醉瓊樓飯店 (西貢街)

營業中

休息中

以前返工2附近有間醉瓊樓，月底時成日都去食午飯，因為抵又有份，可以兩個人女仔分。今日經過佐敦呢間，就去食下。 鹽焗雞： 鹹味適中 肉質都可以接受 琵琶豆腐： 都夠畫嘅 最好食都係 梅菜扣肉 ：梅菜 夠味唔太鹹, 啲扣肉都肥瘦適中個,豉油汁撈飯好好味地方一如其他分店 唔算乾淨🤣🙈

識食醉瓊樓客家粗菜式的就知道他們的茶只是普洱茶有多熱午飯必然是五十港元梅菜扣肉飯什麼都包括不茶錢不另小賬貨真價實帶點老土好似蜜餞豬腩肉但甜香與燒烤肥豬肉味無人可學功夫梅菜 客家扣肉類一定要甜我則食得極甜咸豬肉甜吃無得輸招呼就差少少但他們的扣肉有5,6, 甚至7大扣去邊度搵而且是實實在在的50蚊就係五十蚊無花無假樓下要叫小菜碟頭飯定要上二樓但如果你只係想食午飯食味道又有位不怕行樓梯這些鹽焗雞飯豉椒排骨炒粉特別是梅菜扣肉類值得關注

歷史悠久嘅食肆，現僅餘两間，地方談不上舒適，食物依然有水準。梅菜扣肉賣相不俗，扣肉鬆化可口，梅菜惹味不覺鹹，最啱送飯。金牌鹽焗鷄皮香肉滑，夠晒入味，再點清香羗蓉，更為美味!依然出色嘅懷舊菜。

姊妹兄弟都知在下食得招積晚餐去醉瓊樓沒有40$特價飯正價一碟鹽水雞飯要茶錢加埋75蚊比午飯貴成一倍但雞塊多許多他們半隻雞要收150元所以這樣一個飯完全公道最好部份加下裝沒有雞翼上等中國雞只有一層薄薄的黃色皮一些肥膏都無左右兩旁全屬中年以上食客梅菜扣肉飯也同價下回會點梅菜扣肉真正食家點應該係白果豬肚湯奶白色色香味夾是客家人住家湯但他們出名慳香港的醉瓊樓泉章居重點是大件夾抵吃套餐一般都又飽肚有點粗糙但他們的粗與港孩一起成長很少我們輩會嫌棄鹽焗雞炸豬大腸炸鮮奶粗多數食晒先至算雖然白飯干睜睜又不設薑蔥蓉裝修殘障你別說70元一個鹽焗雞方圓全部油尖旺不能打擊醉瓊樓出的此次完。

5 個人去佐敦醉瓊樓開餐環境同舒適度一般，老店呀！我地坐樓上點了4-6人套餐 $658 , （5餸一湯）最後再加個東江豆腐, 飽飽滿足胡椒豬肚湯 ：奶白色，好香，白果，豬肚，胡椒味不太辣，岩我，好味梅菜扣肉：肥瘦分明，最鐘意甜梅菜加豉油，真係好味，汁 撈飯一流清蒸鯇魚半條： 沒料到 好大份啊！剛剛熟，鮮味 嫩滑醉瓊樓 最緊要食鹽焗雞，這次 令人失望了，無咩味嘅 .. 哼雙喜大併盤：京都骨，汁太甜，大腸 香脆可口，不肥唔靭最後，送綠豆沙，不太甜

環境同舒適度真係一般，可能真係老店，我地坐上一層，環境感覺都尚可以，我們點了梅菜扣肉，鹽焗雞，炸大腸，抄菜，梅菜蒸鯇魚，一食梅菜扣肉，同鹽焗雞真係好好味，其它鋪未試過有呢種味道，會再去食。

傳聞梅菜扣肉好味，就帶屋企人黎試。不過母親大人就話冇下次。 太污糟，其實舊都唔緊要，但啲碗碟太油淋淋，要同樓面講換過唒碗碟先冇禁油。有雞有扣肉有豆腐有菜有湯，呢個餐四至五人黎食都得。個梅菜肥瘦分明，甜梅菜加豉油，入口即溶，係好味👍其實嘢食都okay 。個湯多料 但味都唔太夠🙄除左扣肉好味，其他食物同普通酒樓差唔多。而衛生情況令我地覺得食過一次就算。

