金滿堂甜品

營業中

休息中

我是超級甜品控 尤愛西式甜品 淘大商場有很多甜品店 左挑右選之下最後決定去這店 原因是它門前掛的圖片吸引了我 甜品店一般面積都不大 經營成本關係 店內都較擠迫 顧客大多吃完便走 今天我到達時接近下午6點 顧客不多 很清靜 餐牌圖片非常吸引 差點令我有選擇困難症 幸好心目中已選定芒果拿破崙 其他的祇有下次再吃我要了三件裝的芒果拿破崙（46元）賣相漂亮 餅皮酥脆 芒果醬香甜 配上鮮忌廉 好味又不貴店內還有很多不同款式的甜品 榴槤也是我的摯愛 祇有留待下一次提提大家 因是小店經營 只收現金呢

係德福食完飯想食個糖水見佢咁多好評咪試下。食左個椰皇，佢個甜品味道質素正常，蛋白幾滑，上面既椰奶又唔太甜而有椰水味，但係環境上，真係好迫，全場滿座個陣膊頭頭掂膊頭咁制，男朋友坐過啲有返啲空間順便俾人行岀泥，又俾職員行過黎講：「呀生，坐過啲呀唔該🙂」但個語氣係呼喝式。啲員工啲樣好似得罪佢咁 真係唔多想再去🙂

我同朋友兩個人嚟呢度食，幸好吃完晚飯後來吃甜品還有座位，食甜品都預咗係坐得比較迫，不過好在不用等位就能入座。與此同時，旁邊另一間甜品店就了無一人。我哋叫咗兩個 No1 榴槤女王。同圖片有少少唔同，因為榴槤肉是另上的，但好食，好有榴槤味，好足料，美中不足嘅就係分量不多，幾啖就食完。食完榴槤再食椰青 就會比榴槤味掩蓋，椰青肉都好甜多汁。目的為咗食榴槤嘅話唔可以止癮，但用甜品嘅角度來說就10分不錯👍🏻大贊

以前中學喺附近，放學好鍾意同啲同學一齊黎食甜品😋😍難得今次中學同學聚會，就梗係要一齊去食金滿堂啦😍😋好鍾意食朱古力嘅我就叫咗朱古力雪花冰再同同學share麥提莎糯米糍😋😋我會話金滿堂係麥提莎糯米糍嘅始祖🥰嗰陣時喺網上流傳呢個食譜嘅時候，金滿堂已經有得食啦🤩食落口係外軟內脆嘅口感，以為粒麥提沙會變淋左，點知仲係keep住咁脆，有驚喜😍😍而糯米糍嘅皮好煙韌，好有咬口😋我好欣賞佢嘅雪花冰，食落口唔會好淡，依家好重嘅牛奶味😍😍而且呢個朱古力味雪花冰仲配埋朱古力雪糕同薯片 令口感豐富左好多🤩唯一改善嘅地方係坐位稍為有啲逼，不過好食嘅甜品店就係咁😂冇計啦～

服務：一開始量體溫，入座都冇乜事有個長金髮比較後生嘅女服務生黎落單一黎已經踢左我一腳唔小心姐 佢冇反應冇say sorry都算點嘢食時語氣態度好命令式未尾音😒同伴落單時想改變主意 轉第二樣佢兩秒時間都冇即刻講：諗定未 揀左冇得轉😨諗左真係一下都唔比 又唔係改黎改去一啲耐性都冇 而且佢唔係坐爆哂出面勁多人排 忙到林哂檔咁感覺已經好麻麻一黎就要好似受佢氣咁😩-到食物川貝雪耳燉鹹檸 $38👍🏻幾好食 鹹甜恰到好處 暖暖地飲落幾舒服金桃花 $38👍🏻都好食 唔太甜清心丸煙煙韌韌 桃膠唔會過硬或過淋十朗小玉 $43👎🏻好難食啲豆腐花好奇怪 同一般食開嘅唔同但係唔好食嘅 杰撻撻質感似奶凍 冇豆味芋圓又硬又偏甜紫薯芋泥 味道好假食左幾啖放棄左-總結 熱食甜品好食過凍食但咁嘅服務令人不敢再恭維👋🏻👋🏻

