金山海鮮酒家

營業中

休息中

返到嚟香港約咗爸爸，同佢食餐飯，同老人家食飯佢哋多數都冇乜所謂，但係重點係中菜， 仲要係好食嘅中菜亦都好耐冇食過砵酒焗生蠔所以就諗起不如去金山食啦記得好多年前第一次去吳松街舊舖食嘅時候 當我食到呢個菜嘅時候實在係驚為天人 實在太好味當晚訂好枱，一坐低 就開始點餸 同往時一樣都係點到成枱都係爸爸話想食砵仔焗魚腸，一個好傳統嘅餸。。。但係絕對唔係我杯茶不過見佢食得津津有味，相信有番咁上下水準砵酒焗生蠔 當然 沒有令我失望沙薑雞腳亦都係一個不可以不點嘅小食 簡直係回味無窮豉汁炒聖子， 豉油皇乾煎蝦碌， 魚滑浸白菜仔 生炒骨， 樣樣都好平均， 份量亦都啱啱好。去親呢啲老字號食飯總有一個特點就係夥記動作快， 上菜嘅時間仲快如果想食小炒海鮮油尖旺嚟講金山都係一個好嘅嘅選擇

來過兩次，對上一次已經覺得一般，地方淺窄，服務人員態度一般，可以接受，佐敦區價錢唔算貴，今次再來就食到一肚氣，我們食八點半，去到發覺冷氣不足，向服務人員查詢，回答中央冷氣壞了，我明白大家都唔想，結果我們一路食一路抹汗，味道一般，服務態度唔洗講，有都唔會好，以後都唔會再來，貼錢買難受，最嬲到就係，見到D人走得7788，居然感覺到有中央冷氣，咁嘅服務，邊度有得同佢比，呢間所謂洒家，實在令人失望，希望有所改善，唔洗其他食客食到一肚氣順帶一提，佢個蛋散可以去試試，唔係咩都唔得嘅

成日聽人推介呢間金山酒樓決定一試佢嘅晚餐入到去其實同普通茶樓樣貌差不多好特別嘅係會免費贈送一碟蛋散😜🌟銀山砵酒焗鱔球 $98上台嘅時候仲火喉十足😍已經聞到流哂口水😝😜食落非常香脆鱔肉亦好新鮮👍👍😋酒味唔算好濃 所以食落唔會苦整體黎講真係好得👍👍😋😋好食到想再encore !🌟海味銀絲雜菜煲 $73雜菜都有好多種 小棠菜 荷蘭豆 生菜 芥蘭。。。海味亦好足料咁嘅價錢當然唔好期待有花膠鮑魚但都有魷魚 蝦米 同各種菇類湯底非常鮮味 不是只有味精的鹹味值得一讚👍份量亦多到兩個人都食唔哂😂

有同事介紹呢間金山食晚飯，出名有獲氣，好食，我緊係要去試下啦. 我地總共叫左8樣野，加個湯。雖然我冇幫啲湯影到相，但係金山啲湯出名清甜，我叫左個螺頭湯，螺頭湯落足料，有螺頭、花膠、等等配料，非常滋補，味道清甜。推介!!招牌雲英雞：雖然不太大隻，但很有雞味!燒鵝：很多肉，唔"蘇"，OK!黃金蝦：好大隻，可以連殼食，用咸蛋黃煎炸出黎，好好味!砵酒焗桶蠔：蠔好大隻，啲汁配合得好好!上湯焗龍蝦：經理很細心怕我地食芝士會好"漏"，所以建議我地用上湯，都係非常之出色~~炒聖子：又係好大隻，炒得好野味~斑鰭：要打電話留呢個部位，肉質特別紮實，又滑最後有蛋散送，飽到飛起~~

