金峰靚靚粥麵

營業中

休息中

爸爸愛吃粥。有時不想煑便在這店買外賣给他。這店的粥水準幾穩定，味道用料不過不失。价錢算合理。服務一般。粥品有很多選擇，每日有一款特价粥如瘦肉粥，牛肉粥，豬紅粥等。正价32元，特价只需25元。如合適我多數揀特价粥，加條10元的特价油條，簡簡單單解決一餐。各式腸粉及炒麵做得不錯。每日有很多在附近工作的上班族及街坊惠顧。這店東主注重work life balance ，每星期休業一天，每年外遊休假數天，並預先在店外告示预告。

往日經過呢間「金峰靚靚粥麵」，經常都見到大排長龍。我呢啲重口味人士對粥品冇話特別喜愛，所以見親條隊都會心諗：粥姐，值唔值得等咁耐呀？.而家終於畀我遇到唔駛等嘅機會，於是就入去試下個粥底係咪真係名副其實咁「靚」先。.見枱枱都有叫炸兩咁滯，應該係必食嘅，然後有個街坊推介豬紅粥，所以我就叫埋啦。.《豬紅粥》$32個粥底嘅質感的確係好綿滑，不過我個人覺得除咗呢樣之外，味道方面冇乜特別。豬紅有啲鬆散，啲粥聽聞係用瑤柱同腐竹嚟煲，但我就覺得冇話特別鮮甜，可能加魚腩魚片嘅話，味道會出啲。.《炸兩》$16相比之下，我覺得個炸兩比較出色。腸粉皮薄，入面包住嘅油炸鬼非常香脆鬆化，放左一陣先食都冇變淋！總括嚟講，炸兩好食，粥底質感綿滑，唔駛點等位嘅話都食得過嘅，但要等好耐嘅話我就唔會再戰。

近日到金峰堂食午餐，如一般多人。不論外賣或當食。味道還是可以！不過，見到老闆坐在炸油條及食物出口處，並沒有戴口罩，不斷地叫單！同時食物從他旁經過，不知是否有口沫的沾染！見到都怕怕，感到極不衞生，不再去吧！😷😷😷😷

鰂魚涌呢間金峰靚靚粥麵店，佢哋嘅粥出名真材實料，無論遠近和上班族，都會專程去食佢哋嘅粥品，朝早嘅銀杏白粥仲袛係限量供應，除咗靚粥，炸両，炒麵都係必食之選，今日又抽空來食，門口已經有好多人排緊隊，另外仲有一條龍係排外賣😅。等咗大約二十分鐘，終於有位喇😂今日嘅推介係滑牛粥，梗係要啦，仲有炸両，滑牛粥粥底好綿，滑牛又多又大大片，醃得唔會太腍，保存到肉味😋。炸両粉皮唔厚，有米香，而油炸鬼十分脆，咬落shock shock 聲，加埋混醬一齊食😋咁滿足嘅一餐，要排隊等都值💪

這家位於鰂魚涌怪獸大廈附近的地道粥店，價格便宜，質量高，無論任何時間来光顧，也要排隊，很懷念這裏的皮旦瘦肉粥， 剛巧今天也是特價推介，他們的皮旦瘦肉粥非常足料 粥底 绵滑，肉片大大片，皮旦也多，銀牙炒麵乾身不會太鹹，也沒有鹹水味 ，銀牙爽口👍

今日喺鰂魚涌開會，開會前約咗喺附近返工嘅友人食個早餐。佢推介食呢間粥麵，話豬紅粥好正喎。我就麻麻地鍾意食粥，就叫咗芽菜炒麵同叉燒腸粉。講真，兩樣都唔好食。炒麵啲麵碎哂，口感又唔好，好霉，又冇乜味，要加甜醬調味。叉燒腸個皮好粉好霉，叉燒又唔夠香，個豉油又杰，食咗一條唔想再食。起碼腸粉入面加啲芫茜吖，香啲嘛，點知乜都冇。友人之前話豬紅粥唔錯，試咗啖，豬紅冇味，但粥底有味，好明顯加咗唔少味精，印象好差。呢間早餐真係不了，友人嘅taste都一樣不了。

