金太郎 (已結業)

曾幾何時，金太郎係我嘅日本料理飯堂，雖然未至於日日幫襯，但一個月總會幫襯四五次....曾幾何時，我擁有佢地嘅會員咭，似住有張咭有優惠，可以豪d叫多d野食.....我一向都係點佢d壽司，刺身同小食，未叫過拉麵同定食，所以，要比較，都只係比較哩三款食品。曾幾何時，佢地一客鰻魚壽司係三件，依家兩件都算數，鰻魚變成鰻魚乾....曾幾何時，佢地嘅三文魚刺身係以磅計，以家得果細細件8件.....香炸生蠔粉漿厚過我臉皮，炸軟殼蟹以為人地食完d蟹殼，每種產品份量少三分一都數，重要唔好食，重收我加一，真係ok都俾唔落手囉！

在附近住了幾年,常常經過這裡,卻從沒光顧金太郎。可能是因為一開始看到門面有點舊的,覺得沒有煮熟的刺身都應該在像元氣壽司等較光線的地方吃才有保障吧。第一次來這裡,時間是晚上10點,而營業時間竟然到凌晨兩點。晚上悶的時候我覺得可以再來幫親,因為你可以慢慢吃慢慢選壽司,他們不會像某些餐廳,忙忙的,常常滿座,一吃完就趕你走。有些壽司看來質量都有點不平均,但經我選過拍下照來的都很不錯。

在SSPO區好多平野食但呢間平得黎好難食個茶包沖茶唔好飲仲聽到員工不斷講客壞話吉列豬排拉麵豬肉太肥個皮又唔脆又唔熱隻蛋太熟連拉麵最基本的蛋都唔好食豬軟骨烏冬豬軟骨只有2小塊煙鴨胸，飽魚片，三文魚，玉子，希靈魚壽司感覺唔新鮮

其實呢間餐廳，我已經去過很多次，想當年，我還覺得是高價餐廳，如果唔係一大班人都唔會想去，但今次再去，氣氛已經唔同唒，在佢四周的餐廳，都因為人氣急升，小食店都買得貴得厲害，現正食拉麵都係高級人仕才能食的產品（因為每碗都接近一百），但這間店依舊便宜，我就覺得值得向大家推薦一下，以下是我今次食的東西：這一餐只是28蚊，原餐賣27蚊+1蚊茶錢，好抵呀，沒有加一，茶錢一蚊，好老實，茶餐廳都很難做到，講返食物，叉燒拉麵我要了豬骨湯底，但我其實唔覺有咩豬骨味，不過都好過清湯底，我加了七味粉，所以我都覺得幾好食，叉燒不過不失，好似比以前細塊了，不過女生們應該都夠食，餃子大小適中，醬汁很濃，一個人食就很飽了。其實個餐可以選擇飲品，不過我覺得綠茶更解喝，又比左茶錢，就決定要餃子。今次沒有點壽司，因為佢地沒有回轉Bar,我唔係太清楚佢新唔新鮮，所以選擇下午茶拉麵餐算了。

午餐，突然想食鰻魚飯，是但選了間就近日本野，叫餐好低食，50元包埋特飲 ，我今次叫了鰻魚飯，送一客三文魚拼吞拿魚，再叫一客小食，餃子雞翼個鰻魚飯表面無特別，但入口，鰻魚好滑，入味，飯都是暖暖的，汁料也很好味 魚生是送的，都夠新鮮餃子雞翼，做得好，入面的肉好多肉汁，應該是豚肉，外脆內嫩 ，已60多元可食到呢個質數，算合理有餘

見無人等位所以幫襯，點知係伏！叫左個鰻魚飯定食($53)食，跟餐的刺身好淋，勉強叫做普通啦鰻魚飯一來到，一開個蓋，哇有好多飯，但只有兩片鰻魚同一堆青瓜絲。根本就係一份壽司加飯 (壽司只需$14)個飯好爛，魚已經唔多，汁都比得少！啲魚就好薄，唔算得上好食，但都ok。最難忘黑面阿姐態度差！最後食到一肚氣咁走

金太郎的刺身和拉麵均“平到出奇”，早想一試，期望發掘又平又靚的食肆與大家分享..... 誰知情報卻變成了忠告。$17元的三文魚太腍了，$17的鯛魚亦好不了多少，感覺較乾，刀功更慘不忍睹.... 以為$26的“街頭拉麵”會好一點，但原來裡面心雞扒很細小，而最重要是湯的味道和麵質均未及水準，真奇怪還有那麼多人排隊.....碟“崩”了還重用，座位通道狹窄...乏善足陳，45分，不合格！