呢到第二次黎，之前五個人食，覺得好好食，所以今次一行十人，再黎呢到食野。今次環境超濟迫，全場無冷氣，開左D風扇，一邊食一邊流汗。今次無散叫, 叫左個套餐，有魚有龍蝦有羹有雞，最後都有個蛋散送。今次簡單D講就無樣好食，最好味都係個蛋散，鬆脆好味，最差係個炸蝦多士拼炸海棠菜，兩個都炸得過左火。總括黎講係唔合格，而下次亦唔會再叫餐，不過仍然會再比多次機會，因為之前散叫係好美味既，而散叫價錢合理，今次每人要OVER300元，實在不值。

搵嘢食，要睇心情睇飯腳，有時遇着開心好玩的飯腳，想貼地，食得麻甩，街坊界酒樓亦有不少選擇。 「金山」位於美食光譜高度集中的佐敦，地理上方便，分散於港九新界的朋友算就腳，價錢也公允。 今餐以燒味拼盤拉開序幕，「燒味雙併」$108 主打的海鮮部份，先來的有「蝦醬通菜鮮魷」$83 中式做法就是夠鑊氣，材料不複雜，廚師在猛火前的拋鑊動作下，帶出小炒獨有的香，也未必在普通家中能做到的效果。蝦醬與通菜自然是絶配，魷魚新鮮，經蝦醬洗禮，熱騰騰香氣中冒出兩種精練的鮮味。 「銀山砵酒焗桶蠔」$130 桶蠔用錫紙封邊，錫紙辣手，揭開就是熱烘烘的焗蠔。蠔不算大隻，口感還不錯，以惹味主導，先嗅到酒香，一口咬下去，蠔汁全都咇出來。 「英國蟶子王」$276 / 兩隻 大大碟看上來先聲奪人。以豉汁炒香，蟶子王本身大條爽口肉厚，調味卻略鹹，師傅可以輕手點，或者吃的時候扒多口飯，飲多啖酒。 在海鮮酒家，一個大魚缸養着這麼多鮑魚，不試一隻有點對不住自己，點了大連飽魚 (每隻$28)，也可點貴一級的每隻 ($58)，豐儉由人。 鮑魚以甜豉油及陳皮蒸，個頭較小，煙韌彈牙有嚼頭，算抵食合理。 「瑤柱琵琶豆腐」$8

經朋友介紹第一次幫襯，最大路嘅酒家裝修，平易近人。傳聞海鮮好掂，當然要試啦！首先清蒸鮑魚（肉質鮮美，正）椒鹽瀬尿蝦（新鮮彈牙）豉油王鬼花蝦（味道剛剛好，䜴油味非常香。手指都食埋）清蒸班頭腩（班肉好厚好彈）䰷炸墨魚餅，唔係賣廣告，食到而家都好好味（炸得有香口，碟上冇多餘嘅油）麵醬炒唐生菜（麵醬略少，油較多）最後仲送上招牌蛋散（炸得非常鬆化！果然名不虛傳👍🏻)整體食物質素平均，要彈的喺上菜大快，快到食唔切（凍晒）有待改善

每次到金山吃飯，都會點這個招牌雲英雞，不知道雲英是否代表還未嫁的雞，是否幼嫩點呢！招牌雲英雞（$118/半隻）雞肉很滑，雞皮也很薄，不太肥。而且還有幾片雞腎附送，現在已沒有太多地方有雞什吃！東江豆腐煲（$78）有六件魚肉釀布包豆腐，還有幾棵唐生菜，加上草菇和果皮絲，不失為一個較清淡的煲仔菜。南乳脆香田雞鱔球（$88）田雞和鱔球炸得很乾身，沒有油膩感，每件都炸得香脆又有南乳香味。蛋散（免費）飯後還贈送熱辣辣蛋散，又鬆又脆！