睇openrice 都知依間粥鋪既靚靚 難頂 一直都見到有人龍 得閒又會唔開咁 好似好巴閉今日早做完運動 就試下啦 等左兩張枱就入得未入去 都先聞其聲 靚靚上至老人家下至侍應 都無一倖免我諗靚靚唯一唔鬧既係 佢個仔 佢老公？同班熟客仔俾人鬧完既侍應姐姐黎幫我地落單好似一黎就預左你要食乜咁 唔俾諗即刻叫咁我地叫左牛肉腸 滑牛粥 同埋瑤柱白粥等左一陣 好快就上左腸粉腸粉係即整既同埋份量都多腸粉皮好厚 但唔係厚得好難食但比起陳漢記 絕對係厚既個牛肉餡有味 唔係坊間既無味既入面既馬蹄令到成個牛肉腸味道昇華左見到其他食客叫左餐單上無既 蔥花腸 走油 都好似幾好味白粥濃味同埋係綿既滑牛粥 都濃味既 不過其實都有d咸其實食完 都好口乾 都覺得係重味精既最後，想講 有個婆婆想坐我隔離 因為我朋友出左去禁錢老闆仔好聰明 就同佢阿媽（即係濃妝豔抹）既靚靚講 我朋友出左去禁錢 要留番個位俾我地可能阿靚靚個覺得個仔串親自己所以佢就對婆婆下毒手咁婆婆緊係想靠牆坐啦靚靚就話：「咪同左你講有人囉 仲坐埋去 聽唔到架你 丫 你好靚女呀」婆婆就笑笑口咁靚靚就話：「丫 依家你又聽到喇喎」其實我諗佢大部分既顧客都係上左年紀

呢排天氣好熱食其他嘢都無胃口唯有嚟一碗熱辣辣嘅粥幫手解下暑，金峰個名就聽得多啦，老字號，雖然老闆娘有啲惡，但啲粥真係好好味又滑又香又綿，再配埋個炸兩，真係不得了但如果想食就要早啲去排隊，因為真係好多人。

由於係附近返工關係，我成日都會黎呢度食lunch。呢間粥店都幾受歡迎，次次都要等5-10分鐘度先有位。佢除左有一般既艇仔粥，皮蛋瘦肉粥，仲有生滾粥。生滾粥中，最好食係魚腩粥。我最中意食瑤柱白粥，佢加左腐竹，令到個粥底好綿好香。未遇過有粥店煮白粥都落足料同心機。炸両都好出色，條油炸鬼唔知係咪即炸，總之就仲好脆。外層塊腸炒都好滑好薄。另外，蝦米腸粉都好出色，蝦米夠多，腸粉皮又滑。唯一要彈係多油得滯，食幾條會膩。

堂食快外賣慢，外賣最慘試過要吹30分鐘風先落到單，但堂食就可能要睇老闆娘面色。皮蛋瘦肉粥 $25 是日特價粥，新鮮熱辣生滾粥，瑤柱粥底香又棉滑，皮蛋瘦肉足，不會因為特價而減料蝦米腸 $16 腸粉夠薄又軟滑，最正係就有大大粒香口蝦米

今朝被朋友拉咗去食粥，事關呢度啲粥特別靚食咁話生活喺鰂魚涌嘅街坊都熟悉呢間喺區內人氣 No. 1 嘅粥舖。每日無時無刻都逼爆，誇張到痺晨早八点未夠，舖頭內已坐滿人，外面又有人排隊等位，朋友係熟客都無人情講，照樣要等。唔知係咪啲人趕住返工同買餸，快趣食完就走，我哋唔算等好耐。地方細細，擺幾張枱，但幾企理同光猛座位少，要搭抬， 環境講唔上舒服我叫咗個銀杏白粥同銀芽炒麵粥煲得夠火候，白果唔係一粒粒，而係切成細細片，算係幾足料同綿滑但係個炒麵啲麵就硬些，麵身帶濕，好似就咁碌吓，然後係咁意用油兜幾下，炒得唔夠透同埋上桌祇係暖暖哋，銀芽亦唔多呢度每日都有一款特價粥品，平均平七蚊！ 朋友叫咗今日嘅特價滑牛粥，同埋碟蝦米腸。朋友話個粥好足料，好夠味賣相麻麻，睇落皮重幾厚㖭，但朋友話ok啝！總括呢度啲粥品ok，但又唔見得超級好食，可能因為呢區嚟講，佢嘅價格較實惠，地方又整潔，對要求唔太高嘅街坊絕對係超值！

