錫蘭 (軒尼詩道)

營業中

休息中

喺銅鑼灣嚟講都算係性價比較高嘅冰室產品味道唔錯重點係夠晒熱同埋地方都闊落 推BB車入去都ok所以都岩一家大小去全日選擇都ok 有常餐 有包 有小菜下次經過都可以係其中一個選擇

最近去咗一間銅鑼灣茶餐廳食早餐，環境幾舒服，座位安排唔錯，唔會太擠迫，適合同朋友傾計。鮮茄濃湯牛肉通粉我點咗一碗鮮茄濃湯牛肉通粉，湯底色澤紅艷，聞落去有濃濃嘅番茄香味。通粉煮得剛好，唔會過軟；牛肉切得薄薄一片，煮得嫩滑，搭配上香濃嘅湯，真係一流！火腿炒滑蛋跟住就試咗火腿炒滑蛋，蛋炒得好滑，完全冇油膩感，火腿味道濃郁，啖啖都係肉，簡直係完美早餐嘅一部分。丹麥多士最後，丹麥多士就係一個驚喜！外脆內軟，食落去甜而不膩，配合咖啡或者奶茶真係正！

平時晏晝最鍾意食佬飯😆😆😆叫碟小菜，有個湯，有個嘢飲，有個飯一餸一湯一飯一飲品👍👍👍👍呢間茶記就滿足到😃😃茶記每日都有幾個set 午餐除咗呢個之外，仲有啲常餐啦，湯粉麵，炒粉麵，應有盡有，你諗到嘅都有得食所以一諗唔到食咩，都會去依間茶餐廳今日食呢個就南瓜蒸排骨，以茶記呢個價錢嚟講，係幾出色湯就有中湯同西湯揀，我就鍾意飲中湯，佢每日都有唔同款，多數都會有啲料喺裏面，一啲都唔Hea👍

今日下午經過呢間茶餐廳。以前行過幾次都冇試過。今次就試吓啦。點知，試咗個雞尾包同埋蛋撻就後悔啦。雞尾包冇椰絲。淨係得個包，用放大鏡都可以睇唔到有椰絲。蛋撻就食以冇味。非常差。

老實講疫情後算係唔錯一間茶記，算好坐枱位都夠，但好耐冇去幫襯，今日望下唔使等乜濟就有位，一支公有所謂，從來都冇得自由擇坐位，搭枱都必然，就食個lunch叫鮮茄蛋牛飯+凍檸茶啦，理應好隱陣，好快有得食，熱辣辣，味唔錯，但係飯好硬，似生米，又似水唔夠煲求其叫係飯，茶記文化，不扭都係得過且過，要快係正常事，諗住多汁撈照食，最多一次冇下次，反正場內人面全非，想投訴最怕換一碟加料，最後硬食完結果真係胃痛，我諗都冇回頭，價錢唔算特別平，大把選擇。

平時食開沙嗲牛肉麵，覺得佢係灣仔區最好食嘅沙爹牛肉麵，早餐或常餐通常都係食佢，今日突然想食蕃茄湯牛肉通粉，驚覺點解要收$73蚊…先發現原來佢今日開始加收20%服務費…問題嚟喇，打電話叫外賣嘅時候，佢亦都冇通知我，我外賣係需要收取呢個服務費…堂食我都可以理解，因為不嬲都係咁，外賣我就真係唔係好明同埋唔係好服…收銀阿姐話佢今朝都畀人鬧到趴喺度喎…

黑椒牛扒炸蝦意粉，係今日午餐內C餐！☺️牛扒肉質鮮嫩，黑椒醬汁少少辣，特別入味！炸蝦入口鬆脆，不禁食完一口又一口！配中式湯,湯料也交足貨架！午餐仲有熱飲,奶茶茶味相當香濃！🎉外賣價$62👍🏻🥁

叫個下午茶，蕃茄焗豬扒飯，$50大元。啲豬扒非常低質。林到可以用湯匙切開。啲汁多到好似飲湯咁。跟住食食吓發現個飯底有塊紙巾。即刻冇晒胃口。可想而知個廚房有幾求其。

