逸豪軒

營業中

休息中

逸豪軒中菜館， 主打粵菜及點心 ，中式佈置， 氣派典雅 ， 價錢大眾化 ， 仲份量十足， 深受街坊及粉絲支持。海鮮二人餐 $688上湯焗波士頓龍蝦伊麵原隻波士頓龍，用上我喜歡的上湯焗煮， 原汁原味， 雪白的龍蝦肉鮮味爽彈， 伊麵份量十足，煮得剛好，不會過稔，精華盡在於伊麵中， 完全吸塑了龍蝦汁的精華， 令人食指大動。古法蒸龍龍躉斑片 新鮮龍躉石斑片，最佳方法是清蒸，原汁原味 ，健康又好味 ，班片鮮味滑溜 ，滿滿豐富骨膠原 。燒鵝拼叉燒皇 燒味拼盤有我最喜歡的燒鴨及叉燒，燒鴨軟嫩可口， 叉燒皇肥瘦適中 ， 充滿甜甜的醬油味道， 拌飯一流。果皮蒸南非鮮鮑魚兩隻鮑魚厚實圓潤，輕輕咬下，鮮味嚼勁的口感， 慢慢沁出純樸鮮香， 還有淡淡果皮香氣。薑汁炒菜心 時令的菜心， 顏色翠綠， 加上薑汁 提香， 鮮甜爽脆， 充滿鑊氣， 簡單又美味的家常小菜。 椰汁桂花糕入口冰冰涼涼 ， QQ彈彈，口感一流， 啖啖桂花及椰汁的甜香， 甜而不膩。

話說最近有間酒樓推出咗海鮮二人餐，想食新鮮海鮮嘅就試試佢～佢哋裝修走傳統粵菜酒樓路線，燈光明亮、座位寬敞。鍾意佢個二人餐咩都唔使諗，啱晒我選擇困難症😂-燒鵝拼叉燒皇🪿叉燒皇半肥瘦，蜜汁甜度適中，而燒鵝皮脆肉實，油脂香而不膩-果皮蒸南非鮮鮑魚🦪鮑魚肉厚彈牙無韌感，帶點陳年果皮絲味，肉質彈牙，個人認為新鮮好食 -上湯焗波士頓龍蝦伊麵🦞去酒樓我最鍾意食嘅嘢😆上湯焗做法比常見的芝士更清爽，突顯蝦肉鮮甜，伊麵味道不太濃，龍蝦多肉新鮮份量十足-古法蒸龍躉斑件🦈龍躉魚皮厚，膠質黏嘴，肉質細嫩無腥。底層鋪滿肉絲、冬菇絲和木耳，古法蒸製讓魚鮮層次再升級！ -薑汁炒菜心🥬菜心翠綠無渣，薑汁味可再濃我會更加喜愛! -桂花椰汁糕🍮收尾甜點清爽！椰香濃郁，桂花凍清香解膩，口感Q彈

呢排成日落雨，都吾想買餸煮飯，所以去下酒樓食飯，系門口見到有啲優惠菜價錢幾吸引，所以就入去食。上湯焗波士頓龍蝦伊麵 龍蝦斬得幾好，好多都吾洗用手拆殼，啲肉輕輕用筷子已經拉到出嚟，size屬於細隻品種，幾有龍蝦味，上湯汁調教得不錯。燒鵝拼叉燒燒味雙拼，叉燒熱辣辣食幾淋。燒鵝吾會好肥。果皮蒸南非鮑魚鮮鮑魚，幾大隻，而且蒸得夠淋。果皮雖切成幼絲，但輕輕一咬果皮味好濃烈，配以煮過既豉油汁，更帶出鮑魚鮮味。古法蒸龍躉班件龍躉可能蒸得耐左少少，所以鞋左d，不過份量都幾多，另外仲加左雲耳、肉絲、冬菇去蒸。炒菜心

上次同家人來到荃灣逸豪軒飲茶🫖，近悅來酒店對面，酒家最近原來出了個海鮮套餐，幾平靚正！上湯焗波士頓龍蝦伊麵龍蝦肉鮮味十足有彈牙，上湯鹹香配以伊麵份量豐富吸引到口水流呀果皮蒸南非鮮鮑魚果皮絲香味俱全，鮑魚夠新鮮，廚師已幫忙挑起方便食古法蒸龍躉斑片古法炮製蒸出滑溜，肉絲冬菇絲增添口感層次夠鮮嫩叉燒併燒鵝半肥瘦叉燒入味軟腍，仲有燒鵝肉都不錯👍薑汁炒菜心菜心炒得翠綠健康桂花椰汁糕桂花上層配椰汁清新自然