做完運動最啱就係隊番個甜品🤪咁就輕鬆打和super🤗基本上晚晚呢間糖水鋪都好旺亦都證明左佢係正先引到咁多人食🐖🍧白雪奇緣（掉佢落山）$38沙冰好冰凍食到透心涼🌬龍眼椰汁沙冰既龍眼味幾香濃配料既蘆薈、水晶珠同椰果都幾多不過個人黎講超鐘意小丸子如果個比例再多啲就好了🥺🐽金玉滿堂 $43呢個算係鋪頭招牌嘢（金玉嘛配料都好足～同上面果個差唔多不過就多左龍眼肉添😙配上杰撻撻既芒果汁仲有芒果雪糕就係一個黃牌組合😌🐴黑馬王子 $38都係以芒果汁做底既甜品黑珍珠比較實 同小丸子互補咁配料又係幾多下～個面仲鋪左啲奇亞籽就多左另一種口感添🐒🍨港式奶茶味雪糕（跟甜品+$10）個雪糕佢冇撻埋落去係另上你鐘意就咁食又得撈埋食又得 得左！呢個雪糕不得不讚 真係好香濃好有茶香 奶味又濃滑呢個味唔多甜品鋪會有得揀好似我呢啲窮丁咁如果痴fd子食甜品就咁加個雪糕都諗得過啊😍同埋所有甜品都唔會太甜～本身鋪頭就話係低糖甜品🥴有種冇咁邪惡既錯覺🤫😋：8/10🐣🐣🐣🐣🐣金滿堂甜品💸價錢：約$40-$50📍地點：九龍灣牛頭角道77號淘大商場二期地下G201-201A號舖

由細食到大號糖水舖以前住九龍灣經常食完飯就會過黎食甜品，貪佢多選擇，又就腳近年都keep住幫襯，因為男朋友超鍾意食糖水😜飯前/飲後都會黎食下多數都係叫椰皇嘅糖水我就鍾意食熱嘅，所以揀左紫醉金迷芋圓比較甜，幾煙韌，燉蛋白好滑，椰汁底，加埋雪燕，感覺好養顏～唔洗5分鐘就食完嚕😛

金滿堂充滿咗好多中學同閨密嘅回憶❣️一開始會同fd 去食係因為俾佢唔同甜品嘅名而吸引咗，例如有桃花仙子、單戀傻小子、失戀小王子，超有心思！全部甜品都超足料又靚，最適合用嚟post ig 影相！中學個陣同friend兩份一齊食芒果大王，裏面嘅椰王肉好厚，一個人食會飽得滯所以兩個share食就啱啱好，仲可以叫多幾款食添！另外仲有榴蓮女皇，啖啖肉嘅榴蓮令本身唔多鍾意食榴蓮嘅我都食唔停口🤤而且好多都有凍同熱揀，無論冬天定夏天都好啱食 夏天想食凍野仲有刨冰可以揀 啱晒friends 一齊係度食嘢吹水！

依間甜品舖都係朋友介紹我食🤩係疫情之前 次次食都要排隊大家坐曬坐門口前面等位👣食過都好幾次 覺得佢地啲椰皇燉蛋白好好味😋😋👍🏻.榴槤女皇 $55⬇️佢啲椰皇有得揀熱定凍我今次揀咗凍 因為個人唔鍾意食熱嘢🤣但都試過熱嘅燉椰皇 🌟熱嘅會比較香啲同蛋白味出啲！🌟.講番今次個榴槤女皇👑有一球榴槤係面 唔算孤寒椰汁底唔會過甜燉蛋白好滑 一啲都唔老整個配搭好好味😋👍🏻食到最尾 重可以叫店員比隻鐵匙羹你整啲椰肉出嚟食🤩(不過有時太多人 啲店員會唔耐煩......⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