這是一間垃圾不過的餐廳，服務極差，食物平平無奇。見佢外觀設計不錯，某日約友人轉程去幫襯。食完不久，大媽女待應竟然收拾碗碟之後，大聲叫有人食完都唔走 🤬，我覺得極度受冒犯，非常沒有禮貌。我覺得這種情況，不是一個人的行為，而是整個餐廳的服務文化。另有客人入座，另一女大媽待應用廣東話問幾多人？看來人客是遊客，沒有反應就走了。大媽待應又大聲埋怨人客不答佢 😠。食完一肚氣 😡。這種情況下，還有誰會留在香港消費？

下午荼焗肉醬意粉足料有誠意奶茶有質素不過個黑衫經理令整個環境氣氛大打折扣成餐飯聽佢鬧伙計唔好比客自由坐, 一個一定要搭抬對住坐, 一係鬧伙計要一單走跟住成個場靜晒, 仲可以聽到個收銀阿姐講粗囗. 唉…講真”四寶”地方細過佢都唔駛嚴到呢個地步

香港經歷三年多疫情後，各行各業正踏入復蘇期，卻到處鬧人手慌！尤其飲食業和旅遊業，在這樣的情況下如何提震經濟呢！勞動人口究竟往哪兒去了？政府真的要想想辦法了啦！回歸正傳，請返食嘢近日茶餐廳食物水準下降⬇️，無論是食物味道，食材質和量都是越級下降！這間算是近年佳作，位於銅鑼灣，鵝頸橋附近，鮮茄蛋牛肉飯-$ 63 即煮，用料足，味道不錯，而且份量大。招呼一般般，不過不失

餐廳有兩層，一入去見樓梯冇欄住（如圖：正常見到條欄放埋左一邊都覺得上得去），行緊上樓梯個陣，個著黑色制服戴眼鏡中年男人問我地幾多位，我地話2個，佢就突然態度惡劣咁大喝、咆哮「上面未開呀、問過人先啦」食個飯行左上條冇欄住ge樓梯，咁就俾佢鬧。其實好聲好氣或者正常音量我都係會落番黎。其他職員就有禮貌ge,不過掩飾唔到同事個種惡劣態度。最嬲ge係，我地即刻落番去住order野食，過左陣個黑色制服行過我哋身邊話「你話上去就上去呀？」佢爆完我地，其實一句都冇話番佢轉頭，真係唔明究竟發生了什麼事。總結： 黑衫制服戴眼鏡職員態度極惡劣

平時都食開依間既 依間餐廳分兩層 平時地下人多 會坐上一層 今日見下面坐得差不多 加上天氣熱 諗住上去坐 一名穿黑色制服 似高級職員或店長 帶眼鏡 男士 大聲咆哮斥責我同朋友 點解上去 又話係你屋企丫？話上就上。你唔比上咪算lo 用好差既態度同語氣 比錢買難受 冇下次

中午趕時間食lunch，諗住快快脆食個茶記就算。於是就喺網上外賣平台 order咗外賣自取， 1:00落order， 個app話1:15有得攞。準時1:15去到，見未有外賣放係度，就企左係出面等左陣。5分鐘後入去問下，收銀個啊姐指住張吉嘅外賣枱話: “你睇到啦，我冇嘢比你啊”，心諗咩事…點解可以咁冇禮貌。再等多10分鐘，見到終於有外賣出嚟，滿心歡喜入去問，點知係我後面嘅order，心諗點解等咗咁耐仲未有，於是問個收銀姐姐可唔可以幫我跟進一下。佢話: “冇得幫你架，網上外賣平台唔係你㩒就有” …….哈哈真係無言。結果係等到1:45都未有，足足遲左半粒鐘，堂食都食完。最後，其實食茶記都唔期望服務好，只求快靚正，可惜佢哋全部都做唔到。

午飯時間只係想正常食個lunch，結果換嚟極差體驗。嘢食正常茶餐廳水平， 衛生情況普通， 可以接受。但係臨尾食到最後飲緊飲品， 俾個紅頭髮阿姐啤住， 啤足咁耐。由我未飲完， 啤到起身埋單。行咗出餐廳都仲繼續啤，好似同佢有仇咁。唔想食飯都俾人當係犯咁樣對待， 就千祈唔好揀呢間嘢。