鄉誼茶座

營業中

休息中

因為西貢海藝術節而再訪鹽田梓，遊村一圈打卡後、出發去第二站前，當然要食下當地茶粿 🤗 兼補充一下體力啦 💪🏻🍡 海鹽茶粿 😋😋😋😋時間尚早，仲買到用鹽田梓出產嘅鹽🧂所製成嘅茶粿 🤗 茶粿皮鹹鹹地，熱食口感煙韌得嚟軟綿，內裡係紅豆餡 🤔 同現時坊間嘅紅豆蓉唔同，內餡呈乾身粉團狀，唔會似有添加甜味～🍡 斑蘭茶粿 😋😋😋😋食完海鹽味，再食斑蘭味，已經略凍 😲 茶粿皮變得硬身，但仍然咬得開～ 斑蘭味唔濃，反而內餡花生芝麻味道好出，甜度亦高好多 😁🥣 豆腐花 (凍) 😋😋😋😋豆腐花細細碗，小編自行落咗薑糖漿 😉 味道純淨而帶少少🤏🏻薑辣同甜味，豆腐花夠冰涼、口感滑溜～午餐 💵 約港幣 $40/人 💁🏻‍♀️ 由西貢碼頭搭街渡出發去鹽田梓，船程大概20分鐘～ 落船後向右往村方向上少斜，就會見到茶座，主要由一個伯伯打點～ 記得食完嘢，自己放返食具去指定地方 😉🙆🏻‍♀️ 最後，喜歡嘅話，歡迎follow ！

聽聞西貢藝術節係今年最後一界舉辦帶左男朋友去鹽田梓到行下效遊完坐船離開鹽田梓前，過嚟食少少野補給下呢到有好幾款自家製既涼茶賣好似羅漢果水，薏米水咁小食有魚蛋，魚肉燒賣，豆腐花仲有少量客家茶粿，好似雞屎藤有款茶粿係紫薯，比較少見最後買左豆腐花，薏米水，紫薯鹹茶粿同魚肉燒賣全部食物味道正常同乾淨不過價錢一定比市區既貴，但合理的呢到係自助形式消費自行去揀食物，收現金或八達通自行去拎食物，食完煩請食客自行處理餐具放回收餐處希望鹽田梓將來會繼續攪活動，吸引遊客入嚟呢類賣傳統香港小食既鄉村小店先可以繼續生存

西貢市中心搭船15分鐘黎到隱世客家小島鹽田梓擁有300多年歷史,以往原居民以曬鹽為生,今次第一次黎鹽田梓,去咗一間好地道嘅鄉誼茶座,食咗客家茶粿,茶粿全部自家製,＄10@件口味有雞屎藤、斑蘭、杏仁、眉豆、蕃薯等茶粿顏色都幾色彩另外凍豆腐花＄18@碗價錢唔平,不過真係暫時食過最滑同埋豆味都夠👍🏻星期日過嚟唔多人,食完嘢仲可以喺附近行吓去下鹽田、澄波學校、聖若瑟小堂、雙子亭、玉帶橋搭船來回＄50上船落船留意時間,因為班次都唔算多

【2024 年 3 月】嚟到鹽田梓梗係要去鄉誼茶座食鹽田梓村民自製客家茶粿和豆腐花客家茶粿有 6 款口味南瓜、紫心蕃薯、雞屎藤、杏仁、艾草和斑蘭儍媽揀了 (黑色) 雞屎藤茶粿，裡面是花生芝麻餡口感柔糯，皮薄餡多 ~~** 以上分享是以我的口味、體質和情況作出分享及感受，一試 / 合用與否請自行決定

- Famous Aromatic Smoked Chicken w/ Soft Skin- Peaceful Village Vibe- All outdoor seats- Next to the famous Salt Field, it is worth visiting and seeing how people produce salt in a traditional way and even bring a bottle back home🐓Wood-Fire Roasted Chicken 🐟Hakka-Style Stuffed Tofu