因為早咗食夜晚飯去到九點幾有啲肚餓想食個飽肚嘅甜品....朋友車左我去九龍城金滿堂買外賣.佢地主打甜品係食得飽肚嘅椰皇系列❤️同朋友點了一個椰皇燉湯丸及銀竹花回家share 吃.👍🏻銀竹花（薏米+腐竹+銀杏+蛋花）（$38）各㨾配料都配合得剛剛好☺️比一般腐竹糖水唔同用了蛋花及加了薏米，好感幾好都唔算太甜一路食一路都有腐竹同埋彈花嘅香味.👍🏻👍🏻椰皇燉湯丸（$52）非常非常香嘅椰子味配合着燉蛋白簡直係天作之合....食完有種幸福嘅感覺😆配合着清心丸口感好豐富，係呢個時候在家粒湯圓嗰種甜.....(一粒對於小編來講剛剛好再食多粒就太甜...但如果鍾意食甜嘅朋友應該覺得呢個非常非常之好） 湯圓皮唔算口細細粒黑芝麻好好重芝麻味亦都好甜.買滿$80會送一次$8嘅椰皇水總結：因為係外賣只會有食物:7/10性價比:7/10回頭率:7/10

本來一直很期望會很好吃，但是覺得不過普通一家甜品店，還不如連鎖的滿記同許留山，點了經典的金玉滿堂，芒果我總覺得不是新鮮的味道，小丸子少的可憐，份量也不算多，不會再去了

好耐冇食過金滿堂，呢度係我中學時期嘅回憶！😂以前冇留意佢係主打少甜，但而家多咗注重健康，今晚先發現佢係主打少甜，令我食得都放心啲😂我哋叫咗一份榴槤芝士糯米糍，榴槤之中帶點少少鹹味嘅芝士，好夾！個糯米皮令我非常驚喜，非常之軟綿綿！因此忍唔住叫多一份香芋紫薯芝士糯米糍，香芋紫薯芝士餡非常之多，超好味！個糯米皮都一樣軟綿綿！另外叫左份北極熊，即係豆腐雪花冰、蝴蝶酥、麥提沙、雲呢拿雪糕、小丸子同煉奶，外形非常適合打卡，味道亦都唔錯！食完dinner很食金滿堂嘅甜品覺得好滿足，但唔會有甜到好滯嘅感覺！糖味好清甜👍🏻推薦👍🏻

依間舖頭我每一次嚟都會去食雖然話係做街坊生意但佢啲份量真係完全充足而且價錢合理糖水非常之好食 餐牌又非常之多選擇 而且每一次黎都有新嘅花款冬天或者秋天去嘅時候食呢個糖水簡直一流

由於晌九龍灣返工放工晌附近食完返記過左去陶大搵糖水食行過見到哩間糖水舖選擇好多，所以就入嚟試吓見近日天氣轉涼又乾燥，即刻叫碗熱辣辣嘅糖水滋潤一下。我叫咗金桃花（熱）（$38）有桃膠、清心丸、燉蛋白、🥥椰汁底，好濃郁的椰汁，好香！👍🏻👍🏻燉蛋白好滑😋！桃膠太碎同好少，清心太好好咬，QQ的。我本身比較鍾意食中式糖水，覺得佢好好味！不過入面啲料就偏少，尤其係桃膠，碎濕濕得個dd☹️，其餘都正！😃

呢間係我最愛嘅甜品店，但近期佢出左新產品，係我最愛嘅香芋呀呢個甜品個名已經好夢幻，叫做櫻花樹下。實質佢係有龍眼椰汁沙冰，配上椰果、水晶珠、忌廉同碎花，最重要係佢面頭嘅紫薯芋泥。本身會有啲擔心龍眼椰汁沙冰嘅龍眼味會太重而蓋過左紫薯芋泥嘅味道，但佢嘅龍眼味係岩岩好，唔會太濃，撈住紫薯芋泥食就岩岩好啦！仲有椰果去增加甜味同口感，水晶珠咬落去脆脆地咁，成件事都好完美。呢個紫薯拿破侖入面會有一個面頭放左紫薯芋泥嘅牛乳布丁，唧左忌廉嘅脆皮，另外成個甜品都淋上左練奶同碎花。佢嘅牛奶布丁非常嫩滑，係會有動L嘅狀態，同佢味道清淡，配住紫薯芋泥一齊食就岩岩好。脆皮連忌廉一齊食超級夾，再加上練奶增添香味，成件事更上一層樓。呢間店係好出名，所以好多人幫襯，不過服務員都好熟手同埋出餐流程都好順暢快捷，唔洗排好耐就等到位。以下係呢間店嘅餐牌：