銀杏館 婆婆廚房

營業中

休息中

因為朋友的好介紹，所以有機會一試，雖然店舖细细，但都好有人情味，服務員哥哥笑容親切，真的很不錯，美味的食物，仲有自助的Salad Bar，甜品，老火湯，白飯任添，咖啡。真的值得一試哦…

終於試咗油塘嘅社企銀杏館。之前母親節想去食，不過full booking。所以最好去之前上OpenRice或者打去訂枱。餐廳唔大，室內有7張枱，室外都有啲座位。侍應係一個上咗年紀嘅伯伯，佢有同我哋介紹有咩好食。我哋就自己寫紙落單。沙律、飲品、紅米飯、湯、中式糖水係自助形式，可以任攞。沙律🥗選擇唔多，不過幾fresh。湯係素湯，有合掌瓜，幾好飲。鬼佬欣賞佢有咖啡☕️任飲🤣中式糖水係芝蔴糊，好有芝蔴味，唔錯👍🏻佢哋有refill, 晏少少仲轉左做西瓜🍉，不過麻麻地，唔係好甜好juicy.佢哋有2人/4人套餐。不過我哋今次散叫咗3樣小菜：✅有機栗子🌰咕嚕肉$168呢個係佢哋招牌菜，d汁有啲酸，咕嚕肉唔多，10隻手指數得哂😅不過新鮮熱辣上👍🏻✅小炒王$138有洋蔥🧅、蘿蔔乾、蝦、薑、豆一齊炒，有啲鹹，麻麻地✅古法三豉蒸時魚🐟$148蒸魚普通，魚肉幾滑我哋7:30pm前埋單有85折。4個人連加一食咗$431。價錢嚟講ok,不過D餸味道偏鹹，份量唔多，就真係麻麻地了。不過社企真係值得支持架🤗

一早已在openrice book台，但去到冇留台俾我地，明明有張空枱，佢話有人坐緊，只係行開左，唯有同人地搭台，事後發現張空枱根本冇人坐，後來有其他客人入去又可以坐。自助bar 長期食物同飲品都係冇人refill，冇主動俾menu，話台面有QR CODE 掃可下單，一個QRCODE係無左一部分，掃唔到，另一個QR CODE 掃完發現入面9成係飲品menu，冇得揀食物，我再問佢，佢話俾張紙仔我寫，後來發現隔離枱可以口頭落單⋯⋯咁點解要我掃QR CODE 同寫紙仔。同埋佢個menu係勁多野都冇得揀。不過都唔緊要，俾左張紙仔佢之後，出左一個菜之後都冇再出過，然後見另一枱遲過我地點菜，但都快過我地上菜，就知道原來叫先唔等於黎先。如是者，我等左大概半個鐘，我催催單，佢問我係咪乾炒牛河？整緊架啦。我話唔係，心諗佢其實有冇落？後來發現乾炒牛河原來係出邊個台客，叫左幾次都未收到。後來見佢一次過出左2個乾炒牛河，侍應去兩台都話冇叫乾炒牛河，佢先知人地等唔到已經走左，reception 話取消左，但廚房好似唔知，照整2個幾有趣😅到我地等左45分鐘左右頂唔順，諗住唔食走人，佢又黎曬d餸，味道係幾好既，份量

食咗幾啖先記得影相 都仲有咁多份量 只要一人嗌一個餸沙律吧就免費 包咗沙律 素湯 飲品 飯 👍姐姐哥哥又好貼心一定要多啲幫襯❤️支持本地食店Took a few bites before remembering to take photos, but there's still plenty left! Sizeable portion. Just order one dish per person, the salad bar will be complimentary. Includes salad, vegetarian soup, drinks, and rice. 👍The staff is very helpful and friendly.Let's support local restaurant ❤️

