重光弁当 (已結業)

新年禁堂食，唔通人人都想禁堂食咩？同長老食咗四餐新年盆菜，三餐蘿蔔糕，點樣可以清清腸胃而又不失豐富咁樣繼續慶祝新年？重光本身係區內良心小店，係人都知。食材有質素，豪用北海道米。特別推介招牌便當，除咗基本沙律夠新鮮，炸魚丶炸雞、炸蝦餅，加埋奇妙醬，關東煮，同埋加咗DD日本飯素嘅白飯，咁多嘢夾下夾下，好鬼豐富。唔知係咪期間限定，今期有忌廉蟹餅，同埋明太子可樂餅，炸得酥脆，尤其蟹餅，外脆內軟，食咗2件，touchwood竟然冇喉嚨痛！

位於觀塘工業大廈區都係經同事介紹先識得搵到呢間餐廳餐廳冇堂食服務所以只係會接外賣嘅單今次試咗唐楊炸雞塊便當淨係見外賣嘅包裝都覺得好吸引雞件有7-8件，而佢嘅沙律醬更加有埋柴魚，菜及其他配料。配搭起嚟好好味

我屋企人特別的年青人成日都話要食重光便當，咁終於有一次喺重光便當附近整指甲，咁咪買盒返屋企食囉，咁吉列豬扒飯又大份，又好食！好有誠意嘅製作，有時便當嘅嘢係可以好求其，但係呢一間小店做出黎嘅食物反而好有誠意，好有質素！而且年青人好鍾意佢哋我相信一定有佢哋一個原因就係支持本地小店，而家飲食業真係好艱難，真係要支持多啲小店，而且有誠意嘅小店真係要幫襯佢哋！大家加油！💪🏻💪🏻💪🏻🤩🤩🤩👏🏻👏🏻👏🏻💖💖💖

邊個話外賣就一定頹食？邊個話堂食畀租多過食飯？美貌與內涵並重，色、香、味俱全嘅日式便當，新蒲崗同觀塘都搵得到。其實真係食咗呢間咁多次，都仲欠佢一篇認真詳細嘅食評。 第一次幫襯、或者有選擇困難症(貪)嘅(心)人(例如我)，首選 招牌重光弁当 ($65HKD) 。 對女士嚟講真係份量十足， 由沙律、配菜、主菜到飯，每一樣各有千秋，都非常用心! 主菜有大塊脆口吉列鱈魚扒、 彈牙又鮮味嘅吉列蝦餅，同埋超薄粉漿，肉質超腍唔嚡口嘅日式炸雞。沙律除咗各種沙律菜， 仲有車厘茄同粟米。加上正宗日式柚子醋畫龍點睛，夠清新開胃。 配菜有少少醃蘿蔔、枝豆同關東煮常見嘅煮蘿蔔片同星星形魚腐。連個飯都非常精彩：大量子菜飯素加上超酸日式梅子一粒，誠意爆燈。(圖下)炸雞便當 ($65 HKD)特別推介日本粟米濃湯可樂餅($38 HKD X4) 鍾意香甜粟米，加奶類製品嘅朋友萬勿錯過！ 即使外賣返去，外皮依然脆口不在話下，入面仲有輕微爆漿效果；但係又唔會過份流心而淥親嘴。 而且入面至少會有一粒原粒粟米🤣 熱辣辣又鹹中帶甜，最啱冬天食!

高質日式鰻魚便當🍱$98有成2塊鰻魚真係算不錯鰻魚都幾好食 啲肉彈彈地牙🥴但嫌佢醬汁唔多夠味 比較中意啲汁多到撈到飯果啲🤣配菜都唔錯 鱈魚餅幾好味 口感又好非常推薦打工一族叫番office食～

💛重光弁当·呢間我本身以為佢就咁得外賣 所以一路都未有機會試 但係原來佢喺隔離都有個舖頭可以堂食嘅😎·豚肉生薑燒弁当 l 親子丼$58佢個弁当俾我想像中高質好多 佢個生薑燒真係幾濃生薑味 而且啲豬肉都唔會韌🐷而且我好鍾意佢啲飯上面有飯素 食落開心啲🤤🤤之後佢啲配菜嘅蘿蔔同埋粟米沙律都幾好味 佢另外嗰個親子丼都做得唔錯 不過我就略嫌佢少咗啲汁 但係佢個雞扒幾嫩既😎·#rbyeat#rby日本菜#rby💛#rby新蒲崗 #rby觀塘·📍新蒲崗崇齡街33號新蒲崗廣場1樓B05-07號舖📍觀塘觀塘道396號毅力工業中心5樓V室

又係新蒲崗呀，估唔到開咗啟德站之後，我會成日黎新蒲崗，雖然其實唔係好近地鐵站，都要行10 幾分鐘先到，就係想發掘新蒲崗既野。新蒲崗廣場，記得以前讀書嗰時成日上去自修室溫書。估唔到呢個商場有呢間小店，佢唔係好顯眼，喺商場嘅角落頭。呢個時勢，真係只有堅持，先至可以捱得到。一入餐廳背景真係好靚好靚。呢度主要食便當，朋友叫咗滑蛋吉列豬扒飯，我叫咗手作和牛漢堡扒飯。吉列豬扒飯無論價錢同味道都覺得OK，漢堡扒飯味道都OK，但就覺得貴咗少少，不過都可以接受嘅。人哋都咁堅持，我哋都應該要支持下。

