連文記冰室

營業中

休息中

公司附近都好多嘢食，但係就未嚟過呢一間連文記，聽同事講呢間米線雞湯好出名，所以就趁機去試吓。呢間平時都要排隊㗎，好彩嗰日我哋好早就去到唔使等位。由於天氣突然間涼咗，又唔想諗食乜，所以就接受咗同事嘅提議，試咗佢哋嘅招牌花膠雞米線。我見同枱嘅人都好多叫花膠雞米線實冇死落咗order唔係好耐，碗米線就好快送上嚟。果然係有午市特色，快靚正！ 碗米線大大碗，有兩塊好大嘅花膠，同埋都幾多雞件。湯底有陣陣雞湯香味，飲落口好滑好順唔錯唔錯。可能平時食開嗰啲都係酸辣米線，呢一碗我覺得非常清新又順口，好好味。花膠大大塊，充滿骨膠原，真係對女士嚟講冇得頂啦。雖然佢係雞湯，但係啲雞食落去係滑嘅一d都唔鞋！ 加分！

連文記冰室天氣好凍兩點幾去搵嘢食，朋友搵咗呢間食花膠湯米線未食過就去試吓。去到已經有下午茶餐 但為咗食米線而來所以叫咗兩碗米線。花膠雞湯米線 $75湯嚟到唔夠熱，花膠都幾多件，雞比咗雞髀位好滑，有三件大大件嘅雞，湯底清甜但個人比較淡，米線有跟芫荽，唔食記得要叫走芫荽。胡椒豬肚湯米線 $69呢碗嘅湯比花膠湯熱，豬肚好食，呢碗嘅雞胸肉比較鞋口，但雞一樣係大大件，胡椒味都好濃，兩碗米線份量適中，亦都唔會煮得太稔太碎，個人覺得胡椒湯比花膠湯好食。跟米線配熱飲免費。

今日叫左一碗招牌花膠鷄米線，好好味，花膠好大塊，雞都算多，另一碗叫做胡椒猪肚鷄米線轉左湯飯，啲湯飯就林咗少少，但味道依然好好味，我哋一個加咗熱奶茶，一個叫左菜蜜，環境糸一般，味道搭夠

之前食過已經唔想再食但同事係咁話比機會佢所以我先再比機會同一班同事食一次😡😠🤬🤬😡🤬😠一入到去呀姐態度已經好差明明有好多位 都要我地坐啲唔好坐既枱搭枱逼埋一堆去食講野語氣都好差好似佢先係客未食已經一肚氣叫左竹生雲吞雞米線啲雞又再退步左 好鞋 冇味雲吞都唔好食 唔知換左個廚定係點只係勝在碗麵夠大😣😣😣大家食完之後 真係齊齊講唔會再有下次我唔會再比機會嫁喇大家想練eq受氣就去食下啦🤢🤢🤢🤢

👤人數：2💰埋單：141🍽口味：標準🍽菜份量：標準劃重點！！💰💰CASH ONLY!!我哋兩個人都嗌咗招牌嘅花膠雞米線，一碗多粉（免費加），一碗正常粉，我覺得如果係女仔，正常分量已經好足夠，凍飲加3蚊，都算OK.環境唔算好大，可能工作日需要排下隊。🍜花膠雞米線，💰69首先係個湯底味道吾會好味精味都吾會太淡，我個人口味偏淡覺得剛好好，雞湯味道都算濃，飲完不會好口渴。啲花膠好腍，而且分量算係我見過花膠偏多嘅一間店，69蚊免加一都算係幾抵食，米線吾會軟，有彈性，重點雞係雞肶肉或者雞翼，幾滑吾會柴。整體感覺係唔錯，會成為回頭客😋😝

🙋🏻‍♂️餓底探員今日去咗荔枝角調查呢間米線同泡飯專門店，試吓佢個招牌花膠雞，🍗🍚招牌花膠雞泡飯 $69📸表示呢個花膠雞泡飯有幾嚿大花膠，嚿雞仲要係雞髀，好大碗又足料，睇見都流晒口水🙋🏻‍♂️表示個湯底係豬骨鮮雞上湯，飲落好鮮甜，花膠食落軟稔，雞肉嫩滑，個泡飯吸收哂個湯底嘅精華，食完好滿足⁡📈吃貨指數😋好味度 7/10🔙返啅度 7/10

離開荔枝角區已經幾年~偶然經過總有一些美食回憶想再去食.今日就去食呢一間~花膠雞湯米線/湯飯(店內主打).湯底:保留雞湯的精華米線：軟硬適中雞:仍舊是滑的雞髀,但不算太juicy.份量也好像少了.印象中以前1/4隻雞花膠:雖然仍有三塊但是口感不是太膠比較淋身(麻麻地)如果你們第一次去食,建議可試原味.如果唔怕薑味的辣,超推介食胡椒豬肚雞湯米線(冬天時食必點~驅寒保暖)另一冷門推介“蔥油豬扒飯”~勁多蔥油鋪滿成碟飯~可以一試

下午幾個同事黎食lunch一入去scan完要我地出返鋪出面等位等左陣有得入去入到去張枱到抹得好求其仲有啲殘渣係枱🤢🤮🤢🤮然後個呀嬸啲態度語氣又好差知你地老字號但講真我地其實都係黎食個飯姐唔洗受你氣呀麻？❓❓❓啲野再好食都冇用我地以後唔會再黎食😡😡食左個花膠雞 $69啲雞孩過之前個次😕未食完就走黎收碗收碟做咩姐 你好多客等緊咩？又唔係咁樣感覺真係好差👎👎😤😡仲有杯菜蜜飲到落底有粒核係到好嘔心

