銳記餐廳小廚

營業中

休息中

🇭🇰銳記餐廳小廚·我同我朋友成日做運動前都會食隔籬嗰間點心 之前經過見到呢間門口啲煲仔飯好似幾吸引 就入咗去😎😎·臘腸排骨煲仔飯$88 l 椒鹽鮮魷$83佢呢度煲仔飯嘅選擇都幾多 而且出奇地幾唔錯😈佢啲飯質感幾好 唔會太乾之餘仲係有少少飯焦嘅🍚之後上面嘅餸都好多 不過我自己覺得更有驚喜係佢個椒鹽鮮魷🤩🤩佢呢個份量好多 雖然佢嗰炸皮係偏厚少少嘅 但係唔係好硬嗰種 而且佢中間嘅鮮魷係勁新鮮 口感勁好🦑·#rbyeat#rby港式#rby灣仔 #rby銅鑼灣·📍灣仔天樂里3-5號僑康大廈地下B號舖

覺得個肉醬意粉真係好好！！芝士比得極足！！乾炒牛河都好好食！！另外雞翼炸到外皮好脆，但入面仲有好多汁😳😳喺灣仔區都唔算貴，成日放學同同學一齊去食下午茶🤣🤣啲嘢食嚟得好快知道佢個煲仔飯好出名，但其實一直都冇食過，佢好似係得冬天先有，好可惜唔知點解會有天使面menu除咗喺小學個飯盒入面見過之外，好似冇喺其他地方食過。本身以為會好奇怪，但食完又覺得意料之外咁幾好食不過我覺得個羅宋湯有啲辣，我個人唔太食得辣。

早餐想叫外賣食叫左個早餐B可以揀兩個餸 我揀左腸仔煎雙蛋公仔麵另外比左一包辣油同一包出前一丁麻油自己落仲分左湯 （加分位）送埋上樓 只係37蚊 包一杯熱飲 熱奶茶☕️好飲

公司老闆介紹我食既咖喱豬扒飯佢長期都會食既飯堂 次次都係叫呢個飯45蚊送埋外賣，好抵呀一打開有驚喜 份量都幾多 咖哩味好香好出色 好惹味 d咖喱汁多到岩岩好撈飯飯係比較硬身小小既 豬扒多到我食唔曬 豬扒就正常 不過個咖喱汁係出色，我比95分呢個價錢對得住打工仔呀！仲要送埋上樓，邊度搵到呀@@最後我食淨左小小，真係太多啦！之前食過佢其他炒飯都正常之上，好大盒仲可以分到兩餐黎食 懢唔小錢 會繼續支持呢！！係灣仔銅鑼灣番工既恩物

係銅鑼灣返工搵食 好多唔同選擇 有時候想搵啲性價比高既快餐都唔易今日經同事介紹叫鋭記外賣 一個餐都會送落order到送黎前黎大概15分鐘就有得食啦！今日叫左咖哩豬扒飯+熱奶茶$49一打開盒見到有2塊豬扒被滿滿既咖哩汁浸住豬扒肉質唔會鞋口都算好厚加埋熱辣辣香濃既咖哩汁真係好惹味呀 佢亦超多咖哩汁 夠哂撈落啲白飯到白飯既份量一定足兩碗 完全適合胃口比較大既朋友仔！港式奶茶我比滿分 茶同奶比例岩岩好唔會過濃或過淡銅鑼灣返工既朋友值得一試

上次嚟銳記食煲仔飯，質素唔多掂! 當時留意到份 menu 有吸引地方，就係意粉!有長通粉，天使麵同螺絲粉三款意粉供應嘅餐廳唔算多，我只想記就係意粉屋.三款意粉我都中意，結果點咗個白汁煙肉腸仔白菌長通粉.從哩碟意粉感受到餐廳係 hea 煮, 白汁水汪汪完全講唔上濃郁，個茨汁失敗攪到成碟通粉變成失敗之中嘅失敗，茨汁根本沾唔上通粉，好似牛奶湯通粉，最後食唔落被迫放棄浪費食物.幫襯兩次都唔滿意，相信無第三次了! byebye (^0^)///

令人反感全無作為嘅疫苗通行証終於玩完啦! Yeah!!! Y(^0^)Y又可以自由出入餐廳，還香港復常，當然要慶祝吓啦!入唔到餐廳其中一款享受唔到嘅就係煲仔飯，煲仔飯變成外賣就失去風味，所以取消通行証之後，即晚就去食煲仔飯.工作地點隔兩條街就係哩間銳記，而煲仔飯就係門口即煮，經常路過已經想幫襯，因為門口煲仔飯餐牌選擇豐富.點咗個排骨雙腸煲仔飯，好壞參半.優點:1, 成個底都係飯焦，夠脆口.2, 排骨腌得夠味，肉質鬆軟.缺點:1, 店舖明顯人手不足.2, 餐廳環境狹窄.3, 每件排骨都係細細粒.4, 膶腸居然咬唔開!韌!5, 成煲飯毫無臘腸膶腸排骨嘅豬油香.如果連飯焦都無的話..... 必負評.....

