金鳳茶餐廳

營業中

休息中

金鳳茶餐廳 📍：灣仔春園街41號春園大廈地舖🚗：灣仔地鐵B2出口 步行3分鐘📞：+852 2572-0526💲：~HKD60/head for lunchFood quality✔️：公司三文治👌🏼：特價午餐(沙嗲牛公仔麵、火腿奄列、菠蘿飽 加鮮油)、火腿焗雞批總結：🤔舊式茶記 區內名店人流不斷 但食物比較平庸 同樓下茶記相差無幾 唔建議特登誇區嚟試🥲🤔特價午餐11-7都有供應 包麵+蛋+包+飲品 麵有五香肉丁/餐肉/腸仔/雪菜肉絲/沙嗲牛/火腿/雞絲 蛋就火腿奄列/煎雙蛋 包有餐包/菠蘿包🤔沙嗲牛麵嘅湯少得可憐 似食撈麵多 食到下底先溝返稀啲🫨🤔火腿奄列嘅火腿好足料 菠蘿包+$5有鮮油 如果熱上會更正🙊🤔雞批都係比較普通😋最驚喜反而係公司三文治🥪入面嘅餡:火腿同蛋都係好厚身 一咬落去好有滿足感 而且佢嘅蛋漿係有溝埋火腿 所以正😨老店態度一向都唔太好 不過不失至少唔會太躁底😣

話說今日好想食沙嗲牛肉麵🤣 喺港島區原來都無乜得選擇👀 最後嚟咗呢間茶餐廳🤭 我下晝過去，等咗大約10分鐘就可以入座，可以叫營養快餐D ($53)/ 特價午餐($57)，嗰$4嘅分別係有火腿奄列/煎雙蛋，個人建議食特價午餐😝 佢沙嗲牛肉麵係比較少湯嘅，啱哂我，味香濃🤭 絕對可以encore‼️ 不過佢配嘅菠蘿包真係令我超級失望😵‍💫 我係覺得難食😵‍💫 成嗰又凍好淋😅 不過現場都有好多人叫菠蘿油，賣走嘅都有👀 有一刻令我諗下次可以散叫($39)🤣 但緊記‼️‼️ 佢寫到明只叫嘢食，唔嗌飲品要加$10茶錢😅 我下次會試餐包，希望有驚喜❤️

對上一次幫襯應該10年前，下次可能係10年後。今日諗住搵返啲回憶，就入去食。點咗特價午餐，有沙爹牛肉麵，菠蘿包，奄列，熱飲。落單侍應態度不敢恭維，落單又唔聽，之後又問返食咩，但好似審犯咁，我最後忍唔住講咗句使唔使咁衰態度。沙爹牛面好鹹，啲面有陣怪怪的味，似鹼水味，但即食面應該冇鹼水。菠蘿包皮硬，凍的，奄列夠大份。之後陸續好多遊客嚟，侍應態度好好，有講有笑。10年後再幫襯吧，祝佢未執

幾鍾意去呢啲舊式港式茶餐廳聽講呢一間都有好長歷史就過嚟試吓當日撞正lunch time繁忙時間侍應唔係幾好脾氣落單粗聲粗氣不過唔緊要嚟到照食下嗌咗個餐有沙嗲牛肉公仔麵、餐包、同埋一杯熱飲，我揀咗熱鴛鴦個沙嗲牛肉公仔麵幾好食個碗比較細，湯唔多，所以撈勻之後比較濃郁，食出少少花生醬嘅味啲牛肉醃得好嫩滑，呢個10分推薦但係個餐包就麻麻哋上嚟嗰陣已經凍 同埋口感比較結實 唔鬆軟麵團味比較重（食到酵母、油嘅味道）杯鴛鴦就好濃好滑 值得一飲

早兩日去灣仔搞D野，經過金鳳茶餐廳，好想食佢的雞批同奶茶，但係已經食咗午餐，個人仲未肚餓，咁點算！最後都扺擋吾到雞批的魔力，買左六件雞批，奶茶、鴛鴦同咖啡各一枝返屋企，第二日的早上可以同屋企人一齊享用、一齊回味。用焗爐將雞批焗番熱，已經傳出陣陣雞批的牛油酥香，一口咬下去，味道與兒時的回憶都一樣，酥皮好鬆化而雞肉夠嫩滑🥰再飲啖香濃的奶茶，人生一樂事😉從小時候到現在，都好鍾意去呢間餐廳食野，經過黑暴、新冠依然屹立不倒，希望佢可以繼續𠄘傳。

係讀書嘅時候學校附近都有間類似嘅冰室，又係四十幾至五十幾蚊，大大份，有湯，餐包，飲品同埋個煮主食，個煮食多數係一啲扒類，牛扒，雞扒，跟住再配搭飯，意粉，薯條等等湯就有紅湯同白湯我多數都係飲羅宋湯，都幾足料，有紅蘿蔔粒西芹等等，一啲都唔hea， 有少少辣今次就試吓要鑊仔牛柳啊，都幾驚喜，喺灣仔區食個晏晝飯，以呢個價錢嚟講質素幾好同埋更好嘅係佢可以要薯餅，平時少啲見有得咁樣揀😋美中不足就係杯飲品好細杯，我最鍾意飲凍檸茶，咁細杯唔係好夠飲😅😅🤣🤣

