錫記雲吞麵食

營業中

休息中

老公抽起條筋話想食雲吞麵，依家一碗要$30😩2餸飯都係28咋！不過佢話好耐冇食就陪下佢啦雲吞係ok嘅！大過粒乒乓波，入邊真係有原隻一隻蝦❤️但最大敗筆係個河粉，霉到一pat pat咁..早知叫米粉啦😩😩😩😮‍💨個辣椒油幾好食，有辣椒嘅香味！同埋都辣嘅~不過冇岀面個啲咁麻同辣環境不過佢個環境堅係有驚喜，3部風扇開晒，仲有2部空氣淨化器！地下係乾淨同乾爽🎉🎉🖖🏻店內夠光猛！有廁所，踎廁黎，但都算乾淨！

今日食到其實飽飽地，但又唔想叫人煮飯咁辛苦家人啦，所以呢。。。我還是最後決定去買腩河食，又有一期無黎食喇，想念辣辣滋味了。牛腩河行街26牛腩中夾了些少羌片，牛腩如常大大塊，不含太多小妹驚怕的肥膏或牛筋，然而，雖然成本加售價亦加，河粉質素沒下降，廿年前的味道，正是這種。河粉吸了自加的震店之寶辣油後，食味大增，已分不清是喜辣而食，愛四方件腩而吃，為河粉滑溜而點，還是思念已離開我們一家而另組家庭的爸爸兒時外賣女兒的温情味了，現在亭亭玉立的自己買面自己食，快樂開心什麼都不求人，想要什麼，自己爭取，人終歸要學懂生存之道，靠本人。

錫記，我細細個就聽過呢個名喇！點解？因為中學雞果時窮，同fd出街又無乜錢，行經太子都會食錫記，果時十幾蚊碗就有碗粉麵，的確好抵食架！依家雖然加左價，單餸$23都好平喇，味道無變，啲腩汁一樣甘正平時我會食雲吞同牛腩~多年來水準無變，腩汁好濃好好味，有屋企既味道！

記得去年8月剛駐紮香港的時候就總是在晚上10點左右光顧這家普普通通的粉麵店大大的紅色招牌外牆固然掛上醒目的招牌 將店中所能供應的所有菜式都清清楚楚的告訴路人記得第一次經過《錫記》就是被大大的手寫版廣告語所吸引！“招牌雲吞面 只要十六圓！！！” 比起那些裝修比較體面的茶餐廳之類 《錫記》的雲吞面的確是平了很多不過質素確實 麻麻地~記得第一次吃的是牛腩撈 20文吧 巨大的三四塊牛腩 煮到酥爛 用筷子輕輕一夾便會散 入味一般 算是過得去吧 不過整盤撈面見不到半片菜葉子 純肉+面。。。這個面那時真是印象深刻 純真的《堿水面》堿水味大到都懷疑我是在吃金屬了。。。第二次的印象依然停留在堿水面上。。。嘗試的是招牌雲吞面 那時真的很喜歡他們家的雲吞 做的非常實在~ 可是依然被《堿水面》以及超咸的湯水給破壞掉了！今天也許是真的餓了的緣故 竟然覺著《堿水面》有很大的進步 幾乎吃不到很大的堿水味了~另外雲吞的質素依然未變~大大的雲吞 皮薄（雖然過了幾多層）且滑溜每個雲吞里都包著3-4只小蝦！雖然很小~ 但只只分明看到得到”頭尾“ 非常完整 且小蝦相當有彈性！~ 另外混合在內陷里的豬肉也分明可見今日的湯水很不

錫記係差唔多兩星期就會食一次因為我每個星期都會係附近上英文堂如果趕時間，一定要黎喱度一落完單正常5分鐘一定比到你食埋快快趣幾個字就走得人環境都算幾闊落而全部單拼都係$15 (包括牛腩、牛筋、豬手等等)我見到一兩年前都好似仲係$10但冇辦法，物價係上漲左唔少但$15一碗面真係幾抵架今次我係叫左男友黎食佢話d 面 "皂水"味好重...不過又話比出面餐廳d料係多我就覺得幾好食d雲吞大大粒加埋醋好味我係會再食因為係方便抵食=]

