遊食手打烏冬 (已結業)

我Honey最愛吃烏冬. 知到這店同Causeway Bay的禾三郎有關係, 所以來試下. 環境唔錯, 烏冬都幾好, 但餸 唔得, 又少又唔好食, 價錢又貴.

good:全日免加一手打烏冬勁好味(尤其係烏冬沙律)坐得耐bad:service一般(叫佢俾匙羹佢就俾左"面巾"-->紙巾=.=)有隻"野"無啦啦飛落杯茶度上面冷氣機滴水(近toilet位置)花生醬年糕味道ok, 不過等左好耐都未到, 催都催左2次!總結:試試佢個手打烏冬真係唔錯, 不過未入去之前就要預左佢既服務水準唔掂囉~

普通貨式都咁貴味千仲好味呀d 侍應好似唔駛做野咁叫極都扮聽唔到service = 0分

出街行過好幾次都見好多人幫襯, 今次就帶埋個同事黎試下啦...唉!!試一次都好夠囉~~叫左一份咖哩飯午餐, 加追個手打烏冬, 三份手卷, 一份壽司, 一份卷物, 逐樣講下.咖哩飯一般到一般, 阿媽整會好食過佢; 跟餐碗湯冇乜特別; 手打烏冬, 個芯未夠"um", 手卷d紫菜"un"到你唔信, d 魚生又唔新鮮; 壽司都一樣, 卷物簡直嚇親街坊, 叫左個好似叫火鐵卷, 入面果d唔知係乜黎, 一pat野咁, 三耙兩撥放晒落個肚到, 食飽就算囉......最後淨返杯餐茶都係差過人, 熱檸水0者, 都可以苦既@_@算囉....最多下次唔去, 食飽算, 真係又貴又好難食呢

好辛苦先至搵到呢間，雖然平時都有行尖冬，但就無走過黎呢邊。好彩唔使搭，可以與老公食得舒服d. order左以下的食物吉列豬扒烏冬（凍食）XXX黑烏冬鍋(係人氣推介)限量雞亦吉列豬扒烏冬幾好食，d烏冬真係‘煙煙軔軔’(唔知有無打錯字呢)，好好味，同平時食o個d唔同。個黑烏冬都幾有特色，不過唔知係我地食得太慢，定係個烏冬太乾，d黑烏冬黏住個底，搞到最後得一半可以食得到，仲有d‘窿’雞亦好好味。環境不算太好，最唔like係唔分吸煙區同非吸煙區，有無得好好食一餐完全睇運氣，因爲本人好唔慣食飯時隔離有人食煙。服務都係一般。所以俾個ok佢啦^^

4月13日下班後跟同事一齊乘mtr，在尖沙咀站回家途中，同事提意行街街，便在尖沙咀逛一逛。逛了一會便開始考慮到晚膳的問題。最後決定到此店試一試。共叫了炒烏冬一碟、牛肉烏冬、燒三文頭、壽司共五碟。炒烏冬冇特別，跟茶餐廳一樣，份量比湯鳥冬多很多，同事的牛肉烏冬真的很大隻碗，不過裡面的食物真的很少囉，三文頭一般，三文壽司可以啦。總括而言食物一般。

同朋友去，叫咗一個黑烏冬（唔記得咗個名）、幾款壽司同飲品呀咁。可能好多人叫壽司但係又得一個師傅整，所以等咗好一段時間先到，本來我地其中一款係蚧子壽司，點知上枱時，冇。於是就問下一位女侍應啦，唔知佢未做過侍應定係諗住就快唔撈，佢嘅回應係：「冇蚧子喎！」我聽到時真係呆咗，仲以為自己同屋企人定係friend講緊野！我唔問佢都唔講，服務態度真係一流！仲有呢個侍應同佢嘅同事都好friend，成日都喺我地張枱後面傾偈，真係偈得好開心架！

烏冬依然煙韌有嚼頭..可是份量小以前1/3...小得可憐...不值這價錢!

行遍成個尖咀咁滯，卒之係呢條唔係咁起眼既街搵到間好多雜誌介紹過既烏冬店。打開餐牌梗係揀recommended既招牌菜啦。黑漆漆既石頭牛肉烏冬+ 蕃茄湯牛肉烏冬，d配料其實係一樣，但係石頭烏冬係冇湯既，所以d黑烏冬煮得耐得滯黏哂底。配料都係例牌既粟米呀、芝麻呀，味道都OK。既然係招牌菜，d烏冬真係幾有嚼勁，個黑烏冬其實似大家都可能食過既墨魚汁意粉，但係就唔會食到成口黑哂。隔離位既哥哥仲似為d黑烏冬係海帶，唔係呀麻!佢d烏冬都幾大碗，門口仲有位師傅仔即席打烏冬俾你睇，收你$40幾一碗，我覺得抵過去味精拉麵!