一間幾好食嘅黃店便當🤤🤤估唔到香港都可以食到高質便當👍🏻👍🏻——————————————💁🏻‍♀️塩燒三文魚弁当($68)三文魚非常非常嫩滑同香口😆真係好似間鋪描述咁 啖啖肉嘅感覺🤤🤤炸魚餅係用油揚嘅做法 都好食餐廳標榜唔用中國製既食材 所以米都係用日本米👍🏻👍🏻總之就成個便當都好高質，又飽肚，冇一樣野係難食，值得一試🤤🤤——————————————💁🏻‍♀️重光招牌弁当($65)主要配菜有蝦餅、鱈魚柳、唐揚炸雞，全部都係炸物炸物炸得香口而不油膩👍🏻用嚟點炸物嘅沙律醬幾好食😂😂呢個都可以一試😆😆

識食當然係會揀主餐牌第一個嘅招牌便當啦。便當啲主菜好似係即叫即整咁， 熱辣辣脆卜卜。 而且有三款嘅炸物包括有炸蝦、炸魚同埋炸雞。 啲肉炸完都係好滑， 配上他他醬，正！個飯素真係令我有一種日本嘅感覺，好岩送飯，好想再去到日本旅行呀！左上方既沙律菜都好新鮮，淋左少少醋，開胃！雖然望落份野食唔係好大份，但食晒都好飽架。整體而言，位於新蒲崗，呢個便當都算係貴。但有時候食野另一樣重要既係個環境，氣氛，同埋同邊個食啫🤪

6點後只可以外賣，門口有牌標示米飯是採用日本北海道珍珠米，落單時店員會提醒等待時間，真的很貼心。*自家製吉列豬扒弁当 $68 裹面有新鮮關東煮、柚子醋沙律、漬物、主菜最值得一讚，一接外賣真的新鮮熱騰騰，好興奮，加上飯盒設計與日式便當十分相似，很吸引。米飯果然是用日本珍珠米，每粒圓潤飽滿，口感煙韌，再加少少飯素和一粒酸梅，令我好掛住日本。吉列豬扒金黃色，粉漿不會太厚，但外賣無辦法即時享用，口感淋少少，希望下次有機會即叫即食!沙律以柚子醋為醬汁，拌蕃茄仔，生菜和粟米粒 ，很開胃。關東煮的蘿蔔很淋，星形魚蛋和蒟蒻，每款都很入味。

呢間重光弁当最出名既牛小排便當，好多時6點幾已經冇得賣。講性價比就係冇得輸! 雖然份量唔係話好多，但用心製作，牛小排肉質靚唔會過靱，汁又入味，超好食! 仲有幾款前茶小食，款款都好入味，有菜有肉好豐富~ 而且佢仲要買4個就可以免運費，唔食唔得啦。

一直以來都好想試呢間新蒲崗黃店支持下！咁啱約咗朋友喺佢屋企食午餐，買三個便當就可以免運費送到屋企樓下喇！點單過程好順利，外送人員仲比預定時間早到！最可惜嘅係飲品嗰間舖頭嗰日冇開，冇機會試茶飲。重光招牌弁當$65- 我哋三個不約而同都想食招牌弁當，入面有兩件炸雞、一塊大炸魚柳同一件炸蝦餅，一次過可以試晒唔同嘅炸物。而重點一定係他他醬！點咗他他醬可以減輕炸物嘅油膩感，送飯食一流！我最鍾意炸雞，最juicy、醃得最入味。其他配菜、沙律不過不失啦，梅子非常鹹，就算食飯都覺得過鹹。撐黃店！

建議： 6點前有堂食位置，之後就只得外賣行緊去重光弁当觀塘店買外賣時，發現原來仲未出之前新蒲崗既文 🍱。話說新蒲崗大有街個頭，野食選擇離不開茶記、工廈茶記 同 快餐外賣店。最後決定行遠少少，去食番個日本便當 + 杯黑金堂 😌 今次試左：重光弁当 🍱▫️滑蛋吉烈豬扒丼 (HK$68)▪️豚肉薑燒便當 (HK$58)每款便當都有跟埋沙律、醃蘿蔔、煮物 (關東煮)。份量正常，味道整體黎講都唔錯 😌 特別要講下，滑蛋吉烈豬扒丼。估唔到分左兩層pack，等啲汁可以keep番係豬扒個層👍 題外話：上次係觀塘店，試既係牛肉壽喜燒便當。但因為個盒蓋唔實 🥲 最後啲汁漏哂係袋。今次拎外賣個時，下意識再撳實啲個蓋 😂 另外，個外賣袋太長身，行下行下好易郁到同走位。如果個外賣袋可以換個高身 又闊少少既可能會好啲。黑金堂 (任何便當 +HK$12@)▫️蜜桃烏龍 / 熱帶水果紅茶茶底真係好夠濃👍 本來想試埋荔枝紅茶，不過當日已經賣曬。兩杯對比之下，果味比較淡，可能因為本身預設已經係少甜 (?!) 🍑蜜桃味比熱帶水果濃少少 之前都係會係尖沙咀店飲開，不過4月尾已經結業。期待捲土重来💪

今次第二次黎幫襯，主要支持下小店，便當簡單方便，食材都算講究，味道好，份量足，加埋杯烏龍茶快靚正，環境雖然不大，枱唔多，都要等下位，但在新蒲崗廣場都算易搵，可以再試！

晚飯黎到新蒲崗買外賣晚餐～ bookmark咗呢間小店好耐，今日終於得閒黎試吓!😍 呢度嘅日式便當用料講究、主打唔用中國食材～ 😋今次試咗重光招牌便當、牛小排便當、壽喜燒牛便當～ 每個便當都好精美，除咗各款主菜之外，入面仲有其他配菜：沙律、日式漬物同關東煮🍢🍢三款便當之中，我最鍾意重光招牌便當，入面係炸魚+炸雞+炸蝦餅，炸物炸得恰好、面層金黃色的，食落好鬆脆～佢總共有14款便當，睇嚟要黎多幾次試晒佢🤤 原來附近地區買三個便當仲有免費送餐服務添！💕