到朋友。

上篇介紹過一間抵食火鍋刺身任食放題後，本篇就想介紹一下同樣是海鮮鍋，不過是用了原隻大肉蟹、特大花甲以及雜菌組成的花甲蟹鍋！雖然地點不太便利，位於土瓜灣一個沒有港鐵直達的地方，由港島坐巴士也用上了一小時，不過為了再跟友人吃蟹鍋，唯有花點時間前往吧雖然同樣位於土瓜灣，但原來友人發現了位於美景街的分店環境比美善同道店舒適一點，而且比較易找到，不算偏僻。店內環境較為光鮮，木系的裝修給人感覺高檔一點，最重要點是座椅亦相對舒服，而且不會過份擠迫先看看鍋底的種類，有招牌雜菌花甲鍋、招牌雜菌花甲蟹鍋、花彫酒煮雞煲、招牌雞煲皇、招牌烤魚鍋、花彫醉雞煲等...另外亦有普通的沙嗲鴛鴦湯底、皮蛋芫茜湯底、蕃茄薯仔湯底、栗米甘笋豬骨及四川麻辣鍋等配料方面就主要分為9類，餐前小食、生猛海鮮、水產類、牛羊類、禽鳥類、豬肉、丸餃類、瓜菜類、素豆菇類、飲品及其他，款式甚多調味醬料方面就有生蒜、熟蒜、蔥花、芫茜、沙嗲醬及指天椒，待我們添好後，店員就隋即取走招牌雜菌花甲蟹鍋 $400第一時間當然先來個招牌雜菌花甲蟹鍋， 打開蓋子後原隻大蟹立即呈現眼前，再加上一點青蔥的襯托下，紅紅綠綠的好不吸引。店員先為我們盛出一碗橙黃色的

起土瓜灣一家不顯眼嘅火煱店，原來仲有雞煲食添，正!最喜愛有得自選醬料, 當然要加$啦.食雞煲火煱前, 食咗小食雲耳，有益又開胃，唔錯。跟住叫咗蝦，雞煲，當然有火煱必選肥牛...再加一D本店特色食品。整體用料不錯、新鮮。蝦少少, 但新鮮爽口, 正!雞煲少少辣，味道適中，唔會太濃味，今次叫咗半隻雞再加一D打邊爐料。雪花肥牛，D紋好均勻，肥瘦適中，只需煮30秒即可，入口即溶，好味，正!蝦滑讓冬菇，幾彈牙，幾得意。響鈴，好脆，落湯2、3秒即可食。雲吞，裡面有約大半隻蝦，爽口美味。薄片豬肉，都幾滑。呢個唔記得咗叫乜，總之就係油炸鬼上讓咗D墨魚滑，再加咗D魚籽上去，幾得意，口感唔錯，暖嘅可以就咁食，唔係可以放到火煱內整熱少少先食.食咗咁多肉當然要有菜，雜菜就最好，試多D，菜都新鮮 ... 正菜!

話說男友因為工作關係去左土瓜灣所以收工就去左Join佢同埋佢既同事食飯喇我地3個都唔多熟呢區係開飯app見呢間火鍋店幾多人like所以就去左試一試喇入面裝修雖然唔算好豪華不過燈光好光猛，d枱都排得好整齊成個環境感覺唔錯呢到係用點心紙落單食物既種類都唔少仲有大大個poster標榜食材新鮮食下睇過有冇呃人先未食之前先混醬醬料選擇唔算多不過應有既都已經齊哂麻辣鴨舌 $48未打邊爐之前叫個餐前小食先食落先有花椒香，之後慢慢辣出黎不過鴨舌唔夠爽口招牌烤魚鍋 $268呢到除左基本既火鍋湯底仲可以叫雞煲同魚鍋諗住魚煱無咁多肉，可以試多d其他野所以就揀左魚煱條魚先炸過，所以食落好香口魚既肉質好滑，但又唔易散(其實我問左個魚名，但唔記得左，so sad)加埋個有少少辣既汁，真係好惹味手切本地肥牛拼牛頸脊 $288咁食火鍋又點可以唔食牛睇相都知好新鮮啦肥牛因為多油脂，食落滑d同油香多d牛頸脊就肉味比較重兩樣各有特色，但一樣咁好味鳳城水餃 $48睇開我個blog都知我有幾鍾意食餃子呢到既水餃唔錯，大大粒超多料而且入面多菜少肉，仲有甘荀絲食落有d甜味可以平衡番個鍋既重口味，唔錯蟹籽墨魚滑 $88墨魚滑真係打到

路邊煱的好, 我相信吃過的人也會知, 當朋友叫到一起走去路邊煱火鍋, 那時候想起更懷念它的黃金豆腐, 直至走錯地點, 方知道路邊煱開了分店, 環境比主店還要大還要光猛。佐料費每位$10, 都是那些基本的蔥蒜辣椒、磨豉醬等等調味, 不過看看也可以發覺它們的新鮮。樽裝消燥飲品依靠鴻福堂。朋友愛海鮮, 點了個 招牌雜錦花甲蟹鍋, 雖然售價是$400大元但是鍋內料很多, 大紅蟹、花甲、雜菌、糯米粟等等, 湯底滋味爽口, 帶著蔬菜跟海鮮甜美, 喝起來不油不膩。招牌牛肉拼盤 $368牛頸脊、牛胸爽、牛脷托、安格斯和牛粒、肉眼邊、金錢展牛肉的每一部份都會有其獨特肉香, 例如牛胸爽是甘甜可口, 輕輕一灼已可咀嚼、牛頸脊是香甜牛味重、肉眼邊的肉質爽口。脆鯇腩 $48爽脆彈牙有嚼勁的口感, 魚肉新鮮已沒甚麼可以投訢。要吃的還有很多很多......