香港茶記 為了滿足勞動階層 滿滿澱粉質，然而金鳳茶記多年不變的經典奶茶， 茶膽香濃遇有口感十足的奄列火腿一點沒有少，還有牛油。 超飽另外 茶記員工非常有人情味，雖然鋪位少，大家會坐得較親密，但食物質素好

今日如常同同事一齊去食午餐，前二日講起話好想食奄列，于是今日帶佐我去灣仔一間懷舊茶餐廳，食個情懷入到餐廳裝修唔算新，不過對比其它舊式餐廳尚算乾淨企理。店員服務態度還好。點佐個特惠午餐$55入面有齊我想食既嘢 五香肉丁面：分量足，肉量都正常。味道方面就不過不失，同以往食開既差唔多。 火腿奄列+菠蘿油：菠蘿油好脆，奄列分量大，入面都幾多火腿。表面既蛋仲系香滑既 茶走：茶味香濃奶味絲滑，唔會太甜，但系又可以覆蓋茶既苦澀，飲得出有用心製作。總體離講水準系可以既，正常發揮不失傳統風味。

金鳳茶餐廳是一家位於灣仔的著名茶餐廳，以其豐富多樣的美食和懷舊的氛圍而受到廣大食客的喜愛。這裡的沙嗲牛肉麵和招牌波蘿油是他們的招牌菜餚，深受人們的喜愛。沙嗲牛肉麵是金鳳茶餐廳特色菜單上的一道經典之作。這道菜以嫩滑的牛肉片和彈牙的麵條為主要材料，搭配上獨特的沙嗲醬汁。沙嗲醬汁是由多種香料和調味料混合而成，賦予了菜餚獨特的香辣口感。牛肉經過優秀的調理，口感鮮嫩多汁，與麵條的結合更是美味至極。招牌波蘿油是金鳳茶餐廳另一道受歡迎的菜餚。這道菜以烤過的波蘿麵包片為主體，搭配上鮮嫩的火腿片、奶酪和蛋液。波蘿油熱騰騰的麵包片外酥內軟，火腿片的鮮香和奶酪的濃郁相互融合，加上蛋液的蓬鬆口感，讓這道菜餚成為一個美味的早餐或下午茶選擇。金鳳茶餐廳的特色不僅在於他們的美食，還在於其獨特的懷舊氛圍。餐廳內部裝潢簡潔，燈光柔和，讓人感受到濃厚的懷舊情懷。這裡的服務員穿著傳統服裝，提供親切的服務，讓客人感受到家的溫暖。金鳳茶餐廳的成功在於他們將傳統的茶餐廳文化與美食結合在一起。無論是沙嗲牛肉麵還是招牌波蘿油，他們都保持著傳統的烹飪方法和經典的口味，讓人們回味無窮。如果你想要品嚐正宗的茶餐廳美食，感受濃厚的懷舊氛圍，

呢一間懷舊嘅茶餐廳囍帖街隔離，成日都排晒長龍，有好多人推薦，今日同朋友行過嚟灣仔呢邊就決定去試吓係咪真係咁好食叫咗個經典嘅茶餐。有沙嗲牛肉公仔麵，菠蘿油煎蛋，同埋一杯嘢飲！沙嗲牛肉公仔麵其實都幾好食，不過我覺得啲湯比較少，沙嗲牛肉嘅味道非常香濃喺餐廳嘅自家製沙嗲牛肉，而且絕對唔會好鞋，幾鍾意佢牛肉嘅質感，佢加埋公仔麵嚟食非常配搭！菠蘿油亦都係自家製嘅，非常邪惡，但係真係好好食！煎蛋就冇乜太大特別！飲品方面亦都做得唔錯奶茶非常香，整體我哋都覺得發揮幾好，係坐得比較迫！

剛剛早上同家人去食早餐，叫了菠蘿包及奶茶，菠蘿包是凍的，想換熱嘅，伙記說是今朝6:45出，但食落，應該係隔夜！加上伙記講說話沒有尾音，愛理不理…是時候這些茶歺廳要淘汰！