✨同朋友去佐荃薈樓上一間酒樓食晚飯！門口有好大魚缸,海鮮好生猛！酒樓環境空間夠寬敞坐得好鬆動,完全唔會逼狹！叫佐海鮮二人餐！✨果皮蒸南非鮮包魚夠哂彈牙有嚼勁！果皮香更提升鮑魚鮮味！✨燒鵝拼叉燒有水準，燒鵝皮油脂香郁唔會膩；半肥瘦蜜汁叉燒帶焦邊，咬落焦香感食落充滿油香！✨上湯焗波士頓龍蝦伊麵一上枱香到忍唔住，龍蝦肉厚身彈牙，拆開殼啖啖肉，伊麵吸晒濃郁的上湯，真係停唔到口！✨古法蒸龍躉斑件魚肉質嫩滑夠新鮮, 古法係用豬肉絲,冬菇絲,大頭菜, 薑絲等配料拌勻放在魚面上蒸,味道鹹鹹鮮鮮,好惹味！撈飯一流！✨薑汁炒菜心菜炒得鮮嫩,薑汁配搭啱啱好！✨甜品桂花椰汁糕清清地，椰香濃郁夾住淡淡桂花香，解膩又爽口！滿足！

朋友話有荃灣逸豪軒酒樓做緊海鮮節，果皮蒸原隻南非鮑魚$8/隻，蒜蓉開邊蒸龍蝦$38/隻，優惠二選一。仲有其他至鮮孖寶可以揀，真係街坊價錢食到美味海鮮。晚市都幾旺場，坐得舒適，裝修是正，服務不錯，經常幫忙換碟。🦞上湯焗波士頓龍蝦伊麵波士頓龍蝦肉有鮮味，上湯焗夠鹹香冇芝士咁漏，伊麵份量十足，絕對飽肚。🥢果皮蒸南非鮮鮑魚兩隻鮑魚大大隻，果皮絲帶來香氣，鮑魚保留鮮味，肉質嫩滑彈牙。🐟古法蒸龍躉斑片古法炮製去蒸，肉絲、冬菇絲為龍躉增添層次，龍躉蒸得啱啱好，保持魚肉鮮嫩，魚皮有彈性。🥢叉燒併燒鵝半肥瘦叉燒肉質軟腍，燒鵝肉質結實蘸酸梅醬味道更佳。🥬薑汁炒菜心菜心炒得翠綠。🥥桂花椰汁糕桂花高清香，椰汁清甜。

同一班朋友約咗午餐，到大概2:15再加單。加單嘅食物一路都冇到，跟住到2:50我哋問其中一位女樓面，請佢幫我哋跟一跟張單。個女樓面大大聲好惡劣咁話:"你張單啱啱入，做乜嘢要催"。我哋話已經過咗廿幾分鐘呀，點會啱啱入？佢好悔氣咁攞咗張單嚟畀我地睇，"2:27分幫你地入單，而家只係廿分鐘，你地唔好催"我哋成班o曬嘴，問佢廿分鐘唔算耐？佢跟住話:"你地冇40分鐘都唔好催"跟住我哋話唔要喇，去埋單。同個收銀員講，佢就好惡劣咁講同樣嘅說話<冇40分鐘，唔好催>。之後，佢叫個經理過嚟。個男經理用極度惡劣嘅態度發表佢地嘅<冇40分鍾唔好催>嘅偉大理論。跟住我哋堅持要埋單，取消份加單，個經理就發爛渣，鬧我哋:"你估你哋嚟食快餐店呀，呢度唔係快餐店，唔係麥當勞，唔係一落單就有得食，以後冇40分鐘你哋都唔好再催"一間由上至下，非常趕客嘅員工。

今日諗住同老人家開心食餐飯，揀咗呢間野，雖然少貴，但因為之前都有試過，份量係ok大碟嘅，但今日食到成肚氣，忍唔住要上黎寫食評上黎*佢片皮鴨全隻份量係唔成比例，物無所值不過唔緊要，我當佢人手片得唔靚，我亦有問過職員全隻份量是否得咁少？店員都有禮貌回答。不過後面上嘅蒜蓉粉絲蒸扇貝就最經典啦係我人生去酒樓第一次可以咁震撼*佢碟特價優惠蒜蓉粉絲蒸扇貝，連老人家食完一啖都話腥臭，無錯，係蒸到連粉絲都有個種臭腥味。唔好問我點解唔即時叫人黎問，因為我都唔知佢後面再上個幾碟會唔會有問題。重點：佢某啲餸少貴得黎份量同質素都比較麻麻不過如果要選擇呢間酒樓可以唔好揀我以上中伏嘅東西