今日難得我朋友收早黎搵我食lunch,結果佢帶我黎左哩間舊式酒樓食個豐富既下午茶😊入到去，其實又真係唔係咁舊既，只不過俾人好懷舊既感覺😊坐抵叫左兩個小食，三籠點心，樣樣都熱辣辣，我同朋友第一個感覺都係「好耐冇試過飲茶d野食係熱到辣咀嫁，通常都係暖🙄」飲茶飲茶，野食好唔好味好重點，但茶水同樣重要，香港人成日講水滾茶靚，今次真係第一次同哩句說話有其鳴🙊原本想試鮑汁鳳爪嫁，點知搵極都冇，最後揀左沙薑雞腳，都唔錯，雞腳夠「霖」，又夠沙薑味👍🏻牛柏葉好味，但我重點落左係裝牛柏葉既玻璃碗，以家仲邊有酒樓咁上桌嫁，十分有細個同daddy mummy去茶既回憶😌有時食野除左野食品味道本身好唔好食，環境，氣氛都好重，有時候你見到一樣野，勾起你某種回憶，帶俾你既味道都會唔同。想尋找下童年同屋企人飲茶既回憶，可以黎試下😊

前牌中同聚會，班主任都黎埋，佢就推介呢間金山海鮮酒家，聽個名第一反應都係覺得平平無奇，但食落先知，班主任果然係食神！點咗燉豬肺湯($88)、再黎兩隻椒鹽赖尿蝦($136)、英國蟶子王($138)、避風塘百花三寶($88)、沙拉醬燒骨($78)、金銀蛋上湯豆苗($88。總之，點到成枱都係啦！豬肺湯好多料，除左豬肺，仲有雞腳同小唐菜做配料，都幾滋補下，個湯啲色澤金黃，飲落又香濃，真心覺得幾抵飲！個兩隻瀨尿蝦都確實幾貴咁款，但放碟度發現都近乎佔左大半位置，仲要肉質鮮甜彈牙，唔會hea貨。蟶子就賣相幾吸引，特登拎返啲蟶子肉出黎，方便食，仲要味道係鮮甜兼且鼓椒都吊到啲味出黎。金銀蛋上湯豆苗就大大碟份量多，大約係一般既一倍多啲。沙拉骨都唔錯，一黎份量唔算少，二黎啲肉唔會整到好老，食落覺得都幾入味。反而我自己就鍾意食避風塘百花三寶，即係茄子、青椒個啲，尤其個炸茄子加埋啲炸蒜頭，食落雖然幾肥膩，但真係一食就忍唔住繼續食多件！整體黎講，雖然成個地方都係酒家咁款，但啲野食既質素真心唔頹，仲幾抵食！連白飯都忍唔住一人加多碗！臨尾仲送左碟唔記得叫咩既，淨記得係蛋白拎去炸再淋上蜜糖既甜品！

來金山的客人，大部分都會叫一客蛋散。理由好簡單，好食嘛！蛋散每次都是新鮮製作，入口時感覺是暖的。再有蜜糖滲入其中，鬆脆可口，完全唔係其他酒樓製作可比。一碟三件啱啱好。其他點心都不錯，酒樓走傳統路線。今次點了黑糖糕丶蝦餃同菜苗餃。仲有干蒸牛肉無影相呢度仲有樣特別，就係一邊睇電視播賽🐴，一邊食點心，客人同夥計都樂在其中。

中秋節跟Honey到金山海鮮酒家吃晚飯 ，印像很好，海鮮新鮮。所以，今晚我和hHoney再到金山海鮮酒家 encore。最令我念念不忘的，是砵酒焗鱔球。今晚，特意為這個鱔球而來；但是，卻有點失望。上一次吃的砵酒焗鱔球，外面炸得比較乾、比較脆 ！而且，外面是甜甜的蜜糖甜香，既乾身，又夠鑊氣！但是 ，今次的鱔球的做法，和上次彷彿不一樣。炸得不夠乾爽， 太多汁， 所以外皮不夠乾、不夠脆！而且，味道也沒有那麼｢濃油赤醬｣的甜。總之，不及上次好另外，Honey點了薑蔥焗蠔煲。這個就很不錯！蠔很大隻！ 有六至七隻。蔥和薑爆炒得乾身！ 非常有鑊氣！我們又叫了海味粉絲雜菜煲和兩碗白飯，份量十足！有很多蝦乾！湯也清甜。因為encore而來， 是否要求就提高了？ 所以，｢咀刁｣了？ 其實，今餐已經很滿足！

