影片
港鐵銅鑼灣站 A 出口, 步行約1分鐘
繼續閱讀
電話號碼
24330888
開飯介紹
55年韓國辣炖雞湯傳統 (韓國雞湯，韓式小食，芝士炒飯，雞湯烏冬等等)
繼續閱讀
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
秋風起 就好想食韓式燉湯 今日黎到銅鑼灣百樂中心食韓式燉雞🐔 我地三個人叫左個大size韓式燉雞 有得揀清湯定辣湯 我地揀左辣湯 黎到係成鍋上 黎到要繼續煲住食 首先可以將少量蒜蓉加入到豉油 之後靜待幾分鐘等蒜蓉同薯仔更加入味先 一煲起就可以先飲左啖湯先 因為加左蒜蓉所以啖湯非常入味 湯入面仲有大量大蔥同洋蔥🧅 好清甜 仲有年糕作為伴湯 仲另外加左份刀削麵 食到一半先再加湯煮 好掛面 吸哂啲湯嘅精華！我地另外仲叫左雞腳 低估左個辣度 要即刻叫野食 不過係非常惹味 什錦煎餅 包哂海鮮煎餅 薯仔煎餅 同泡菜煎餅 煎餅好出色 唔會好厚粉 size岩岩好 煎到表面金黃色 入面又好軟糯 好食！
繼續閱讀
今次搵到間係銅鑼灣同尖沙咀都有分店既元祖炖雞, 呢度主打辣既炖雞, 不過都有唔辣既選擇😎韓式雞肉火鍋🐓($368/$478)呢款係唔辣既湯底, 有大量既大蔥, 煮到腍曬既薯仔, 半隻雞肉, 湯底好清甜唔味精, 最後攞曬啲精華黎煮粥($40)真係勁好食, 想要紫菜既可以另外加錢😋 想食辣既話可以另外加辣醬同蒜蓉, 雞肉點個醬油會更加鮮味☺️粉色清河 🍶($68)呢款結合葡萄酒, 清酒同氣泡水既韓國酒哋道偏酸, 帶有淡淡既花香, 酒精濃度唔高所以好啱想小酌一杯既朋友😎雖然未去到韓國既咁好食, 但係香港有呢個水準已經唔錯, 未去到韓國既可以食住止下癮先🤗
繼續閱讀
銅鑼灣韓國元祖辣燉雞店 還原韓國風味 連湯底都飲得 係韓國好出名 有近幾十間分店 吸引去試試.當然要叫一個招牌⭐️辣燉雞湯 大$478 細$368如果午市半隻雞 只係$190 都已經幾大份望落都幾大鍋 可以話係韓國版嘅雞煲上菜時雞肉已經煮熟 輕輕加熱就可以開始食‼️一定要先飲一啖湯 有韓式辣椒 大蔥 蒜蓉調味默認唔係好辣 仲有三個辣度選擇🥰適合平時鍾意飲泡菜湯嘅朋友🥰雞肉上菜時已經岩岩好 肉嫩juicy‼️可以唔洗開大火 會有最佳體驗入面仲有薯仔 年糕等配料食到最後 可以加一個⭐️白飯$15吸湯或加一份⭐️芝士炒飯$50 拉絲效果滿分仲有芽菜蘿蔔都係任添咁樣已經超飽 大滿足.除此之外 其他韓或小食都唔錯⭐️辣炒小章魚$130爆醬 章魚彈牙入味 小小辣⭐️雞蛋火腿紫菜飯團$50都好大份 大概整到8個飯團配料紫菜 火腿都勁多 每次韓國餐廳 都鐘意食大量紫菜⭐️韓式魚糕湯$75魚串串都係必點 每次去韓國旅行 街邊都要食番2串飲品 唔同韓式燒酒都有齊懷念 食完又想去韓國旅行啦.#鐘路雞林辣炖雞湯元祖 (銅鑼灣) 地址：銅鑼灣耀華街3號百樂中心7樓（尖沙咀）地址：尖沙咀金巴利道46-48號東匯大廈地下低層.⭐️評分：味道：4/5環境：4/5服務：4/5抵食：4/5