金太郎—由細陪到我大既日本店。我屋企吾系有錢 只系住系普通既公屋 所以平時都系去d平價食店。細細個去金太郎食野系抱住個極度輕奮既心情 $10有3件三文魚壽司 $20有個拉麵 既足料又夠味 仲大大碗添。而加去金太郎 已經系hea爆 愈食愈差 您做愈差 仲要加哂價 已經大不如前！吉列豬扒上台已經凍左 炸粉不算厚 不過feel到塊豬扒真系好細塊 而加薄到離哂譜。因為吉列豬扒系另上既 所以個麵系同其他吾同。個麵一泥 我嚇到呆左 點解會甘多油 仲要系成碗麵都鋪滿油 所謂既豬骨湯底淡到無味 只系有d所謂既湯系度 麵身較稔 我偏好稔既麵 所以吾太反感 但重點系碗拉麵吾似拉麵 碗麵似系全蛋麵！跟餐壽司已經系大大舊飯既壽司 逐漸出現明將既影子。。刺身吾算新鮮 不過吾難食 玉子就乾到無味 完全吾好食。吾知道中間果舊系帶子定咩 雖然味道吾差 不過真系太細舊！！！睇相完全無諗過甘迷你！！！全餐唯一最滿意既食物 雞翼入面有滿滿既餃子餡 層皮好香 食到入少少就系雞肉 而且上台時熱辣辣 我亦都即時食左（＾Ｏ＾）總結就系質素差左 可能間間都系做起左個名就開始hea做。。

貪平入去試下~ 12:20入去食,坐滿2/3人~間店唔算大,但壽司,刺身的質素不見得好..............見到迴轉帶上的壽司蓋也很dirty...所以唔想食,寧願叫拉麵好了~赤阪拉麵 $20 雖然唔知係乜野黎...原來有4件豬骨???肉部份不多,骨就好大件.... 紫菜1塊...,粟米質素很差勁,....拉麵份量多...軟硬度ok ge~附椰菜幾片,軟透了的鳴門卷,獅子狗卷....... 真係頂唔順.............綠茶的茶包質料很差差差~浸得內好快就苦澀 好在唔駛加1服務費.....無下次!!!!

同男友行街行耐左，見呢間仲開，就入左去食，見倒有宵夜餐，貪便宜的我當然要吃這個吧，宵夜餐的選擇也多，叫了拉麵，男友叫了壽司吃，還叫了小吃，說回我的拉麵吧，這個湯底真的很味精，沒有什麼豬骨湯底。壽司也是走一般貨色路線，沒有什麼特別好吃。還記得以前這間店是很好味的，是太夜光顧的關係還是食物質素下降了呢?另外一提，他們上菜的速度很快，十分有效率的。

好耐前食過金太郎..不過係旺角食既..今次行完書展，灣仔d野又唔係好食又貴，咁就去左深水埗覓食~鋪頭內唔算多人，1去到就有位唔使等..食物都算來得快...總括來講食物新鮮、價錢算抵..值得一試再試

10年前經常食,,,,現在D食物水準間直.......差差差...呢碟野叫天婦羅..第一次比我時隻虾連粒粒都冇....打回頭先有圖一效果.但係成碟野一D都唔像樣,,,,,比街謗煎讓三寶還差.圖2可見D油.....足夠煎蛋用其他食品好一般,`八爪魚剌身又唔凍,食唔落.埋單$190走人仲同個店員反映.....結果係冇回應

行完電腦節,在附近搵食.金太郎是以前讀大學時的常客,不過主要是幫襯旺角/油麻地的分店.他們的不正宗日式下午茶是好抵食的.$10三件三文魚壽司,沒有甚麼期望,但求過下口癮.$24豬小排烏冬+吉列蝦卷豬小排烏冬好吃,烏冬幾彈牙,個湯底都幾好.吉列蝦卷更是好抵食,又大條又脆.唔駛加一,埋單$35..因為茶錢值$1.嘆茶期閒,聽到侍應生哥哥在哼著歌,好開心.其實佢唱得幾好既.整體上間嘢服務都幾好.

同個同事收工搵個地方開餐。同事講有會員優惠...一板海膽 $44﹗當然要試~~星期一晚上八點多來....唔算人多＊＊第一ORDER一板海膽先，一板細size又勁薄海膽味道真的一般，不過$44係咁喇........預左基本紫菜都仲係脆.....要求唔高，即管試下此外.......我們再叫了北寄貝刺身...鮮甜也很爽口赤貝刺身...唔厚唔薄...都好新鮮蟹子沙律兩份真不錯，有不少青瓜，沙律醬不會過多煎餃子質素一般，不夠熱不夠香脆..........每人要了一客海鮮拉麵，海鮮外觀很吸引..一些帶子魷魚同半隻滷水蛋，蛋過分老...可能隔過夜湯底唔算太香濃，麵質夠晒爽﹗﹗﹗服務態度幾好，唯獨座位會逼逼地不能強求兩個人埋單$176 都抵架啦 ＊＊＊＊

老實講, 食物一向唔太好,唔新鮮, 又油膩, 食親都好口渴,D朋友都話食金太郎非常傷身,但因為我貪平, 所以係常客, 有九折卡金太郎, 越南村, 炳記牛牛, 我都係熟客. 有一次, 埋單照舊用九折卡, 之後職員俾錯我張九折卡,我第二次幫襯, 先發現個日期有錯, 明明有一年期限(我果張係新卡), 變左只有3個月期限, 咁我同深水埔果個經理講, 她說:「冇嫁啦, 你囉番張卡時, 就有責任就要睇清楚」我答:「我有哂你地3套卡, 日期又咁細粒, 一下子點分?」她答我:「個個客好似你咁, 仲得了?」 同佢理論左半小時, 句句俾佢串到盡, 感覺係當客人搖錢樹, d客人個個望住我地.. 幾魚皮 我諗我以後都幫襯唔落, 包括佢分店越南村, 因為深水埔係同一個女經理! 見到佢唔知點咁