今晚真係食咗一餐好難忘，亦都好開心嘅團年飯好耐冇試過喺香港試完一餐之後好想比好評佢冇五星級嘅服務質素 或者 環境但有好溫暖嘅笑容 每一位喺嗰度工作嘅人都好盡心盡力我地一家都食得好開心重點！！全部食物都好高質不論份量還是味道都滿分 都令人好驚喜-羊腩煲 好羊肉好入味 而且好腍 好易入口好適合老人家去食 -香醋骨 排骨有煎香 配埋香醋好送飯-蒸白鱔 用咗上半部份這是鱔 魚骨較少 肉質好肥美 充滿油香-燉湯 鮮甜！！！！以下所有都係自助無限任添佢哋選用咗紅米飯 好健康👍🏻但可能因為天氣太凍還是器材問題？有食客提出米飯唔夠熱另外佢仲有自助沙律吧 keep住有工作人員refill佢亦都有提供素湯 食飯之前飲一碗好fresh嘅感覺唯一芝麻糊稍甜 佢仲提供咗羅漢果水 係依個乾燥嘅天氣飲一杯滋潤下冇咁咳

真心推介呢個抵食午市半自助餐，小菜$68 起已經有，坐戶外超chill, 有超開揚景觀，門口有小朋友玩樂設施. 天氣好食一流.自助沙律吧選擇豐富，蔬菜前菜等好新鮮，中西湯都有夠足料，粥飯任添有紅米飯加分，仲有自製涼茶，咖啡茶等，超回本. 主菜叫左家鄉三絲炒米粉同埋香蔥三草爆牛柳. 全部有水準，又有家的味道，少油小盬小甜冇味精，小朋友老人家都可以食，夠健康. 本身都好buy 銀杏館理念支持長者再就業，加埋平靚正，真係要支持多啲！長者店員們都好友善，同小朋友玩仲幫忙叫小朋友不偏食.

同公公婆婆去咗婆婆廚房食飯，佢係一間專為長者提供就業機會嘅社企。我試咗佢哋嘅蟹肉獅子球同埋咕嚕肉，味道真係好正。先講下蟹肉獅子球，個球煎得好香脆，外層酥脆內層鮮嫩多汁。佢哋用嘅蟹肉好新鮮，肉質鮮甜，帶嚟一陣濃郁嘅海鮮味，真係好好食，攞嚟送飯一流。至於咕嚕肉，佢哋炸得好香脆，肉質鬆軟多汁。咕嚕肉醬汁濃郁香甜，好開胃。不過要留意啲，價錢稍貴，有啲人可能會覺得唔太划算。雖然冇影到，但係佢嘅嘢飲同埋糖水，沙律係以半自助形式提供，正呀🤍🤍婆婆廚房嘅價錢相對而言稍貴，可能係因為佢哋係一間社企，要用多啲資源去幫助長者就業同埋維持運作，所以價格會相對高一啲。不過，我覺得如果你願意支持社會公益同埋享受美味嘅菜式，婆婆廚房係一個值得一試嘅地方。

油塘主打粵式小菜的餐廳並不是沒有, 但是大部份都較為重口味, 多油多鹽味道很濃, 功能性而言以送啤酒為主, 多吃又膩又不健康. 銀杏館在油塘，除了作為社企, 為退休的公公婆婆提供工作場所, 他們也可以提供一技之長, 繼續服務油塘的街坊外, 也是提供健康而傳統住家小菜的熱點. 免費的沙律吧和白飯任裝, 基本上沒有吃不飽的理由. 沙律吧提供的全部都是有機菜, 而白飯添加糙米, 這兩項也令到整餐更健康.小菜以豉油雞最為出名, 原煲盛載, 豉油清甜而不死鹹蛋, 精華被雞皮和雞肉吸收, 味道很不錯只是雞肉偏瘦, 油香不夠, 但作為健康食肆這是必須的吧! 粟米斑塊做法也和一般的很不同, 沒有杰撻撻的芡汁, 以雞花濃汁作醬身, 加上木耳和香菇, 挺身之餘也不會將斑塊浸淋, 斑塊相當香脆, 內裡肉質夠爽, 再健康黃美美之間取得平衡. 醉豬手酒香十足, 而且帶有微微的甜味, 豬手處理得夠淋, 作為前菜做得相當不錯!