繼續閱讀
星期四夜晚嚟到唔算多人，啱晒同朋友嚟吹住水食好嘢🥳 一坐低已經有位女店員好好笑容咁問我哋有冇嚟過，知道我哋冇嚟過之後就同我哋介紹下個餐牌，同時又有提供即棄圍裙、醃製蘿蔔同埋芽菜，算係幾貼心嘅服務。 辣炖雞湯 (S) ($328) + 芝士炒飯 ($50)我哋兩個人叫咗個細嘅，本身聽到有一隻雞都有啲擔心，但係食落又覺得份量啱啱好🤣 辣度方面，我哋揀咗普通🌶️，睇落好刺激，但係食落的確唔太辣（根據店員嘅介紹，大概係十小辣）。雞湯入面除咗雞之外，仲有大量年糕、大蔥、薯仔等等嘅配料。女店員上菜時有問我哋想將啲蒜蓉撈落去湯底，定係放落醬油度，又有詳細教我哋點食，值得一讚～初初食年糕覺得唔夠入味，但係就已經夠晒煙韌，去到後期再食入晒味就正好多😍 雞肉做到骨肉分離，唔會太過嚡／韌，點埋個醬油就更加好食～唯一嘅缺點係，個鍋滾得耐咗會令到啲雞肉有少少🤏🏼太過濃味。食到咁上下，店員留意到我哋啲湯就嚟冇晒，於是問我哋打唔打算加炒飯，話如果唔加炒飯就可以幫我哋再加湯。結果我哋抵擋唔住芝士🧀嘅吸引力，加咗個芝士炒飯😆 店員係用返我哋個湯底嚟炒嗰個飯，啲芝士拉晒絲咁，好正😋 不過可能因為啲飯比較吸湯，個飯係辣過本身個湯少少嘅。 紫菜粉絲卷 ($45)係紫菜包住一堆粉絲，然後成舊拎去炸🔥 紫菜都仲有少少脆，本身以為入面啲粉絲都應該仲有少少煙煙韌韌，估唔到係軟淋淋咁樣，又幾得意😋唯一可以挑剔嘅地方就係略嫌炸粉有啲啲厚，如果可以再薄少少就完美喇！ 韓式糖餅 ($50)未食過糖餅，又見佢餐牌有隻手指公，所以就嗌嚟試下。餅皮脆脆哋，但係咬落就煙煙韌韌咁，入面個餡都幾重黑糖味，但係又唔會太甜，唔錯唔錯🤤總括而言嚟講，今次係個唔錯嘅體驗，食物好食得嚟份量又好足，店員服務態度亦都好好，下次再想食韓國菜的話一定會再幫襯！👍🏼
繼續閱讀
自從係韓國食完「一隻雞」之後就一直對佢嘅味道念念不忘😳🥹見到香港都開咗類似嘅餐廳，bookmark 咗好耐，個日就專登過去試下🇰🇷🤩辣炖火鍋（S）$368餐廳有原味同辣味俾我哋揀，因為同行友人怕原味會冇味，所以我哋就揀咗辣炖火鍋🌶️🍲店員推介我哋2 個人就叫S，不過都有一隻雞🤣🐓上面有勁多蒜，店員提議我哋夾啲蒜落個點雞肉嘅醬油度，加蒜會更好味💗個鍋望落好似好辣紅卜卜，但食落都唔會好辣，有少少辣味刺激，都幾惹味😝不過啲雞肉除咗雞髀之外，都比較「鞋」...尤其是係雞胸，唔知係咪煲得太耐...🥲而且隻雞都唔算大隻，所以份量我覺得啱啱好煲入面仲有韓國年糕，不過年糕就唔太煙靭，口感欠奉，有啲硬同細條...反而入面我最冇期待嘅薯仔就最有驚喜🥔因為佢索哂啲湯汁，而且煲咗好耐所以淋哂，好食到爭住食🤣最後我哋雖然好飽，但都叫多咗個烏冬，唔好蹝咗個湯底🫣.如果冇係韓國食過類似嘅，其實我覺得係唔錯的，但有對比有傷害，所以下次如果我真係想再食，我都係會去韓國先食，因為都真係有分別🥲🥲
繼續閱讀
您可能會有興趣的...