第3次幫襯佢既外賣自取, 第一次係用平台叫, 去過就知道現場買都唔差, 今次試左抗疫午餐,好抵食,平時食開集團既焗豬飯見到貴左好多好多, 今次試呢間舊式小小既焗豬飯,味道好好喎,上兩次係食炒牛河, 時菜牛飯同常餐。今次叫完仲問收銀阿叔可唔可以打黎叫左先拎? 佢仲話可以,見佢兩次都係親力親為入去問有無乜乜乜.....可能係老闆掛!?C區茶記。

外賣送到的鮮茄牛肉飯（附送鑊屎），一打開個盒真係嚇一跳！冇理由廚師蓋盒前睇唔到，但照樣比顧客食，有冇良心？咁樣做生意？將心比心你自己會食嘛？仲要冇跟進，一啲歉意都沒有

涼涼的天氣，吃煲仔飯絕對是不二之選。偏愛這家茶餐廳，因為店主親切招呼，店員服務貼心，會跟隨你的用餐進度上菜。煲仔飯的配料選擇相比其他食肆多很多，非常豐富，而且蠟味不油，非常好吃。滑雞非常嫩滑，加上有薑片和蔥段，整個煲仔飯就像一個藝術品般展現眼前。而且每次都吃到飯焦，脆脆的可口非常，這是其他食肆所沒有的穩定水準。跟餐的例湯是用湯碗盛載的，非常大碗，今晚是西洋菜南北杏，正好平衡煲仔飯的微熱氣。大家也可以選擇要飲品如奶茶咖啡等。

在銅鑼灣工作經常到區內不同菜式的餐廳醫肚，今日到左銳記茶餐廳叫左沙爹金菇肥牛河同雞絲炒飯一黎都賣相不錯👍又大碟底食，食落去味道好過附近的餐室雖然侍應服務就一般但食物就好食

銳記餐廳小廚應該是灣仔區比較穩打的茶餐廳在灣仔區工作 午餐要快靚正 都離不開地道茶餐廳 在我而言茶餐廳基本條件要多選擇 速度快 味道好 價錢合理而銳記餐廳小廚便符合了我的要求今天 選擇了碟頭飯之皇福建炒飯 $50-----------------吃過很多地方的福建炒飯選料都是草菇、菜心粒、瑤柱絲、肉粒及蝦仁而銳記餐廳小廚選料 比起其他的茶餐廳較多除了基本材料外，都有雞痺肉、西芹、蟹柳、叉燒等等口感味道豐富非常 而福建炒飯的靈魂 應該是飯的濃汁完完全全地把福建炒飯的豐富層次 加上了感嘆號另外一提 便是老闆娘對客人的熱誠有幾多個老闆 可以記得每個客人的口味呢?

天樂里開了一間新的茶餐廳。其不已經不是新，只是我一直都沒有入過所以當係新。所以，這一次入來《銳記餐廳小廚》，我的感覺就是新餐廳，新味道。此店的前身也是一間茶餐廳，所以內裡的裝潢變化不大。令我覺得不同的，是光猛了，同埋，檯同凳是新的。然而，基於此店的空間實在很細，所以整個環境依然是似曾相識的，而原因就是，檯同凳的擺法一樣。早餐時間來，見到他們力推羅宋湯通粉餐，所以我一坐低，就立即點了他們的雞扒羅宋湯螺絲粉。主角是羅宋湯，香甜又足料，螺絲粉沒有過腍，而雞扒是連皮的，又夠大片，是一個很一流的滿足。單是這一個早餐，我已經可大叫開心。奶茶，屬於不過不失的類型。味道一般，感覺一般，不需要過份的加許。不錯的羅宋湯螺絲粉，N日後來食過一次午餐，咖喱都令我滿意呀! 

快閃晚飯～好岩忙碌的香港人～講到快閃，點可以唔講快閃的佼佼者-茶餐廳呢～同同事博殺完～緊係黎個快閃晚餐先再返去抖下喇～同事話呢到的炒粉仔好出名，所以佢叫左呢個忌廉汁闊條面～偷食左一少少～忌廉味好重～闊條面偏淋～我就叫左茄汁焗雞扒飯～點解會話係heart 焗飯？因為佢個焗飯係炒底架！！好耐無食過炒底的焗飯，一食就諗返細個同屋企人去食茶餐廳果陣tim~個雞扒焗到有少少焦，好香但又唔會好乾。仲食到有肉汁架。。。正正正！

都係炒通粉，唔係間間茶記都有得食，同事之前灣仔發現，之後推介再成為飯堂，食開有感情，結業之後好懐念，今日終於可以再食番！重有廈門炒米、牛利焗飯、炒公仔麵⋯⋯好多、好多佢既食品值得推薦👍🏻值得一讚，係佢地有個素既羅宋湯通粉係冇肉，好啱啱一D食素既朋友，當然其他茶記有既野佢地都有。由於依家好多都係連所式餐廳，基本上對我地呢OL下午放飯冇乜得選擇，加上“姐姐”同老闆地真係堅正，所以一定回歸佢地既懷抱！