今日係親愛既肥媽子生日 梗係要叫埋一班表哥表姐姨媽舅母去食飯啦 同長輩食飯唔駛諗 一定係食中菜 為左配合埋年輕一輩既口味 最好就係有埋海鮮食 所以就黎番呢間成日都同屋企人食既金山海鮮酒家啦 位置係佐敦莊士敦廣場 成橦都係餐廳 遇上星期六日特別多人等lift 等lift都要等5-10分鐘 好彩一早訂左位 上到去唔駛再等就有位坐低啦 呢度其實經常都坐滿人 星期五六日最好訂定位先黎 呢度環境熱鬧嘈吵 哈哈 最適合一家大細嘈嘈吵吵係度食飯 周圍既人都笑得好開心好熱鬧話晒都叫做生日呀 所以就叫左一圍計既晚飯啦 嘻嘻 入面既菜式一啲都唔差架 首先 黎個烏雞螺頭蟲草花湯 個'堆'湯料好足料 好多螺頭 但唔可以食太多 會頂胃 同埋後面仲有好野食其實呢道菜原來應該係翅黎既 但係老人家話鍾意飲呢個湯 無理由唔聽佢地話架麻😂第二道菜就係全家大中細都最期待既😆 龍蝦米粉底👏🏼 點解唔係伊麵底呢識食一定係轉米粉底 米粉煎到微焦 好似飯焦咁 外面脆脆地再點埋d龍蝦汁 我個人認為呢道菜係呢度必食既 龍蝦肉新鮮 啖啖肉 爽口唔會梅 每人都至少分到一至兩舊龍蝦肉 可見份量都唔少跟住上既係炸蟹鉗同鮮帶子小炒皇蟹鉗正常 不

家人聚餐時間又到了，很久未來過幫襯，今晚專成到此重温味道。蒸蟹，好多蟹膏，味道好鮮。金銀蛋莧菜，皮蛋甘甘香，咸蛋不太咸，都吾錯。鍋貼鮮蝦小棠菜，我第一次認識此菜就是在金山。 多年沒有吃， 一樣保持高度水準，皮脆肉彈，正。焗鱔，味道好好，魚質好爽，但較油膩。蒜蓉蒸半邊蝦，一句講晒，鮮甜多肉。豬肺菜乾湯， 火爐十足，材料一流，用心製作，湯渣都吃埋。豉汁炒蟶子，味道適中，蟶子肥厚，正。

還有幾天，便到中秋節。我和Honey一起吃做節飯。Honey今晚在佐敦附近工作，所以，就在佐敦附近覓食。上Openrice網瀏覽，看到莊士敦佐敦廣場七樓的金山海鮮酒家，其食評不錯，所以，我倆來試試。我們點了一個｢晚飯孖寶｣：豉椒炒蜆和豉油雞。豉油雞很入味！不太鹹。豉油味甜甜的，豉油的蜜甜入味在雞肉裡。雞肉剛剛熟，非常嫩滑。啖啖肉，半隻，份量不少。然後，豉椒炒蜆上桌。熱騰騰的，豉椒很香口！很有鑊氣！也不會太鹹。而蜆肉很大粒！蜆肉飽飽滿滿的。蜆肉大粒而鮮嫩。原本，還想點薑蔥炒聖子皇， 但是晚無貨。所以，改為點了乾燒砵酒鱔。鱔肉球是用錫紙包著在上桌的。鱔肉球無骨，啖啖肉。 味道是蜜糖甜的。外皮炸得香脆，肉很肥美！熟度剛剛好，咬下去，很｢彈口｣。而且，鑊氣很香！Honey讚不絕口。已經非常飽了，正想結帳埋單。侍應說，送甜品。我們還以為，是糖水。原來，是蛋散，真想不到。連甜品都很好味！鬆脆的蛋散，淋上糖漿，鬆化可口。滿足的一餐！我和Honey甜甜蜜蜜的過節！祝大家：中秋節快樂！人月兩團圓！