路過搵早餐食，見到有人排緊隊，上OpenRice睇吓咁多好評就試吓啦！但同時都見到好多人話服務唔好，所以自己試一試😆想食沙嗲牛米、蛋撻+凍奶茶。但早餐唔可以轉蛋撻，所以就食咗沙嗲牛米+菠蘿包+蛋餐+凍奶茶，另外要多個蛋撻。沙嗲牛米真心好好食！凍奶茶亦好香😋（我見其他人叫嗰陣，侍應有問佢要少糖定係普通，不過冇問我，所以我都唔知自己飲咗嗰杯係正常定係少糖，不過感覺唔會好甜剛剛好）菠蘿包+蛋冇乜特別，但個蛋撻真心好失望好失望😭😭唔熱、硬硬哋、個皮都唔知係酥皮定曲奇皮⋯⋯又唔鬆化又唔脆，我只係食咗一啖😭唔知係咪因為食左尾聲果個😭服務方便係想幫佢平反下嘅！我接觸咗三個員工都好好👍🏻第一個提我如果食早餐要快啲叫埋啦，佢哋好快就轉午餐；第二個伯伯好有禮貌，我問佢拎杯水飲，佢再問多我一次要茶定水，收錢嗰陣都好有禮貌，另外仲有一個，我聽到佢同隔籬枱講：「你唔好咁樣叫啦，咁樣60幾蚊。我幫你落個餐仲有埋奄列同埋包，都係五十幾⋯⋯」，跟住我問佢可唔可以加幾粒冰落我杯水度，因為太熱飲唔到，我話我會叫多個蛋撻。佢同我講唔叫蛋撻都會比冰我嘅，仲一直落住冰問住我夠唔夠。我下次想嚟試雞批，但蛋撻就真心no no no

今日放lunch去左呢間食 諗住開開心心食個晏啦 有個肥肥地圓面大叔幫我落餐 咁我就話：「要D餐沙嗲牛菠蘿包凍奶茶吖唔該。」 點知個阿叔冇啦啦大大聲勁西勁惡勁無禮貌咁鬧：「咩啊？」 咁我咪再repeat話飲凍奶茶 跟住又勁咁耐煩咁：「咩啊」多一次 我個下真係即刻呆左巴哂頭心諗你想點？後黎先知係因為我無話要配咩面。。。。。。講嘢冇頭冇尾態度差到傻 咩態度? 你話我慢吞吞就話啫我以經睇左餐牌先入去一黎點餐好快咁都要受你氣 唔要求你有禮貌但都不至於咁吖嘛？態度衰過澳牛十倍😅😅仲有 環境勁差 張枱細到痴線逼到傻 啲嘢食又唔好食 沙嗲牛唔濃 菠蘿包好實又唔鬆軟 好似食緊原舊面粉咁。。。以後都唔會再食😅😅

廿幾年前住灣仔，都會嚟食吓菠蘿油同飲吓奶茶，尋日同太太及兩個小朋友經開灣仔，諗住懷緬一下香港舊式茶餐廳，食個下午茶。但係原來呢間茶餐廳無下午茶㗎，肥伙記話小朋友有免茶，我哋四個人叫兩個快餐好夠食，又平，但係小女兒話呢度好污糟，唔想食嘢，我話不如飲杯嘢啦？我哋四個人唯有單叫咗三個菠蘿油同四杯飲品，肥伙記即時黑面，但其實咁樣叫係貴過叫兩個餐，點解要黑我面呢? 結果最後食菠蘿油嘅三個人齊齊肚疴，只有小女兒飲什果賓治無事，服務態度又差，間餐廳已經細，個肥伙記仲成日企我喺旁邊打牙骹，全間餐廳又勁污糟，唔通香港只係剩低呢啲???

話說今日放工喺附近經過金鳳, 就諗住入去緬懷一下, 因為已經十幾年冇幫襯。入到去大約6點半, 坐低已經有個侍應話6:45截單, 7點關門。之後我睇咗個餐牌2分鐘, 個圓臉男侍應就走埋嚟催我快啲落單。我都覺得算, 我都明作為打工仔係好想準時收工嘅。之後我就叫咗個常餐D。當我食完個雪菜肉絲湯意粉之後, 諗住拎起個碗, 換碟菠蘿包過嚟前面嘅時候, 個碗係吮住咗張枱, 令到我隻手chor左一下, 啲湯倒瀉咗出嚟落張枱同地下度，連我件衫都整濕埋。個問題就係, 個圓臉男侍應竟然走過嚟用埋怨嘅語氣講 "乜你咁唔小心㗎", 完全冇顧及我件衫都整濕咗。我即時同佢講係個碗"絕"住張枱先會倒瀉, 佢竟然話 "哦, 原來係個碗嘅問題, 唔係你問題"。 佢講完呢一句, 已經令我好激氣, 之後仲俾佢係咁奚落我。有個疑似老闆娘嘅, 同我打眼色, 暗示叫我算數, 唔好同佢嘈, 仲送上一個蛋撻做補償。我諗佢唔係第一次咁對客。咁耐未試過食嘢食到一肚氣!!呢個圓臉男侍應可以咁肆無忌憚, 睇落喺度做咗好耐, 冇人敢出聲。金鳳嘅形象, 俾呢啲咁劣嘅員工整衰晒, 唔明點解用呢啲態度, 都仲可以生存到, 可能得失我呢啲小客人唔係問