因為西貢藝術節第一次踏足鹽田梓回程街渡未夠鐘就去左食少少野揀左呢間近海邊嘅茶座坐一陣等船茶座係鐵皮搭出來的 無冷氣不過喺大樹旁都算陰涼 自己揾位再出去點餐就是Self Service啊 食完回收碗碟就好茶粿口味都幾多 （$10/個）仲好好心機加左南瓜/杏仁/雞屎滕做外皮所以係7彩嘅 以芝蔴花生餡/紅豆餡甜餡居多鹹的一早已經賣完 伯伯仲好好咁剪開一半 方便分著吃茶粿外皮偏厚身算煙韌 所以餡料唔多 個人感覺一般 所以最後都無買返去 同場的豆腐花好滑溜 豆味ok的行到熱辣辣食返碗好舒服而且伯伯好好笑容又有禮貌

小島上的店舖必備嘅魚蛋燒賣仲有炒粉麵飯五香肉丁炒麵 $70原本仲諗住$70一個都幾貴 但份量同質素都好有誠意公仔麵炒得好香好乾身 而且仲有好配料絕對好過好多茶餐廳🙌🏻以島上面同依個質素嚟講 $70好抵食乾炒肉片烏冬 $70雖則賣相一般 但同樣係炒得好惹味只係相對地 無炒麵炒得咁香至於肉片都幾嫩滑 唔錯唔錯糯米雞 $30懷疑蒸得太耐 質感太爛 偏難食🫣燒賣 $10/5粒我真係完全無諗過 原來燒賣都可以咁難食😂蒸到成pat嘢咁😂魚蛋 $10/4粒正常嘅🫡可樂da best

👸🏻👧🏻早前暑假一家人去左鹽田梓一日遊😆同大家分享一下個度既野食🤭-鹽田梓既餐廳就得2間 呢間鄉誼茶座就比較有特色😆近郊外 下面就係鹽田 而我地原本都想試出名既土窟雞 但係無訂就無得叫了💔🍴柴火燒豬頸肉 $138🥲上枱個時已經凍曬... 但都仲食到少少柴火味 豬頸肉份量唔算多 口感一般 有d失望🍴客家釀豆腐 $78同平時去餐廳食既客家釀豆腐唔同 佢係炸到成舊豆腐都脆卜卜 有d特別 味道就中規中矩啦🍴時令有機菜 $88係菜心 煮到幾淋 講話係有機就感覺再健康d😂但份量就有d少🍽️豆腐花 佢附近就仲有一間食茶果同豆腐花既小店 豆腐花就正正常常 無咩特別 👸🏻👧🏻總結🤭鹽田梓都係一個比人去郊遊既地方 當遊客都體驗下都唔錯 但對食物的要求就唔好太高啦🤣🤣 📍鄉誼茶座 @西貢鹽田仔洲鹽田梓村

Mschichi- 透心涼靚景茶座@鹽田梓 上一篇介紹咗茶果，喺茶果上少少嘅位置其實我都唔清楚係咪同一間舖😂😂總之一句都好值得推薦。喺茶果斜坡再遠上少少， 一直行就見到呢間位於鹽田上面嘅茶座嘅啦！ 佢外面有啲餐牌寫住今日有啲乜嘢食，原來係老闆娘製作架❤️❤️ 老闆娘話日日唔同， 睇吓附近嘅村民一齊有啲乜嘢食材準備而定， 可遇不可求㗎！ 而我哋今日呢就見到有紅綠豆沙同埋羅漢果水，咁我哋梗係兩樣都要試晒啦。呢個茶座坐得好舒服有少少微風， 又有溫暖嘅太陽， 可以望到鹽田嘅藝術品， 同埋其他嘅耕作。暖笠笠嘅紅綠豆沙同埋清涼嘅羅漢果， 真係喺呢個乾燥嘅天氣， 作為一個甘泉潤喉啊。老闆娘亦都好殷勤親切咁樣過嚟同我哋介紹呢兩款食物嘅食材，好感受到農村嘅溫暖。喺我哋走嘅時候呢兩款食物已經賣晒啦 😆😆😆 同時亦都轉左其他新嘅食物比下一批嘅遊客。所以嚟到有啲乜嘢食都係睇緣份。好特別好特別啊。 💯💯#dessert #comfortfood #foodlover #hkfood #hkfoodie #foodie #foodiehk #hkfoodies#hkfoodblogger #hkblogger #

玩獨木舟划到去鹽田梓,當然要試一試這裡的「鄉誼茶座」啦,其實他們最出名的是土窰雞,不過因為我們尚未肚餓,只是休息抖抖,所以只點了豆腐花及茶果。其實豆腐花沒有特別超級好食同滑口,不過此店地王佔據優勢,彷彿經過的都要來坐一坐般,小店經營就支持下啦。