估唔到會有雀局，但見個價用經濟黎形容就因人而異。始終今日係食晚餐，而唔係雀局所以都唔知道雀局嘅菜式好唔好。呢個係四至五人份量嘅餐， 埋單500幾蚊。 四個餸分別有炒通菜， 椒鹽雞，東坡肉，琵琶豆腐， 仲有一個胡椒豬肚湯。 臨走前多口問一句今晚有冇糖水送，於是就送咗幾碗紅豆沙。東坡肉同紅豆沙係好食嘅其他就普通啦，外面都會食得到嘅菜式。 但係睇怕我都唔會再嚟呢度食嘢，因為嗰個環境好唔乾淨。啲櫈好有歷史有曬漬起度； 啲碗筷十分唔乾淨， 同樓面姨姨講啲碗筷好污糟，樓面姨姨都表示司空見慣，愛莫能助。 以傳統潮州食物作為招牌嘅中餐廳，都要顧及下環境衛生， 話曬都喺度食嘢落肚

一個絲瓜海味煲，竟然全部都系粉絲，冇海味從來未吃過這麼難吃的東西，還要$75起初都是想叫多些菜，誰知道一看見這個海味煲就呆了，只有絲瓜條和少量蝦干，其他就是粉絲，怪不得這間沒人幫襯！

星期日成班人去呢間經典嘅醉瓊樓開餐，叫咗一圍全家歡套餐，總共七餸一湯加甜品汽水啤酒。先來鴻運灼蝦，好大隻蝦好爽口，點埋豉油，好有口感好味道。跟住飲咗胡椒白果豬肚湯，胡椒辣辣地驅寒，呢度冷氣都算夠，啱晒，豬肚煮”林”幾好食。跟住有時果西檸鴨，酸酸地好開胃，鴨好軟熟，唔會炸到好多粉，薄薄的。跟住有個梅菜蒸鯇魚，好大條鯇魚呀，蒸到啱啱熟，好鮮味。嚟到醉瓊樓最緊要食鹽焗雞，呢隻雞好大隻，我最鍾意食雞胸肉好大舊，好入味，點埋沙薑汁，真係呢度招牌菜，無得頂。跟住京都骨大腸，京都骨，酸酸地，完全唔靭，大腸好脆好香口，翡翠炒雜素，清清地，食啲菜幾好。最後一個腰果炒肉丁，炒得好有鑊氣。最後食個綠豆沙，估唔到呢度啲糖水都煮得幾好，大家吹下水食咗個幾鐘散水。

從來，吃東西都是非常正經的事，衣食住行，缺一都不可，就如陽光空氣。 吃東西，是很平凡很日常，拍拖番工番學放假都要食，有時你想了又想吃一餐，有時費煞思量去想吃好一點，有時候，鹹魚白菜，家常便飯都好好吃。 就如你身邊的愛人，天天的關心，愛護，照顧，和吃東西一般是必日需要。 也正是這原因，那些情歌會說鹹魚白菜也好味，你是陽光空氣，情話多到可以把天上的星星氹下來。 今天，來到這裡午飯，是一個偶然。 偶然就如遇上你的另一半，那一半你不認識，然後相知，再相愛，許下承諾一生一世，然後的日子，你的晚飯都會有他或她在旁，每天的陽光空氣也在分享，同時你也是另一半的陽光空氣 。 我們今天同樣呼吸到那清新的，舊世界的陽光空氣。 醉瓊樓，你未吃過應該都會聽過這名字，這裡有六十多年歷史，我想，幾多人來吃過重要的朋友晚飯，歡聚，緣起緣滅，在歷史的洪流中，幾多情侶朋友家人，同樣是彼此的陽光，彼此的空氣，最後，可能如最佳損友不相往來，但這裡味道，沒有改變。 依舊是舊味道，我們來這裡，是偶然，然後才想到其歷史，幸好，我們沒有和前度來過，餐廳可以是屬於我們的回憶。 芙蓉蛋飯是無懈可擊的，第一碟就要寫這個，常說幸福開心吃