我唔係住油塘，但去開搵朋友都會去老友記飯堂，我總覺得在職的他們是人老心不老，招呼介紹外還會同你傾下偈～～ 佢地怕我地未黎過， 提我地拎沙律、飲湯～（任食 自助沙律吧🥗、素湯、糖水、羅漢果茶、咖啡…)嘻嘻😁 湯要飲2碗🙈 ～～ 今次叔叔力推幾樣餸，我地都叫左😋

現時在香港能維持到的大型社企可說是寥寥可數。「銀杏」這間社企年資長而又能“捱得過” 疫情的，必然有它過人之處。之前嘗試過於九龍區及東區的「銀杏時光」，感覺已經非常美好。首先他們聘用的全是老人家，但每位長者都十分 “精靈”、可愛及幽默。喜歡他們輕鬆自在，“慢條斯理” 的感覺，令到我整個人也放鬆下來，在現今緊張的社會環境下能享受到一絲短暫的 “慢活”。而今次這間「銀杏」又再次給我另一種 “家” 的感覺。因工作關係，中午要到油塘區，正煩惱著選擇那家食店時，竟想不到原來那裏也有「銀杏」。我見指示牌上寫著 「銀杏」之餘還有「婆婆廚房」的字樣，所以估計都是以小菜為主。價錢相宜就不用說，但他們不會因為這點而將質素下降。相反，還給人一種超乎所值的感覺。中午時段他們是半自助餐的模式，當然你亦可選擇單點/套餐，明顯地他們是用心設計過的。湯、沙律、飯、粥、自家製飲品、咖啡及茶都是自助，而主菜便另外落單。這次我和同事點了豆腐及炒飯，份量大不在話下，炒飯很有 “鑊氣” ，食材新鮮，豆腐味道鹹淡得宜，質感豐富。「銀杏」的環境一向舒適，這間也不例外，雖然店面較細但整齊、簡潔。我想強調的是⋯相比高質素的食物外，長者服

見啲人成日特登搭車嚟呢個銀杏館食飯，所以都有少少興趣試下👍🏼當日我哋冇book枱， 所以大約食一個鐘左右就要交枱，不過都夠㗎啦~1. 香草三蔥爆牛柳聽個名好似炒到好火爆好香口，上到嚟賣相就麻麻地啦 🥲 如圖所示大家都見到，其實係唔香嘅， 冇咩小炒味，不過就唔難食咁囉~ 都算係一個清清淡淡嘅炒牛柳😂😂😂不過期望就唔好咁大 ...感覺有啲似農村食到好健康的feel🌝2. 柑桔醬爆骨聽個名好似好好食， 好似酸酸甜甜咁， 而且店員都推介呢個好好食，所以我哋就叫咗呢一款~ 上到來的觀感係...炸咗嘅排骨再加柚子蜜撈埋😂 大家應該可以幻想到個味道？！然後我喺屋企都試過，買咗啲排骨炸咗佢，然後再加柚子蜜落去炒，出到嘅味道就係一樣😂所以呢個菜...喺屋企都做到😂簡單到呢...不過幾十蚊個小炒，仲包嘢飲任飲， 沙律任食，我覺得性價比都還可以啦， 要求唔高嘅話都可以試下~食完出返嚟人均$75蚊#銀杏館 #香港特色 #農家 #小炒 #油塘美食 #黃怪獸 #黃怪獸自家製 #hk90s #hk #hkfood #hkfoodie #hkfoodblogger #foodie #foodblogger #fol

之前經朋友介紹先知原來商場頂層有間隱世社企餐廳，而且仲要有驚喜。講到咁好食梗係要親身去食下啦～去到餐廳有戶外同室內位，我地坐室內位。入到去都見到好多銀髮族員工，真係好欣賞咁有心ge社企餐廳。裡面有得食半自助午餐，可以自己叫一啲小菜或者抄粉面之後，就可以自助形式享用沙律、野飲、素湯、飯、粥。沙律材料種類都唔少，而且新鮮柑桔醬烤骨：必食推介，熱辣辣，惹味又脆醬油雞：唔似一般醬油雞得死鹹，雞皮好滑，差啲連雞皮都食埋之後我地仲叫左八味有機香酥豆腐，呢個又係十級推介，外面又熱又脆不在話下，重點裡面豆腐真係好嫩滑。見餐牌仲有好多野食望落好吸引，可惜今次太飽了，留翻下次再黎試下唔同ge野食先！