這一間店舖已經不乏區外的捧場客, 出品更是贏盡口碑, 實力不容置疑 ~Menu ~調味架擺放著六款火鍋必備的調味料: 紅辣椒、蒽花、蒜茸、炸蒜、芫荽、沙茶醬 ~陳醋野生雲耳 $48雲耳爽口, 味道酸酸甜甜又帶點清香, 很開胃 ~招牌雜菌花甲蟹鍋 $400食材有一整隻蟹、雜菌、花甲, 足料又豐富 ~未下生料打邊爐之前, 先呷一口花甲、蟹湯 .... 湯底味道香純甜鮮, 禁不往一喝再喝 ~煲過之後的蟹件、花甲 依然鮮味無比, 這個鍋這個湯底, 真是一絕 ~ 招牌牛肉拼盤 $368牛肉拼盤有 牛頸脊、牛胸爽、牛脷托、和牛粒、肉眼邊、金錢展牛肉片片厚薄相稱, 盡顯廚師的刀功, 各種牛肉有不同食味和口感, 除了偏白的牛胸爽, 其他都紅潤光澤, 質感嫩滑, 指肪分佈平均, 肉味香濃要人垂涎欲滴 ~即製脆炸響鈴 $38響鈴乃是店方自家新鮮即炸, 熱辣辣又脆口, 放湯稍灼數秒便可吃 ~手打牛筋丸牛丸爽口 Q 韌夠彈性, 有咬口感, 總之就是牙齒與口腔的一大享受 ~這間 路邊煱 實在是臥虎藏龍, 絕對是三五知己大吃一餐的好地方 ~本篇完 ~

之前去過路邊煱打邊爐，發現佢開左新鋪當然又要去啦！一入到見到裝修真係好新淨，上次食過花甲海鮮，今次就食雞煲先！一嚟到已經聞到勁香～就算唔辣都好香口其他配料都唔錯，釀冬菇好新鮮彈牙，手打四寶丸都好彈牙，由其牛丸勁濃味好出色！雲吞餃類都好味，皮薄餡靚。其實個湯底好味食咩都咁正食飽飽仲有雪米糍做甜品，正

朋友話士瓜灣有間幾出名專食蟹鍋嘅邊爐店,其實都幾唔就腳...坐完巴士之後又要行一段路先到...不過朋友話食過好食,遠少少去試下都冇所謂啦~一入到去就見到一大張圓枱,啲枱枱櫈櫈都幾乾淨同新淨,係土瓜灣依類舊區黎講,個環境都算幾好調味醬料就有六個選擇,可以自己揀啲鐘意嘅加入豉油就得不過可惜冇麻醬,如果食肥牛有埋麻醬會好啲朋友話一定要試下佢地個八味金磚豆腐($48),豆腐切到一粒粒再炸到金黃色!外面加咗少少七味粉味道超香黃金色嘅外層又鬆化又鬆脆入面啲豆腐就又軟又滑,真係冇推介錯!冇幾耐,專誠為佢而黎嘅招牌雜菌花甲蟹鍋 ($400)都黎到真係有成隻蟹放係鍋入面!睇見都已經覺得勁吸引!雖然都要成$400蚊!但咁大隻蟹都值嘅!整熟之後識食一定食蟹蓋先!不過我又唔會咁衰成個拎走佢嘅!所以都係拎咗少少蟹膏食,張圖嘅份量大約係5分1左右啦!硬硬地身,都幾香之後就到蟹鉗!不過個殼都幾硬同厚,所以有少少難剥但舊鉗肉真係好大舊!味道又夠鮮甜!!好好食呀!!其實一開始有人幫我地裝咗碗蕃茄蟹湯,叫我地可以飲啖湯先不過因為太熱,所以飲咗幾淡就轉咗食蟹先個湯都幾濃蕃茄味,入面重有啲花甲肉食下~好甜!朋友竟然重叫咗肥鵝

是夜走到土瓜灣的路邊煱打邊爐；路邊煱在土瓜灣有兩間店，今晚去咗美景街新開分店。轉入路口已可見到發光的燈牌原來晚上9:30後有優惠，七折後抵食喎 !門口擺著黑板列出是日有咩海鮮推介安排坐在近收銀處的細檯有間獨立房，人多也可以自成一角一張大檯未齊人所以叫咗一碟陳醋雲耳開下胃先，不過我唔識分係野生定唔野生，但有番少少厚度，有點點爽口，好味!今晚揀咗食雞煲，所以侍應捧上調味料半隻雞份量的雞煲WOO打開鍋蓋香味撲鼻又熱騰騰先吃雞肉，後打便爐，雞肉和汁料也很惹味，辣度剛好，味道不咸，不過略嫌雞件切得細碎咗少少，湯汁內夾雜了雞骨碎，吃時要小心啊！雞肉清得七七八八，便通知侍應加湯開始打邊爐必試的炸響鈴，是火鍋店自家制的，即叫即炸，上檯時是熱辣辣的，可以即食，亦可以放湯輕勺只需輕燙三秒便可品嚐，響鈴吸了少許雞煲汁料但仍然保持鬆脆！　打邊爐又點少得牛肉？　肥牛絕對係火鍋必食的，牛頸脊紅潤光澤，指肪分佈平均，肉味香濃　！！！　必吃！樹立的海蝦 , 有冰座住可以保持鮮味 !海蝦好新鮮 !自家制水餃豬頸肉第一次食釀鮮菇 , 幾得意 , 唔錯 !GREEN MONDAY.... 火煱又點可以少得嫰綠蔬菜還有釀油炸