又是媽咪回港聚餐。今晚吃那些年的菜，在這些老店吃飯，真的要用那些年的角度去欣賞。那些年不求服務，平民百姓只求大碟，好味送飯，食品真的重口味加多油😂。職員老實，我們點4送一湯想再叫，姐姐已經話夠吃不要再order.大班二味，完全中伏，魚不新鮮，忠告勿試，都是叫他們的招牌菜。胡椒豬肚湯，奶白色，有白果，有豬肚，胡椒味一般不夠濃，d伙記話就一家大小口味，不會太濃胡椒味，想濃自己落胡椒粉😂，咁又好像幾有道理。紅燒豆腐，老師博手勢，大大件，個汁重口味，真的好送飯。Salt 焗雞，招牌菜，雞肉滑。溫馨提示：帶蛋糕去要比🔪💰，60多元😂

星期日同家人晏左起身，出門搵嘢食已經接近三點，家人提意去醉瓊樓食客家菜，去到見冇客人以為佢地收咗，一問之下阿姐告知午市客飯時間已經過咗，只有散叫小菜或套餐，我們特意到來便決定坐下慢慢揀。這兒有我鍾意食嘅牛骨髓，非常入味又嫩滑。但今次想食多D種類所以叫咗佢地嘅套餐$398 有半隻雞，客家釀豆腐，梅菜扣肉，油菜及腐竹白果豬肚湯。先上梅菜扣肉，梅菜味已經入曬扣肉度，扣肉鬆化，送飯勁正！佢地嘅鹽焗雞好好味，加上特製沙薑味道一流！客家釀豆腐每件有手指咁長，共十幾件，內包碎肉，炸完再燴我自己超鐘意食銀杏，但湯一到有如豆漿咁白，阿姐話係用腐竹煲到化而成，內有無數銀杏同豬肚，啱晒我！下次來要食炸大腸！

我移居外地的已二十多年，但每次返港都會到一些老店懐舊一吓，以前小時候住在深水埗，屋企對面有間醉瓊樓，十分好食，今次選擇了佐敦醉瓊樓，一坐低，亞姐已推介$400四餸一湯，兩个人點食得咁多，和小兒兩人叫了三个餸，東江鹽焗雞冇例牌，只有叫半隻，梅菜扣肉，骨髓炆三鮮。雞一嚟到已經唔係几好賣相，一食入口，皮並不爽，味道也十分普通，小弟在家炮製的貴妃雞，比佢好食好多。梅菜扣肉，厚厚的四五片，應該切薄一點，皮好似冇走油炸鬆，瘦肉位置也比較＂鞋＂，味道也不好，又係自己整得好食過佢。骨髓炆三鮮，賣相已不好，味道也十分差，令到骨髓淡而冇味。連兩个白飯，埋單連加一，四百大洋。老店格局，老侍應抹枱，把枱上食物一掃落地，再加一腳掃入抬底，冇眼睇！又一間老店被列入黑名單！

見到綱上咁多好評，諗住試下啦～提早兩日訂枱食七點,搞掂～當日去到見到水牌寫住我姓坐二樓（二、三樓只招呼留枱貴客，牌上全full)，阿姐叫我上二樓，點知二樓阿姐話full，無位，叫我上三樓，（樓梯又窄又高，難為老人家，我已經好不滿，擺明張枱俾咗其他人啦，水牌訂位有咩用，算！）三樓有位大叔語氣勁差，兩頭望（梗係啦，你地安排錯誤），之後求期大喝叫我：去嗰張啦！我望下，有無攪錯，張枱拍埋牆，我地成家圍住坐齊齊面壁思過食飯，枱旁就係大櫃擺碗碗碟碟，點坐呀！有其他吉枱又唔安排，訂咗枱又將我地張枱俾人！食物方面，以為相信佢係「老字號」，實係正宗客家菜啦，錯囇！！絕對稱不上正宗客家菜，同街邊小菜差太多。