難得平日放假，所以陪下屋企人去咗屋企附近嘅大本型行下街媽媽誠意推薦呢間餐廳，之前佢同啲朋友食過幾次都話好正，啲嘢好新鮮又無味精叫我一定要嚟試下喎🤔​呢間餐廳個位置都幾特別，喺商場嘅天台位置，平時真係無乜留意到佢但上到去都發現原來都有唔少食客食緊嘢，門口嘅婆婆侍應都好熱情咁招呼我哋佢係行半自助模式，水吧位置改成自助吧，食客可以自行去拎沙律菜、湯水、飲品等等，我仲見到有部咖啡機添，仲有六款咖啡俾您揀，我就㩒咗杯latte, 媽媽就飲咗佢哋自家製嘅羅漢果水，佢話甜度啱啱好，就算佢有糖尿病都唔怕喎哈哈由於疫情關係都想通風啲，所以同屋企人就坐咗喺戶外嘅位置我同屋企人同偏細食，淨係叫咗個海參蝦乾蝦醬炒飯同埋菜脯肉碎炒無激素蛋炒飯食落去有浸好香嘅蝦醬味，而且都好足料而個菜圃肉碎炒無激素蛋，開頭以為都係啲普通家常小菜，無乜特別​😂​但 原 來 唔 係！！！佢哋個菜脯味道適中，唔會過鹹，而且仲好清脆爽口，夾埋落啲炒蛋度一齊食，係出乎意料之外嘅好食，呢個菜脯炒蛋真係令到我非常驚喜，終於明白點解媽媽咁極力推薦我要嚟試呢度價錢相宜，而且色香味俱全，非常值得一試😍​

前幾日同朋友行完山出返油塘鬼咁肚餓，就決定喺大本型開餐醫醫肚先~同行朋友係健康人士，但我又想食啲香口嘢喎，真係好難搵餐廳 <(｀^´)>竟然俾我哋喺天台搵到間啱晒大家口味嘅餐廳！餐廳標榜無添加無味精仲要用自家有機菜，講到咁就當然要去一探究竟啦！-天氣咁好就緊係要吸收下維他命C啦 (´∀`) 所以同朋友仔選擇咗坐戶外餐廳行半自助模式嘅，出面嘅自助吧有飯、有湯、有咖啡、自家製嘢飲同埋沙律菜拎同行朋友一定聽到有沙律菜任拎就即刻心心眼，揀完食乜嘢落完單就即刻衝咗出去 o(-`д´- ｡)出到去發現沙律吧嘅選項唔算多，有紅生菜、紅腰豆、大大粒嘅車厘茄同埋粟米，不過都睇得出啲菜好新鮮，咬落口非常爽脆嘅，仲好甜添~嘢飲我就拎咗杯凍嘅檸檬水，朋友就拎咗杯黑蚊蚊嘅嘢，佢仲笑我唔識嘢原來係餐廳啲老友記侍應自家煲嘅羅漢果茶，出面無乜餐廳有，飲完可以清熱解暑，最啱行完山飲返幾杯~眼見仲有湯水同蓮子粥可以揀，啱晒啲養生人士，我同朋友仔就無試了，下次一定會試返！-同朋友傾咗陣偈就有得食lu~我哋兩個人叫咗兩個小菜同埋一碟炒河，一上枱就俾個分量嚇親 Σ( ° △ °|||)作為煎炸嘢愛好者同埋田雞控

今日帶娘親試下社企銀杏館的婆婆廚房。無味精住家菜味道，不錯。.佢其實係半自助，除咗小菜外，沙律呀湯呀飯呀飲品自己任拎。我同娘親偏細食，眼見其他檯啲小菜都好大碟，只係咁啱我地碟斑球係細碟啲。所以自助區我地只沖了茶同攞少少白飯，我自己貪食夾了少少沙律菜，最後啲四季豆都食唔晒。.沙律菜比想像新鮮，因為我地去到已經1:30，以為會食剩揀淨殘殘黃黃咁。唔多選擇但足夠。三椒斑球同欖菜四季豆用料都新鮮，斑球無話厚厚炸漿，兩度菜新鮮熱焫上檯.味道你唔可以用高級餐廳比，佢主要都係60-90蚊一道仲要半自助，一般家常味道，水準可接受。唔想食快餐又想食返啲正路嘢係唔錯選擇。.環境尙算舒服，檯夠大，唔會放兩碟嘢兩杯嘢就郁唔到嘅隻。長期開住門，今日有少少陽光少少雨，溫度可接受，好彩這種天氣又無惹來小昆蟲。.員工當然是銀髮族，個個都好隨和有善、能幹，有些比較高級嘅餐廳員工都無呢種態度。氣氛舒服.得閒可再幫親下。