今晚一行人行開開心心去晚餐，竟然遇上態度極之惡劣的红毛經理，不但態度惡劣，落錯單反而惡劣態度屈我們落錯單，一點悔意都沒有。雖然套餐平，但是都要有服務態度才可生存，希望酒樓管理層好好教育所謂經理的員工，反而侍應生對我們不停道歉及叫红毛經理扣工资，所謂經理還責怪她。不要以為是經理好威，無人來最後都失業，希望閣下好自'為之。

平時收工後都好喜歡黎呢度食飯。不過今日真係招呼唔好。我同老公兩位帶位竟然帶我地坐係十二個大男人一圍既隔離。成間場咁多吉枱竟然帶我地坐果張。知唔知咩叫好X嘈。想靜靜地食個飯都唔得。跟住轉左位後落完單到男經理從後行黎一野落個扒豆苗就走去果一圍度招呼。身為經理唔係做野咁求其嘛。落第一度餸都唔知客人係要白飯咩。佢一放低個餸叫佢拎白飯佢又聽唔到。係咁舉手又冇人理。舉左好耐終於有員工過黎。我先同佢講快啲拎飯過黎。食個飯咁既招呼。決定去樓下食都好過呢度

過農曆年，2位老友終於約到時間相聚啦，我地去左位於荃灣荃華街16號荃薈2樓S215-S216號舖的《逸豪軒》飲茶。我地點左：午市孖寶 $32.8（胡椒豬肚湯鮮竹卷+時菜蒸鯪魚球），切雞鹹蛋飯2碗 $47.6，逸豪軒水晶蝦餃皇 $38，鮑魚燒賣皇 $48，碧綠野菌餃 $33，雪山义燒餐包 $33。整體黎講係點心好食，價錢合理的。只是職員有D 甩漏，開左檯就閃，漏左單又補不上，再追才有.

不停催人落單 話師傅要收工點知落單落五齊 睇單先知落漏勁多野叫佢補番點知話師父收工冇得叫杯崩左 叫佢換個隻 要催三催四先肯換三人 茶位就識得劃 枱上面得個2套杯 叫先肯俾套餐具仲要態度好差 真系俾錢買難受

中秋節一家十口食飯，有老有嫩梗係食酒樓，而家喺中式酒樓食一圍閑閑地過四千，今晚食呢間係屋企樓下東亞商場裏面嘅街坊酒樓，中秋酒席有三款：三千幾，四千幾，五千幾，我哋揀咗四千幾餐，12位包兩揸鮮橙汁，一支紅酒，茶介加一，唔飲紅酒可以換兩支森寶啤酒。菜色質素係穩定的，合老人家口味，條石斑成兩斤幾重好大條，初時驚佢啲肉會鞋，點知食落又幾嫩滑鮮美。鮑魚12隻，隻隻都好大下，爽口彈牙。十人食12位餐真係食唔曬，一大籠巨型壽包攞返去打包做早餐。呢間酒樓飲茶就飲得多，晚宴係第一次，整體不錯，荃灣大窩口街坊可以一試。

我哋嗌咗流沙包，但最後俾咗個芝麻包難食到爆炸叫攞碗最後擰轉頭走咗去最後要自己搬攞凳爭四張同佢講唔理我哋我哋好聲好氣叫佢攞啲水俾我哋飲住撈起佢向住我哋反白眼以後都唔會再嚟幫襯

作為大窩口區街坊，見啲茶樓執完一間又一間，都好閉翳，東亞商場連百佳都摺埋，成個死場咁，好彩都仲有間似樣啲嘅酒樓。呢間酒樓啲嘢質素正常，嚴格嚟講都算好食，缺點係人太多，點心成日好耐先到，甚至唔到，價錢係實惠的，平日一至五午市孖寶好抵食，假日三個人叫五個點心加個蒸飯都係二百幾，呢間酒樓仲有vip房，比較靜和好坐，每位要加兩蚊，畀多兩蚊就可以做vip。點心方面，蝦餃和山竹牛肉係好食的，好長嘅春卷有三條，三個人夠曬食，黑椒牛肚千祈唔好叫，得五小條，下面全部係芋頭，唔抵食。