After reading a magazine about the black udon, I gave it a try. I must say I am very impressed with its taste. The udon was firm and chewy, with a slight squid ink taste, and sauce that came with it was the best, vinegary and fragrant with sesame. The complimenting vegetables included mustard cress and cherry tomatoes. The udon was garnished with pieces of gold which tasted like gelatin.The cheese and sweetcorn gyoza is also worth ordering, since most places only do meat gyozas.

見到d書介紹咪去食去囉點知貴夾唔飽咁既價錢劣質食物烏冬林patpatd配料又唔新鮮最重要係....service九流!!!以後都唔會再去!!!!!

o係magazine見到介紹，便前去一試。order左八爪魚丸烏冬，可惜烏冬唔夠滑，其實都幾硬。八爪魚丸都ok，同街頭小食的八爪魚丸一樣,只是放在湯裡好快淋洒.....蒜味炸魷魚鬚有少少煨味....亦硬，牙都軟...失望!

一向對「當店手打」四字有特別偏好，認為就算不好吃，至少是「有心」，所以多會找機會試。之前試過同店上環店的手打烏冬是不錯，今次就趁下午在尖沙咀區，又吃吃這裡的。見個打麵的冬菇亭，知道找對了地方。叫了一個有烏冬的定食，配菜是炸蝦什菜餅，前菜選了沙律。先嚐最想試的烏冬，看其樣子是手打的，因為條條都唔齊腳。幾滑，質地亦夠韌，但口感卻偏硬，始終工作還待磨練，比起富久保及手打店的日本仔是差幾皮。不過肯做手打，加上幾十蚊有個餐，誠意已經搭夠，總好過食大陸的雪藏包裝貨；炸什菜蝦餅幾油膩，但熱辣辣亦夠脆。見佢沒有醬汁，正覺奇怪，原來在炸漿內已下淮鹽，是聰明的做法，味道也不錯。雖然蝦只是蝦仁，但日式的什菜餅又真係無咩蝦的，都幾好食。一時不慎，叫了咖啡，其實叫檸茶就無事。年青侍應招呼好又勤快，一讚。埋單43蚊，連加一也不收，經濟抵食，單是「手打」二字，已值得一試。縱使離真正出色的手打烏冬，還有距離，但應該會做得好的。

先講食物：炸咖哩雞軟骨-初時以為將咖哩醬淋在雞軟骨上，原來是點咖哩粉食的，D咖哩粉勁鹹，食唔出咖哩味。雞軟骨尚算炸得脆口。煎餃子-餃子皮不錯，不過D餃子真是食唔出是什麼，只食到好像是一舊舊粉團的物體。炒野菜-全晚我最滿意是過個，因為沒有花巧，最搵陣，而且$25好大碟。血地獄烏冬-與一般的地獄湯底不同，這個蕃茄味較重，而辣味好像是勉強加上去，不過可能這是佢特色啦。滑蛋豬扒烏冬-豬扒不是分開上，搞到炸豬扒淋晒，D炸粉浸到諗pat pat，你估有冇人話會好食?講番主角的烏冬，完全稱不上煙韌彈牙，亦唔滑，口感是硬的，似係煮唔透的烏冬，與日本當地食的烏冬真是差百倍，就算連我係citysuper買的讚岐烏冬返屋企煮，口感還比佢好。再講番服務態度及效率，真是不值一提，我本來是叫地獄烏冬及黑金烏冬沙津，落單侍應講明地獄烏冬會等耐D，都冇所謂啦，等了二十分鍾，竟然先上地獄烏冬，催了二三次，又話黑金烏冬要等耐D，連隔離遲來的客人已有，之後再催，竟然話買晒，唯有改食叉燒泡菜烏冬，又話買晒，最後唯有叫唔好食的滑蛋豬扒。D女侍應態度又唔好，愛理不理，又同客人吹水，全場唯一的男侍應稍唯好些。又唔俾影相，嘩!五星級

非常不錯的手打拉麵~ ^o^ 手打勁彈牙~~只可惜湯底唔夠濃郁... 差少少啦!!! 仲有我每次order叉燒拉麵,佢都一定冇叉燒既... 哈哈...我問點解... 佢每次都話買哂喎... -_- 唉!! 好心佢冇得賣既野就唔好擺落餐牌啦... 簡直係低能!我黎過兩次,一次6點半,另外一次8點幾,呢度好在唔洗等位!!我見到有D人就算要等,都係唔超過5分鐘~呢度係冇分吸煙/非吸煙區!! 真係好討厭!!如果兩個人來食的話, 佢好大機會會叫你搭檯... 果日我隔離檯坐左兩個煙民... 一路食,佢D煙灰就一路吹過來!! 認真討厭!! 佢呢間食肆最愚蠢既就係從來唔去安排呢一樣野! 完全冇顧及食客既感受... >_<不過overall黎講算ok既!