荔枝角午餐時發現這間連文記就點了招牌花膠雞米線原來已時最後一碗食後就明白這碗花膠雞嘩好賣的原因因為好好食👍🏼花膠很多🌸雞亦很有雞味🐔下次要介紹朋友再來食🥰

🧡呢個位於荔枝角工廠大廈嘅冰室，除左普通茶記有嘅嘢，仲主打米線 🔅今次就試左呢到最出名嘅🍜花膠雞米線（$69）同🍜胡椒豬肚鍋米線($58) 🔅米線主打冇味精嘅雞湯，所以食落個湯底真係試到濃郁嘅雞味，而胡椒湯底d胡椒味都好重😳 個人覺得花膠雞湯正d😍 🔅兩個米線都好足料，雞大大隻，多肉夠滑，花膠都有4舊左右，豬肚夠冧 ✏️餐廳開到5點，限2人入座，想黎試下嘅就要留意啦 推薦指數：🌕🌕🌕🌗🌑

今晚要到荔枝角這個地方，由於時間不多，想搜尋有什麼好吃的東西，怎料一出地鐵D1出口便見到連文記冰室，見到很吸眼球的花膠雞湯米線和其他米線便立即試一試。點了一個竹笙雲吞雞湯米線，鮮味十足，雞有雞味，口感亦不錯，由於時間尚早，店內不算多人，位置坐得舒適。此外，收銀員服務態度非常好，除了推介主打米線，埋單時候亦會詢問客人對食物的意見，實在非常難得。總結這店舖值得回頭再吃，品質和服務都很滿意。

估唔到工廠區都有花膠雞食。🪑環境：工廈嚟講算整潔。🐟花膠：份量幾多，而且唔薄，不過口感係爽嘅，無黏性。🐓雞：係雞脾，而且有雞味，有驚喜。🥬米線轉菜：因為我低碳飲食，落單話轉菜底，落單姐姐呆一呆，話可以落不過唔會控制到有幾多菜，師傅俾幾多就幾多，最後菜份量都唔算少，浸埋雞湯一啲都唔寡，滿意。🍜湯：鮮味不過無黏性，唔覺有花膠嘅成份。☕️奶茶：幾有茶味。整體而言，質素以呢個價錢嚟講令人滿意，但唔好幻想花膠會係幾千蚊果啲厚黏口感，會似魚肚。🌟推薦指數：7.5/10連文記冰室 (荔枝角)荔枝角長義街10號昌隆工業大廈1樓A舖

蔥油凍，雞排炸得太燶，除左杯華田ok 我搵唔到有咩值得讚既位。見好多人話好食 上到黎連普通茶餐廳水平都唔及 仲要收我$49 ，我期待蔥油陣味，點知勁咸 本身無open rice account都要開一個黎彈佢

講起花膠雞，第一時間會諗起 #連文記 餐廳有2間店，分別係荔枝角&九龍灣。荔枝角店比較近地鐵站～兩間店我地都去過，個人覺得質素差不多。🍜招牌花膠雞米線$6️⃣9️⃣睇幅相就知道隻雞髀勁誇張啦，細食既朋友淨食雞都夠飽了。雞肉夠滑，啖啖肉好幸福🍗花膠既份量都唔少。湯底先係精粹，鍾意雞湯+花膠煮過既腍口感覺～🍜胡椒豬肚雞米線$5️⃣8️⃣鍾意辛辣胡椒既朋友必試‼️胡椒味好濃，好搶口。雖然我唔食得辣，但我幾鍾意呢個味道，好過癮。豬肚煮得腍既👍呢款麵係配雞全翼，相對輕盈d~如果鍾意呢個分享，記得Save/share/like💛以上

《花膠雞米粉》$69每日限定嘅花膠雞米粉係呢度嘅招牌之一當日2點左右去到都係得番5碗咋！真係行慢啲都冇咗😅😅湯底係花膠雞湯，味道清得嚟濃郁絕對可以成碗湯飲晒嘅米粉！花膠都唔欺場，有4大舊…而雞嘅位置.. 因當日係雞髀位，所以超級嫰滑而且吸收埋湯嘅味道 令到雞髀唔會淡茂茂😛呢個價錢來講都收貨嘅😉《胡椒豬肚雞米粉》$58呢個都係佢哋有名嘅菜式😂胡椒豬肚湯個味道相對比雞湯濃郁惹味，所以本人鍾意呢個湯底多啲😂但👦🏽就覺得花膠雞湯個味道配米粉好食啲各有各人鍾意嘅味道，胡椒豬肚湯嘅胡椒都有相當嘅份量 飲完之後個人暖笠笠鹹酸菜嘅味道應該都融入晒湯頭入面，所以食落冇乜味而豬肚方面都一樣…要靠辣椒油來吊味🥲今次分配到雞翼部分，都係一樣好嫰滑🥰冇牙都食到😂😂——————————————————————————————🍴連文記冰室 (荔枝角)📍荔枝角長義街10號昌隆工業大廈1樓A舖—————————————————————————————