禮拜日一訓醒已經十一點幾，附近酒樓乜早茶優惠都無晒，又無乜胃口，想食清啲，最後同媽咪去到鰂魚涌睇下有乜好食。去到見平時排長龍既粥店無乜人係門口排隊喎，仲唔拿拿林去攞位咩。點知係假像黎，原來有啲人一早就攞左飛先再去行街買餸，等下等下果班人先慢慢出現返，結果要排成20 分鐘囉。入到去，見是日優惠係瘦肉粥，即刻落單，一碗瘦肉粥，一碗鯪魚球牛肉粥，一碟炒麵，一碟炸兩。先黎碟炒麵，心諗咁細碟邊夠我地食，但食落又有啲咬口，幾好味喎，怪唔知得枱枱都叫啦。之後黎碟炸兩，估佢唔到咁脆，咬落去卜卜聲，正 ! 最後黎兩碗粥，勁大碗，啲料又多又新鮮，勁多粒鯪魚球同牛肉，多到要分啲俾阿媽添，啲牛肉又滑啵，真係唔錯。但鯪魚球有少少魚骨，食果時要小心啲，但証明佢係新鮮魚肉黎，又唔鯹，抵讚 ! 兩個人食到飽到上心口，都只係八十幾蚊，抵到爛。

當大家鼓勵環保的時候，我拿著幾個盒子去買粥、買面買腸粉，卻令我感到貴店不但不支持，甚至覺得麻煩。老闆娘厭煩的臉孔，冇禮貌的話”打開D蓋去”, “邊盒放邊樣” 然後我發現一份炒面著實太小份量，於是要求再加多一份放入自備盒，你一句”好好玩呀呵！”全程黑面的你令我覺得就算你的食物有多好吃，但你人品如此，跟本不用再回頭！希望你明白別人想用少幾個發泡膠盒，幾個膠袋的苦心。而不是只顧自己利益和方便。今天見到有文章指某老闆一定要自備飯盒才做生意，這些有品有良知的絶對值得大家學習。

睇落個樣賣相唔多吸引，應該係因為豬人令到佢個色變成咁，但好好味！佢個粥底好綿滑，個味道好新鮮，完全冇落味精。呢個豬潤碎牛粥d料好足，又大碗，所以都食到好飽。但係如果for 男仔可能唔係太夠，加多個炸両或者腸粉就應該好足夠！

住了在金峰靚靚粥麵附近一年多，每次經過見到門口大排長龍，又不夠時間排隊，每次只能諗有時間一定要食，今天很想很想食粥和我最愛的炸兩，剛好又有時間，排就排，門囗擠滿人，其實很有系統，一邊是外賣，一邊是堂食，外賣比堂食的人多一倍😱😱，我拿了號碼牌，等了20分鐘左右，入座了👏🏻👏🏻，等位的時候已諗好要食什麼🤣🤣，一張圓枱坐了6人都是不認識的一人前的🤣🤣，很有趣的畫面，靜靜坐著等待這裡好味的秘密。📌鮮牛鲮魚球粥多蔥粥底很綿，牛肉剛熟，師傅的功力，魚滑打得細滑，調味亦很足夠，加點糊椒粉就已經非常好吃📌至愛的炸兩我食過最好味的炸兩，油炸鬼是粥店現炸後即包，腸粉皮也是即做，怎能不好吃，粉皮很幼滑，油條脆得很，加上蔴醬，甜醬，芝麻，好好好味。以後要排隊吃，我非常願意😋😋😋📌粥店餐牌