首先重申，依家個價係13蚊單拼18蚊雙拼，油菜同汽水依然係6蚊。行過見到好多陳年報導，講當年鍚記只係10-11蚊左右一碗麵，噢，咁陳年o既野還不如親自一試，係咪？點左牛筋拼雲吞河，當時師傅正直食飯時間，不過都上得幾快。服務態度良好，要多蔥就真係多蔥，要點野要收錢亦即刻起身做野，而且個個阿姐都好好笑容。雲吞無報導講到咁誇張"有乒乓波咁大"，儘管如此，要o係裡面搵一隻爽口o既蝦都係有o既，亦唔算細粒（當然，比佢更大粒o既我都食過，之不過13蚊一碗唔可以太高要求）。牛筋煮得o岩o岩好，"林"身又未至於入口即化，但係腩汁太濃味唔係個個都o岩食。我自己無叫到油菜，睇對面個食客碗芥蘭都算嫩綠，6蚊值唔值就因人而異喇。PS: 唔知道呢間算唔算老店啦，呢個年代仲可以見到瓷匙瓷碗木筷子都算係奇景之一。

呢度既鯪魚球..牛根同雲吞好鬼死好食...鯪魚球大大粒..有D蔥係入面.....食落有口感..好好食...牛根整得夠晒淋...雲吞好岩我...雜誌介紹係打到D蝦起膠...冇加肥膏~岩晒我呢D怕肥既女士!價錢都只係$12單拼...$17雙拼...油菜都係$6,絕對抵食~

這店已經幫襯了很多次,因為以前在附近工作,覺得牛筋腩最好味,又夠腍,牛筋腩撈麵是我的至愛,不太大碟,只賣十七大元,份量不錯普通食量已夠飽,未起價前是十五元.簡直超值.地方很寛敞,座位擺得很鬆動,不會背貼背.是家庭式的作業模式,算有禮貌,不會黑面和趕客.稍為差的是麵有少許梘水味和湯底稍淡.雲吞和鮻魚球也很好.

星期一返學前行過砵蘭街, 見到鍚記雲吞麵食舖外寫著12元一碗粉麵, 咁平? 肚子有點餓, 試試無妨!入到去, 都差不多滿座, 地方都唔算迫, 搭枱坐都坐得很舒服; 我要了一碗雲吞河, 三粒雲吞, 雖然細細碗, 但粉都算多, 好過有d 食店得個碗大; 味道都唔錯, 好有舊式雲吞河的味道, 雲吞內的蝦和肉也很彈牙頗新鮮, 真係又平又好食! 我這個大食皇, 食一碗真係唔夠, 本來想食多碗, 但返學時間到了, 要下星期先來幫襯了!值得推介給大家!

最鐘意食佢地既鮮牛肉同大大粒既雲吞,佢地d雲吞真係好似"兵兵波"咁大粒,但佢地既賣點唔止係大粒,仲味道唔錯tim啊!!!d鮮牛肉亦好新鮮好夠味!!!油菜都好好味,因為通常粉麵好味嗰d,d油菜都唔得,但鍚記就兩樣都咁得!!!鍚記絕對係一間平/靚/正既選擇!!!

由於工作關係, 所以成日去太子D布行, 最近發現左間好野...而家每次去太子差唔多次次都去飲返碗麵牛丸米...D牛丸幾特別, 有少少似茶樓蒸牛肉丸, 但係比較彈牙同實, 比起勝利牛丸冇咁實, 我估似係手打, 都算大碗...幾飽仲有我至愛, 玻璃樽可樂!! 簡單快捷的午餐唔好講service, 亞姐掃地同你講唔該, 都好好啦..有機會看到老闆, 都可以學下佢做人態度, 永遠都係笑面迎人, 仲同D街坊講, "慢慢黎, 開心D!!"

本人好少去太子今次甘o岩經過又肚餓老豆就帶我同d親戚入左呢間野哇11蚊呀(最近由10蚊加到11蚊)心諗算啦解決到個肚就算我食左個雲吞米同我father就牛腩面唔算多雲吞3隻牛腩都幾多架整體味道唔錯份量o岩o岩好一個tea time最好的選擇得閒經過太子甘o岩又餓的話就可以入去試下^ ^

去到呢度一家要食牛筋腩撈$20 因為兩拼←我自己必食豬手面$10筋腩河$15鯪魚面$10唔好叫可樂因為玻璃支裝唔底,雀檬都ok冇炸魚皮食ga《不過食面都夠晒》唉. . .最近搬左去石硤尾不過我都會專程去太子食碭記