呢度我真心要認真寫200字，然後比負評😂😂🤣. 炭燒豬頸肉.期待已久，出到後白烚咁🥲😅，好貴救命，唔知炭燒係邊，食落味道好似我最唔鍾意食煙鴨胸👎🏻👎🏻😥，評價啲人話佢唔夠炭燒，但肉質好淋，所以都比好評佢🤷🏿‍♀️🤷🏿🤷🏿‍♀️🤷🏿，咩道理黎，根本就唔值得！.紅米飯都好普通，冇香味..另外，叫左個咩墨西哥辣鯖魚.真係喊左出嚟，又百幾蚊，嘩個味我自己整都好過你，仲要個份量好細😞😞😪，得一條仔🥹，到底係夠你食家夠我食，墨西哥辣食唔到，成條野 辣味好少，甚至條魚有少少熟，煮得咁耐成餐食完都唔知食左啲咩，又唔飽🤣 咁就洗左三百幾蚊…..真係唔講笑，好似入黎比人呃錢咁🙈

入鄉隨俗～黎到客家村落當然要食地道既茶果登島後只要5分鐘路程就會見到「鄉誼茶座」地理位置非常方便易搵店鋪有小食點心同客家茶比你登島或肚餓時小休一下💛最中意食甜點既我就叫左幾件茶果一共4種顏色（橙、紫、黑、白）代表唔同味道🧡橙色茶果係南瓜味+紅豆餡，味道偏甜💜紫色茶果係蕃薯味+芝麻餡，味道較中性，男女都會岩食🖤黑色茶果係最懷舊既雞屎藤味🤍白色茶果係原味，經典既花生餡而且店員仲好甜心幫我剪開件茶果比我同朋友分享食～仲叫左豆腐花食，非常香滑！😋去到鹽田梓不防一試👍🏻

親子戶外遊鹽田梓島上的親民餐廳有地道茶果，各種口味～花生 芝麻 雞屎藤 呢d基本野，居然有杏仁味 ～ 杏仁味 好好味啊！清麗脫俗feel！仲有 兒童之選，糯米雞，燒賣魚蛋等等～ 各款汽水！最俾like嘅係～ 居然有八達通可以用啊！

來到鹽田梓，參觀完 "遊客中心" 我們就開始遊覽《鹽田梓村》同《鹽田仔島》了。行上入村的斜路，就有一間《鄉誼茶座》來迎接所有遊客。我同太太在登島前，早已經在西貢吃飽了，所以我們遊完島，稍作休息才來到這兒。這是招待遊客的主要小食部及士多。有熱食，有甜品，也有飲品。好彩的話，大師父在場的話，也許會品味地道的柴火土窰雞啊。這日，因為我們早在登島前吃飽了，所以只點下甜品。傳統的新界茶果，黑色的雞屎藤糯米糍，白色的原味花生餡糯米糍，都好好食。我們還叫了豆腐花。味道雖然夠甜，也夠豆香。但不好的地方，就是半點也不滑。貪吃的我也叫了一份魚肉燒賣。加豉油加辣油，永遠都是咁好食。始終，這是行貨的東西嘛，大部份店舖的魚肉燒賣味道都是一致的。吃好了，也夠鍾了，我們便回去鹽田的入口處排隊等進場。

嚟得鹽田梓一定要試下隻土窰雞，賣土窰雞的鄉誼茶座只有星期六日同公眾假期先開，如果唔想碰下運氣嘅話就最好先預約定隻雞先，如果唔係會有啲可惜呢。土窰雞($338) - 好有雞味，皮雖然唔係好脆但經過柴火燒過嘅煙燻味，好有風味，肉質潄滑就算雞胸位都唔鞋，雞油重好香，如果係完運動行完山扒完獨木舟之後嚟食一舊雞會更加好好味呢。五香滷牛展 ($148) - 有啲靭，但滷得入味嘅，但味道就普普通通咁。其實我哋都食咗唔少野，客家釀豆腐，煎蛋角，但都係普普通通，唯獨是隻土窰雞真係必食，有風味得嚟又好食，難得入到鹽田梓就唔好放過依個難得機會啦。